Притоа, тој повтори дека без целосно усогласување со Договорот во однос на името, Грција нема да ги ратификува меморандумите и нема да има напредок во ЕУ перспективата на земјава.

Коментирајќи ги изјавите на лидерот на ВМРО-ДПМНЕ Христијан Мицкоски, Мицотакис посочи дека станува збор за „изјави на мандатарот за премиер“ и дека ќе ги чекаат официјалните ставови на новата Влада, но потенцираше дека „првите примери на однесувањето се исклучително негативни“.

– Во јадрото на Договорот на Преспа се наоѓа смислата на едно име, она што го нарекуваме ерга омнес, името Северна Македонија да важи за сите, односно да се користи и во надворешноста и во внатрешноста на земјата – рече Мицотакис.

Тој потсети дека неговата партија не гласаше за Договорот од Преспа, бидејќи имаа приговори „за фактот што овој Договор обезбедува македонска нација и македонски јазик“, што воедно, според Мицотакис било и главната причина зошто не го поддржаа Договорот.

-Во прашањето за името има едно јасно уназадување и сакам уште еднаш да испратам порака со предупредување до новата Влада, уште од сега, да ја смени нејзината линија, да ја почитува централната одредба на Договорот од Преспа, да го користи само името Северна Македонија во и вон земјата кога станува збор за нашиот северен сосед, а во спротивно, сигурно е дека ќе создадат проблеми, не само во односите со Грција на Северна Македонија, туку и во односите на Европа со Северна Македонија – рече Мицотакис.

Тој се осврна и на реакциите од ЕУ за употребата на името Македонија од претседателката Сиљановска Давкова на инаугурацијата, откривајќи дека „беа резултат на интервенциите на грчката Влада“, дека „тоа не дојде само по себе“, туку тој лично интервенирал за да го информира раководството на Европската Унија, а ги посочи и реакциите од САД.

-Па така верувам дека ќе има колективен притисок врз раководството на Северна Македонија за да не постои значајно уназадување – рече грчкиот премиер.

Во утринското интервју за ЕРТ, Мицотакис ги повтори и следните чекори на Владата, односно реакцијата на официјална Атина, она што и вчера го порача од митингот во градот Верија, дека нема да се ратификуваат меморандумите и дека ќе има проблеми на патот на земјата кон ЕУ.

– Она што сигурно ќе го сториме е дека нема да ги донесеме за ратификација трите меморандуми што произлегуваат од Договорот и сега целосно се оправдува нашата позиција да го задоцниме ратификување. Ние веќе извесно време гледавме што се случуваше во Северна Македонија, го слушавме овој националистички пароксизам на ВМРО, знаевме дека ВМРО ќе победи на изборите и сакавме и ние да задржиме некои суштински преговарачки оружја во случај работите да не одат како што се очекува – рече Мицотакис, пренесе МИА.

Мицотакис ја коментираше и одлуката на СИРИЗА да ги донесе во Парламентот трите меморандуми, велејќи дека е „несфатливо на границите на политичкиот и дипломатскиот апсурдност“, сега да се достават, во моменти кога „Скопје следи целосно различна линија“.

-Второто што ќе го направиме, веќе го сторивме, апсолутно јасно да ставиме на знаење дека никаков напредок во овој, би рекол, долг пат на Скопје кон Европа, не може да се постигне. ако не постои апсолутно усогласување со Договорот од Преспа во прашањето со името – истакна грчкиот премиер.

The post ВЛАДАТА ДА ГО КОРИСТИ НОВОТО ИМЕ НА ДРЖАВАТА „ЕРГА ОМНЕС“ Мицотакис кажа што ќе се случува, ако не се почитува договорот од Преспа appeared first on plusinfo.mk.

Повеќе од 100.000 граѓани на земјава, коишто немаат важечка лична карта, a имаат пасош со старото име на државата, нема да можат да го остварат своето основно право на глас на следните парламентарни и претседателски избори, вели техничкиот министер за внатрешни работи Панче Тошковски во неговото гостување на ТВ Алфа.

– Станува збор за минимум 100.000 граѓани кои што имаат важечка, односно неважечка патна исправа со старото име на државата кои што заради овие 54 пратеници нема да можат да го остварат своето право на глас. Зошто не може да го остварат? Затоа што овие над 100.000 граѓани, резиденти над 18 години, согласно последните проверки кои што ми ги дадоа луѓето од министерство, немаат лична карта и единствено со пасош може да се легитимираат во рамки на избори за остварување на своето право на глас. Дали не сте загрижени дека единственото логично образложение зошто овие 54 пратеници не гласале е класичен изборен инженеринг на овие парламентарни и претседателски избори? 100.000 луѓе е фрапантна бројка имајќи предвид кој е бројот на државјани на Република Македонија и кој е бројот на оние граѓани кои што имаат важечки документи за идентификација – рече Тошковски.

Министерот Тошковски јавно упати прашање до пратениците од владејачкото мнозинство дали 54-те пратеници кои не ги поддржаа законските измени за патни исправи се вклучени во изборен инженеринг со којшто се дискриминираат граѓаните на кои што оваа држава им издала важечка патна исправа, а сепак не можат да го остварат своето основно право на глас.

The post ПОВЕЌЕ ОД 100.000 ГРАЃАНИ НЕМА ДА МОЖАТ ДА ГЛАСААТ НА ИЗБОРИТЕ! Министерот Тошковски тврди дека е извршен изборен инженеринг appeared first on plusinfo.mk.

МВР денеска соопшти дека од 13 февруари важат само пасошите со новото име. Не важат и сообраќајните дозволи за возилата без новото име.

– Според Законот за безбедност во сообраќајот возачките дозволи со Република Македонија нема да важат ни за внатрешна ни за надворешна употреба. Ни во Македонија, ниту надвор од Македонија. МВР нема да казнува, но во случај на сообраќајна несреќа осигурителните компании ќе имаат право на регрес. Ова е невидена грозотија која ни се случува.

Многу ми е жал за ова што им се случува на македонските граѓани заради сервилноста на високи функционери на оваа влада кон сопствената држава, кон сопствените граѓание – рече Тошковски.

Според него, ако има политичка воља решение има со измени во Законот за патни исправи и во Законот за безбедност во сообраќајот.

– Измените ги подготвив. Тука се. Готови се. Кога пред моите колеги ги предложив овие измени, бев опструиран, министрите ми велеа дека ќе сме прекршеле меѓународен договор. Ова што го предлагам е согласно сите меѓународни акти кои ги гарантираат основните човекови прави. Вака го кршиме основното човеково право на движење, оневозможуваме излез од државата со валидна патна исправа. Нема кршење на меѓународни договори ако се усогласат техничките рокови од Преспанскиот договор врз основа на објективните човекови и технички капацитети на Македонија. Може да се бараат нови рокови. Со меѓународен билатерален договор не смее да се кршат човекови права. Ова е резултат на незнаење и неодговорност на властите. Ова што се случува е флагрантно кршење на човековите права. Ова е страшно. Не можам дури ни да поверувам. Грција нема право да го поништи пасошот. Обрасци немаме. Состојбата е алармантна – рече Тошковски.

Министерот ги повика граѓаните кои треба да вадат само лична карта, но и оние што веќе имаат закажано термин за фотографирање заклучно со декември, да не се јавуваат на телефонскиот број за да тој не се оптеретува, затоа што како што рече приемот на повици вчера достигнал до 500 телефонски јавувања во секунда

Според Тошковски, со пратката која се очекува до крајот на овој месец, ќе се комплетираат 250 илјади обрасци, а наредната пратка, рече дека ќе биде кон крајот на јуни или почетокот на јули.

Тој додаде дека поддржува рефундација на средства за сите оние граѓани кои извадиле лични документи кои им биле важечки и тоа, како што рече, со камата.

The post ОВА Е НЕВИДЕНА ГРОЗОТИЈА, ГРАЃАНИТЕ СЕ ЗАТВОРЕНИ ВО ЗЕМЈАВА! Тошковски вели дека има решение за пасошите, но другите министри го опструираат appeared first on plusinfo.mk.

„Министерството за внатрешни работи ги известува граѓаните дека пунктот за промена на лични документи без закажување во Полициската станица „Пролет” во Скопје ќе работи и на 18.11.2023 (сабота) и 19.11.2023 (недела) од 08 до 16 часот. Граѓаните кои сакаат да направат промена на личните документи во овој пункт, тоа можат да го направат без претходно закажување“, пишува во соопштението од министерството.

Оттаму додаваат дека на викендов пунктот ќе работи со скратено работно време, односно од 08 до 16 часот, за разлика од работните денови кога тоа може да го сторат до 18 часот, а по потреба времето може да се зголеми за дополнителни два часа.

РЕДОТ Е СЀ ПОДОЛГ Скопјани ѕемнат со часови за да се сликаат

The post ДОБРА ВЕСТ ЗА СКОПЈАНИ И викендов ќе има фотографирање без закажување за лични документи appeared first on plusinfo.mk.

Претходно индискиот претседател Драупади Мурму испрати покани за вечерата на Г20 каде што се претстави како лидер на Бхарат.

Индиските медиуми тогаш објавија, повикувајќи се на извори, дека индиската влада ја разгледува можноста за промена на името на земјата во Бхарат и дека ова прашање ќе биде изнесено пред парламентот на посебна седница од 18 до 22 септември.

Одлуката на Мурму да го користи името на земјата на хинди и можноста за нејзино преименување беа отфрлени од опозициските партии, од кои многу се приклучија на новоформираниот блок I.N.D.I.A. за изборите во 2024 година.

Моди одржа состанок на владата оваа недела на кој разговараше за подготовките за самитот на Г20 и им наложи на своите министри да се воздржат од расправа за можното преименување на Индија во Бхарат, изјавија информирани извори за индиски Хиндустан Тајмс.

The post ИНДИЈА СТАНУВА БХАРАТ Индискиот премиер на Самитот на Г20 го претстави новото име на земјата appeared first on plusinfo.mk.

Законот е дел од уставните измени што ги потпиша Токаев, меѓу кои и продолжување на претседателскиот мандат на седум години без можност за реизбор. Досега мандатот на шефот на државата беше пет години со можност за реизбор.

Парламентот на Казахстан вчера гласаше и ги усвои уставните амандмани.

Астана од 2019 година беше именувана во Нурсултан, во чест на поранешниот Нурсултан Назарбаев. Промената на името на главниот град на Казахстан е индикатор за дистанцирање од Назарбаев.

The post НОВОТО ИМЕ НЕ ИЗДРЖА ДОЛГО Главниот град на Казахстан повторно ќе се вика Астана appeared first on plusinfo.mk.

Ова е ставот на скопскиот Институт Јунус Емре за ова прашање. Но, како што велат од таму за Плусинфо, тоа е и официјалниот став на Турција, која вчера се запиша во Обединетите Нации под името Туркије.

Во турскиот јазик постои двогласникот „ü“, но на македонски тој се транскрибира во „у“ и така и ќе остане, објаснуваат од Институтот.

До промена на името на Турција дојде откако министерот Мевлут Чавушголу му напиша писмо на генералниот секретар на ООН Антонио Гутереш, јавува Анадолија.  Името Türkiye, како што и самите Турци ја нарекуваат Турција, се очекува да биде прифатено од сите земји. Уште во февруари годинава претседателот Ердоган изјави дека името „на најдобар начин ја претставува и изразува културата, цивилизацијата и вредностите на турската нација“.

Лингвистот Игор Радев за начинот на кој новото име треба да се пишува и изговара во македонскиот јазик вели:

– Ние ќе се водиме од фонетиката на нашиот македонски јазик. Веројатно само во официјална кореспонденција што се врши на англиски јазик, Турција (сега Turkey) ќе се замени со Туркије (Türkiye). Ние гласот „ü“ и да сакаме не можеме да го изговориме, затоа што тој глас не постои во македонскиот јазик. Не можеме да ја менуваме фонетиката на сопствениот јазик.

И не треба, објаснува Институтот Јунус Емре. Гласот „ü“ на македонски јазик ќе се изгоивара како и досега – како „у“.

Малата лингвистичка дилема се појави и поради фактот што именката Турција, со којашто во македонскиот јазик се именува Туркије, не создржи пежоративни елементи како во именката Turkey на англиски јазик, која може да има и друго значење – мисирка. Именката Турција нема такви и слични значења.

Но ете, дилемата се расчисти. Од сега Турција и на македонски јазик ќе биде Туркије.

Нека е честито новото име!

The post ЕВЕ КАКО ЌЕ ЈА ВИКАМЕ ТУРЦИЈА НА МАКЕДОНСКИ ЈАЗИК Институтот Јунус Емре од Скопје ги расчисти дилемите appeared first on plusinfo.mk.

Претходно овој месец турскиот претседател Реџеп Таип Ердоган објави соопштение во кое се наведува дека меѓународно признатото име на земјата се менува од „Турција“ во „Туркије“ („Turkey“ u „Turkiye), појасни телевизијата.

„Зборот ‘Туркије’ на најдобар начин ги претставува и изразува културата, цивилизацијата и вредностите на турската нација“, се вели во соопштението.

На турски земјата се нарекува Туркије.

Земјата го прифати името по стекнувањето независност од западните сили во 1923 година, кои привремено ја окупираа.

Низ историјата, Европејците ја знаеле како османлиска држава, а потоа ја познавале под многу варијации на зборот „Турција“. Името што остана најмногу беше на латински „Turquia“, а најприсутно беше „Turkey“.

Според речникот на Кембриџ, зборот „Турција“ се дефинира како „нешто што лошо паѓа“, или „глупава“ или „смешна личност“.

Огромното мнозинство луѓе во Турција веруваат дека именување на земја според нејзината локална варијација има смисла и е во согласност со целите на земјата да одреди како другите треба да ја идентификуваат.

Во согласност со тоа, неодамнешното соопштение јасно стави до знаење дека во контекст на зајакнување на брендот „Turkiye“, во сите видови активности и кореспонденции, особено во официјалните односи со други земји и меѓународни институции и организации, ќе се користи терминот „Türkiye“ наместо изрази како што се „‘Turkey’, ‘Turkei“, ‘Turquie’ и така натаму“.

The post ТУРЦИЈА СТАНУВА ТУРКИЈЕ Ердоган ја ребрендира земјата appeared first on plusinfo.mk.

Социјалната мрежа ќе го задржи своето име, а отсега компанијата Мета ќе биде сопственик на три големи брендови: Facebook, Instagram и WhatsApp.

Ребрендирањето би можело да биде дел од обидот да се спаси угледот на Facebook, и да се оддалечи компанијата од бројните скандали кои се случија неодамна, коментираат светските медиуми.

– Знам дека некои луѓе ќе речат дека ова не е време да се фокусираме на иднината и сакам да нагласам дека има важни прашања на кои треба да се работи сега. Секогаш ќе има – рече Закерберг за време на конференцијата за виртуелна и проширена реалност.

Тој рече дека не е сигурен дека за многу луѓе некогаш ќе биде добро време да се фокусираат на иднината.

– Но, исто така знам дека има многумина од вас кои се чувствуваат исто како и јас. Живееме за она што го градиме. Иако грешиме, продолжуваме да учиме и да градиме и да одиме напред – нагласи Закерберг.

The post ОФИЦИЈАЛНО, ФЕЈСБУК ИМА НОВО ИМЕ Закерберг го соопшти новиот бренд appeared first on plusinfo.mk.

Фејсбук планира да го промени своето трговско име следната недела, објави блогот „Верџ“ на „Вокс медија“, повикувајќи се на добро информиран извор.

Целта, наводно, е сосредоточеност на концептот на извршниот директор на Фејсбук, Марк Закерберг.

Закерберг, наводно, планира да говори за промената на името, на годинешната конференција на компанијата на 28 октомври, но веста може да биде објавена и порано.

Ребрендирањето најверојатно ќе го постави Фејсбук како еден од повеќето производи на „компанијата мајка“, којашто исто така ги контролира и Инстаграм, Ватсап, Окјулус и другите. Засега не се соопштува кое е новото име.

The post ФЕЈСБУК ГО МЕНУВА ИМЕТО Закерберг планира да ја ребрендира социјалната мрежа appeared first on plusinfo.mk.