Почина Лилјана Алтипармакова, долгогодишна новинарка и уредничка во Македонската радио-телевизија, соопшти нејзиното семејство.

Алтипармакова целиот работен век го помина во јавниот сервис, каде што работеше како спикерка, новинарка и уредничка, оставајќи значаен белег во македонското новинарство и медиумскиот простор.

Погребот ќе се одржи утре (22 април) во 11.30 часот на гробиштата „Бутел“ во Скопје.

The post ПОЧИНА НОВИНАРКАТА ЛИЛЈАНА АЛТИПАРМАКОВА Целиот работен век го помина во МТВ appeared first on plusinfo.mk.

По долго боледување почина новинарката и уредничка Гордана Дувњак, една од препознатливите фигури во македонското новинарство, особено во областа на политиката и правосудството.

Својата новинарска кариера Дувњак ја започна во 1988 година во Македонската радио-телевизија, каде работела две години. Од 1991 до 1999 година беше дел од редакцијата на „Нова Македонија“, по што следува долгогодишниот ангажман во „Утрински весник“, каде работеше како новинарка и уредничка во периодот од 1999 до 2017 година.

Професионалниот пат го продолжи во порталот „Макфакс“ во 2017 година, а една година подоцна стана дел од телевизијата „1ТВ“, каде исто така извршуваше уредничка функција. Од 2019 година работеше во неделникот „Фокус“.

Веста за нејзината смрт ја објави нејзиниот син Мартин Дувњак со емотивна порака, во која ја опишува како „жена борец, мајка каква што секое дете може само да посака и врвен професионалец“.

„Се одјави нашата мајка, жена, кралица Гордана Дувњак. Жена која што не ја сакаше и почитуваше само тој што ја немаше запознаено. Врвен професионалец и новинар кој беше пример за чесност, љубов кон професијата и став“, напиша тој.

Семејството истакнува дека таа била столб и поддршка, посветена мајка која „дала сè за да изведе луѓе на вистинскиот пат“.

Погребот ќе се одржи утре (среда) во 11 часот во капелата во Бутел, а во 12 часот на гробиштата во Бутел.

Со нејзиното заминување, македонското новинарство губи искусен и посветен професионалец, чиј придонес ќе остане трајно запаметен.

Дувњак не напушти на 61 година.

The post ПОЧИНА ИСТАКНАТАТА МАКЕДОНСКА НОВИНАРКА ГОРДАНА ДУВЊАК Беше посветен професионалец со големо искуство appeared first on plusinfo.mk.

За време на прес-конференцијата во понеделник, 8 декември, во Белата куќа во Вашингтон, американскиот претседател Доналд Трамп влезе во вербална расправија со новинарката на „ABC News“, Рејчел Скот, поради тензиите меѓу Венецуела и САД, објавува британскиот „Mirror“.

Расправијата избувна откако таа праша дали ќе објави снимки од воена операција против брод за кој се тврди дека шверцува дрога, кој ѝ припаѓал на Венецуела.

Таа го праша американскиот претседател дали ќе му наложи на министерот за одбрана да објави снимки од целиот напад. На Трамп не му се допадна прашањето и реагираше бурно.

Trump crashes out at journalist after being questioned on illegal boat strikes: “You are a terrible reporter” #trump #america #news pic.twitter.com/VVBLMy4W04

— Rant Bot (@rantbotnews) December 9, 2025

– Никогаш не го кажав тоа. Ти го кажа тоа, не го кажав тоа. Ова се лажни вести на „ABC“ – рече Трамп.

Новинарката продолжи да инсистира да добие одговор на нејзиното прашање. Потоа тој го подигна гласот.

– Ти си најнапорна новинарка во просторијата. Ти си напорна, ти си ужасен новинар – објасни Трамп.

Ова не е прв пат Трамп да се вклучи во жестоки расправии со американски новинарки. Неговото однесување предизвика широка јавна осуда поради неговите навреди кон новинарките за прашањата што ги поставуваат.

The post 📽️ „УЖАСНА СИ, НАЈДОСАДНА СИ ВО ПРОСТОРИЈАТА“ Трамп се налути на прашањето на новинарка, а потоа брутално ја навреди appeared first on plusinfo.mk.

На брифинг во врска со пукањето во Белата куќа, новинарка го праша претседателот Доналд Трамп зошто ја обвинува администрацијата на неговиот претходник Џо Бајден за пукањето во Вашингтон.

– Затоа што тие ги пуштија да влезат. Дали си ти глупава? Дојдоа со авион, заедно си илјадници луѓе кои не би требало да се тука, а ти поставуваш прашања затоа што си глупава личност. Донесен е закон со кој речиси е невозможно да ги истераш, еднаш кога веќе се тука, не можеш да ги истераш. А дојдени се непроверени, неконтролирани, ги има многу, дојдоа со голем авион, и тоа беше за срамота – одговори Трамп.

The post 🎥 ДАЛИ СИ ТИ ГЛУПАВА? Трамп упати прашање до новинарка, а потоа следеше реторички заклучок appeared first on plusinfo.mk.

Американскиот претседател Доналд Трамп повторно предизвикал лавина реакции откако во жив пренос ја нарекол новинарката „свиња“ откако таа го прашала за неговата поврзаност со е-поштите на покојниот финансиски измамник и осуден сексуален престапник Џефри Епстајн.

Настанот се случил неколку дена пред Трамп да ја промени својата позиција за објавата на т.н. Епстајнови досиеја, јави Би-Би-Си.

„Заќути, заќути свињо“, вели Трамп снимен во претседателскиот авион „Ер Форс Уан“.

Трамп подоцна, на 1 6 ноември, ги повика конгресмените да гласаат за јавно објавување на документите. Според извештајот, се очекува Претставничкиот дом да ја изгласа мерката уште денес.

Некои аналитичари коментираа дека Трамп попуштил под силен притисок од јавноста и од редови на сопствената Републиканска партија, која барала целосна транспарентност за случајот со Епстајн.

Контроверзните документи за Епстајн, кои содржат преписки и листи на влијателни лица, веќе со месеци го оптоваруваат имиџот на Белата куќа. Иако нема официјални потврди дека Трамп е директно вмешан, фактот што неговото име се споменува во електронска преписка предизвика нов бран шпекулации.

The post 📽️ ПРЕД ДА СЕ ПРЕМИСЛИ ЗА ЕПСТАЈН, ТРАМП НАРЕКОЛ НОВИНАРКА СВИЊА Заќути, заќути, вели шефот на САД appeared first on plusinfo.mk.

На 60-годишна возраст, почина долгогодишната новинарка и одговорен уредник на сателитскиот сервис на МТВ1, Јулијана Тануровска.

Тануровска целата своја новинарска кариера ја посвети на МРТВ, и како репортер и како уредник во информативната програма и на сателитскиот сервис, детално и со прецизен новинарски израз обработувајќи ги темите, во најголем дел од сферата на образованието и на црквата.

Колегите и семејството на Тануровска се простуваат од неа на социјалните мрежи.

Погребот ќе се одржи в недела на Градските гробишта во Бутел.

The post ПОЧИНА НОВИНАРКАТА ЈУЛИЈАНА ТАНУРОВСКА Беше одговорен уредник во МТВ appeared first on plusinfo.mk.

Во свет каде што женската нога не смее ни да стапне, таа чекорела слободно. Облечена како монах, со маска купена во Истанбул и со решителност каква што ретко се среќава, француската новинарка Мариз Шоази во 1931 година поминала еден месец на Света Гора, машката тврдина на православието, каде што пристапот за жени е строго забранет уште од 10 век.

Мариз не била обична репортерка. Родена во 1903 година во францускиот департман Пиринејски-Атлантик, таа пораснала во богато семејство и се школувала во Кембриџ. Била интелектуалка со страст за психологија, езотеризам и за филозофија. Но пред сè – била храбра жена со перо кое копа под површината, секогаш подготвена да оди таму каде што другите не би се осмелиле.

Во 1927 година дури и побарала анализа од Сигмунд Фројд, кој веднаш погодил дека е вонбрачно дете – без претходно да знае ништо за неа. Набргу потоа, Мариз тргнала по сопствени мисии на самоспознание.

Поминала 30 дена на Света Гора, преправена во млад монах

Најконтроверзниот дел од нејзината кариера е токму оној кога влегла на Атос – полуостровот на Халкидики каде што живеат околу 2.500 монаси и каде што жените немаат пристап ниту како туристки ниту како вернички. Според христијанската традиција, овој простор е посветен на Пресвета Богородица, која единствена од женски род има симболично присуство таму. Сите други жени се непожелни.

Знаејќи ја оваа забрана, Мариз сфатила дека само со лажен идентитет може да стигне до таму. Се преправила во млад монах и поминала 30 дена на Света Гора, живеејќи, спиејќи и разговарајќи со монасите – без никој да ја разоткрие.

Конфликт меѓу духовниот завет и сексуалноста

Своето искуство го опишала во книгата „Еден месец меѓу мажите“, каде што отворено зборува за духовниот и за психолошкиот свет што го затекнала зад ѕидовите на манастирите. Била фасцинирана од аскетизмот и од мирот, но не останала слепа за внатрешните борби на монасите – нивната изолација, нивните искушенија, па дури и нивните исповеди за телесна желба и каење.

„Монахот што излегол од жената се губи во контакт со жената,“ гласи епиграфот на нејзината книга, алудирајќи на постојаната напнатост помеѓу духовниот завет и телесната човечност. Таа пишува и за влијанието на сексуалната сублимација во монашкиот живот – тема која ја интересирала длабоко, не само како жена, туку како филозоф и како психоаналитички набљудувач.

Реакцијата на Света Гора била остро негирање. Монашката заедница тврдела дека е невозможно жена да помине толку време меѓу нив без да биде забележана. Но, никој не понудил докази дека таа лажела, а фотографиите од Мариз, облечена како монах, на самиот почеток од книгата, сведочат за нејзиниот подвиг.

Мариз Шоази починала во 1979 година, оставајќи зад себе богата библиографија и духовно наследство во кое се спојуваат храброста, новинарската истрајност и филозофската длабочина.

Света Гора можеби ја избришала од своите хроники, но историјата не може да ја заборави жената што ѝ се приближила најблиску.

Божествено, но забрането место

Света Гора, духовното срце на православниот христијански свет, е составена од 20 манастири и се наоѓа на полуостровот Атос – третиот крак на Халкидики. Овој простор зрачи со светост и со мистичност уште од древни времиња, но за да се посети, неопходна е специјална дозвола. Едно од најстрогите и најпознатите правила е дека на оваа света земја не смее да стапне ниедна жена – правило што се почитува со векови, иако во историјата се забележани ретки исклучоци.

Според легендата, Пресвета Богородица некогаш патувала кон Кипар во придружба на апостол Јован, кога ги зафатила силна бура. Принудени да бараат засолниште, пристигнале на Атос, во близина на денешниот манастир Ивирон. Богородица била маѓепсана од убавината и од тишината на местото, па го благословила и го замолила својот син, Исус Христос, да ѝ го подари полуостровот.

Иако правилото е строго, во 2019 година јавноста беше изненадена кога беа пронајдени човечки останки на жена под капелата на Свети Атанасиј во манастирот Пантократор на Света Гора. Веста отвори низа прашања – која била таа жена и дали е првата што била погребана на овој свет монахов полуостров?

Историските записи сведочат дека, во времињата кога арапските пирати ги напаѓале тие брегови, монасите понекогаш ги прифаќале жените – но тоа се случувало многу ретко. Се пренесува и легендата дека српскиот цар Душан ја довел својата сопруга Јелена на Атос, носејќи ја во раце, за таа никогаш да не ја допре светогорската земја. Дури и теписите во манастирите биле поставени внимателно, за нејзините стапала да не ја допрат почвата.

Иако денес Света Гора брои околу 2.500 монаси, низ историјата сепак била посетена и од жени – од оние кои не можеле да ѝ одолеат на духовната магија на местото, и покрај забраната.

Освен сопругата на цар Душан, постојат извештаи за ќерката на византискиот цар Теодосиј I, руската принцеза Татјана, Гркинка што ја носела титулата Мис Европа во 1929 година, па дури и сопругата на британскиот конзул, освен фасцинантниот случај на храбрата Мариз.

The post ФРАНЦУЗИНКА ГИ НАДМУДРИ МОНАСИТЕ НА СВЕТА ГОРА Никој не забележал дека под мантијата се крие жена appeared first on plusinfo.mk.

Руските власти го вратија телото на украинската новинарка Викторија Рошчина, која почина под нејасни околности додека беше во руски притвор минатата есен, соопшти во четвртокот заменик-министерот за внатрешни работи на Украина, Леонид Тимченко, објави Москов тајмс.

Рошчина, која имаше 27 години, исчезна во август 2023 година додека известуваше од источна Украина, територија под руска окупација. Нејзината судбина остана непозната сè до април 2024 година, кога руското Министерство за одбрана потврди дека таа била уапсена.

Смртта на Рошчина беше објавена од украинскиот Штаб за координација на заробеници во октомври, откако нејзиниот татко добил известување од руското Министерство за одбрана дека таа починала на 19 септември.

– Нејзиното тело беше вратено во рамки на последната репатријација на крајот од февруари. Нејзините остатоци беа идентификувани преку ДНК анализа – изјави Тимченко.

На 14 февруари, Русија и Украина разменија тела на 45 руски војници за останките на 757 украински војници. Не е јасно дали телото на Рошчина било меѓу тие што беа вратени тогаш.

Тимченко посочи дека Русија не навела причина за нејзината смрт – нешто што, според него, честопати се случува при враќање на телата на загинати украински граѓани или војници.

Рошчина работеше како слободна новинарка за независни медиуми, меѓу кои „Украинска правда“ и украинската редакција на Радио Слободна Европа/Радио Слобода (RFE/RL). Во 2022 година ја доби наградата за Храброст во новинарството од Меѓународната фондација за жени во медиумите за нејзиното известување од фронтот во источна Украина.

Таа претходно беше уапсена во март 2022 година, во руски окупираниот пристанишен град Бердјанск, каде што беше задржана 10 дена.

ИСЧЕЗНА УКРАИНСКА НОВИНАРКА Од телевизијата велат дека ја киндапирале Русите

The post ВРАТЕНО Е ТЕЛОТО НА УКРАИНСКАТА НОВИНАРКА ШТО УМРЕ ВО РУСКО ЗАРОБЕНИШТВО Рошчина починала под нејасни околности appeared first on plusinfo.mk.

Тензичната прес-конференцијата во Белата куќа ја водеше портпаролката Каролин Левит, која практично ја отвори конференцијата со тактика на „изгорена земја“, веднаш напаѓајќи ја репортерката Голдберг.

Моментот во кој таа ја прекинува репортерката на Си-Ен-Ен во средината на реченицата, не дозволувајќи ѝ да поставува дополнителни прашања, стана вирален и во САД.

– Дали претседателот мисли дека неговите советници за национална безбедност го измамиле, со оглед на тоа што му рекле дека нема доверливи информации во Сигнал групата? – ја праша новинарката на Си-Ен-Ен, портпаролката на Трамп.

Левит одлучно реагираше.

– Веќе три пати го слушнав ова прашање и го имате одговорот. Ти го дадов. Претседателот се чувствува исто како вчера – рече таа.

Новинарката се обидела да постави дополнително прашање, што на Левит не ѝ се допадна тоа, таа ја замолчи и повика друг новинар во просторијата на постави прашање.

– Имам прашање – инсистираше новинарката.

– Кејтлин (новинар), не го прифаќам тоа – одговори Левит.

Видеото беше прегледано милиони пати во САД за неколку часа.

Now that President Trump has personally seen the messages in the group chat — including Secretary Hegseth saying, “THIS IS WHEN THE FIRST BOMBS WILL DEFINITELY DROP” — does he feel misled by whoever told him it contained no classified information?

Karoline Leavitt: “The… pic.twitter.com/DfisjpviJx

— Kaitlan Collins (@kaitlancollins) March 26, 2025

The post 📽️ ДРАМАТИЧНА ПРЕС-КОНФЕРЕНЦИЈА ВО БЕЛАТА КУЌА Новинарка на Си-Ен-Ен прекината на средина на реченица appeared first on plusinfo.mk.

Претседателот на САД беше забележително збунет кога мекиот микрофон го удри во лицето. Тој беше прашан за ситуацијата во Газа во петокот пред да замине за својот дом во Флорида.

– Тоа штотуку стана голема вест – коментираше Трамп среде одговорот на новинарското прашање.

The post 🎥 НОВИНАРКА ГО УДРИ ТРАМП СО МИКРОФОН Претседателот на САД се збуни, а потоа се пошегува appeared first on plusinfo.mk.