Риалити ѕвездата Крис Џенер наводно е незадоволна од резултатите од нејзината скапа козметичка процедура, речиси една година откако направила лифтинг на лицето вреден околу 100.000 долари.

Според Page Six, 70-годишната Џенер размислува да ја корегира процедурата бидејќи резултатите, според извор близок до ѕвездата, не ги исполниле нејзините очекувања.

– Лифтингот на лицето веќе попушта. Таа не е среќна и очајно сака уште една процедура – рекол изворот.

Истиот извор тврди дека Џенер верува дека резултатите не се толку долготрајни како што очекувала, а дополнително е фрустрирана од споредбите со други познати личности. Таа наводно е незадоволна бидејќи актерки како Дениз Ричардс и Лори Лафлин изгледаат подобро по нивните козметички процедури и дека во споредба со нив, нејзините резултати се „бледи“ .

 

View this post on Instagram

 

A post shared by Kris Jenner (@krisjenner)

Интересно е, сепак, што токму оваа процедура беше вистински глобален хит минатата година. Кога се појави во јавноста, многумина беа изненадени од нејзиниот изглед – дури ја помешаа со нејзината ќерка Ким Кардашијан во еден момент во Париз. Нејзината трансформација потоа предизвика огромен интерес на социјалните медиуми, при што многумина зборуваа за нејзиното „драматично подмладување“ што стана тема на бројни медиуми и дискусии за убавина.

 

View this post on Instagram

 

A post shared by Kris Jenner (@krisjenner)

Според претходните извештаи, процедурата ја извршил познатиот пластичен хирург Стивен М. Левин, кој често се нарекува „мајстор на фејслифтинг“.

Во интервју за Vogue Arabia, Џенер претходно објасни дека одлучила да ја направи процедурата затоа што сакала да го освежи својот изглед по претходниот фејслифтинг што го направила пред 15 години.

– Сакам да бидам најдобрата верзија од себе и тоа ме прави среќна – рекла таа во тоа време, додавајќи дека стареењето не значи откажување од себе.

Таа, исто така, нагласила дека секој има право да избере како ќе старее: додека некои избираат природен пристап, таа верува дека естетската хирургија е нејзин начин на „грациозно стареење“.

Во оваа одлука имала поддршка и од своите деца; нејзината ќерка Кајли Џенер била со неа за време на процедурата, додека Ким следела сè преку видео повик.

The post КРИС ЏЕНЕР ЌЕ ОДИ НА ПОПРАВКА?! Риалити ѕвездата сака да го корегира фејслифтингот од 100.000 долари appeared first on plusinfo.mk.