Шпанскиот член на Примера, Жирона денеска го промовираше македонскиот фудбалски репрезентативец, Бојан Миовски како свое ново засилување.

Миовски на прес-конференцијата зборуваше за преминувањето во шпанскиот фудбалски тим, кој оваа година ќе настапи во Лигата на шампионите, како и за своите амбиции.

– Одлуката не беше тешка. За мене ова е одлична можност. Целиот мој живот работев за ова. Мичел е одличен тренер, со големи амбиции. Има многу добра атмосфера во соблекувалната, како семејство е. Одлично сум прифатен тука и едвај чекам да почнам да играм – истакна Миовски.

Додаде дека за него е исполнување на сон потписот со Жирона и дека ќе му помогнам на тимот да ги оствари целите во сите натпреварувања.

Миовски доаѓа на местото од Довбик кој беше најдобар стрелец во Ла Лига, па беше запрашан дали се плаши од споредбите со Украинецот.

– Не, не се плашам. Јас сум поинаков играч и ќе се обидам да постигнам колку што е можно повеќе голови. Се надевам дека ќе бидам најдобар стрелец во оваа лига. Но, туку сум за да играм колективно, од првиот момент тоа ми е интересот, тоа е филозофијата која ја гледам тука и ќе се обидам да ја следам – порача македонскиот репрезентативец.

Миовски може да дебитира за Жирона во Ла Лига уште во недела, кога екипата гостува на Атлетико Мадрид.

The post „ОДУЛКАТА НЕ БЕШЕ ТЕШКА, ЦЕЛ ЖИВОТ РАБОТЕВ ЗА ОВА“ Миовски промовиран како ново засилување на Жирона appeared first on plusinfo.mk.

Шпанскиот прволигаш Џирона денеска го промовираше својот нов фудбалер – македонскиот репрезентативец Бојан Миовски.

Миовски кој одигра одлична сезона во шкотски Абердин, доаѓа во Џирона како големо засилување во напаѓачката линија.

Македонецот со свој нов клуб ќе дебитира во Лигата на шампионите.

Џирона објави дека 25-годишниот Миовски се обврза на соработка до јуни 2028 година.

Новиот напаѓач на Џирона ја започна својата професионална кариера на 18-годишна возраст, дебитирајќи во Брегалница, Во Македонија играше и за Работнички, Македонија ЃП и Ренова. Потоа потпиша за МТК во Унгарија во 2020 година. Во летото 2022 година направи трансфер за Абердин во Шкотска, каде остана две сезони. Минатата сезона тој постигна 26 гола на 53 натпревари, вклучувајќи ги и оние во шкотската Премиер лига, Лига Европа и Конференциската лига

The post УШТЕ ЕДНА ПРИЧИНА ДА ГЛЕДАМЕ ШПАНСКО ПРВЕНСТВО Џирона го претстави македонскиот репрезентативец Бојан Миовски appeared first on plusinfo.mk.

Реал Мадрид официјално објави дека големата ѕвезда на Пари Сен Жермен и Франција, Килијан Мбапе ќе биде фудбалер на 15-кратниот европски првак. 25-годишниот фудбалер пристигнува на слободен трансфер откако не сакаше да го продолжи договорот со парижаните, кој истекува на крајот на месецот.

Веднаш по објавата на Реал Мадрид преку социјалните мрежи се огласи и самиот Мбапе кој објави фотографии од детството порачувајќи дека Реал Мадрид е клубот од неговите соништа.

 

View this post on Instagram

 

A post shared by Kylian Mbappé (@k.mbappe)

„Многу сум среќен и горд што сум дел од клубот од моите соништа. Невозможно е да се објасни колку сум среќен и возбуден во моментов. Едвај чекам да ве видам, Мадридисти и ви благодарам за големата поддршка. Сонот станува реалност“, објави Мбапе.

Според информациите, француската фудбалска суперѕвезда првично ќе го носи дресот со број 9 во својата прва сезона, а подоцна ќе го добие неговиот омилен број 10, кој моментално го носи легендата Лука Модриќ.

Мбапе влезе во големиот фудбал со Монако пред да се пресели во ПСЖ на позајмица во 2017 година со задолжителна откупна клаузула за тогаш рекордна сума од 180 милиони евра, која беше платена следната година.

Мбапе освои шест титули со ПСЖ и четири Купа на Франција, два пати Лига купот, три пати францускиот Суперкуп, а има и едно загубено финале во Лигата на шампионите. Со „петлите“ стана светски шампион во 2018 година во Русија, а четири години подоцна стигна до финалето на Светското првенство во Катар, освојувајќи ја Лигата на нации во 2021 година. Моментално Мбапе е капитен на Франција и досега во репрезентацијата има 77 натпревари и 46 голови.

Мбапе е избран за француски фудбалер на годината (три пати), како и за играч на годината во Лига 1 (пет пати). Во последните шест години тој постојано беше стрелец број 1 во француското елитно првенство.

The post 📷 РЕАЛ МАДРИД ОФИЦИЈАЛНО ПОТВРДИ Мбапе е нашиот нов играч appeared first on plusinfo.mk.

Износот на трансферот не е обелоденет. Според порталот „Transfermarkt.com“, англискиот клуб платил 85 милиони евра за фудбалерот.

Дваесет и едногодишниот Англичанец потпиша договор со „црвените ѓаволи“ до крајот на јуни 2026 година со опција за продолжување на уште една година.

Во сезоната 2020/21, Санчо забележа 38 настапи за Борусија Дортмунд, постигнувајќи 16 гола и 20 асистенции.

The post Санчо е новото засилување на „црвените ѓаволи“ appeared first on plusinfo.mk.