Американскиот претседател Доналд Трамп изјави дека никој во историјата не ја заслужува Нобеловата награда за мир повеќе од него, тврдејќи дека запрел повеќе големи војни ширум светот.

– Без разлика дали им се допаѓа Трамп на луѓето или не, јас решив осум војни. Големи. Некои траеја 36 години, 32 години, 31 година, 28 години, 25 години. Некои допрва требаше да започнат, како Индија и Пакистан. Веќе беа соборени осум авиони. И јас тоа го решив многу брзо, без нуклеарно оружје – рече Трамп.

– Не можам да се сетам на никој во историјата кој би требало да ја добие Нобеловата награда повеќе од мене. Не сакам да се фалам, но никој друг не запирал војни – додаде тој.

Во продолжение, Трамп го критикуваше поранешниот американски претседател Барак Обама, кој ја доби Нобеловата награда во 2009 година.

– Обама ја доби Нобеловата награда. Немаше поим зошто. И сѐ уште нема поим. Оди наоколу и вели: добив Нобелова награда. Зошто ја доби? Ја доби речиси веднаш откако стапи на должност. Не направи ништо и беше лош претседател – изјави Трамп.

Тој истакна дека, според него, Нобеловата награда треба да се доделува за секоја запрена војна.

– Во теорија, треба да добиете Нобелова награда за секоја војна што сте ја запреле. Секоја од нив беше голема. Тоа беа војни за кои никој не мислеше дека можат да се запрат. Претседателот Владимир Путин ме повика и ми кажа за две од тие војни дека се обидувал да ги запре десет години. Не успеал. Не можеше да поверува – рече Трамп.

Додаде дека наградата не му е важна, туку спасувањето животи.

– Не ме интересира тоа. Ме интересира спасувањето животи. Спасив десетици милиони животи. Знаете, премиерот на Пакистан дојде тука и јавно кажа дека претседателот Трамп спасил најмалку 10 милиони животи, во врска со Пакистан и Индија, бидејќи тоа можеше да ескалира – изјави Трамп.

Изјавата доаѓа во време кога трае војната меѓу САД, Израел и Иран, која започна пред околу еден месец, кога американските и израелските сили извршија напади врз иранска воена и нуклеарна инфраструктура. Конфликтот во меѓувреме прерасна во поширок регионален судир со напади врз бази, енергетска инфраструктура и поморски рути, додека дипломатско решение засега не е на повидок.

The post ТРАМП ВЕЛИ ДЕКА ЗАСЛУЖУВА НОБЕЛОВА НАГРАДА ЗА МИР Досега запрел 8 војни appeared first on plusinfo.mk.

Норвешкиот Нобелов комитет соопшти дека онлајн шпионажа е најверојатната причина за предвременото истекување информации дека венецуелската опозициска лидерка Марија Корина Мачадо ќе биде добитничка на Нобеловата награда за мир за 2025 година.

– Со сигурност може да се каже дека имало лица кои на незаконски начин дошле до информацијата за одлуката – изјави портпарол на Нобеловиот институт.

Постојаниот секретар на Норвешкиот Нобелов комитет, Кристијан Берг Харпвикен, прецизираше дека не е утврдено што точно се случило и кој стои зад пробивот, но дека се смета оти тој е извршен преку компјутерскиот систем на комитетот.

Сомнежите за протекување информации се појавија на 10 октомври, неколку часа пред официјалното објавување на лауреатот во Осло, кога шансите Мачадо да ја добие наградата нагло пораснаа на некои онлајн платформи за обложување. Според Харпвикен, почетниот износ на обложени средства за Мачадо изнесувал околу 2,2 милиони долари, но набрзо значително се зголемил.

Медиумите посочуваат дека Мачадо претходно не била споменувана како фаворит ниту од експертите, ниту од медиумите, што дополнително ги зајакнало сомнежите за протекување информации.

Во истрагата била вклучена и една од норвешките разузнавачки служби, со цел да се утврди дали станува збор за интерно протекување на информации или за шпионажа од страна на криминална или државна структура.

Засега не е јасно кој стои зад пробивот и дали целта била финансиска добивка преку обложувања или намерно нарушување на довербата во Нобеловата награда за мир. Харпвикен истакна дека комитетот веќе работи на мерки за спречување вакви ситуации во иднина.

Марија Корина Мачадо беше наградена со Нобеловата награда за мир за 2025 година за нејзината борба против авторитарното владеење во Венецуела. Таа наградата ја посвети на венецуелскиот народ и на политичките затвореници во земјата.

The post НЕКОЈ СО ОНЛАЈН ШПИОНАЖА ПРЕДВРЕМЕ ДОЗНАЛ КОЈ ЌЕ ЈА ДОБИЕ НОБЕЛОВАТА НАГРАДА ЗА МИР Норвешките разузнавачи истражуваат дали се работи за криминална или за државна структура appeared first on plusinfo.mk.

Американскиот претседател Доналд Трамп испратил остро и контроверзно писмо до норвешкиот премиер Јонас Гар Сторе, во кое изразил незадоволство од одлуката на Нобеловиот комитет за мир и упатил пораки што предизвикаа реакции во европските дипломатски кругови.

Во писмото, кое го објавија норвешките медиуми, Трамп наведува дека поради тоа што не му била доделена Нобеловата награда за мир, не чувствува обврска неговата политика да биде водена исклучиво од мировни приоритети, туку од она што тој го смета за интерес на САД.

Американскиот претседател повторно го спомнал и Гренланд, оценувајќи дека Данска не е во состојба соодветно да го заштити островот од потенцијални закани од Русија или Кина. Во писмото, според наводите, тој го довел под прашање и правото на сопственост врз територијата, продолжувајќи ја реториката за можноста Гренланд да премине под американска контрола.

Норвешкиот весник „Верденс ганг“ објави дека премиерот Сторе ја потврдил автентичноста на писмото, појаснувајќи дека Нобеловиот комитет за мир делува независно и дека одлуките за доделување на наградата не се во надлежност на норвешката влада.

Според истите извори, содржината на писмото била споделена и со неколку европски амбасадори во Вашингтон, што дополнително ја засилило загриженоста во дел од европските престолнини за насоката на американската политика и односите со сојузниците.

Писмото на Трамп доаѓа во период на зголемени трансатлантски тензии, особено поради прашањето за Гренланд и најавите за можни економски мерки кон европски земји, што ја отвора дилемата за идните односи меѓу САД и Европа.

The post НЕ МИ ДАДОВТЕ НОБЕЛОВА НАГРАДА ЗА МИР, ЗАБОРАВЕТЕ НА МИРОТ Трамп испратил скандалозно писмо до норвешкиот премиер appeared first on plusinfo.mk.

Основачот на Викиликс, Џулијан Асанж, поднел кривична пријава против Нобеловиот комитет, со која бара да се запре исплатата на паричната награда на добитничката на Нобеловата награда за мир и лидерка на венецуелската опозиција, Марија Корина Мачадо.

Асанж тврди дека јавната поддршка на Мачадо за воените дејствија на американскиот претседател Доналд Трамп кон Венецуела е спротивна на основните принципи на Нобеловата награда за мир.

Во соопштение објавено од Викиликс на платформата Икс, се наведува дека Асанж се обидува да спречи Нобеловата фондација да исплати повеќе од еден милион американски долари, сума што Мачадо треба да ја добие како дел од наградата.

Во пријавата се повикува на тестаментот на Алфред Нобел, во кој стои дека Нобеловата награда за мир може да им се додели само на лица кои „донеле најголема корист за човештвото“, преку „најголем или најдобар придонес за братство меѓу народите, за укинување или намалување на постојаните армии и за одржување и унапредување на мировни конгреси“.

„Асанж денеска поднесе кривична пријава во Шведска против 30 лица поврзани со Нобеловата фондација, вклучително и нејзиното раководство, поради сомнение за тешки кривични дела, меѓу кои груба злоупотреба на средства, олеснување на воени злосторства и злосторства против човештвото, како и финансирање на злосторството агресија“, се вели во соопштението на Викиликс.

Во него се наведува дека Фондацијата, со доделувањето на наградата на Мачадо, „го претворила инструментот на мирот во инструмент на војната“.

Меѓу лицата наведени во пријавата се претседателката на Нобеловата фондација, Астрид Содерберг Видинг, како и главната извршна директорка Хана Старне.

Асанж смета дека Мачадо е „категорично неподобна“ за Нобеловата награда за мир и ја обвинува дека охрабрувала, како што тврди, најголемо американско воено зајакнување од времето на војната во Ирак.

Како доказ, Асанж се повикува на нејзините изјави дадени во телевизиско интервју, за кои вели дека не ги исполнуваат критериумите за наградата. Во неделното гостување во емисијата „Фејс д нејшн“ на Си-би-ес њуз, Мачадо јавно ги поддржа тврдите политики на американскиот претседател Доналд Трамп кон Венецуела, вклучително и заострување на санкциите и заплена на нафтени танкери.

– Погледнете, јас целосно ја поддржувам стратегијата на претседателот Трамп и ние, венецуелскиот народ, сме му исклучително благодарни нему и на неговата администрација, бидејќи верувам дека тој е шампион на слободата на оваа хемисфера – изјави таа во интервјуто.

Асанж тврди дека Мачадо во повеќе наврати ја повикувала американската влада да заземе сè поагресивен став кон Венецуела.

Со пријавата се оспорува и исплатата на наградниот фонд од 11 милиони шведски круни, односно околу 1,18 милиони американски долари (приближно 1,79 милиони австралиски долари), со образложение дека ослободувањето на средствата би претставувало тешка злоупотреба.

Се предупредува на „реален ризик“ парите да бидат пренасочени на начин што индиректно би можел да финансира „воени злосторства“, со што потенцијално би се прекршиле обврските на Шведска според Римскиот статут на Меѓународниот кривичен суд.

Асанж бара од шведските власти да го замрзнат трансферот на паричната награда, да се побара враќање на Нобеловиот медал и да се отвори истрага против Фондацијата.

Мачадо во моментов се наоѓа во Норвешка. Таа пристигнала на 11 декември, откако доцнењата во патувањето ја спречиле да присуствува на церемонијата на доделување на наградата, но подоцна учествувала на официјални настани во Осло, заедно со членови на семејството и други претставници на венецуелската опозиција.

JULIAN ASSANGE FILES CRIMINAL COMPLAINT AGAINST NOBEL FOUNDATION OVER “INSTRUMENT OF WAR” PEACE PRIZE

WikiLeaks Founder Alleges 2025 Award to María Corina Machado Constitutes Misappropriation, Facilitation of War Crimes Under Swedish Law, Seeks Freeze of 11 million SEK ($1.18… pic.twitter.com/OAH4mmvsph

— WikiLeaks (@wikileaks) December 17, 2025

The post АСАНЖ ПОДНЕСЕ КРИВИЧНА ПРИЈАВА ПРОТИВ НОБЕЛОВИОТ КОМИТЕТ Бара да не ѝ се исплаќа наградата на добитничката Мачадо appeared first on plusinfo.mk.

Снимки од народот во Осло кој ја поздравува добитничката на Нобеловата награда за мир, Марија Корина Мачадо, осамнаа на интернет. Мачадо, која долги години е под политички прогон во Венецуела, не присуствувала на доделувањето на наградата. Таа сепак пристигна во Осло за да биде пречекана на улиците.

Наместо да ја подигне, наградата во нејзино име ја прими нејзината ќерка Ана, пред преполната сала во Осло.

Venezuelan opposition leader and Nobel Peace Prize winner Maria Corina Machado has arrived in Oslo, Norway in the middle of the night after having escaped from Venezuela

pic.twitter.com/BdpaYkNNSI

— Visegrád 24 (@visegrad24) December 11, 2025

Но, додека Европа аплаудираше, на другиот крај од планетата, во Каракас, венецуелскиот претседател Николас Мадуро се појави во видео како пее „Don’t worry, be happy“, насмеан и разигран, повикувајќи за мир и национално единство.

Снимката од Мадуро за неколку часа стана хит на социјалните мрежи, а корисниците коментираа дека „ова е најциничниот одговор на Нобеловата награда во последните години“.

#Maduro sings Don’t Worry Be Happy as a B-52 swoops north of Caracas

New footage surfaced of Maduro singing “Don’t Worry, Be Happy” at a rally, ad-libbing the lyrics to say “Just peace, not war.” #Venezuela | #USA https://t.co/pIsysfvkVE pic.twitter.com/LzRulfGW7I

— World News (@ferozwala) December 11, 2025

Мачадо на улица во Осло

Лидерката на венецуелската опозиција и нобеловка вчера пристигнала во Осло, неколку часа откако нејзината ќерка ја примила наградата.

Според извори на Ројтерс, таа тајно ја напуштила Венецуела поради закана за апсење. Со мал брод тргнала кон островот Курасао, од каде што со приватен авион полетала кон Норвешка.

Мачадо веќе подолго време има забрана за патување, наметната од венецуелските власти. Таа се крие повеќе од една година, но останала глас на отпорот и надежта.

„Мајка ми сонува за слободна Венецуела“

Од говорницата пред Нобеловиот Комитет во Осло, нејзината ќерка Ана Корина со треперлив глас изјави:

– Додека го чекам моментот повторно да ја прегрнам по две години, мислам на сите ќерки и синови што не ги гледаат своите мајки. Тоа ја води мојата мајка – желбата да живее во слободна Венецуела.

Публиката ја поздрави со стоечки аплауз.

– Таа никогаш нема да се откаже од таа цел – додаде ќерката на Мачадо, држејќи го златниот медал во рацете.

„Сполај ти“ од далечина

Нобеловиот комитет исто така објави аудио-снимка од телефонски разговор со Марија Корина Мачадо, во кој таа им се заблагодарува на Норвешкиот комитет и на народот на Венецуела.

„Оваа награда не е само моја. Таа е на секој човек што се бори за достоинство и демократија“, вели Мачадо во пораката.

Трамп ја ќари наградата од ФИФА, стана „пират“ 

Скандалот околу овогодишната награда започна уште пред свеченоста. Десетици светски лидери лобираа награда да му се додели на Доналд Трамп, тврдејќи дека спречил неколку војни.
Нобеловиот комитет, сепак, одлучи поинаку, наградата му припадна на симболот на отпорот против авторитаризмот.

Трамп, пак, не остана без признание, ФИФА му ја додели првата Награда за мир во спортот, воведена годинава.

Во исто време, односите меѓу САД и Венецуела се вжештија. Американската морнарица уништи неколку бродови осомничени за наркотероризам во Карипското Море, што Каракас го нарече „пиратски акт“.

The post 📽️ НОБЕЛОВКАТА НА УЛИЦИТЕ ВО ОСЛО, А МАДУРО ПЕЕ „БИДИ СРЕЌЕН…“ Осло ја пречека Мачадо, но ќерката Ана ја прими наградата appeared first on plusinfo.mk.

Американскиот потпретседател Џеј Ди Венс изјави дека верува оти Украина и Русија треба да тргуваат и да учествуваат во „културни размени“ наместо да војуваат.

Венс, за време на разговорот со новинарот Метју Бојл од „Брајтбарт Њуз“, дискутираше за тоа како администрацијата на Доналд Трамп би можела да ја искористи својата економска моќ за да стави крај на војните низ светот.

– Во овој момент имаме осум мировни договори. Работиме на број 9 и број 10. И мислам дека ако го добие број 10, исклучиво поради математичката хармонија, Нобеловата награда за мир треба да му се додели на Доналд Трамп, нагласи Венс.

Американскиот потпретседател го опиша Трамп како „цврст, но не и насилен човек“.

– Наместо Русија и Украина да се убиваат меѓусебно, зошто всушност не тргуваат една со друга, не патуваат меѓу двете земји, не учествуваат во некаков вид културна размена? Тоа е неговата фундаментална перспектива што ја зема предвид во овие работи, истакна Венс.

Коментарите на Венс доаѓаат откако повеќе медиуми објавија за нов мировен план, кој е одобрен од американскиот претседател Доналд Трамп.

The post ИМАМЕ 8 МИРОВНИ ДОГОВОРИ, РАБОТИМЕ НА 9 И 10 Венс смета дека Трамп заслужува Нобелова награда за мир appeared first on plusinfo.mk.

Само воена ескалација може да го тргне Николас Мадуро, изјави за Блумберг венецуелската опозициска лидерка Марија Корина Мачадо, новата добитничка на Нобеловата награда за мир за 2025 година.

Таа предизвика бура од реакции со својата изјава.

На 10 октомври „Њујорк пост“ напиша дека Корина Мачадо му заблагодарила на својот соперник во трката за наградата, американскиот претседател, и неговата поддршка за, како што вели Мачадо, каузата на Венецуела.

„Ние, венецуелскиот народ, сме апсолутно благодарни на претседателот Трамп за начинот на кој ја поддржа демократијата и слободата во Америка.“

Venezuelan opposition leader and Nobel Prize winner María Corina Machado supports US strikes on Venezuela

She says “only military escalation” can remove Maduro

A peace prize winner calling for war — nothing to see here https://t.co/BUatgnoS8Y pic.twitter.com/B6Hw8vIdbI

— The Other Side Media (@TheOtherSideRu) October 31, 2025

Односите меѓу САД и Венецуела се на раб на отворена криза, откако администрацијата на Доналд Трамп ја засили воената присутност во Карибите и воведе нови трговски санкции против режимот на Николас Мадуро, кој Вашингтон го обвинува за трговија со дрога и изборни злоупотреби, јави „Ројтерс“.

Венецуелската влада го осуди потегот како „агресија и мешање во внатрешните работи“.

Венецуела сè уште се соочува со политичка криза, повеќе од 8 милиони луѓе ја напуштиле земјата, а според „Форо Пенал“ има над 800 политички затвореници.

The post 📽️ САМО ЕСКАЛАЦИЈА ЗА МАДУРО, ПОРАЧА НОБЕЛОВКАТА ЗА МИР Дали изјавата на Мачадо беше погрешно протолкувана? appeared first on plusinfo.mk.

Венецуелската опозициска лидерка Марија Корина Мачадо, која ја доби Нобеловата награда за мир, можеби нема да присуствува на свеченоста во Осло, бидејќи веќе повеќе од една година се крие поради сериозни безбедносни закани од владата на Николас Мадуро.

Додека светската јавност го коментира доделувањето на наградата за која, меѓу другото, беше номиниран и американскиот претседател Доналд Трамп, се чини дека вниманието сега е кон биографијата на Марија Корина.

Според некои мислења, таа е симбол на отпорот, но и на стравот од актуелната власт во Венецуела. Мачадо повеќе од една година живее во тајност. Лидерка на венецуелската опозиција, жена која предизвика трепет кај власта на Николас Мадуро, таа исчезна од јавноста во август 2024 година поради закани за нејзиниот живот.

Оттогаш, комуницира само преку доверливи канали, но продолжува да испраќа пораки за „слобода, правда и светлина во земјата на мракот“, јави „Волстрит Џурнал“.

Марија Корина е родена во богато семејство во Каракас, таа студирала индустриско инженерство, а потоа завршила магистратура на Универзитетот Јеил. Влегла во политиката во времето кога Хуго Чавес ја редефинирал Венецуела. Со нејзината организација „Сумате“ ги документирала изборните манипулации и го предводела движењето за демократија.

Нејзините јавни настапи, остриот јазик и безрезервната поддршка за санкции против авторитарниот режим ѝ донеле и обожување и омраза. Но, токму нејзината решителност да се спротивстави на воената и политичка машинерија на Мадуро ја направи најопасниот непријател на власта.

Меѓутоа, зад нејзината политичка харизма се кријат и контроверзии. Некои поранешни сојузници ја обвинуваат за „елитизам“ и за „американски стил на демократија“, тврдејќи дека ја искористила опозициската борба за личен имиџ. Други, пак, ја бранат како „чиста совест на Венецуела“.

И додека во Осло се прашуваат дали Мачадо ќе може да ја прими наградата лично, во Каракас нејзиното име веќе станува мит.

The post НЕИЗВЕСНО ДАЛИ НОБЕЛОВКАТА МАЧАДО ЌЕ ЈА ПОДИГНЕ НАГРАДАТА Зошто се крие венецуелската опозиционерка? appeared first on plusinfo.mk.

Нобеловиот комитет соопшти дека добитничка на Нобеловата награда за мир за 2025 година е венецуелската опозициска лидерка Марија Корина Мачадо.

„Таа ја добива Нобеловата награда за мир за својата неуморна работа во промовирањето на демократските права на народот на Венецуела и за нејзината борба за праведна и мирна транзиција од диктатура кон демократија“, се наведува во соопштението на Комитетот.

Понатаму во образложението се вели:

„Наградата за 2025 година оди кај храбар и посветен борец за мир, кај жена што го одржува пламенот на демократијата во време на растечка темнина“.

Во него се истакнува и дека „како лидерка на Демократските сили во Венецуела, Марија Корина Мачадо претставува еден од највпечатливите примери на граѓанска храброст во Латинска Америка“.

„Во последно време, госпоѓа Мачадо стана клучна обединувачка фигура во некогаш длабоко поделена политичка опозиција – опозиција што најде заедничка основа во барањето за слободни избори и претставничка власт“, се наведува во соопштението на Нобеловиот комитет.

The post НОБЕЛОВАТА НАГРАДА ЗА МИР КАЈ ВЕНЕЦУЕЛСКА АКТИВИСТКА Марија Мачадо се бори за демократија, велат од Комитетот appeared first on plusinfo.mk.

Ова е значително зголемување од 286-те номинирани лани, но сепак не го надминува рекордот поставен во 2016 година, кога беа номинирани 376 лица.

Според статутот на Нобеловите награди за мир, идентитетот на номинираните се чува во тајност 50 години.

Но, и покрај ова, илјадниците предлагачи, без разлика дали се пратеници, или министри, или поранешни лауреати или универзитетски професори, можат слободно да им кажат на медиумите кого предложиле.

На пример, американскиот конгресмен Дарел Иса вчера на „Икс“ објави дека го номинирал Доналд Трамп и својата одлука ја опиша со зборовите: „Никој друг не го заслужува тоа“. Прес-службата на Иса подоцна соопшти дека оваа номинација била мотивирана од напорите на Трамп на Блискиот Исток.

Во јануари, илјадници луѓе потпишаа петиција со која се повикува Французинката Жизел Пелико, исто така, да ја добие Нобеловата награда за мир. Таа стана феминистичка икона откако стана јасно дека нејзиниот сопруг со години организирал да биде силувана од непознати мажи. За случајот минатата година беше одржан судски процес кој заврши со осудителни пресуди.

Членовите на норвешкиот Парламент соопштија дека ги номинирале поранешниот генерален секретар на ОН, Јенс Столтенберг и генералниот секретар на ОН, Антонио Гутереш, како и папата Франциск, за нивните напори за поддршка на мирот.

The post ТРАМП, ГУТЕРЕШ, ПАПАТА… Има 338 номинирани за Нобеловата награда за мир appeared first on plusinfo.mk.