Претседателот на Франција, Емануел Макрон денеска изјави дека францускиот носач на авиони „Шарл де Гол“ може да биде распореден во Ормуска Теснина во рок од два до три дена откако ќе биде потврден договорот помеѓу САД и Иран.

– Со Британците формиравме мисија за да помогнеме во отворањето на Ормуска Теснина, а „Шарл де Гол“ со своите придружни сили, кои остануваат во регионот, би можеле да бидат распоредени во рок од два или три дена од потврдувањето на договорот, наведе Макрон.

The post ФРАНЦУСКИ НОСАЧ НА АВИОНИ ЌЕ ГО НАДГЛЕДУВА ОРМУСКИОТ ТЕСНЕЦ „Шарл де Гол“ ќе биде распореден откако договорот ќе биде потврден appeared first on plusinfo.mk.

Трет американски носач на авиони се приближува кон Иран, соопшти американската Централна команда што ги надгледува операциите на Блискиот Исток.

Според Цент-ком бродот УСС Џорџ Х.В. Буш (USS George H. W. Bush) пристигнал во Индискиот Океан без да се наведе која е неговата конкретна мисија.

Голем дел од капацитетите на американската морнарица се вклучени во операциите за ограничување на пристапот до иранските пристаништа во близина Ормуската Теснина.

Во нив се вклучени повеќе разурнувачи од класата „Арли Берк“ (Arleigh Burke), меѓу кои „УСС Пинкни“ (USS Pinckney), „УСС Мајкл Марфи“ (USS Michael Murphy), „УСС Делберт Д. Блек“ (USS Delbert D Black), „УСС Рафаел Пералта“ (USS Rafael Peralta) и „УСС Спруанс“ (USS Spruance). Станува збор за воени бродови со екипаж меѓу 329 и 359 лица, способни да лансираат ракети „Томахок“ (Tomahawk) и торпеда.

Во операцијата во Арапското Море учествува и „УСС Абрахам Линколн“ (USS Abraham Lincoln), носач на авиони на нуклеарен погон од класата „Нимиц“ (Nimitz), пуштен во служба во 1989 година.

Во регионот се наоѓа и „УСС Џералд Р. Форд“ (USS Gerald R. Ford), најголемиот носач на авиони во светот, што неодамна помина низ Суецкиот Канал.

САД во регионот имаат распоредено и амфибиски бродови, меѓу кои „УСС Триполи“ (USS Tripoli) и „УСС Њу Орлеанс“ (USS New Orleans), како и брзиот борбен брод „УСС Канбера“ (USS Canberra) од класата „Индепенденс“ (Independence).

Според извештајот, во операцијата за контрола на пловидбата низ Ормуската Теснина се ангажирани повеќе од 12 воени бродови и стотина борбени и извидувачки авиони. Притоа американските сили спречиле најмалку 29 брода да минат низ зоната и се вратени назад.

The post ТРЕТ АМЕРИКАНСКИ НОСАЧ НА АВИОНИ ВО БЛИЗИНА НА ИРАН Колкав арсенал има американската морнарица во Ормускиот Теснец? appeared first on plusinfo.mk.

САД испратија дополнителни 2.500 маринци и 2.500 морнари на Блискиот Исток, со што вкупниот број на американски војници во регионот достигна повеќе од 50.000, околу 10.000 повеќе од вообичаеното. Зголемувањето на бројот на војници доаѓа во време кога претседателот Трамп ги разгледува следните чекори во едномесечната војна со Иран, објави „Њујорк тајмс“.

Иако сè уште не е јасно со што ќе бидат задолжени маринците од 31-та експедициска сила, американските претставници велат дека претседателот размислува за поголема офанзива, како што е заземањето на островот Харг или друга територија, во обид да се отвори Ормускиот теснец.

Тесниот премин, низ кој поминува околу 20 проценти од светската нафта, во голема мера е затворен од иранските сили како одмазда за војните на САД и Израел против нивната земја.

Регионот, кој вклучува бази и бродови во Саудиска Арабија, Бахреин, Ирак, Сирија, Јордан, Катар, Обединетите Арапски Емирати и Кувајт, вообичаено има околу 40.000 американски војници. Но, со ескалацијата на војната во Иран, тој број се зголеми на повеќе од 50.000, според американски воен претставник.

Оваа бројка не го вклучува екипажот од 4.500 војници на носачот на авиони „УСС Џералд Р. Форд“, кој беше погоден од низа незгоди, вклучително и пожар. „Форд“ го напушти регионот на 23 март и отплови за Крит, пристигнувајќи во Хрватска во петок. Неговата следна дестинација останува непозната.

The post САД ИМА ВКУПНО 50.000 ВОЈНИЦИ НА БЛИСКИОТ ИСТОК Трамп сѐ уште не донел одлука за копнена офанзива appeared first on plusinfo.mk.

Американскиот носач на авиони Џералд Р. Форд го напушти Црвеното Море и се упати кон воено-поморската база Суда Беј на грчкиот остров Крит, каде ќе изврши поправки по сериозен пожар што избувна на бродот на 12 март, јави Ројтерс.

Носачот на авиони беше дел од големото засилување на американската војска на Блискиот Исток, кое го вклучуваше и УСС Абрахам Линколн. Кон крајот на февруари, САД и Израел започнаа масовна воздушна кампања против Иран. И двата брода, со десетици борбени авиони, играа клучни улоги во тие операции, а повлекувањето на Форд создава празнина за американските сили во регионот.

– Отстранувањето на Форд од операциите за кој било временски период значи помала поддршка од САД за воените напори – рече Даниел Шнајдерман, директор на програмата за глобална политика во Пен Вашингтон.

Носачот Форд помина речиси девет месеци на море. За време на таа мисија, тој веќе учествуваше во американските операции на Карибите, каде што американските сили извршија напади врз бродови за кои се сомневаше дека шверцуваат дрога, пресретнаа санкционирани танкери и го уапсија венецуелскиот лидер Николас Мадуро.

На 12 март, избувна пожар во пералната на бродот, при што беа повредени двајца морнари. Американската војска соопшти дека пожарот предизвикал и голема штета на околу 100 кревети. Според извештаите на американските медиуми, носачот на авиони, исто така, доживеал значителни проблеми со системот за тоалети за време на патувањето, што довело до блокади и долги редици.

Иако бродот формално остана оперативен и продолжи со дел од задачите во деновите по инцидентот, по направените проценки било одлучено привремено да се повлече од зоната на операции и да се упати кон Крит, каде што ќе се извршат неопходните технички зафати и логистичко снабдување. Американската морнарица нагласува дека пожарот не е резултат на напад, туку интерен инцидент, при што погонските системи на бродот не биле зафатени.

Џералд Р. Форд е најновиот и најголем носач на авиони во составот на американската морнарица и веќе околу девет месеци се наоѓа во континуирана мисија, што е една од најдолгите воени поморски мисии во поновата историја.

Сенаторот Марк Ворнер, потпретседател на Комитетот за разузнавање на Сенатот, остро ја критикуваше продолжената мисија на бродот.

– Форд и неговиот екипаж се доведени до крајни граници по речиси една година на море и ја плаќаат цената за неодговорните воени одлуки на претседателот Доналд Трамп – рече тој.

The post НОСАЧОТ „ЏЕРАЛД Р. ФОРД“ ПОВЛЕЧЕН НА КРИТ Мора да ги санира штетите од пожарот на 12 март appeared first on plusinfo.mk.

Повеќе од 30 часа горела главната перилница на американскиот носач на авиони „Џералд Р. Форд“, пренесува весникот „Њујорк Тајмс“ изјави од морнари од посадата и од официјални претставници на американската власт.

Според весникот, повеќе од 600 членови на екипажот останале без кревети во спалните одаи на бродот, двајца морнари биле хоспитализирани поради полесни повреди, додека десетици имале проблеми поради вдишување чад.

Официјалните информации говорат дека пожарот избувнал во вентилациски отвор во перилницата и брзо се проширил, но не ја оштетил погонската единица на бродот. Морнарите успеале да го локализираат и изгаснат пожарот.

Бродот со екипаж составен од 4.500 морнари и пилоти на авиони-ловци, во моментов е на десеттата оперативна мисија, најдолга од Виетнамската војна. „Џералд Р. Форд“ учествува во операции на Блискиот Исток, вклучувајќи американско-израелски воени активности против Иран, по претодниот ангажман на Карибите.

Носачот сѐ уште е целосно оперативен, но проблемите со одржувањето, вклучително и дефекти на 650 тоалети и одложени периодични ремонтни работи, укажуваат на преоптовареност на пловилото.

Плановите на Пентагон се носачот на авиони „Џералд Р. Форд“ да го замени „Џорџ Х.В. Буш“ на Блискиот Исток, но експерти и припадници на морнарицата предупредуваат дека долготрајните активни ангажмани претставуваат сериозно оптоварување за екипажот и за пловилото.

The post ИЗБИЛ ГОЛЕМ ПОЖАР НА НОСАЧОТ НА АВИОНИ „ЏЕРАЛД Р. ФОРД“ Морнарите го гаселе цели 30 часа appeared first on plusinfo.mk.

Американската централна команда денеска демантираше дека носачот на авиони „Абрахам Линколн“ е „онеспособен“, како што тврдеше Исламската револуционерна гарда.

„Ударната група на носачите на авиони „Абрахам Линколн“ продолжува да одржува целосна доминација над иранскиот воздушен простор од поморскиот простор“, се наведува во соопштението од Командата на платформата „Х“.

САД на почетокот на конфликтот почнаа да го зајакнуваат своето воено присуство на Блискиот Исток, а покрај носачот „Линколн“, во регионот го стационираа и најголемиот носач на авиони на американската морнарица, „Џералд Форд“.

Американските медиуми, исто така, објавуваат дека САД испраќаат дополнителни сили во регионот на Персискиот Залив, вклучувајќи ја и она што е познато како амфибиска напаѓачка група (ARG), со до 5.000 маринци и морнари. Се очекува дека амфибискиот напаѓачки брод „Триполи“ ќе се придружи на постојната армија, објави Би-Би-Си.

Носачот на авион „Абрахам Линколн“, е стациониран во Средоземното Море, со можност да го користи Црвеното Море, затоа што, исто како и носачот „Џералд Форд“, мора да одржува растојание од најмалку 600 километри од иранскиот брег за да не биде на домен на иранските ракети.

На 12 март, изби пожар на носачот на авиони „Џералд Форд“ во просторијата за перење, при што двајца морнари беа повредени, но не беа во животна опасност. Пожарот не го оштети системот за погон, и бродот остана целосно оперативен.

The post САД ДЕМАНТИРААТ ДЕКА НОСАЧОТ „АБРАХАМ ЛИНКОЛН“ Е ОНЕСПОСОБЕН Иран тврдеше дека е надвор од функција appeared first on plusinfo.mk.

Американските сили отвориле оган врз ирански брод што премногу се приближил до носачот на авиони „Абрахам Линколн“, објавуваат светските медиуми повикувајќи се на извори запознаени со случајот.

Инцидентот се случил пред неколку дена, а засега нема информации за судбината на иранскиот брод и екипажот.

Според истите извори, одбраната на носачот на авиони прво дејствувала со оган од палубни топови, но целта не била погодена. Притоа не е појаснето дали се работело за предупредувачки истрели. Потоа во акцијата се вклучил хеликоптер, погодувајќи го иранскиот брод со две ракети.

Иранскиот корпус на Исламската револуционерна гарда (ИРГЦ) соопшти дека го таргетирал американскиот носач на авиони „Абрахам Линколн“ со ракети и беспилотни летала, со што бродот е нефункционален и принуден да се повлече од регионалните води.

Според Централната команда на Светиот пророк на Иран, нападот бил извршен во Оманското Море, околу 340 километри од поморските граници на Иран, користејќи напредни ракети и беспилотни летала.

ИРГЦ вчера ја нападна и базата на Петтата флота на американската морнарица во Мина Салман, Бахреин, во два брана напади со ракети и беспилотни летала.

Според соопштението на ИРГЦ, цел биле клучните објекти на базата, вклучувајќи системи за одбрана од беспилотни летала, области за складирање и одржување на беспилотни летала, опрема за поддршка и резервоари за гориво, предизвикувајќи значителна штета.

Иранските воени претставници нагласија дека нападот ги демонстрира супериорните поморски способности на Иран и подготвеноста да ги брани националните интереси, нагласувајќи го решителниот отпор на секоја закана за суверенитетот на земјата.

Разурнувачите „Спруанс“ и „Мајкл Марфи“ се дел од ударната група на носачот на авиони во Арапското Море, заедно со шест разурнувачи што оперативно дејствуваат во регонот со наведувани ракети.

Според податоците на Централната команда на оружените сили на САД, од почетокот на конфликтот со Иран американските сили оштетиле или уништиле повеќе од 90 ирански пловни објекти.

The post ОШТЕТЕН АМЕРИКАНСКИОТ НОСАЧ НА АВИОНИ „АБРАХАМ ЛИНКОЛН“ Иран тврди дека бродот е нефункционален appeared first on plusinfo.mk.

Американски „Волстрит Џурнал“ пишува дека претседателот на САД Доналд Трамп разгледува ограничен воен напад врз Иран. Целта не би била тотална војна, туку притисок за Техеран да прифати нов нуклеарен договор.

Изворите блиски до администрацијата на Трамп изјавиле дека првиот удар можел да се случи во следните денови. Според анализата, на удар би биле ограничен број воени и владини објекти на Иран.

Трамп постави рок од 10 дена за одлука.

– Можеби ќе треба да одиме чекор понатаму, но можеби и не, можеби ќе постигнеме договор. Веројатно ќе дознаете во следните 10 дена – изјавил претседателот во Вашингтон.

Во срцето на спорот стои иранската програма за збогатување ураниум. Трамп бара целосно запирање. Иран тоа го одбива.

Доколку Техеран не попушти, САД, според истите извори, се подготвени за поширока воена кампања. Таа би таргетирала клучни објекти на режимот. Аналитичари предупредуваат на ризик од регионална ескалација.

Плусинфо веќе пишуваше за анализите на американскиот портал Аксиос во кои се вели дека Израел се координира со САД за можно учество во евентуалниот конфликт кој, во тој случај, би траел и повеќе од 12-дневната војна меѓу Иран и Израел минатиот јуни.

• САБОТА Е ДЕН Д ЗА АМЕРИКАНСКИ НАПАД ВРЗ ИРАН? Овој пат војната може да трае повеќе од 12 дена

Администрацијата на САД официјално молчи. Но, дипломатските и воените канали бележат зголемена активност. „Волстрит Џурнал“ наведува дека последните дискусии во Вашингтон се фокусирале на операции од поголем обем.

САД веќе распоредиле значителни сили во регионот. Ударната група околу носачот на авиони „USS Abraham Lincoln“ пристигнала прва. Од 12 февруари, нуклеарниот носач USS Gerald R. Ford се движи кон нова мисија.

Дел од маршрутата води кон Медитеранот, со можност за приближување до иранскиот брег.

Во базите на Блискиот Исток пристигнале борбени авиони Ф-22, Ф-35 и Ф-15E. Додадени биле и авиони за полнење гориво во воздух и системи за противвоздушна одбрана.

САД го предупредија Иран дека би било „мудро“ да склучи договор.

– Постојат многу причини и аргументи во прилог на нападот врз Иран – изјави портпаролката на Белата куќа, Каролин Ливит.

Стигна и остра реакција од Израел.

– Ако ајатоласите направат грешка и нè нападнат, ќе се соочат со одговор што не можат ни да го замислат – предупреди израелскиот премиер Бенјамин Нетанјаху.

Техеран соопшти дека подготвува „рамка“ за напредок во разговорите. Иран негира дека развива нуклеарно оружје и бара укинување на санкциите. Од друга страна, Вашингтон инсистира договорот да ја опфати и балистичката програма и поддршката за регионални вооружени групи.

Договорот од 2015 година меѓу Иран и шест светски сили предвидуваше ограничување на нуклеарната програма во замена за укинување санкции. САД се повлекоа во 2018 година, за време на првиот мандат на Трамп. Потоа воведоа нови санкции.

Иран одговори со зголемување на залихите на збогатен ураниум и инсталирање нови центрифуги.

The post ТРАМП МЕЃУ ДВА ОГНА, НАПАД ИЛИ ТОТАЛНА ВОЈНА? Си постави 10 дена рок за да пресече appeared first on plusinfo.mk.

Американскиот весник „Њујорк тајмс“, повикувајќи се на неименувани извори, синоќа објави дека САД ќе испратат уште еден носач на авиони на Блискиот Исток.

Според весникот, на Блискиот Исток ќе биде распореден носачот на авиони „УСС Џералд Р. Форд“, што во моментот е на Карибите.

Белата куќа и Пентагон сè уште не ги коментирале наводите на весникот.

Претседателот на САД, Доналд Трамп, пред неколку дена изјави дека размислува за испраќање втор носач на авион на Блискиот Исток ако не се постигне договор со Иран за нуклеарната програма на Техеран.

Израелскиот премиер Бенјамин Нетанјаху, кој пред два дена се сретна со Трамп, наведе дека се надева оти американскиот претседател ќе создаде услови за постигнување договор со Иран.

Првиот носач на авиони „УСС Абрахам Линколн“ и неколку бродови разорувачи со наведувачки ракети е распореден на Блискиот Исток во јануари.

The post 🎥 САД ИСПРАЌААТ УШТЕ ЕДЕН НОСАЧ НА АВИОНИ ВО БЛИСКИОТ ИСТОК Од Карибите тргна најголемиот разурнувачот во светот „УСС Џералд Р. Форд“ appeared first on plusinfo.mk.

Американскиот претседател Доналд Трамп во интервју за веб-страницата „Аксиос“ изјави дека размислува за испраќање на втор носач на авиони со ударна група на Блискиот Исток, како дел од подготовките за потенцијална воена акција доколку преговорите со Иран не успеат.

– Веќе имаме армада таму, а можеби уште една е на пат – рече Трамп, додека еден од американските претставници потврди дека се водат разговори за понатамошно зајакнување на силите во регионот.

Американскиот претседател нагласи дека секој договор со Иран мора да го опфати не само нуклеарното прашање, туку и иранската програма за балистички ракети. Трамп, исто така, за Канал 12 изјави дека очекува втора рунда разговори меѓу САД и Иран да се одржи следната недела.

– Иранците многу сакаат да постигнат договор. Или ќе склучиме договор, или ќе мора да направиме нешто многу остро, како минатиот пат – рече Трамп.

Тој оцени дека последната рунда преговори меѓу Соединетите Американски Држави и Иран во Оман била „сосема поинаква“ во споредба со разговорите пред конфликтот во јуни, наведувајќи дека Иран сега покажува многу пофлексибилен пристап.

The post ВТОР НОСАЧ НА АВИОНИ КАКО ПРИТИСОК ВРЗ ИРАН Трамп вели дека е подготвен за војна ако нема договор appeared first on plusinfo.mk.