Македонски Телеком информира дека ги добила предлозите на владата за нови членови на Одборот на директори.

Како што е наведено на официјалната страница на Македонската берза предложени се: Сашо Димитријоски, Иван Митровски, Марин Алексов, Даниела Кржовска, Нусрет Зиба и Сеад Арслани. Сите членови предложени од владата се неизвршни членови на Одборот на директори. Еден од нив, според статутот на компанијата се бира за претседател на Одборот на директори.

Димитријоски е Магистер по телекомуникациски системи и технологии. Членува во повеќе професионални меѓународни организации и тела. Тој е основач на компанијата „Гран Фондо“, која обезбедува најсовремени решенија и услуги за мерење на време на спортски настани.

Митровски е заменик градоначалник на општина Кисела Вода и магистер по Бизнис и администрација.

Алексов има завршено Факултет за безбедност и безбедносни науки. Тој е актуелен член на Надзорниот одбор во Државна лотарија.

Кржовска е електротехнички инженер и има 22-годишно искуство во областа на маркетинг, развој на бизнисот и ИТ на телекомуникациските услуги. Вработена е во Телеком и била раководител за маркетинг на производи – Македонски Телеком.

Зиба е професор по англиски јазик, но има и приватна фирма.

Сеад Арслани има завршено Економски факултет – отсек финансии и маркетинг и е актуелен советник во општина Бутел. Работел во повеќе јавни установи и министерства.

Тие ќе ги заменат досегашните владини претставници во Телеком: Игор Милев, Нина Ангеловска, Бардул Насуфи, Шкодране Дарлишта и Аќиф Медиу.

Изборот на новите членови и отповикувањето на старите членови на Одборот на директори предложени од владата ќе се изврши на 30 мај.

Мандатот на членовите на Одборот на директори е четири години.

Одборот на директори управува со Друштвото и се состои од 14  членови, од кои 13 се неизвршни членови, 1 е извршен член кој го носи називот Главен извршен директор и 4 од неизвршните членови се независни членови на Одборот на директори. Владата предлага 6 неизвршни членови од кои се избира претседател на Одборот на директори.

Владата поседува 34,81% од акциите на компанијата, вклучително и таканаречената златна акција со право на вето.

The post СЕ ИЗБИРА НОВ СОСТАВ НА ОДБОРОТ НА ДИРЕКТОРИ НА ТЕЛЕКОМ Кои се предлозите на владата? appeared first on plusinfo.mk.

Судиите Аритон Ала од Апелацискиот суд Скопје и Данка Ристова од Апелацискиот суд Штип се нови членови на Судскиот совет, соопшти вечерва претседателот на Комисијата за спроведување на избор на членови на Судскиот совет од редот на судиите, Субхи Јакупи, соопштувајќи ги прелиминарните резултати од денешните избори кои се одвиваа од 8 до 15 часот во изборните места во сите судови ширум земјава.

Комисијата денеска спроведе избори за избор на член на Судскиот совет од редот на судиите од апелациското подрачје Штип и еден член на Советот од редот на судиите припадници на заедниците, која е повеќе од 20 отсто од населението во државава.

Како што соопшти Јакупи, судијата Аритон Ала бил единствениот кандидат на изборната листа за избор на член на Судскиот совет од редот на судии од посебна листа на кандидати. Во судскиот именик на ниво на Република Северна Македонија биле запишани вкупно 354 судии гласачи, од кои 295 судии го оствариле своето право на глас. Бројот на неважечки гласачки ливчиња е 42, додека неупотребени биле 59 гласачки ливчиња.

– Кандидатот Аритон Ала од Апелациониот суд Скопје, бидејќи беше и единствен кандидат добил 253 гласа, што значи е избран за член на Судски совет на Република Северна Македонија од редот на судии од посебна листа на кандидати од Изборна единица Република Северна Македонија – рече Јакупи.

За избор на член на Советот од апелационото подрачје Штип, Јакупи рече имало пет кандидати, додека во судскиот именик на ниво од апелационото подрачје Штип, како изборна единица биле запишани 40 гласачи судии. Вкупниот број на судии кои го оствариле правото на глас е 39, додаде Јакупи, додека само 1 гласачко ливче било неупотребено.

Судијката Мери Гичева од Основниот суд Штип добила еден глас, претседателите на Основен суд Штип и Апелацискиот суд Штип, Ацо Тасев и Тони Делев, добиле по три гласа, судијката на Основен суд Штип Невена Перица добила пет гласа, додека судијката Данка Ристова од Апелацискиот суд Штип добила 27 гласа.

– Избран член на Судскиот совет на Република Северна Македонија од редот на судии од општа листа на кандидати од апелационо подрачје Штип е судијата Данка Ристова од Апелациониот суд Штип, која добила вкупно 27 гласа – соопшти Јакупи.

Како што појасни, секој кандидат има право на приговор во рок од пет часа од соопштувањето на резултатите, доколку, пак, нема приговори, тогаш по 12 часа се прогласуваат конечни резултати.

The post СУДСКИОТ СОВЕТ ДОБИ НОВИ ЧЛЕНОВИ Аритон Ала и Данка Ристова добија најмногу гласови на изборите appeared first on plusinfo.mk.

Претседателот на Комисијата за прашања на изборите и именувањата Ѓорѓија Сајкоски соопшти дека на огласот во законскиот превиден рок се пријавиле тројца кандидати за оваа функција.

– За член на Советот на јавни обвинители се избира лице кое е од редовите на универзитетски професори по право, адвокати, поранешни судии на Уставен суд, меѓународни судии и други истакнати правници кои ги исполнуваат следните услови – да е државјанин на Република Македонија, да е дипломиран правник со најмалку 15 години работно искуство во правната професија, со положен правосуден испит и кое во вршење на правната професија се истакнало со научна или професионална работа или со свое јавно делување и да не е осуден со правосилна одлука или пресуда за кривично дело злоупотреба на службена должност и овластување во вршење на функција или друго кривично дело – рече Сајкоски.

Утврдена е и Одлуката за именување членови на Комисијата на Агенцијата за електронски комуникации. Од 19 кандидати за членови на Комисијата на Агенцијата, комисискиот филтер го поминаа Анкица Трпковска, дипломиран јавен администратор од Скопје, Орце Симов, дипломиран  електро-технички инженер од Делчево, Ангелинка Динеска, дипломиран инженер по компјутерски науки од Битола, Адмирим Аљити, дипломиран по компјутерски науки и доктор по компјутерски науки од Куманово и Насер Адеми, дипломиран економист од Скопје.

Во рамки на оваа седница беше утврдена и Одлуката за именување на претседател, потпретседател и членови на Националниот совет за евроинтеграции.

The post АДВОКАТ ОД СТРУГА И ПРАВНИК ОД АРАЧИНОВО Поминаа низ комисискиот филтер за членови на Советот на обвинители appeared first on plusinfo.mk.

Комисијата за избор ги сумираше резултатите од денешното гласање за избор на двајца членови на Советот, еден од редовите на врховните судии и еден од апелационо подрачје Битола. Гласањето започна во 8 часот и траеше непрекинато до 15 часот, а се одвиваше на вкупно седум избирачки места, каде судиите гласаа за кандидатите од своето апелациско подрачје.

На избирачкото ливче од редот на врховните судии беа Цветанка Периќ и Исамедин Лимани, за кои гласале 11 од вкупно 15 запишани гласачи. Комисијата за избор информираше дека за судијата Исамедин Лимани гласале седум судии, додека за судијката Цветанка Периќ двајца судии. Според резултатите, две гласачки ливчиња биле неважечки, а четири гласачки ливчиња биле неупотребени.

Судскиот совет не ѝ дозволи на судијката Цветанка Периќ да се повлече од изборите, иако таа поднесе известување дека се повлекува од изборната трка од здравствени причини.

Од битолското апелациско подрачје кандидати за членови на Советот беа судиите на Апелационен суд Битола, Александар Камбовски и Татјана Сусулеска, како и судијката на Основниот суд Охрид, Александра Поп Стефанија. Според резултатите кои ги објави Комисијата, Камбовски е избран за член на Судски совет со вкупно освоени 28 гласа, за неговата противкандидатка Сусулеска гласале 10 избирачи, додека пак, за Поп Стефанија гласале тројца избирачи. Правото на глас од битолското апелациско подрачје го искористиле 42 судии од вкупно 43 запишани. Според резултатите, едно гласачко ливче било неважечко, како и едно неупотребено.

Комисијата за избор информираше дека до полноќ трае рокот за поднесување на приговори од страна на кандидатите за членови на Судскиот совет.

Согласно Законот за судски совет членовите на Советот од редот на судиите имаат мандат од шест години, со право на уште еден избор по истекот на најмалку шест години од престанокот на претходниот мандат во Судскиот совет.

The post ЛИМАНИ И КАМБОВСКИ Судски совет доби двајца нови членови appeared first on plusinfo.mk.

По тридневно јавно интервјуирање, за нови членови на Државната комисија за спречување на корупцијата се предложени ревизорите Татјана Димитровска, Цвета Ристовска и Зоран Богоевски, вработените во ДКСК Билјана Каракашова Шулев и Бесник Џемаиљи, судијката Софија Спасова Медарска и Сервет Демири од ревизијата на претпристапната помош за ЕУ.

Претседател во следните пет години ќе биде Татјана Димитровска. Таа 19 години работи во Државниот завод за ревизија, а од пред две години е помошник на главниот ревизор, меѓу другото, како што рече и за ревизија на политички партии, ДКСК, АВМУ, ДИК и други.

Камиловска Трповска тврди дека рангирање е последица на „необјективно и оркестрирано гласање“ на другите членови на Комисијата за селекција.

„Евидентно од посочената ранг-листа е дека како претставник на граѓански сектор од областа на демократија и владеење на право имам целосно различна перцепција за избраните кандидати, со што јасно се манифестира и ставот на граѓанските организации за идниот состав“, вели Камиловска Трповска во дописот.

Во издвоеното мислење таа вели дека изненадува како другите претставници на Комисијата за селекција „изнајдоа компромис токму и само за овие кандидати и покрај слабите интервјуа, одбивањето да одговорат на директни прашања за општествени состојби, како процесот на заробеност на државата, високопрофилни случаи кои се веќе предмет на работа на сегашната ДКСК, а се дел и од констатирани состојби од Извештајот на Европската Комисија за 2023 година, прашања поврзани со политичка и правосудна поврзаност, тргување со влијание, лобирање и слично“.

ПРЕДЛОЖЕН НОВИОТ СОСТАВ НА АНТИКОРУПЦИСКАТА КОМИСИЈА Ако добијат „амин“ од пратениците, овие лица ќе бидат ноќна мора за корумпираните

The post КАНДИДАТИТЕ ЗА НОВИ ЧЛЕНОВИ НА АНТИКОРУПЦИСКА НЕ СЕ ПО ВОЛЈА НА ГРАЃАНСКИОТ СЕКТОР? Членка на Комисијата за селекција го издвоила мислењето appeared first on plusinfo.mk.

Како што информираат од писателската асоцијација, сите заинтересирани кандидати треба да достават во Друштвото: молба за прием во ДПМ потпишана своерачно, со адреса, мејл и телефон за контакт, како и согласност доколку бидат избрани – да уплатат членарина од 600 денари годишно за наредната 2023 година.

– Треба да се достави и: био-библиографија со податоци за сите објавени книги досега, но и со податоци за наградите, признанијата и слично. Но, најбитно е да се достават најмалку две објавени книги и две препораки од писатели – членови на ДПМ (препораките не смее да бидат од членовите на Претседателството на ДПМ, бидејќи тие ќе одлучуваат за приемот на новите членови, а еден писател – член на ДПМ може да даде само една препорака) – наведуваат од ДПМ.

Гласањето ќе биде тајно и секој што ќе освои мнозинство гласови (6 или повеќе од вкупно 11 членови на Претседателството на ДПМ) ќе биде примен за нов член на ДПМ.

Документите се доставуваат во Друштвото во работните денови од 8-16 часот, а учесниците од странство своите документи можат да ги испратат преку пошта на адреса Друштво на писателите на Македонија, ул.Максим Горки бр.18, 1000 Скопје, или на мејл: drustvonapisatelimk@gmail.com

Новите членови на Друштвото на писателите на Македонија ќе бидат избрани на крајот од месец ноември оваа година и ќе бидат известени преку медиумите и социјалните мрежи, стои во соопштението.

The post ДРУШТВОТО НА ПИСАТЕЛИ ГО ПРОШИРУВА СВОЈОТ СОСТАВ Отворен Конкурс за нови членови appeared first on plusinfo.mk.

Наградата „Стале Попов“ за најдобро прозно остварување минатата година ја доби Ивица Челиковиќ за романот „Ден за одмазда“ во издание на  „Паблишер“. Наградата „Ацо Шопов“ за најдобра поетска книга  му припадна на Санде Стојчевски за стихозбирката „Великата лирска песна: песни за Неа“ во издание на  „Дијалог“.

Наградата „Димитар Митрев“ за најдобра критичко-есеистичка му е доделена на Димитар Пандев за делото „Времето на Конески“ во издание на „Панили“.  Наградата Ванчо Николески“ за најдобра книга за деца и млади ја доби Венко Андоновски за романот за деца „Имаш пчела на носот: роман за њутајмер и олдтајмер тинејџери“ на издавачката куча „Паблишер“.

Во обраќање по повод годишнината од основањето на Друштвото на писателите на Македонија, неговата  претседателка Соња Стојменска-Елзесер истакна дека ДПМ денес има околу 300 активни членови од различни генерации и со различни стилски и жанровски профилации.

-Тие денес се исправени пред многу предизвици: какви ќе бидат патиштата на литературата во иднина? Ќе опстои ли во своите познати рамки или ќе се модифицира? Новите технологии и медиуми, новите начини на комуникација, новите животни стилови, новата нормалност… што тие ќе значат за книжевниот израз? Како ќе се вклопат писателите во процесите на книжевниот пазар… И, особено важно, како ќе се презентираат и афирмираат домашните специфики пред странската читателска публика? Сите овие и многу други прашања се поставуваат пред писателите денес – рече Стојменска-Елзесер.

На годишнината од основањето, ДПМ има 6 нови членови – автори кои, како што информира писателската асоцијација, добиле некоја од престижните книжевни награди и веќе стекнале сериозна писателска репутација.

Претседателството на ДПМ овојпат одлучило да направи исклучок од вообичаената практика на проширување на бројот на членови преку јавен повик на кој се пријавуваат кандидати и директно да покани за членство.

Поканата за членство во ДПМ ја прифатија: Владимир Јанковски, Румена Бужаровска, Елизабета Баковска, Јовица Ивановски, Снежана Младеновска-Анѓелков и Никола Маџиров.

– Се радуваме и го поздравуваме нивното зачленување во ДПМ и очекуваме нивната понатамошна активност да внесе дополнителен квалитет и креативна разнообразност –  соопшти ДПМ.

На 13 февруари 1947 година Друштвото на писателите на Македонија го основале: Блаже Конески, Димитар Митрев, Славко Јаневски, Васил Иљоски, Ристо Крле, Иван Точко, Венко Марковски, Владо Малески, Ацо Шопов и Коле Чашуле.

The post ДОДЕЛЕНИ ГОДИШНИТЕ НАГРАДИ НА ДПМ Челиковиќ, Стојчевски, Пандев и Андоновски меѓу добитниците appeared first on plusinfo.mk.

„Во име на Алијансата на Албанците упатуваме повик до секој поединец на возраст од повеќе од 18 години да и се придружи на нашата голема ‚Кауза за нов живот!’ Потребни сме си еден на друг повеќе од кога било досега, бидејќи само така можеме да ги придвижиме ‘рѓосаните сказалки на овој опасен владин часовник! Зачленувањата започнаа и завршуваат на 15 февруари 2022 година. Бројот на пријавени е толку голем, што лесно се разбира нивниот револт против власта! Секоја диктатура која игра против народот може да победи на секој натпревар, но шампионатот на крајот секогаш го добива народот и ова е неговото време! Дојдете! Бидете дел од решението! Потпишете ја историјата, бидејќи… Победата им припаѓа на оние што се осмелуваат“, истакна Таравари.

Гостиварскиот лекар порака ја објави на Фејсбук.

The post ТАРАВАРИ ПОВИКУВА НА КАУЗА ЗА НОВ ЖИВОТ Во борбата со народот, диктатурата секогаш губи appeared first on plusinfo.mk.

Нивниот мандат, како што информираа од Банката, почнува на 10 декември  и трае 4 години.

Надзорниот одбор на Банката има 5 члена од кои едниот е претседател.

Надзорниот одбор врши надзор на работењето на Управниот одбор, ги одобрува политиките за вршење на финансиски активности и го надгледува нивното спроведување.

Членовите на Надзорниот одбор се и претставници на државниот капитал во Собранието на банката.

The post НОВ СОСТАВ НА НАДЗОРНИОТ ОДБОР НА РАЗВОЈНА БАНКА Магдалена Симоновска, Вјолца Ејупи и Милаим Амети избрани за членови appeared first on plusinfo.mk.

– .ВМРО-ДПМНЕ е најголемото политичко семејство каде се запазуваат нашите традиционални вредности, каде на прво место е солидарноста, грижата за татковината и борба против сите ретроградни сили.ВМРО-ДПМНЕ на тој план секогаш била пионер и зачетник на големите промени во општеството, од почетокот на нејзиното создавање на нашата држава до денес. Нашата борба е возможна доколку секој еден од вас го даде својот придонес. ВМРО ги отвора вратите за младите, способните, образованите, искусните, работливите, чесните и оние кои заедно со нас сакаат да создаваат иднина. Иднината е наша заедничка, пишува Сајкоски.

Тој ги повика граѓаните да се приклучат.

– Биди дел од промените кои ја носат македонската пролет, кои се дел од новата визија, од Македонија не само каква ја сакате, туку и каква ја заслужувате. Приклучи се затоа што сакаш да бидеш дел од промените во нашата земја. Приклучи се затоа што Македонија има потреба од твоето знаење и капацитет, и нам ни требаат големи чекори напред, а не мали промени. Приклучи се затоа што можеш да ги менуваш работите и создаваш иднина, напиша Сајкоски на Фејсбук.

The post Сајкоски: ВМРО-ДПМНЕ почнува со акција на зачленување на нови членови appeared first on plusinfo.mk.