Новата серија за Хари Потер, која беше најавена во 2023 година, ќе посвети по една сезона на секоја од седумте книги на Џ.К. Роулинг. Снимањето започна во јули, а се очекува серијата да дебитира во 2027 година. 11-годишниот Доминик Меклафлин ја презема улогата што го прослави Даниел Редклиф.

Арабела Стентон и Аластер Стаут ќе ги играат Хермиона Гренџер и Рон Визли, улогите што претходно ги играа Ема Вотсон и Руперт Гринт во филмската серија.

HBO ја објави првата фотографија од новата серија за Хари Потер, со што официјално започнува претставувањето на долгоочекуваната телевизиска адаптација на популарната сага.

Фотографијата, споделена на официјалниот инстаграм-профил, го прикажува младиот Хари, снимен од грб. Тој носи црвено-златна наметка, боите на домот Грифиндор, со неговото презиме и број на грбот. Пред него, група ученици влегуваат на теренот, украсен со знамиња на Грифиндор и Хафлпаф.

 

View this post on Instagram

 

A post shared by Harry Potter (@harrypotter)

Серијата во моментов се снима во студијата „Ворнер Брос“ во Ливсден, Велика Британија. Покрај Меклафлин, Алестер Стоут и Арабела Стентон, во екипата се и Џон Литгоу како Албус Дамблдор, Џенет МекТир како Минерва Мекгонагл, Папа Есиеду како Северус Снејп и Ник Фрост како Рубеус Хагрид.

Проектот го води Франческа Гардинер, додека режијата е доверена на Марк Мајлод. Меѓу извршните продуценти се и авторката Џ. К. Роулинг, како и Нил Блер, Рут Кенли-Летс и Дејвид Хејман.

The post ПРВА ФОТОГРАФИЈА ОД СНИМАЊЕТО НА НОВИОТ ХАРИ ПОТЕР Доминик Меклафлин во улогата што го прослави Даниел Ретклиф appeared first on plusinfo.mk.

Понесени од фактот дека во изминатите 30-на години, на нашите медиуми има недостаток од тинејџерска играна серија, серијалот „Тин камп“ ќе биде забавно-музички серијал кој ќе обработува теми соодветни за тинејџерите.

Неколку тинејџери, таленти во музика и танцување се упатуваат во Крушево, за да бидат учесници во реномиран музички камп. Сите учесници се дојдени со иста цел, преку натпревар да ја освојат главната награда, а тоа е стипендија за реномираниот американски музички универзитет „Беркли“. Поради привлечноста на наградата, а и самото реноме на кампот, во Крушево се собираат деца од неколку балкански држави, со што кампот станува интернационален. Самата локација, градот Крушево, на децата ќе им обезбеди средина поволна за дружење, музика, искуства и авантури. Со оглед на тоа дека Крушево како град не е доволно медиумски експлоатиран, децата од серијалот ќе ја запознаат сета магија која ја носи градот, како што е историјата, природната убавина, авантурите и неверојатната енергија.

Во 10 епизоди во времетраење од 30-на минути, учесниците на кампот ќе доживеат неповторливо искуство, учејќи нови животни лекции. Во посебни епизоди ќе се зборува за историјата на градот, преку локациите како што се Мечкин Камен, Македониум и слично. Посебна епизода ќе има и во спомен куќата на Тоше Проески.

Сепак, тинејџерскиот серијал не би бил тинејџерски без искуствата со кои се соочуваат децата на таа возраст. Во серијата „Тин камп“ се зборува за реалните проблеми на младите, како што се првата љубов, разочарувањето, љубомората, првото пијанство, односот со родителите, емотивната состојба на младите, здравјето, внатрешниот мир, семејството, вистинските пријатели, малите задоволства, желбата да се помогне. Заклучокот на крајот е дека пријателите се темелите на нашиот живот. Тие ги прават нашите животи побогати и исполнети. Времето поминато со пријателите, семејството и со саканите е најважниот момент во животот.

Како дел од главните актери се појавуваат Миха Гигов, Филип Поповски, Анастасија Џабирски и Филип Ивковски-Боно, кои во новата серија ги глумат истите ликови, со што гледачите ќе имаат можност да видат како тие созреваат и живеат во својот адолесцентен период. Освен добро познатите ликови, во серијалот ќе глумат и тинејџерите Петар Маниќ, Марија Јанчевска, Дарија Врачевиќ, Далија Стојменова, Кристијан Георгиев, Дамјан Мишов, Марин Стојановски, Фљона Исени, Калина Калчоски, Ања Стојанова и многу други на возраст од 14 до 17 години, кои ќе бидат архетипови на различни карактери во кои публиката ќе може да се препознае и да се поистоветуваат.

Во серијалот, улоги имаат и реномираните македонски актери: Петар Мирчевски, Ивица Димитријевиќ, Ангела Димитрова, Оливер Митковски, Драгана Левенска, Бранко Бенинов, Тања Кочовска Павловска, Предраг Павловски и други.

The post МУЗИЧКИ КАМП, ПРВА ЉУБОВ, ПРВО ПИЈАНСТВО Што носи новата тинејџерска серија „Тин камп“? appeared first on plusinfo.mk.