Ново истражување сугерира дека еден од клучните сојузници во борбата против најчестата форма на деменција може да биде орган за кој речиси никогаш не се дискутира во овој контекст. Станува збор за црниот дроб.

Истражувачите развија експериментална генска терапија која ја подобрува способноста на црниот дроб да го отстрани амилоидот (леплив протеин кој се смета за една од главните причини за Алцхајмеровата болест) од крвта. Резултатите, објавени во научното списание Neuron, покажаа дека овој пристап значително го намалил акумулирањето на амилоидни плаки во мозокот кај лабораториските глувци, а исто така ги подобрил и нивните когнитивни способности, пишува Daily Mail.

Алцхајмеровата болест е поврзана со акумулирање на амилоид помеѓу мозочните клетки. Со текот на времето, овој протеин се претвора во плаки кои се мешаат во комуникацијата помеѓу невроните. Дополнителна штета предизвикува протеинот тау, кој се акумулира во клетките и доведува до нивно пропаѓање.

Сегашните лекови можат само да го забават напредувањето на болеста, но не можат да го запрат или да го вратат во првобитниот тек. Некои од нив се поврзани и со сериозни несакани ефекти како што се гадење, вртоглавица и, во некои случаи, оток или крварење во мозокот.

Затоа новото откритие предизвикува голем интерес во научната заедница. Имено, претходните истражувања главно се фокусираа на процесите што се случуваат во мозокот, додека новата студија сугерира дека и она што се случува надвор од него игра важна улога.

Амилоидот не останува само во мозокот

Иако амилоидот се формира во мозокот како нуспроизвод на нормалните метаболички процеси, дури 60 проценти од овој протеин завршуваат во крвотокот. Црниот дроб е одговорен за неговото отстранување од телото.

Целиот текст прочитајте го ТУКА.

The post КЛУЧОТ ЗА АЛЦХАЈМЕР НЕ Е ВО МОЗОКОТ?! Научниците открија неочекуван начин за борба против Алцхајмеровата болест appeared first on plusinfo.mk.

Првиот возрасен пациент во Обединетото Кралство кој во склоп на јавниот здравствен систем (NHS) доби нова, револуционерна CAR-T терапија за агресивна форма на леукемија, го опиша третманот како пресвртница во борбата против болеста.

Оскар Марфи, 28, е првиот пациент во Обединетото Кралство на кој му е даден „жив лек“, наречен CAR-T терапија, за неговиот рак на крвта, во Кралската болница во Манчестер.

На 2 јануари Оскар ја примил првата од двете инфузии од сопствените имунолошки клетки, кои биле генетски модифицирани за да го препознаат и таргетираат неговиот рак.

NHS England се согласил да ја финансира имунотерапијата во неколку центри низ целата земја. Околу 50 пациенти на NHS годишно веројатно ќе имаат корист од неа.

Станува збор за иновативна форма на имунотерапија која ги користи сопствените клетки на пациентот за уништување на ракот и наскоро треба да биде достапна и во Хрватска.

Дваесет и осумгодишниот Оскар Марфи од Манчестер е првиот возрасен пациент со акутна лимфобластна леукемија од Б-клетки (B-cell ALL) на кој му е одобрена оваа нова генерација на CAR-T терапија која е одобрена и се користи како стандарден третман во рамките на NHS. Терапијата често се нарекува „жива медицина“ бидејќи се базира на генетски модифицирани имунолошки клетки кои, по враќањето во телото на пациентот, продолжуваат да дејствуваат со месеци, па дури и години, пишува Би-Би-Си.

На Оскар му била дијагностицирана леукемија во март 2025 година. Тој бил подложен на хемотерапија и трансплантација на матични клетки, но болеста се вратила неколку месеци подоцна. Бидејќи станува збор за исклучително агресивна форма на леукемија, прогнозата била лоша – без нова терапија, возрасните пациенти често не живеат подолго од шест до осум месеци.

Во јануари оваа година, во Кралската болница во Манчестер, тој примил две инфузии од сопствените Т-лимфоцити, кои претходно биле генетски „репрограмирани“ во лабораторијата за препознавање и уништување на клетките на ракот. Во само неколку лажички течност, имало повеќе од 400 милиони модифицирани имунолошки клетки.

– Звучи како научна фантастика, но помислата дека моите сопствени клетки можат да го елиминираат ракот е фантастична за мене – вели Оскар за Би-Би-Си.

The post 🎥 ОВА Е НАУЧНА ФАНТАСТИКА! Оскар Марфи е првиот возрасен пациент во Обединетото Кралство кој доби нова терапија за агресивна форма на леукемија appeared first on plusinfo.mk.

Ново поглавје во медицината го отвори британски тим кој успеа да го запре најагресивниот облик на леукемија кај пациенти за кои повеќе немало спас. Тимот од Универзитетскиот колеџ во Лондон и детската болница „Грејт Ормонд Стрит“ примени метод на прецизно уредување на ДНК, со кој белите крвни клетки се претвораат во жив лек што го уништува ракот.

Тинејџерка ја победи болеста, сега сонува за лабораторија

Шеснаесетгодишната Алисa Тепли од Лестер мислела дека нема да го доживее своето полнолетство. Болеста ѝ ги исцрпела сите можни терапии. Ниту хемотерапијата, ниту трансплантацијата од коскена срцевина не дале резултат.

– Мислев дека ќе умрам и дека никогаш нема да имам можност да правам што прават другите деца – изјави таа.

По експерименталниот третман ѝ бил уништен стариот имунолошки систем, а во телото ѝ биле вбризгани нови, генетски препишани Т-клетки.

Денес ракот не е видлив, а Алисa се подготвува за возачка дозвола и сака да студира биомедицински науки за еден ден самата да помогне во истражувањето на крвните заболувања.

Како функционира „живиот лек“

Истражувачите користеле технологија наречена base editing, со која може да се измени една единствена „буква“ во генетскиот код. Притоа, здравите Т-клетки од донор се препишуваат така што: го губат својот природен механизам за напад врз организмот на пациентот, го отстрануваат протеинот CD7 за да не се самоуништуваат, добиваат „невидливост“ пред одредени хемотерапевтици, се програмираат да ги ловат сите клетки што го носат CD7 – токму оние што го предизвикуваат ракот.

Лекарите опишуваат дека терапијата практично го „демонтира“ целиот имунолошки систем и го рестартира од нула – ризичен процес, но со резултати што до пред неколку години би биле научна фантастика.

Резултати што носат надеж

При првите испитувања спроведени во Лондон биле вклучени единаесет пациенти, меѓу нив осум деца и двајца возрасни со најтешка форма на Т-клеточна акутна лимфобластна леукемија. Деветмина влегле во длабока ремисија и можеле да подлежат на трансплантација. Седум сè уште се без траги од болеста, некои повеќе од три години по третманот.

– Пред неколку години ова ќе звучеше како фантазија. Сега гледаме дека работи – изјави професорот Васим Касим од Универзитетскиот колеџ во Лондон.

Од болницата „Грејт Ормонд Стрит“ додаваат дека пациентите, иако минуваат низ тешки месеци изолација и ризик од инфекции, добиваат вистинска шанса за живот.

Новата граница на медицината?

Резултатите објавени во списанието „New England Journal of Medicine“ се опишани како најсилен доказ досега дека уредувањето на гените може да се користи за лекување на смртоносни болести. Лекарите предупредуваат дека кај неколку пациенти ракот развил отпор со губење на CD7-маркерот, но дека технологијата може да се надгради за да ги препознае и тие варијанти.

Според експертите, оваа метода би можела да се примени и кај други видови рак и наследни болести, чекор што, според многумина, претставува почеток на нова ера во медицината.

The post ЗА ПРВПАТ ГЕНИЈАЛНО УРЕДЕНА ДНК ГО ПОБЕДИ РАКОТ Научниците спасија тинејџерка и отворија нова ера appeared first on plusinfo.mk.

„За овој начин на лекување нашите пациенти претходно одеа да се лекуваат надвор од нашата земја, а фотоферезната имунолошка клеточна терапија популарно наречена фотофереза од сега им е достапна на Клиниката за хематологија. Станува збор за специјална машина во која дел од крвта на пациентот се третира со специјален фотосензитивачки лек и потоа се изложува на специфична светлосна комора во која се активира. Крвта потоа се враќа назад и делува во организмот“, се наведува во соопштението.

Министерот за здравство Венко Филипче, денеска беше во посета на пациент врз кој се вршеше оваа терапија, а новата метода на лекување ја спроведува стручен тим на Клиниката, предводен од директорката на Хематологија д-р Ирина Пановска Ставридис.

За усовршување на овој начин на лекување со медицинскиот тим на Хематологија работи едукатор од Германија.

„Имуномодулаторна терапија, нуди надеж за болните кои страдаат од Т-клеточни лимфоми, пациенти кои развиваат акутна или хронична форма на болеста GVHD, за лекување определени имунолошки болести и состојби како системска склероза, кронова болест. Со фото-имуната терапија се тертираат и пациенти после трансплатација на солидни органи – срце и бели дробови, во случаи кај кои телото го отфрла органот. Клиниката за хематологија, освен во третманот на пацинети вложува и во едукација и усовршување на својот медицински персонал, од следниот месец медицински тимови од оваа Клиника ќе одат во Загреб, на едукација и усовршување на нови методи на лекување.

Министерството за здравство гради модерен здравствен систем за сите, за Клиниката за хематологија, минатата година, обезбеди  апарат за крио презервација, односно за смрзнување на крвни матични клетки“, соопшти Министерството.

The post Воведена е фотофереза – имуномодуларна терапија на Клиниката за хематологија appeared first on plusinfo.mk.

– На новата терапија, по официјалниот крај на сите постапки, денес се ставени двајца пациенти на Инфективната клиника. Но кај нив треба задолжително да се направи и ЕКГ, бидејќи таа има и контраиндикација и  не се дава кај сите болни! Луѓето никако да не ја купуваат и земаат сами оваа терапија, која не е безазлена и се дава само по точна индикација. И при најмала промена на ЕКГ-то, таа е контраиндицирана. Денес овие пациенти завршуваат со сите кардилошки прегегледи,  па ќе се реши на кои ќе им се даде. Апелирам не само да не ја земаат на своја рака, туку никако како превенција. А за лицата на домашно лекување сега се разгледува организирање на транспортот, бидејќи оваа терапија се прима во болнички услови – рече министерот за здравство Венко Филипче.

The post Двајца заболени на Инфективна на новата терапија, граѓаните никако сами да не ја примаат appeared first on plusinfo.mk.