– Во годината во која одбележуваме 75 години од усвојувањето на Универзалната декларација за човековите права, документ кој беше неминовен после најголемата траума која ја доживеа светот – Втората светска војна, сакам да упатам еден апел, една порака до сите чинители во општеството. Одредбите од оваа Декларација не се само отпечатени зборови. Тоа се правците за движење на општествата. Сторете максимални напори секој напишан збор да биде применет во секојдневниот живот – вели Зибери.

Државата, додава, постои заради граѓаните, а не обратно.

– Затоа во секоја прилика, секој граѓанин без разлика на која националност припаѓа, која му е бојата на кожата, на кој јазик зборува, а кој ќе ви се обрати, ислушајте го, посветете му се и овозможете му да си го оствари со Устав и закон загарантираното право. Станува збор за човечки животи, судбини, а никој нема право со истите да си поигрува. Ние бранителите на човековите слободи и права многу добро го знаеме ова, затоа што секојдневно низ нашата работа го гледаме – посочува Зибери.

Денес, нагласува, со жалење констатирам дека и по 75 години, светот и понатаму се соочува со конфликти поради кои милиони луѓе се принудени да ги напуштат своите домови, да живеат во нехумани услови.

– Посебно страдаат децата кои се на почетокот на својот живот и кои за жал заради нечии интереси не се во можност да го искусат сето она што се нарекува нормално детство – одење на училиште, семејни ручеци, вечери, дружење и слично. Затоа, светот мора да се обедини и под итно мора да ги реши овие конфликти – истакнува Зибери во пораката и посочува дека секој има право да живее нормален живот.

The post СЕКОЈ ИМА ПРАВО ДА ЖИВЕЕ НОРМАЛЕН ЖИВОТ Зибери по повод 10 Декември – Меѓународниот ден на човековите права appeared first on plusinfo.mk.

Повеќе од 250.000 луѓе починале од коронавирусот во светот, но светот полека, со претпазливост, се враќа кон нормалните активности.

Најмалку 12 земји, според „New York Times“, вклучувајќи ги и Германија, Италија и Шпанија, започнаа вчера да ги ублажат преземените мерки за да се спречи ширењето на коронавирусот, еден вид тест што треба да покаже дали економијата може да се спаси, односно од она од што може да се живее, но без да се загрозува животот на граѓаните.

Во Германија, некои деца се вратија на училиште. Во оваа земја, која има пријави 163.100 заразени и 6.692 смртни случаи, од вчера се отворени зоолошките градини, музеите и фризерските салони, а кои се затворија кон средината на март.

Шпанија постепено се враќа во нормалниот живот, а прво се отвораат малите продавници и фризерските салони. Франција се подготвува да започне со олеснување на ограничувањата на 11-ти мај.

Италијанците во моментот се занимаваат со семантика, според „New York Times“, откако нивниот премиер рече дека можат да го посетат роднините, така и луѓето со кои се во некоја релација.

Многу власти во Европа ги олеснија мерките со предупредување, но исто така и надеж дека ќе треба повторно да воведат карантин ако повторно избие епидемијата.

– Колку што досега шишав луѓе, толку и дезинфицирав – рече еден фризер од Барселона, откако повторно ја отвори вратата од неговиот салон.

После 42 дена, Грците беа во можност да ги напуштат своите домови во понеделникот без да потврдат зошто треба го сторат тоа, додека фризерските салони, библиотеките и другите помали продавници беа отворени.

Од друга страна, израелскиот премиер Бенјамин Нетанјаху им порача на граѓаните „тие можат да излезат колку што сакаат, кога сакаат“.

The post Чекор по чекор: Светот се враќа во „нормала“ appeared first on plusinfo.mk.