Рускиот претседател Владимир Путин денеска ќе одговара на прашања од странски новинари, на вториот ден од Меѓународниот економски форум што се одржува во Санкт Петербург.

– Претседателот Путин ќе се сретне со претставници на меѓународни медиумски организации за да разговара за внатрешната и надворешната политика на Русија – соопшти неговиот советник за надворешна политика, Јури Ушаков. Претходните години таквите сесии со новинари вообичаено траеја и по неколку часа.

На традиционалната средба на рускиот претседател со раководители и претставници на водечки светски новински агенции во Санкт Петербург се очекува учество на новинари и уредници од повеќе континенти, а настанот и годинава привлекува значително меѓународно медиумско внимание. Средбата се одржува во формат на директни прашања и одговори, што им овозможува на новинарите лично да му поставуваат прашања на рускиот лидер.

Според достапните информации, на разговорот присуствуваат претставници на најголемите светски агенции, меѓу кои американските Associated Press и Bloomberg, француската Agence France-Presse, како и медиумски организации од Европа, Азија, Блискиот Исток и Латинска Америка. Организаторите ја претставуваат средбата како можност за директна комуникација меѓу Кремљ и меѓународните медиуми.

Се очекува во фокусот на прашањата да бидат војната во Украина, односите меѓу Русија и Западот, како и актуелните геополитички и економски предизвици.

Москва го користи Меѓународниот економски форум за да ја претстави Русија на меѓународната сцена и да покаже отпорност по повеќе од четири години војна во Украина и санкции, и покрај забавениот економски раст.

Форумот вчера започна во отежнати услови, откако напад со украински дрон предизвика тревога што траеше неколку часа. За време на пристигнувањето на учесниците над делови од градот имаше црн чад, од пожарот што го зафати нафтениот терминал.

Според информации од Кремљ, на Форумот се регистрирани околу 20 илјади учесници од повеќе од сто земји. Меѓу учесниците има делегации од Американската стопанска комора и од германски компании.

Германско-руската стопанска комора за првпат по неколку години организира сопствен настан на форумот.

На форумот присуствуваат и неколку пратеници од крајно десничарската партија „Алтернатива за Германија“. Тие заминаа за Русија и покрај препораките на германското Министерство за надворешни работи да се воздржат од такво патување.

The post 🎥 ПУТИН ЌЕ ОДГОВАРА НА ПРАШАЊА НА СТРАНСКИ НОВИНАРИ Сесијата со медумите може да трае со часови appeared first on plusinfo.mk.

Здружението на новинари на Македонија и Самостојниот синдикат на новинари и медиумски работници реагираат по денешната јавна изјава на претседателот на СДСМ, Венко Филипче, упатена кон новинар од ТВ Алфа.

„Сметаме дека е недозволиво и непримерно за претседател на политичка партија јавно да упатува тешки обвинувања за корупција проследена со реторика на дискредитирање кон новинари и медиуми. Oва не е изолиран случај, туку загрижувачка пракса во која политички субјекти сè почесто се обидуваат да поттикнат кампањи и наративи за оцрнување кон поединечни новинари и редакции.

Медиумите не смеат да се користат како средство во партиска политичка пресметка. Префрлањето вина кон новинари и редакции, како и нивно јавно етикетирање, не е демократски однос кон слободата на изразување и улогата на медиумите во општеството.

Доколку било кој чинител во општеството има сериозни сомнежи за незаконитости пропусти за работењето на поедини медиуми, тие треба да се адресираат пред надлежните институции и преку законски процедури, а не преку јавни политички кампањи против конкретни новинари и медиуми.

Во спротивно, политичките чинители ја намалуваат довербата кон медиумите преку своите вакви постапки, а тоа не е во духот на вредностите за кои треба да се залагаат. Ги повикуваме сите политички партии во иднина да се воздржат од јавни изјави што можат да поттикнат притисок, дискредитација или недоверба кон новинарите и медиумските работници.

Меѓународните стандарди јасно укажуваат дека политичарите и јавните функционери треба да покажат повисоко ниво на толеранција кон медиумско известување и да не користат понижувачки јазик кон новинарите“- се вели во заедничката реакција на ЗНМ и ССНМ.

Новинарските здруженија најавуваат дека ќе продолжат внимателно да ги следат ваквите случаи и јавно да реагираат секогаш кога новинари и медиуми ќе бидат изложени на политички притисок или јавно таргетирање.

ФИЛИПЧЕ ПРЕТЕРА СО НАПАДИ ВРЗ МЕДИУМИ, НА УДАР ТЕЛЕВИЗИЈА АЛФА Новинари бараат да реагира јавниот обвинител

The post НЕДОЗВОЛИВО ТАРГЕТИРАЊЕ МЕДИУМИ И НОВИНАРИ Новинарските здруженија со остра реакција на пресот на Филипче appeared first on plusinfo.mk.

Ракета експлодираше во непосредна близина на новинарска екипа во Либан.

Русија ги обвини Израелците дека намерно ја таргетираа новинската екипа на руската државна телевизија РТ која известуваше од јужен Либан, при што се повредени новинар и снимател.

– На облеката на екипата пишуваше „прес“, а тие носеа само камери и микрофони. Овие околности укажуваат дека нападот врз новинарите е намерен и насочен –  изјави портпаролката на руското Министерство за надворешни работи, Марија Захарова.

Израелската војска соопшти дека екипата работела во област под наредба за евакуација.

„Никогаш не сме ги таргетирале и никогаш нема намерно да ги таргетираме новинарите“, додаде израелската војска.

Објавени се драматични снимки што го покажуваат моментот на ударот. Експлозијата се случила само неколку метри од местото каде што стоеше новинарот на РТ. Неколку моменти пред експлозијата, тој се помести неколку чекори напред бидејќи слушнал бучава.

РТ подоцна објави дека шефот на бирото на телевизијата во Либан, Стив Свини и снимателот се полесно повредени во нападот.

– Луѓе, добро сме. Се испостави дека можете да ја чуете ракетата додека доаѓа кон вас – рече снимателот Али Рида.

The post 🎥 (ДРАМАТИЧНО ВИДЕО) РАКЕТА ЕКСПЛОДИРАШЕ БЛИЗУ НОВИНАР И СНИМАТЕЛ НА РТ ВО ЛИБАН Русија го обвини Израел дека намерно ја гаѓал екипата appeared first on plusinfo.mk.

Во текот на минатата година низ светот биле убиени 129 новинари и медиумски работници, соопшти Комитетот за заштита на новинарите, цитиран од француските медиуми.

„Израелската армија во овој период изврши повеќе целни убиства на новинари од која било друга владина армија досега, при што повеќето од убиените се новинари и палестински медиумски работници во Газа“, се наведува во соопштението на невладината организација со седиште во САД.

Во 2024 година беа убиени 124 новинари, што исто така беше рекорд. Комитетот води статистика веќе 30 години.

Најмногу новинари ги загубија животите во војната во Газа – 86 лица. Четворица беа убиени во војната во Украина, а девет претставници на медиумите во конфликтот во Судан.

The post ЛАНИ ВО СВЕТОТ УБИЕНИ РЕКОРДЕН БРОЈ НОВИНАРИ – 129 Најголем „придонес“ има израелската армија appeared first on plusinfo.mk.

Министерот за дигитална трансформација, Стефан Андоновски, порача дека медиумите мора да останат сплотени и професионални, предупредувајќи дека политички притисоци врз новинарите се недозволиви и штетни за целото општество.

Во гостувањето во емисијата „За или против“ на телевизија Алфа, Андоновски истакна дека Владата направила важен исчекор со тоа што онлајн медиумите и интернет порталите конечно се препознаени во Законот за медиуми.

Според него, измените се направени по барање на здруженијата на портали, а резултатите веќе се видливи.

– Со една брза интервенција во Законот за медиуми, онлајн порталите се препознаени како медиуми и голем дел од најрелевантните веќе се регистрирани во Агенцијата за аудио и аудиовизуелни медиумски услуги – посочи Андоновски.

Тој нагласи дека ова значи поголема заштита за новинарите и порталите, имајќи предвид нивниот легитимитет и влијание во јавноста.

Министерот најави и дека за првпат ќе се изработи Стратегија за развој на медиумите во Македонија, документ кој, како што рече, треба да постави јасни насоки за иднината на медиумската сцена.

Во контекст на актуелните политички случувања, Андоновски предупреди дека кампањи против медиуми од страна на политички партии можат сериозно да ја нарушат сликата за слободата на медиумите во земјава.

– Недозволиво е политичка партија да води кампања против медиум. Тоа директно влијае врз оценките во извештаите на Европската унија и на „Репортери без граници“, и тоа не поради Владата, туку поради притисоците од политичарите – нагласи министерот.

На крајот, тој упати јасен апел до медиумската заедница да продолжи да дејствува единствено и професионално.

– Медиумите мора да останат сплотени. Охрабрува тоа што сите синдикати и здруженија застанаа заедно – така треба да се реагира секогаш кога некој ќе се заканува или ќе напаѓа медиум само затоа што не му се допаѓаат неговите ставови – порача Андоновски.

The post СКАНДАЛОЗНО Е ДА СЕ НАПАЃА МЕДИУМ Андоновски со остра порака до политичарите appeared first on plusinfo.mk.

Албанскиот премиер Еди Рама го нарече менаџментот на Албанската радио-телевизија (РТШ) „најмизерната служба на светот“ и изјави дека јавниот медиумски сервис треба да се реформира.

Рама нагласи дека нема да се издвојуваат јавни пари сè додека не се спроведат реформи во РТШ. Според него, сите опции се на маса, вклучувајќи затворање, приватизација или партнерство.

Премиерот на Албанија го критикуваше долгорочното функционирање на РТШ, наведувајќи дека јавниот сервис е неуспешен и оти неговото работење е полошо од помалите комерцијални телевизиски станици со помал буџет. Тој додаде дека не ја следел програмата на РТШ од 1990 година и оти претходно им дал можност на директорите да ја подобрат својата работа, но без успех.

Здружението на новинари на Албанија реагираше на изјавите на албанскиот премиер, оценувајќи дека неговата реторика „ги стигматизира јавните медиуми“ и предлага драстични решенија што „сериозно би го загрозиле медиумскиот плурализам и уредничката независност“.

Здружението повика на длабинска реформа на РТШ преку дијалог со експерти и граѓанското општество, почитувајќи ги европските стандарди за слобода на медиумите.

Здружението нагласи дека РТШ е институција од јавен интерес, која мора да гарантира непристрасно информирање, култура, образование и еднаков пристап до граѓаните.

Екстремните опции како што се затворање или приватизација, посочија тие, сериозно би го загрозиле правото на јавноста на информации.

The post РАМА РАСПАЛИ ПО АЛБАНСКАТА ДРЖАВНА ТЕЛЕВИЗИЈА „Најмизерна служба, можно е и затворање“ appeared first on plusinfo.mk.

Кога новинарите ја повикуваат политиката на одговорност сè повеќе создаваат непријатели на моќните. Изгледа нашите политички лидери, тешко се ослободуваат од навиката да бидат цензори на слободното говорење и се обидуваат низ својата нетолерантност да ја моделираат културата што го наоружува правото против слободно изразениот став. Џорџ Вашингтон бил во прво кога ја препознал слободата на говорот како клучна за успешна демократија: „Ако слободата на говорот се одземе, тогаш немите и тивките може да бидат одведени како овци на колење“. Не секоја сака да биде „овца за колење“ на политиката во Македонија. Особено не критички настроените новинари. Гледам како новинарот Героски влезе во јавна полемика со социјал-демократско рециклираните комунисти, одбивајќи да го дезинфицира својот говор и отфрлајќи го концептот на цивилизираност како пречка за медиумска комуникација со политиката.

Изгледа Волтер не живее повеќе во Македонија. Особено не живее во политиката на социјал-демократите, кои отсекогаш знаеле како да ја релативизираат и урнисаат неговата позната максима дека: „можеби не се согласувам со она што имате да го кажете, но до смрт ќе го бранам вашето право да го кажете тоа“, како и неговата констатација дека: „правото на слободен говор е поважно од содржината на таквиот говор“. Напротив, нивниот авторитарен ДНК оди дотаму да слободниот говор што не им се допаѓа го пријават во полиција како „загрозување на сигурноста преку јавна закана“. Овие вербални напади на новинари се симптоматски за авторитарните тенденции на лидер чија визија за политиката станува сè пополаризирана и параноична. Исто така, ова е пример за тоа како правото и политичката моќ се користи да се замолчи слободниот печат и да се спречи отворена јавна дебата со политиката. Секако, постојат причини за загриженост кога одреден вид заплашување и малтретирање станува дел од нормалниот јазик на политиката во јавната полемика со новинарите. Но, кој да се секира за тоа кога тонеш – политички.

Изгледа дека во случајот на новинарот Героски вс СДСМ, неславниот вербален деликт повторно се враќа во политиката на апсурдите на рециклираните комунисти. Извиците за негова вербална инквизиција наликуваат на оние од времето на комунистичкиот тоталитаризам и веројатно будат пријатни чувства и сеќавања кај членовите на партијата, негов наследник во демократска Македонија. Вербалниот деликт како симбол од долгите децении на црвената диктатура повторно го заговараат истите оние за кои оваа држава е само протеза на Македонија пред деведесетите, во целофанска варијанта. Не дека оваа партија нема долга историја на заплашување и демонизирање на новинари кои не се хранети со нивните „фекалии“, градејќи срамна историја на гушење на слободното и информирано општество. Тоа е таа тоталитарно заробена свест на рециклираните комунисти, кои во критиките од јавноста и медиумите гледаат „напад“, наместо знак за здрава демократија. Како можат новинарите да функционираат нормално ако политиката што треба да ја гарантира нивната безбедност е предводена од лица кои ги презираат, ги демонизираат и им се закануваат, отворајќи пат за злоупотреби против медиумите што остануваат неказнети.

Независните новинари и политичарите не се природни пријатели. Тие веројатно не се предодредени да бидат пријатели. Отсекогаш било така во демократијата. Но, закани кон новинарите кои се случуваат денес се израз на политичка разгаленост и нерезистеност на арогатни политичари да се поднесе критика. Низ примерот на закани, омаловажување и оцрнување на новинарот Героски, СДСМ ги охрабрува своите поддржувачи да не им веруваат на медиумите со кои не се согласуваат, свесно поттикнувајќи анимозитет и отворено непријателство кон секој оној кој се обидува да ја оствари својата мисија за барање вистина и известување за неа. Тоа што го прави новинарот Героски во полемиката со опозиционата политичка партија всушност е одбрана на професијата која, повторно како многупати досега, останува молчалива. Никогаш не е „доста“ од одбрана на слободниот говор, или, за некои негови колеги, одбраната е „доста“ само во одреден политички контекст на кој ги научија да служат. Очигледно, во Македонија премногу се накотија печурките потхранувани со политичките фекалии на социјал-демократите, за да може да изрти семето на слободниот говор во медиумите. Секако, гледаме, има исклучоци.

За некој да не помисли дека овој напис е во одбрана на новинарот Героски. Нема потреба од тоа, научен е сам да ги води своите битки – за себе и за фелата на која припаѓа. Овој текст е само потсетување дека политичките закани за новинарството често се дел од пошироки, систематски, одржливи напори за ослабување, поткопување, па дури и демонтирање на формалните и неформалните институции на демократијата. Не сакам нашите медиуми и медиумски организации најтечно да зборуваат во тишината. Ми треба нивниот глас да се прекине со континуираните вербални напади кои ги ставаат во опасност критички настроените индивидуални новинари и слободата на печатот пошироко. Сакам Волтер да го вратам во медиумите во Македонија. Иако сигурно не промовирам провокативен јазик, верувам дека каналите за комуникација во медиумите треба да останат неограничени од товарите и ограничувањата на политичката коректност која ја посакува политиката. Сепак, политиката не е за луѓе со „меки стомаци“. Ако не можат да се носат со јавна критика најдобро за нив е да везат гоблени барем да бидат корисни во нешто, кога веќе не можат да понудат ништо корисно во политиката.

(Преземено од порталот Нетпрес)

The post Политика на „меки стомаци“ – да го вратиме Волтер во Македонија appeared first on plusinfo.mk.

The post 📽️ ЗА КЛЕВЕТИТЕ И ЗА НАВРЕДИТЕ ВО СООПШТЕНИЈАТА НА СДСМ НЕ СМЕЕ НИ ПРАШАЊЕ ДА СЕ ПОСТАВИ Филипче грубо го замолча новинарот на ТВ Алфа appeared first on plusinfo.mk.

ВМРО-ДПМНЕ го осудува синоќешниот упад во студиото на „Инфомакс” и секој обид со сила да се загрози безбедноста на новинарите и медиумските работници.

„Ваквите инциденти се неприфатливи и претставуваат закана за основните демократски вредности кои треба да се заштитуваат и промовираат. Слободата на медиумите, правото на информирање и независната новинарска работа се темелни принципи за кои како партија отсекогаш сме се залагале.

Без оглед на разликите во ставовите или уредувачките политики, секој медиум мора да работи во средина која гарантира безбедност, достоинство и почитување.

Ја поздравуваме брзата и професионална интервенција на полицијата и очекуваме сите надлежни институции целосно и доследно да ја истераат постапката.

ВМРО-ДПМНЕ продолжува да биде посветена на заштитата на слободата на изразување и создавањето амбиент во кој јавната дебата може да се одвива без страв и притисок“ – се вели во соопштението.

The post ВМРО-ДПМНЕ ГО ОСУДУВА УПАДОТ ВО ИНФОМАКС Неприфатливо е загрозувањето на безбедноста на новинарите и на медиумските работници appeared first on plusinfo.mk.

Американскиот претседател Доналд Трамп синоќа на неговата социјална мрежа Трут соушл (Truth Social) ги оцени новинарите на британската телевизиска мрежа БИ-БИ-СИ како „корумпирани“, по соопштението за оставките на генералниот директор и уредничката на информативната програма, кои биле вмешани во контроверзна монтажа на еден од неговите говори.

„Највисоките луѓе во БИ-БИ-СИ , вклучувајќи го и Тим Дејви, шефот, сите даваат отказ/се отпуштат, бидејќи беа фатени како го „фалсификуваат“ мојот многу добар (совршен) говор од 6 јануари. Благодарност до Телеграф за разоткривањето на овие корумпирани „новинари“. Ова се многу нечесни луѓе кои се обидоа да влијаат на претседателските избори. Пред сѐ, тие се од странска земја, земја која многумина ја сметаат за наш сојузник број еден. Каква ужасна работа за демократијата“ – напиша Трамп.

Аферата, која во вторникот ја откри британскиот весник Дејли телеграф, се однесува на документарен филм емитуван една недела пред претседателските избори во САД на 5 ноември 2024 година.

БИ-БИ-СИ беше обвинет дека монтирал делови од говорот на Доналд Трамп одржан на 6 јануари 2021 година, на таков начин што изгледало како да им кажува на своите приврзаници дека ќе маршира со нив до Капитол за „жестоко да се борат“. Всушност, тој рекол дека ќе „се бори жестоко“ во вториот дел од истиот говор, а не веднаш откако рекол дека ќе оди со демонстрантите до Капитол.

Генералниот директор на БИ-БИ-СИ, Тим Дејви, и извршната директорка на вестите, Дебора Тернес, вчера поднесоа оставки.

Тернес, која утрово дојде во зградата на BBC, изјави пред новинарите дека БИ-БИ-СИ не е „институционално пристрасен“ и дека таа ја презема одговорноста врз себе. Видливо емотивна, таа рече:

– Беше привилегија во мојата кариера да служам како извршен директор на BBC вести и да работам со нашиот блескав тим на новинари. Поднесов оставка за време на викендот затоа што одговорноста лежи на мене. Но, сакам едно јасно да го нагласам, БИ-БИ-СИ Вести не е институционално пристрасен. Затоа е и најсигурниот светски извор на вести – рече таа.

Коментирајќи ги изјавите на претседателот Трамп, Тернес рече: „Нашите новинари не се корумпирани и јас стојам зад нивната работа“.

На прашањето зошто не се решени пропустите поврзани со Трамп, антисемитизмот и правата на жените, таа одговори: „Сигурна сум дека таа приказна ќе излезе на виделина“.

The post РАЗОТКРИЕНИ СЕ КОРУМПИРАНИТЕ НОВИНАРИ НА БИ-БИ-СИ Трамп му се заблагодари на Телеграф appeared first on plusinfo.mk.