Премиерот Христијан Мицкоски денеска најави нови мерки за контрола на цените на прехранбените производи.

Мицкоски рече дека на првата седница по Велигден владата ќе донесе нови мерки кои ќе бидат таргетирани, но повтори дека Владата прави анализа и е претпазлива во носењето на решенијата бидејќи не се знае колку ќе трае кризата.

– Следните  мерки на Владата ќе бидат потергетирани и ќе се однесуваат на одредени групи на граѓани и на одредени производи главно основни прехранбени производи. Тие ќе бидат комбинирани со  намалување на ДДВ-то и со ограничување на профитната маржа – рече Мицкоски.

Тој потврди дека законот за нефер трговски практики за зголемување на казните е готов.

– Јас имав состанок со претседателката на Комисијата за заштита на конкуренцијата. Мислам дека прашање на денови е кога тој ќе влезе во владиина процедура – рече Мицкоски.

Мицкоски дека очекува инфлација меѓу 4 и 5% во март.

– Со корекциите што ги направи Владата и почетните мерки за намалување на ДДВ-то за горивата од 18 на 10% и можноста за намалување на акцизата е оневозможено инфлацијата да биде двојно поголема од таа за март, која се очекува да биде меѓу 4,5 и 5% – рече тој.

The post МИЦКОСКИ НАЈАВИ НОВИ МЕРКИ ПО ВЕЛИГДЕН Ќе бидат таргетирани и комбинирани со намален ДДВ и со ограничени маржи appeared first on plusinfo.mk.

Мицкоски напомена дека во Македонија моментно има убедливо најниска цена на дизел и безоловното гориво споредено со која било земја од регионот, а потрошувачката е зголемена за околу 150 000 литри на ден.

Според премиерот, многу граѓани од соседните држави полнат гориво на нашите бензински пумпи. Притоа, притисокот е најголем на западната (Охрид, Струга, Дебар), јужната (Битола, Гевгелија) и северната (Куманово) граница.

Мицкоски потенцира и дека Владата во однос на горивата одлучила да презема поробусна интервенција која, како што објасни, ќе спречи драматично поскапување кое би удрило по стандардот на граѓаните.

– Имаме уште неколку мерки, но внимателно ја следиме ситуацијата. Граѓаните и бизнисот да бидат спокојни. Имаме предизвици, но електро-енергетската состојба е исклучително стабилна и снабдувањето со нафта и нафтени деривати е исклучително стабилно. Во овој момент, ги задоволуваме домашните потреби. Како земја имаме најниски давачки кон Владата кога станува збор за бензините и  дизел горивото. Правевме анализа, имајќи ги предвид цените на берзите и дојдовме до заклучок дека ако интервенираме во акцизите тогаш намалувањето на цената за бензините ќе беше еден денар за литар, а за дизелот два денара. Затоа се одлучивме за поробусна интервенција со која се намалуваат цените за околу 6,5 – 7 денари за литар. Сакавме поробусна интервенција за веднаш да почувствуваат граѓаните, да нема драматично зголемување кое би удрило по стандардот – рече Мицкоски.

Тој потсети дека на вчерaшаната седница Владата донесе одлука да прогласи кризна состојба од 30 дена и ја намали стапката на ДДВ за горивата од 18 на 10%.

-Ние сме една од ретките влади во Европа кои директно од Буџетот го поддржуваат стандардот на граѓаните и така ќе продолжиме. Тоа за нас е најголем интерес и приоритет и тоа е целта на една народна влада како оваа – рече Мицкоски.

Досега, информира тој, не е реализиран разговор со раководството на ОКТА.

-За тоа е задолжена министерката за енергетика. До овој момент немам информација дека е реализиран тој разговор. Очекувам денеска тоа да се рeализира и очекувам разбирање од ОКТА. Сега се моментите да си помогнеме едни на други – рече Мицкоски.

Во врска со коментарите на опозицијата дека Владата не прави доволно во однос на кризата, Мицкоски истакна дека единственото нешто по кое ќе бидат запамтени СДСМ е фактот дека како држава најлошо се справивме со КОВИД-пандемијата.

The post ДИРЕКТНО ОД БУЏЕТОТ СЕ ПОДДРЖУВА СТАНДАРДОТ НА ГРАЃАНИТЕ Дневно 200.000 евра од намалениот ДДВ остануваат кај граѓаните кои точат гориво appeared first on plusinfo.mk.

Пелагонискиот регион наскоро ќе биде уште поатрактивен затоа што Владата директно помага и инвестира во патната инфраструктура, изјави заменик министерот за економија и труд, Марјан Ристески.

За време на денешната средба со локалната самоуправа, бизнис секторот и занаетчиската комора на Битола, Ристески најави нови мерки за стопанствениците од овој пелагонискиот регион.

-За развојот на битолското стопанство особено е важно инвестирањето во патната инфраструктура и решавање на вековниот проблем со превојот Плетвар, регионалниот пат Битола-Прилеп и поврзувањето со Грција. Овој регион наскоро ќе биде уште поатрактивен за инвестиции. Гледаме дека се зголемува бројот на инвестициски проекти кои имаат намера да го користат железничкиот транспорт и токму затоа во наредниот период очекуваме позитивни вести на овој за план за овој регион и цела Македонија – рече Ристески

Ристески ги презентираше сите мерки достапни за бизнис секторот, за компаниите и занаетчиската комора, а дискутираа и за актуелната економска состојба во државата.

-Мерките се со цел развој на компаниите, отворање на нови бизниси, развој на претприемништвото кај младите луѓе за што потврда се бројките од мерката за самовработување каде евидентиравме над 200 апликации кои ќе бидат прифатени. Ние анализираме кои мерки беа прифатени од стопанството, што можеме да подобриме –  посочи Ристески.

На средбата Ристески потенцираше дека граѓаните и компаниите од Битола покажале голем интерес за мерките од Оперативниот план за вработување за 2025 година, каде за мерката за самовработување се пристигнати 216 апликации, додека за мерката за поддршка за раст на компаниите пристигнати се 50
апликации за вкупно 57 вработувања.

Градоначалникот Тони Коњановски рече дека за поефикасно спроведување на владините мерки, услови создава и локалната самоуправа.

– Овој регион има голем потенцијал и понуда, а се поголем е интересот за инвестирање во индустриската зона „Жабени“. Се чувствува развој и придвижување на стопанството во Битола, а потврда за тоа се постигнатите резултати. Посебни се придобивките од унгарскиот кредит со чии средства се овозможи непроценлив придонес за локалната економија – рече Коњановски.

Во изјава за медиумите, претседателот на Регионалната стопанска комора со седиште во Битола, Мирко Велковски, посочи дека бизнис заедницата во овој регион преднични во однос на другите во земјава.

-Ние постигнавме раст од 4% и тоа е за пофалба затоа што предничиме во Македонија. Нашите компании го користат унгарскиот кредит, практикуваат зелена транзиција, а користиме и грантови од ЕБОР. Компаниите во регионот Пелагонија-Преспа се извозно ориентирани, се трансформираат и ефикасно ги користат мерките и препораките од ЕУ и Владата. Нашата крајна цел се ЕУ-пазарите – рече Вековски.

The post ПЕЛАГОНИСКИОТ РЕГИОН СТАНУВА ПОАТРАКТИВЕН ЗА ИНВЕСТИРАЊЕ Ристески најави нови мерки за бизнисите appeared first on plusinfo.mk.

Дали граѓаните кои ќе купуваат станови по Нова година ќе плаќаат повисока цена поради зголемување на стапката на данокот на додадена вредност од 5 на 18%?

Институциите прават анализи, а градежните компании бараат да се продолжи рокот на повластената стапка на ДДВ од 5% за првиот промет на станбена зграда и стан и по 30 декември до кога трае претходната одлука. Тие велат дека повисоката стапка на ДДВ ќе значи и повисока цена на станот за граѓаните.

Граѓаните се револтирани бидејќи секогаш тие мора да платат висока цена и за градежниците и за државата.

Повластената стапка на ДДВ од 5% за прва продажба на стан беше воведена во 2010 година како антикризна мерка со важност од 5 години со цел да го стимулира градежништвото и да им го олесни купувањето стан за домување на граѓаните. Мерката досега беше неколкупати продолжена со период од 5 па од 3 години, а последното продолжување беше направено во 2023 година со важност до 30 декември 2025 година.

Градежниците велат дека во сегашната економска состојба не треба да се размислува за зголемување на стапката на ДДВ на 18%.

– Не е во интерес ниту на градежниците, ниту на граѓаните да се зголеми стапката на ДДВ од 5 на 18%. Со тоа се зголемува цената на становите и ќе се намали можноста граѓаните кои сакаат да го решат станбеното прашање да купат сопствен стан. Уште повеќе што се најавуваат и стимулативни мерки за младите брачни парови кои сакаат да купат стан – вели претседателот на Градежната комора од Сојузот на стопански комори Ивица Јакимовски.

Андреја Серафимовски од Стопанската комора вели дека тие веќе ја подготвиле иницијативата повластената стапка на ДДВ од 5% да продолжи и во наредните 2 до 3 години.

– Инвеститорите некако ќе го издржат можеби овој товар, но данокот ќе се прелее на сметка на граѓаните на кои во овој период повеќе од потребно им е да платат пониска цена за купување стан. Затоа ние како комора подготвуваме иницијатива да се продолжи повластената стапка на ДДВ од 5% уште 3 години, додека не се продадат новите големи градби кои се при крај, па потоа државата нека оцени што ќе прави со стапката на ДДВ – вели Серафимовски.

Граѓаните се револтирани што покрај високите цени на становите кои треба да платат ќе треба да платат дополнителни 18% на цената за ДДВ.

– Кога државата сака да стави некаков ред во бизнисите, секогаш граѓаните се тие кои го плаќаат цехот. Што ќе им пречи на градежниците на сегашната висока цена да стават уште 18% кои нема тие да ја платат, туку ние кои ќе купуваме стан. Со ова државата ќе овозможи само богатите кои и сега купуваат станови за да ги издаваат под кирија да можат да профитираат и натаму, а граѓаните кои немаат доволно пари да купат стан ќе земаат кредити со високи камати и ќе плаќаат на државата данок од 18%. значи ќе им прават профит на банките и ќе ја полнат државната каса. Што стана со стимулациите за младите да се вратат на село или да останат во земјава? – вели Илија А. од Скопје.

Зголемената стапката на ДДВ за купување на стан покрај поскапување на становите ќе повлече и поскапување на кириите, велат познавачи на состојбите, а тоа ќе значи и влошување на финансиската состојба и на граѓаните кои станбеното прашање го решаваат на ваков начин.

Од Министерството за финансии кое треба да ѝ предложи на владата да го продолжи рокот за повластено ДДВ за станови или да се спроведува вистинската стапка од 18% велат дека ќе прават анализа па ќе предлложат решение.

„Согласно постојната законска регулатива даночењето на првиот промет на станбени згради и станови се врши со примена на стапка од 5% ДДВ.  Во рамки на Министерството за финансии, а во координација со останатите релевантни институции ќе се направи детална анализа во однос на истото и доколку се оцени неопходно преземањето на определи мерки и активности, истите ќе бидат предложени до Владата на понатамошно разгледување и одлучување“, изјавија од Министерството за финансии.

Последните години цената на становите непрекинато расте, покажуваат податоците на Народната банка. Според овие податоци во вториот квартал годинава, цената на становите пораснале за 22,3%. Просечната цена на квадратот во Скопје во август, се движи над 2.000 евра и зависи од општината. Во Центар на пример била повисока од 2.154 евра, во Карпош 2.071 евра, а во Аеродром 1.821 евра. цената на становите порасна и во другите градови во земјата каде што расте и инвестирањето во станбената изградба.

Институциите неодамна јавно кажаа дека половина од овие станови се купуваат во готово, со што се зголеми потребата да се преземат мерки за борба со сивата економија во секторот.

Гувернерот на НБРМ, Трајко Славески, пред две недели изјави дека половина од становите во земјава се купуваат во готово и изворот на тие средства треба да се провери.

– Според процените, околу 50% од новопродадените станови се купуваат на кредит, другите 50% се во готовина. Ние немаме сознанија од каде доаѓа таа готовина, дали е од заштеди, дали е од некои приливи за кои не сакаме да зборуваме, има други институции што треба да го утврдат тоа, секако и Народната банка – изјави Славески.

Славески, меѓутоа, рече дека во иднина треба различно да се третираат становите кои се купуваат за живеење во нив од оние кои се сметаат за инвестиција кои најчесто се и извод за шпекулации.

Управата за јавни приходи минатата недела го идентификува градежниот сектор во земјава за високоризичен, особено во контекст на актуелните пазарни трендови, зголемената побарувачка за недвижности и зачестеното плаќање во готово. Управата најави и засилени даночни контроли во кои во центарот на вниманието ќе биде: продажба на објекти по истекот на пет години од нивната изградба, договори со нереално ниска продажна вредност, непријавени вработувања и ангажмани, значителни разлики меѓу реалниот обем на изградба и пријавените приходи од продажба, издавање фактури без прибелешки во јавните книги, неправилна примена на механизмот за пренос на даночна обврска (reverse charge).

– Целта на овие контроли е откривање и санкционирање даночни неправилности, заштита на буџетските приходи и обезбедување фер услови за сите учесници на пазарот – рекоа од УЈП.

Останува да се види како ќе пресече Владата.

The post СЕ КРЧКА НОВ ЦЕНОВЕН ШОК ЗА ГРАЃАНИТЕ ПО НОВА ГОДИНА Поскапуваат становите, истекува рокот за повластен ДДВ appeared first on plusinfo.mk.

Премиерот Христијан Мицкоски најави нови мерки за регулирање на цените и намалување на инфлацијата многу скоро од денеска, откaко Државниот завод за статистика објави дека инфлацијата во јуни е зголемена за 4,5% на годишно ниво, а цените на мало за се згоглемиле за 3,7%.

Мицкоски рече дека мерките ќе бидат таргетирани и нема да бидат мерки кои ќе донесат стихија.

Тој рече дека, се анализира што придонело за зголемување на инфлацијата во овој месец и посочи дека веројатно изворот на ова е базичната инфлација.

-Ќе треба да направиме детална анализа на базилната инфлација и инфлацијата на ниво на услуги и многу скоро од денеска ќе донесеме нови мерки за растот на цените. Контакирав со повеќе економски експерти и тие велат дека можеби во делот од производите кои ја креираат оваа инфлацијата, можеби во оној однос на добавувачи и трговци маркети не е толку зголемено колку делот на базичната инфлација кај услугите.Шро занчи треба  да се направи детална анализа пред да се донесат новите мерки. – рече Мицкоски.

Мицкоски рече дека инфлацијата засега е во рамките на очекуваните проекции и се надева дека до крајот на годината ќе се оствари планот за намалена инфлација.

The post ВЛАДАТА МНОГУ СКОРО ЌЕ ДОНЕСЕ НОВИ ТАРГЕТИРАНИ МЕРКИ ЗА НАМАЛУВАЊЕ НА ЦЕНИТЕ Мицкоски вели дека се прави детална анализа што ја зголемува инфлацијата appeared first on plusinfo.mk.

Бектеши рече дека основа за намалување ќе биде една од цените кои биле актуелни во изминатиот период, а изборот на производи е направен според потрошувачката направена од Државниот завод за статистика.

Одлуката за намалување на цените ќе се донесе на владината седница во вторник, а од среда веќе пазарните инспектори ќе бидат на терен.

– Најголемите 8 трговски синџири во земјава прифатија да се намалат цените на прехранбените производи со што може да се донесе одлуката на Миистерството за економија за новите мерки во однос на цените – рече Бектеши на денешната прес-конференција по средбата со претставници на трговските синџири и претставници на коморите.

Тој рече дека маркетите стануваат сѐ повеќе општествено одговорни и очекува уште пред да биде донесена одлуката на Владата, да бидат намалени цените уште за време на викендот.

Компаниите ќе можат да организираат акција со намалени цени само за производи кои ќе бидат пред рокот на истекување со посебна назнака. Останатите производи нема да можат да бидат продавани по акциски цени.

Бектеши рече дека со оваа одлука потрошувачите нема да бидат измамени.

Ќе следуваат мерки на владата за производителите и дистрибутерите за нивните цени. Компаниите кои нема да се придржуваат на одлуката на владата ќе бидат казнувани според актуелните закони.

-Државниот пазарен испекторат работи според 80 закони во кои покрај другото има и глоби за одземање на стоки и роби, но на влада ќе биде одлучено по кои закони ќе бидат затворани трговски објекит кои нема да ги почитуваат. ние како инспекторат нема да бидеме селективни во одлучувањето околу казните, но како што видов трговците се подготвени да ја применат владината одлука – рече директорот на пазарниот инспекторат Горан Трајковски.

Бектеши најави дека набрзо ќе биде донесен и Законот за нефер трговско однесување со кој ќе бидат намалени дел од давачките на трговците, со што ќе се намалат дополнително цените на прехранбените производи.

The post 50 ПРЕХРАНБЕНИ ПРОИЗВОДИ ЌЕ ПОЕВТИНАТ ЗА 10% Бектеши очекува уште викендов да се коригираат цените appeared first on plusinfo.mk.

Според лекарите со коишто разговараше Плусинфо, сега е моментот повторно да се воведат мерките коишто беа укинати во текот на пролетта, оти, како што објаснуваат, летото ќе ни биде тешко, а есента уште потешка и пострашна.

Дали има место за паника и дали се крчкаат нови мерки за заштита од коронавирусот се обидовме да дознаеме од Комисијата за заразни болести, но во моментот кога го контактиравме портпаролот д-р Злате Мехмедовиќ, тој веќе беше влезен на седница на Комисијата и не беше во можност да даде изјава за медиумите.

Маски во затворено

Д-р Ангелчо Андоновски, педијатар и поранешен член на Комисијата за заразни болести, во разговор за Плусинфо вели дека очекувано било во овој период да се појави зголемување на бројките на новозаразени со ковид-19.

– Во текот на летото се зголемува бројот на контактите, луѓето се дружат, одат по одмори, прават забави, слават родендени, свадби… Затоа, очекувано беше ваквото сценарио, односно очекуван беше рапидниот раст на новозаразените со коронавирусот. Сепак, тоа што досега не е забележано е дека во одреден временски период растењето на бројките е како аларм за да се побара враќање на одредени заштитни мерки како што е носењето заштитни маски во сите затворени простории. Треба да бидеме внимателни и со децата, особено затоа што овој вирус дава многу големи сличности со сите други вируси коишто можат да се појават во летниот период. Затоа, треба да се придржуваме до мерките и на тој начин ќе бидеме заштитени од коронавирусот – објаснува д-р Андоновски.

Уште поголемо зголемување на бројките, додава д-р Андоновски, се очекува во текот на есента.

– Од септември ќе почнат да ни се појавуваат нови проблеми. Ќе имаме вирусни и бактериски заболувања поради почетокот на учебната година. Во тој период ќе треба да обрнеме многу повеќе внимание на таа млада популација, оти и покрај тоа што коронавирусот не создава тешки проблеми кај децата, сепак, има деца со коморбидитети и кај тие деца вирусот може да развие тешки компликации – вели д-р Андоновски.

Летото е веќе расипано

Епидемиологот д-р Александар Стојанов во изјава за Плусинфо вели дека здравствените власти во земјава треба да почнат да размислуваат за воведување на дел од заштитните мерки против коронавирусот, а кои пролетва беа укинати поради ниските бројки на новозаразени.

Доколку сега јас би имал можност да одлучувам, првото што би го сторил е воведување задолжително носење заштитна маска во затворен простор, особено во јавниот превоз, во трговските центри, а би вовел и ограничувања за свадби и други веселби.

Д-р Александар Стојанов Епидемиолог

– Две години истото го зборуваме. Летото е веќе расипано, ако мене ме прашувате. Погледнете само што се случува во Грција, таму во еден ден се регистрирани 20.000 новозаболени со ковид-19. Истото се случува и во Шпанија, во Португалија, во Италија, односно секаде каде што има многу народ на едно место. Едноставно, короната функционира онаму каде што има гужви. Сите мерки се укинати, но претпоставувам дека наскоро ќе мора да ги вратиме мерките. Како што ги укинувавме мерките, така сега ќе ги воведуваме. Проблемот е дали наесен ќе добиеме некој нов вирус, некој подвирус, некој мутиран вирус, и дали тој нов вирус ќе биде отпорен на имунитетот што веќе сме го стекнале преку прележување на болеста или преку вакцинирањето. Варијантите на омикронот не наидуваат на никаков отпор од вакцината – објаснува д-р Стојанов.

Тој апелира до здравствените власти уште сега да воведат дел од мерките за заштита од коронавирусот, но и да почнат со набавка на вакцини против ковид-19.

– Вакцините што ние ги примивме беа изработени според вухан-сојот и тие вакцини ни завршија голема работа. Скоро половина од нашето население се вакцинираше, иако сметам дека тој процент требаше да биде многу повисок и сега ќе бевме многу покомотни. Но, доколку сега јас би имал можност да одлучувам, првото што би го сторил е воведување задолжително носење заштитна маска во затворен простор, особено во јавниот превоз, во трговските центри, а би вовел и ограничувања за свадби и други веселби. Исто така, уште сега треба да се ставиме на список за набавка на нови вакцини и во септември да почнеме со вакцинирање и со водење кампања за вакцинирање. Овој сој омикрон бара четврта доза, а многу луѓе не сакаат да примат ни втора доза. Затоа, треба да им укажеме дека грешат и дека за нивно добро е да примат четврта доза. Вирусот си постои, а ќе биде присутен и следната година. Секако, како што ќе течат годините, така и силата на короната ќе биде сѐ помала и помала. Но, како што го имаме грипот секоја година, така ќе го имаме и ковидот – објаснува д-р Стојанов.

Полупразни болници

И докторот од Клиниката за токсикологија и професор на Медицинскиот факултет, Нико Беќаровски, вчера на социјалната мрежа Фејсбук објави дека бројките на новозаразени со ковид-19 ќе се зголемуваат во наредниот период.

„Бројките на дневната ковид-статистика рапидно ќе растат како резултат на доаѓањето на омикрон-БА 4 и 5 и тоа е лошата вест. Добрата вест е што сепак болниците ќе ни останат полупразни“, напиша д-р Беќаровски на Фејсбук.

Со ваквата забелешка се согласува и д-р Кирил Солески, кој во гостување на „Утрински брифинг“ рече дека и во нашата земја и на европско ниво се регистрира зголемен број на пациенти заболени со ковид-19, а сето тоа, како што објаснува, се должи на новите омикрон соеви кои се позаразни и умеат да го заобиколат веќе стекнатиот имунитет.

Д-Р БЕЌАРОВСКИ СО КОВИД-ПРОЦЕНА Бројот на заболени со коронавирусот ќе расте рапидно

– Тешко е да се предвиди како ќе се развива ова. Сепак, ова се пациенти со полесни состојби и немаме смртни случаи. Сѐ уште важат истите правила, што значи дека пациентот останува во изолација без оглед дали станува збор на полесна симптоматологија. Пациентите треба да се јават кај матичен лекар, а ако состојбата не е сериозна не треба ништо да се прави. Во најголем дел полесните случаи се третираат на примарно ниво и затоа Лекарското друштво и Министерството за здравство направија протокол и упатство за еднакво третирање на пациентите со ковид-19, вели д-р Кирил Солески за Утрински брифинг.

Тој посочува дека сите показатели укажуваат оти ќе се соочиме со нов бран на ковид-19, но веројатно полесен, а ние ќе мораме да научиме да живееме со вирусот.

Регионот се тресе

Министерството за здравство вчера информираше дека во последните 24 часа регистирани се 168 нови случаи од 1.101 тестирани, што е висока стапка од над 15 отсто од тестираните. Од нив 28 се реинфекции, соопштија здравствените власти.

Последните бројки што ги објавува Министерството за здравство заклучно со 10 јуни покажуваат тенденција на пораст на бројот на заболени од коронавирусот. Сите индикатори покажуваат дека сме пред нов бран. Тоа го покажуваат и бројките на земјите од регионот.

Во Албанија, на пример, пред два дена потврдени се 550 нови случаи со ковид-19 што беше двојно повисока бројка од оние во изминатите денови и е највисока бројка во последните три месеци. Од направените 1.537 тестови вирусот е потврден кај 550 или 35,8 отсто од тестираните. Регистриран е еден починат, а на болнички третман се 19 пациенти, соопшти Министерството за здравство и социјална заштита на Албанија.

Министерството го повторува апелот граѓаните да се вакцинираат, да се повнимателни, посебно во периодот кој следува кога се зголемуваат контактите поради движењето во летната сезона.

Во Србија вчера се регистрирани 468 заразени со коронавирус, а едно лице починало како последица на заразата. Сегашната епидемиолошка состојба бара да се донесат барем минимум мерки, како задолжително носење маски во затворени простории, јавниот превоз и особено во здравствените установи, што сега само делумно се почитува, вели во интервју за порталот Н1, Д-р Славица Плавшиќ, специјалист по белодробни заболувања.

Таа предупредува дека Србија веќе влезе во седмиот бран на коронавирус.

Член на Советот на Здружението Обединети против ковид (УПК) очекува дека во следните седум дена бројот на новозаразени во Србија ќе надмине 1.000 на дневна основа.

Во Брисел донесена е одлука ЕУ да ја продолжи употребата на сертификатот за ковид-19. Советот на ЕУ вчера даде зелено светло за продолжување на користењето на дигиталните сертификати за ковид-19 до 30 јуни 2023 година.

Проширувањето на таа регулатива ќе обезбеди дека патниците од ЕУ, како и оние од трети земји поврзани со системот, ќе можат да продолжат да го користат својот дигитален сертификат на ЕУ за патувања во Унијата во земјите-членки каде што тие сертификати и понатаму се потребни.

The post ВРЕМЕ Е ЗА НОВИ МЕРКИ Прво ќе почнеме со задолжително носење заштитна маска appeared first on plusinfo.mk.

Неофицијално се дознава дека новиот модел на намалени маржи треба да биде во корист и на трговците и на граѓаните, за да обезбеди помали загуби за трговците и поблаг раст на цените.

В понеделник, пак, ќе се разгледуваат барањата на бизнисот за забрана на извозот на житарки и субвенционирање на цената на потрошувачката на струјата и на горивата.

Бектеши најавил посебни средби со министрите чии ресори ги засегаат барањата на бизнисмените.

Како што дознаваме, бизнисмените се залагале да нема замрзнување на цените, бидејќи нема да можат да ги покријат големите трошоци за струја, за гориво и за суровини, кои се по берзански цени.

Од Министерството за економија, пак, официјално информираат дека сѐ уште не се подготвени новите мерки. Министерот остварува средби со бизнисмени од повеќе сектори, а потоа ќе се оцени дали се потребни или не нови мерки. Дополнително се чека да помине и ребалансот на буџетот.

The post БЕКТЕШИ ГИ ПРЕСЛУША БИЗНИСМЕНИТЕ, АМА НИШТО НЕ КАЖУВА Како да се скротат цените и никој да не зијани? appeared first on plusinfo.mk.

На состанокот, со кој претседавал премиерот Димитар Ковачевски, се разговарало за таргетирани мерки со буџетска поддршка за стопанството со цел задржување на ликвидноста и работните места и за мерки за ранливите категории на граѓани со цел ублажување на ценовните шокови.

Била потврдена заложбата и важноста од носење на мерки за поддршка на граѓаните и стопанството во време на криза.

„Беа разменети мислења, сугестии, предлози околу потребните мерки што како државна помош треба да бидат земени предвид при креирањето на политиките за ублажување на последиците од најдлабоката криза во современата историја“, се вели во соопштението од владината прес-служба.

На состанокот, покрај членовите на Економскиот совет, присуствувале и претставници од академската заедница, гувернерката на Народната банка, како и претставници од стопанските комори, поголемите компании во земјата, синдикалните организации и експерти од економскиот и финансискиот сектор.

The post ВО ТЕК Е ПОДГОТОВКА НА НОВИ АНТИКРИЗНИ МЕРКИ Владата одржа вонреден состанок appeared first on plusinfo.mk.

Во Русија е забележан огромен скок на бројот на новозаразени со коронавирусот, а загриженоста не можеше да ја сокрие ниту рускиот претседател Владимир Путин.

За само 24 часа во Русија се регистрирани 21.000 новозаразени, а оваа бројка е за 18 проценти повисока од претходните денови.

Рускиот претседател побара од здравствените власти да воведат нови превентивни мерки за да спречат уште поголеми и пострашни бранови на заразата.

Најавени се нови мерки, но засега тамошното министерство ги нема прецизирано.

The post ПРАВЕТЕ ШТО ЌЕ ПРАВИТЕ, АМА ШИРЕЊЕТО НА ВИРУСОТ ДА ГО СПРЕЧИТЕ По огромниот скок на новозаразени во Русија, Путин бара нови мерки appeared first on plusinfo.mk.