Индикаторот што ја мери подготвеноста на германските компании да вработуваат падна од септемвриските 94 поени на 93,7 поени, што е најниско ниво од јули 2020 година.

– Состојбата на пазарот на труд со месеци е под влијание на негативен тренд – изјави шефот на истражувањето на ИФО, Клаус Волрабе.

Според него, во моментов поверојатно е германските компании да отпуштат вработени наместо да вработуваат нови работници.

Особено тешка состојба владее во германското производство, каде што поради падот на нарачките се намалува и потребата од работници, а слична состојба владее и во трговијата.

Кај давателите на услуги, позитивните и негативните одговори во моментов се речиси во рамнотежа, а бројот на вработени се очекува да биде константен, што важи и за градежниот сектор.

„Компаниите кои работат во туризмот и ИТ секторот првенствено бараат нови вработени“, се заклучува во извештајот.

The post ГЕРМАНИЈА НЕ Е ВЕЌЕ ВЕТЕНА ЗЕМЈА ЗА ГАСТАРБАЈТЕРИ Компаниите не бараат работници, само делат откази appeared first on plusinfo.mk.