Како што информира денеска министерот за здравство Арбен Таравари, станува збор за девет генерици претставени преку 87 лекови.

– Се работи за 87 лекови во различни форми, јачини и пакувања што имаат активна регистрација во нашата држава, девет генерици претставени преку 87 лекови. Помеѓу нив, опфатени се лекови за висок притисок, срцеви заболувања, анти-агреганси, лекови за третман на депресија, како и за деменција – посочи Таравари.

Министерот информира дека во процесот биле ангажирани експерти кои работеле на неколку законски измени, изработка на нов правилник со европски практики и нова методологија за ставање на лекови на позитивна листа.

– Ова е само почеток на процесот на проширување на позитивната листа  потенцира Таравари.

Воедно, ги повика сите фармацевтски компании да продолжат со нивните апликации за ставање на нови лекови на позитивната листа.

The post ДЕВЕТ НОВИ ЛЕКОВИ СЕ СТАВЕНИ НА ПОЗИТИВНАТА ЛИСТА Таравари вети дополнително проширување на листата appeared first on plusinfo.mk.

Митев тесно соработува со дел од тимот на ковид-болницата Александровска. Како биохемичар, ги проучува молекуларните механизми на болеста и постојано разменува информации со дотичните колеги.

– Пред една година, претпоставив дека бромексинот може да биде многу корисен во превенцијата и лекувањето на ковид-19. Овој евтин и безопасен лек ja блокира пенетрацијата на вирусот во клетката, со инхибиција на површинската протеаза потребна за инфекција. Препорачав да се зема профилактички во пропишаните дози и една година подоцна можам со сигурност да кажам дека многу луѓе се заштитиле од болеста или полесно ја совладале. Меѓутоа, кога се користи како пилула, лекот не е многу ефикасен, како што е опишано во светската литература. Кога колегите од болницата Александровска почнаа да го користат со вдишување, ефектот беше запрепастувачки – вели Митев.

Другиот фаворит е лекот колхицин. Овој антиинфламаторен лек, познат повеќе од 3.500 години, познат како анти-гихт, го привлече вниманието на многу истражувачи и беа спроведени голем број клинички испитувања со спротивставени, прилично негативни резултати.

– Кога се распрашував за употребените дози, бев изненаден кога открив дека на никој не му текнало да проба повисоки. Колегите од болницата Александровска долго време користат двојно повисоки дози за одржување (2 mg/ден), а оптоварувачките дози првично се по килограм на тежина. Комбинацијата на инхалиран бромексин и колхицин. администриран на амбулантска основа, практично ги елиминира компликациите и приемот во болница. Колхицинот е исто така евтин лек. Несаканите ефекти (гадење и дијареа) се слични на Paxlovid и достигнуваат 30-40%, но не се драматични, за разлика од лековитото дејство. Во моментов на овој начин интензивно собираме податоци од амбулантски пациенти за да ги објавиме. Излегува дека со два добро познати лека, а многу евтини, се постигнува подобар ефект од лековите на Фајзер и Мерк за амбулантско. третман на ковид-19. Звучи дури и дрско, но повеќе од една година ова го кажувам без сомнение – вели Митев.

Како што неодамна објави Плусинфо, Комисијата на епидемиолози од Министерството за здравсатво на Грција го вклучи лекот колхицин во протоколот за третман на ковид-19 во Грција. Терапијата со колхицин е за пациенти позитивни на ковид-19 постари од 60 години, без оглед дали имаат претходни заболувања и за пациенти на возраст од 18 до 60 години со барем една болест или температура повисока од 38 степени.

Според информациите од Министерството за здравство на Грција, колхицинот ќе се дава во форма на апче и само со рецепт, а е безбеден и тестиран лек во повеќе болести и ја намалува воспалителната реакција на организмот.

Одлуката на надлежната комисија доаѓа откако биле разгледани неодамнешните научни податоци и по резултатите објавени од канадското истражување за терапијата со колхицин кај пациенти со ковид-19, според кои има намалување за 44 отсто на смртноста, 25 отсто на хоспитализација и 50 проценти на потребата за интубација.

Според нашите информации, двата лека се достапни на пазарот во Македонија. Од познати причини, нивните комерцијални имиња не можеме да ги соопштиме.

Погледнете го интервјуто со академик Ванчо Митев, во кое тој ги коментира актуелните терапии за болеста ковид-19:

The post ЕФИКАСНА КОМБИНАЦИЈА НА ЛЕКОВИ ЗА КОВИД-19 СЕ ТЕСТИРА ВО БУГАРИЈА Евтино, достапно и дава одлични резултати! appeared first on plusinfo.mk.

Таа истакна дека една третина од луѓето во ЕУ не се вакцинирани и тоа треба брзо да се промени.

– Вакцините се најдобриот, но не и единствениот лек против пандемијата – изјави еврокомесарката по состанокот на Советот на ЕУ.

Според неа, дури и ако уделот на имунизирани лица остане низок само во една земја, тоа може лошо да се одрази на општата здравствена состојба. Киријакидис појасни дека за земјите со ниска вакцинација не може да се примени истото решение за да се убедат луѓето да се имунизираат.

– Дури и ако се вакцинираат, луѓето ќе продолжат да се инфицираат и да одат во болница, така што работиме на обезбедување лекови – додаде Киријакидис, нагласувајќи дека ЕУ ќе одобри уште четири третмани за новата болест до крајот на годината, вклучувајќи ги и апчињата Мерк.

Таа истакна дека е тешко да се убедат луѓето да држат безбедно растојание и лична хигиена за да не се разболат.

– Ова е заеднички напор и одговорност на граѓаните, потребна е итна и координирана акција додека науката не одлучи за сојот Омикрон – објасни Киријакидис

The post ВО 6 ЗЕМЈИ НА ЕУ, ПОМАЛКУ ОД 55 ОТСТО ВАКЦИНИРАНИ Една третина од луѓето во ЕУ се без вакцина appeared first on plusinfo.mk.

Ова на денешната прес-конференција го соопшти министерот за здравство Венко Филипче. Потврдувајќи дека надлежниот орган ја одобрил оваа терапија, Филипче прецизираше:

– Tаа комбинација се покажа како позитивна во другите земји, а веќе од утре ќе почне да се користи и во земјава. Секако не кај сите пациенти, туку кај одредена група.

The post Одобрен коктелот хидроксиклороквин – азитромицин за лекување на одредени случаи на болни од коронавирус appeared first on plusinfo.mk.

Моќната Агенција за храна и лекови (Food and Drug Administration) го одобри тестирањето со овие недокажани третмани врз база на „сочувствителна нега“ за најболните пациенти во државата, јавија американските медиуми.

Еден од овие третмани вклучува и земање плазма од здраво лице кое еднаш било инфицирано од вирусот и инјектирање на антителата создадени од неговиот имунитетен систем во лице кое е болно, објаснуваат медиумите, додавајќи дека Њујорк ќе биде прва држава во светот која експериментира со ваков третман.

Што се однесува до спомнатата комбинација на лекови, веќе се набавени се 70.000 дози xидроксихлороин (hydroxychloroquine), 10.000 азитромицин односно „zithromax“ од американскиот производител „Фајзер“  и 750.000 дози хлороквин (chloroquine), уште еден антималарик и амебицид.

Најавувајќи го пробното лекување во државата Њујорк, каде што има повеќе од 20.000 заболени пациенти, гувернерот Куомо на 22 март изјави:

– Претседателот Трамп е оптимист, јас сум оптимист и сите сме оптимисти дека ова може да дејствува. Зборував со голем број здравствени службеници и тие велат дека има добра основа да се верува дека ова може да врши работа.

Во неговата вчерашна изјава, гувернерот Куомо, освен за третманот со крвна плазма, зборува само за комбинацијата од лековите xидроксихлороин и азитромицин, која, како што пишуваше Плусинфо, е успешно тестирана од страна на француски и белгиски истражувачи во првата половина на март на мал примерок заболени од коронавирус. Но, покрај надежните резултати, истовремено се предупредува и на опасните нуспојави од оваа комбинација на лекови.

Интересно е да се каже и тоа дека лекот азитромицин, познатиот „сумамед“, е откритие на тим на истражувачи на компанијата „Плива“ уште во поранешна Југославија. Габријела Кобехел, Горјана Радобоња – Лазаревски, Зринка Тамбурашев и проф. Д-р Слободан Ѓокиќ го откриле лекот уште во далечната 1980 година. Во 1986 година, „Плива“ и американската компанија „Фајзер“ потпишале документ за лиценца, со која „Фајзер“ станува ексклузивен производител на овој лек во Западна Европа и во САД под името „zithromax“.

Плусинфо пишуваше дека лекот хидроксихлороин веќе бил продаван во Македонија, од страна на една наша веледрогерија, под имињата „плаквенил“ од француско производство и „резохин“ од германско производство. Инаку, фармацевтската компанија „Бајер“, која го произведува лекот „резохин“, веќе најави донација од 3 милиони таблети за САД за лекување на коронавирусот, Според наши непотврдени сознанија, македонските здравствени власти прават напори за набавка на овој лек токму од овој производител. Од друга страна, компанијата „Санофи Франс“ најави спремност за производство на големи количества од лекот „Плакенвил“.

На вчерашната прес-конференција министерот Венко Филипче потврди дека македонските здравствени власти подготвуваат протокол за лекување со комбинација од лекови, во која е лекот „сумамед“, но не прецизираше кои се другите лекови во комбинацијата и дали се од групата антималарици, како што неофицијално се најавуваше во претходните денови.

Светската здравствена организација предупреди дека е опасно да се експериментиора со непотврдени лекови, но во случајов станува збор за лекови кои веќе се одобрени и познати ширум светот. И покрај првите надежни тестирања на комбинацијата, голема непознаница е како таа ќе дејствува при помасовна употреба за лечење на пациенти заразени од коронавирусот.

Но, ако претседателот на САД Доналд Трамп и гувернерот Куомо останат на ветувањето од 22 март, примената на овие лекови во државата Њујорк ќе почне уште денеска, како и третманот со крвна плазма од оздравени пациенти. А тоа значи дека информации за првите искуства ќе имаме многу скоро.

Со повеќе од 20.000 заболени се чини дека Њујорк и нема голем избор – тоа ќе биде првата експериментална лабораторија во светот за масовно тестирање нови лекови и третмани.

The post Од денеска Њујорк тестира нови лекови и крвна плазма од излечени лица за болните од коронавирусот! appeared first on plusinfo.mk.