Tурската компанија „Сиврилер Груп“ (Sivriler Group“) разгледува можност за реализација на нова инвестиција во земјава, информира дирекцијата на ТИРЗ.

Намерата, како што наведуваат од Дирекцијата ја соопштил дирекеторот на компанијата Ахмет Сиври на средба со директорот на дирекцијата Гоце Димовски.

Претставниците на компанијата се запознале со инфраструктурните капацитети и условите што се нудат за инвеститорите.

– Истовремено, беше разгледан и инвестицискиот проект, што предвидува вложување од 25 милиони евра и отворање на повеќе од 100 нови работни места. Согласно првичните планови, инвестицијата на „Sivriler Group“ ќе биде насочена кон воспоставување производствен капацитет што ќе биде извозно ориентиран – велат од Дирекцијата ма ТИРЗ.

Претставниците на „Sivriler Group“ изразија задоволство од условите за инвестирање и од можностите што ги нуди Македонија, нагласувајќи дека посетата претставува значаен чекор во понатамошната евалуација на инвестицијата и продолжување на разговорите за нејзина реализација.

„Sivriler Group“ е основана во Турција во 1998 година, а со неа управуваат Метин Сиври и Ахмет Сиври. Тие се фокусирани на градежништвото и модерната градба. Исто така, делува како дистрибутер за многу водечки добавувачи во градежниот сектор.

The post ТУРСКАТА ГРАДЕЖНА КОМПАНИЈА „СИВРИЛЕР ГРУП“ САКА ДА ИНВЕСТИРА ВО МАКЕДОНИЈА Инвестицискиот проект е во вредност од 25 милиони евра appeared first on plusinfo.mk.

Турската компанија „Cavo Otomotiv“ планира да отвори фабрика во ТИРЗ Тетово која би требало да отвори повеќе од 400 нови работни места. За потенцијалната инвстиција денеска разговараа директорот на Дирекцијата за технолошко-индустриските развојни зони Гоце Димовски и главниот менаџер на турската компанија Кемал Аманоел.

Како што соопштија од Дирекцијата, од страна на компанијата „Cavo Otomotiv“ е изразено задоволство од досегашната комуникација и соработката со институциите, како и интерес за навремена реализација на инвестицијата.

Аманоел истакна дека компанијата ја препознава земјава како стабилна и конкурентна дестинација за долгорочни инвестиции, со квалификувана работна сила и поволна геостратешка позиција.

Димовски го посочи значењето на ваквите инвестициски проекти за националната економија.

„По започнување на иницијалните разговори за потенцијална инвестиција во март минатата година, проектот за оваа инвестиција е во напредна фаза, при што интензивно се работи на финализирање на сите предуслови за негова реализација“, наведуваат од Дирекцијата на ТИРЗ.

Мултинационалната корпорација „Cavo Otomotiv“ работи во индустријата за автомобилска опрема, дизајнира и произведува безбедносни производи, како и разни механизми и оперативни кабли за многу водечки производители на автомобили. Освен во Турција, компанијата е присутна и во Канада, Германија и Словачка, а потенцијалната инвестиција во рамки на ТИРЗ ќе има клучно значење како за Македонија, така и за Европа.

The post НАСКОРО НОВА ИНВЕСТИЦИЈА ВО ИНДУСТРИСКАТА ЗОНА ВО ТЕТОВО „Cavo Otomotiv“ планира изградба на фабрика со 400 работници appeared first on plusinfo.mk.