Со изградбата на водоводна инфраструктура во населбата Камник  конечно ќе се реши долгогодишниот проблем со снабдување со вода за пиење на жителите од овој дел на општина Кисела Вода, изјави премиерот Христијан Мицкоски, по увидот во градежните активности заедно со градоначалничката на Општина Кисела Вода, Бети Стаменкоска Трајкоски.

-Целокупниот проект е многу значаен за овој дел на Општина Кисела Вода, затоа што тоа што недостасуваше досега, тоа е водата за пиење. Ќе биде конечно затворен тој проблем – рече Мицкоски.

Тој најави дека по завршувањето на водоводната мрежа ќе следува реконструкција на сообраќајната инфраструктура, односно асфалтирање на патот.

Мицкоски нагласи дека Владата продолжува со реализација на проекти кои се од значење за граѓаните и дека активностите се спроведуваат плански и систематски, во согласност со утврдените потреби и можностите на институциите.

-Така што плански се работи, систематски се работи, потребите се јасни, а ние како Влада, нашата задача и цел е да овие потреби одговориме согласно нашите можности и се надевам дека тоа досега го правиме – рече Мицкоски.

The post КАМНИК ДОБИВА НОВА ВОДОВОДНА МРЕЖА Мицкоски најави и нова сообраќајна инфраструктура appeared first on plusinfo.mk.