Градоначалникот на Скопје Орце Ѓорѓиевски најави нов мост и кружен тек меѓу Сарај и Ѓорче Петров, кои ќе создадат нов, современ влез во Скопје.

Тој вчера објави дека е донесен ребалнсот на буџетот на Градот со кој е предвидена изградба на нов мост и улица што ќе ги поврзат Ѓорче Петров и Сарај.

За овој проект во Развојната програма се предвидени 420 милиони денари. Целта е со новата инфраструктура да се создаде и нов влез во Скопје.

„На последната седница на Советот на Град Скопје, со ребалансот на Буџетот обезбедивме средства за реализација на еден исклучително значаен капитален проект – изградба на нов мост и кружен тек што ќе ја поврзат Општина Сарај со Ѓорче Петров и ќе создадат нов, современ влез во главниот град. Со оваа инвестиција ќе обезбедиме ново и директно сообраќајно поврзување меѓу Сарај и Ѓорче Петров, полесно и побезбедно движење, подобра сообраќајна поврзаност и нова развојна перспектива за целиот западен дел на Скопје“, објави Ѓорѓиевски.

Проектот предвидува кружен тек со две сообраќајни ленти и челичен мост со должина од 110 метри. Вкупната должина на новото булеварско решение, заедно со кружниот тек и мостот, изнесува 1.172 метри. Од двете страни ќе бидат изградени велосипедски и пешачки патеки, како и тактилни патеки за слепите и слабовидните лица.

The post 🎥 ЕВЕ КАКО ЌЕ ИЗГЛЕДААТ НОВИОТ МОСТ И ВЛЕЗОТ ВО СКОПЈЕ Ѓорѓиевски објави видео од проектот appeared first on plusinfo.mk.

Повторно е во функција мостот на реката Вардар кај Башино Село во Општина Велес. По зајканувањето на неговата долна конструкција, односно гредите и столбовите, мостот издржува товар до 40 тони и граѓаните можат безбедно да се движат.

Мостот е изграден во 1971 година, пред повеќе од 5 децении. Во последните 15 години беше високо ризичен за минувачите, поради што Владата, по препорака на Градежниот факултет, во јануари годинава беше задолжена да го затвори.

– По 6 месеци повторно сме тука, со исполнето ветување кое тогаш го дадовме пред граѓаните. Ги завршивме работите на мостот многу побрзо од што се очекуваше. Се зајакнаа гредите и столбовите и сега мостот е стабилен и функционално е многу јак – истакна директорот на Јавното претпријатие за државни патишта, Коце Трајановски.

Тој најави дека во соработка со Министерството за транспорт веќе е во фаза проектирање на нов мост.

– Проектирањето е при крај, се надеваме дека во втората половина на годината ќе се објави тендерот за изградба на мостот и тоа по нова технологија, што досега не сме ја имале во земјава – рече Трајановски.

Премиерот Христијан Мицкоски информираше дека мостот е пуштен во употреба и дека безбедноста е на прифатливо ниво.

– Сега сите сме сведоци дека повеќе не треба да ја користиме честичката „ќе“, туку „е“ – мостот е пуштен во употреба, бидејќи веќе сообраќаат тука возила и товарни и лесни патнички, така што цениме дека безбедноста е на прифатливо ниво. Овој потфат беше прилично брз, ефикасен и еве, конечно мислам дека ќе успееме да обезбедиме побрз транспорт во рамките на градот Велес – рече Мицкоски.

Според градоначалникот на Велес Марко Колев, во изминатите 15 години ниту еден премиер или министер не презел ништо за санација на мостот.

– Кога локалната и централната власт седнуваат на маса и разговараат, доаѓаат до вакви решенија за проблемите што ги мачат граѓаните. Преку 15 години мостот беше проблем. Не знам колку премиери и министри за транспорт и колку директори на јавни претпријатија дојдоа на оваа локација, но даваа ветувања од кои немаше ништо. Пред 6 месеци, по добивањето на извештајот од Градежниот факултет за алармантноста на состојбата, мостот беше затворен. Факултетот направи техничко решение, Владата овозможи негова реализација и денес веќе долниот дел од мостот е целосно реконструран. Мостот е пуштен за сообраќај во двата правца, граѓаните можат безбедно да се движат. Пораката до граѓаните е без страв да се движат по мостот – истакна Колев.

The post НОВИОТ МОСТ ЌЕ СЕ ГРАДИ ПО ДОСЕГА НЕУПОТРЕБУВАНА ТЕХНОЛОГИЈА ВО МАКЕДОНИЈА Стариот мост кај Башино Село е зацврснат и безбеден за движење appeared first on plusinfo.mk.

– Овој мост е симбол на битката со проектот Скопје 2014 и драго ми е што конечно граѓаните може да го користат како јавен простор. Направивме модерен мост наместо најрасипничкиот проект на ВМРО-ДПМНЕ, Панорамското тркало. Со стопирање на овој проект заштедивме 10 милиони евра пари на граѓаните и ги пренаменивме за други корисни проекти. Овој мост е победа на одговорното управување со вашите пари наспроти злоупотребите на ВМРО-ДПМНЕ – порача градоначалникот Шилегов.

Тој вели дека овој мост е победа на модерно Скопје наспроти лажното барокно минато и проектот „Скопје 2014“. Мостот ќе биде дел големата пешачка зона во центарот на градот која ќе биде готова до 2024 година.

– И кога некој ќе каже дека сите се исти, јас со гордост и сигурност можам да кажам дека не сме. За мене вие граѓаните сте важни и вашите приоритети, затоа ќе продолжиме заедно да градиме модерно Скопје. Она што особено ме радува, е дека овој мост ќе биде дел големата пешачка зона во центарот на градот која ќе биде готова до 2024 година. Со тоа, тој ќе стане прекрасно шеталиште кое ги спојува двете страни на градот – вели градоначалникот Шилегов.

Тој ја побара поддршката од граѓаните на Скопје за да се заврши сѐ она што како што вели, храбро е започнато.

The post НОВИОТ ПЕШАЧКИ МОСТ ПУШТЕН ВО УПОТРЕБА За Шилегов мостот е симбол на битката со „Скопје 2014“ appeared first on plusinfo.mk.