На деветтата седница на Советот на Град Скопје, покрај другото, од заштедените средства наменивме дел за замена на системите за греење во средните училишта, соопшти советникот Даме Димитровски од Град Скопје.

„Со реализација на овој проект, Скопје ќе води со пример како град чии објекти ќе имаат нула емисија на цврсти честички. Секој мора да го даде својот придонес за почист воздух, од град што се гуши, до град што дише!

Вложуваме средства и во нови сообраќајни решенија за побезбеден и побрз транспорт во градот, при што посебен акцент ставаме на развој на велосипедската инфраструктура и безбедноста на пешаците, со визија за нула деца жртви во сообраќајот во Скопје.

Одвоивме дополнителни средства за набавка на возила и контејнери за Комунална хигиена. Со мали, но сигурни чекори, системот за управување со отпад ќе го приближиме до европските стандарди.

Во донесените одлуки предвидовме и нови паркови, инвестиции во обновливи извори на енергија, како и изградба на катни гаражи таму каде што се најпотребни.

За Скопје, какво што го сакаме!“, пишува Димитровски на Фејсбук.

The post МЕРКА ЗА ПОЧИСТ ВОЗДУХ, СМЕНА НА СИСТЕМИТЕ ЗА ГРЕЕЊЕ ВО СРЕДНИТЕ УЧИЛИШТА Град Скопје одвои средства и за велосипедски патеки, нови паркови и комунални возила appeared first on plusinfo.mk.

Советот на Град Скопје денеска го изгласа ребалансот на буџетот со 37 гласови „за“, еден „против“ и еден „воздржан“, со што се отвора пат за стабилизирање на финансиската состојба и забрзување на проектите што со години стоеле во место.

Од Град Скопје велат дека ребалансот е пресвртница по долг период на блокади и нефункционалност.

– Со оваа одлука конечно се затвора едно проблематично поглавје и се отвора нова фаза. Буџетскиот дефицит го намалуваме за речиси милијарда денари, а капиталните инвестиции ги зголемуваме за околу 99 милиони. Тоа значи дека завршуваат импровизациите и почнува работата – порачуваат од кабинетот на градоначалникот.

Од градската администрација додаваат дека со ребалансот се гарантира редовна исплата на платите во јавните претпријатија и значително кратење на непродуктивните трошоци.

Според Град Скопје, клучен дел од ребалансот е зајакнувањето на јавниот превоз.

– Соработуваме со Министерството за транспорт за повторно да се активира Градскиот воз – нешто што скопјани одамна го бараат. Истовремено продолжува постапката за набавка на 80 нови автобуси, што веќе ја спроведува Владата – велат од градот.

Во план е и разгледување на БРТ-системот како современо решение за побрз и поефикасен градски превоз.

До крајот на годината, како што информира Град Скопје, сите училишта ќе добијат нови спортски терени, фитнес-зони, смарт-табли, информатички кабинети и по еден лаптоп за секој ученик првенец на генерација. Ќе се реши и деценискиот проблем со недостигот на клупи и столчиња.

Зелениот дел од буџетот предвидува почеток на парковите „Христијан Тодоровски – Карпош“ и „Лепенец“, како и 50 нови мали паркови низ различни општини.

Во делот на инфраструктурата ќе продолжат проектите што со години стагнираа: реконструкцијата на Фрањо Клуз, кружниот тек во Ѓорче Петров, третата лента на булевар Александар Македонски, булеварите АСНОМ, Хрватска и клучката кај Момин Поток.

Обезбедени се и пари за проектна документација за неколку улици и за експропријации, што отвора простор за големи булеварски зафати, вклучително и продолжувањето на Борис Трајковски.

– Овој ребаланс значи крај на застојот. Влегуваме во период на стабилизација и развој, со цел Скопје конечно да се врати на вистинскиот развоен пат – порача градоначалникот преку службите на Град Скопје.

The post СКОПЈЕ ВЛЕГУВА ВО НОВА ФАЗА НА РАЗВОЈ Изгласан ребалансот, следуваат паркови, автобуси и реконструкции appeared first on plusinfo.mk.