Таа изјави дека „се насобрале неприфатливи постапки од страна на официјалните власти на РСМ“.

 – Времето потврди дека ние од БСП бевме во право што не го поддржавме францускиот предлог. Ова не е доволно. Веќе денеска на Советот на претседавачи ќе иницираме општа декларација на Националното собрание. Ќе апелираме до сите парламентарни претставници да го поддржат. На овој начин ќе изразиме дека не го прифаќаме овој став (на Ковачевски) и ќе инсистираме тоа да биде заеднички став на сите партии застапени во парламентот – порача Нинова.

Претседателката на БСП додаде дека ваквиот третман од страна на македонските власти „е понижувачки, навредлив и неприфатлив“.

 БСП неодамна се повлече од разговорите со ГЕРБ на Бојко Борисов за формирање на нова влада во Бугарија.

The post ЗА НИНОВА СПОРЕДБИТЕ НА КОВАЧЕВСКИ СЕ НЕПРИФАТЛИВИ Лидерката на бугарските социјалисти бара декларација за осуда на зборовите на македонскиот премиер appeared first on plusinfo.mk.

Како што јави дописникот на МИА од Софија, Нинова најави дека БСП нема да го злоупотреби мандатот, а доколку видат дека нема можност за формирање нова бугарска влада ќе го вратат, но пред тоа до последно ќе се обидат да видат што може да се направи.

Нинова најави дека утре и во вторник БСП ќе одржи состанок на централните органи на кои ќе се одлучи што ќе прави со третиот мандат.

Таа беше децидна дека БСП вложи максимални напори да ја подготви програмата за управување за која се согласија сите учесници во преговорите, но една од страните се повлече од процесот, а за тоа колективните тела на нејзината партија треба да одлучат во следните два дена и да решат дали да се продолжат напорите или да се врати мандатот на претседателот Румен Радев.

По средбата во вторник БСП ќе има средби и со останатите парламентарни партии со кои преговараа за коалициска влада „Демократска Бугарија“ и „Промените продолжуваат“, а веројатно во среда ќе соопштат што ќе прават со третиот мандат.

Нинова уште додаде и дека БСП сака да формира влада и пристапиле на вистински и одговорен начин со постигнување договор за програмата за управување пред да зборуваат за кадровски назначувања и министерски места.

Истовремено, пратеникот од партијата на Слави Трифонов „Има таков народ“ – Станислав Балабанов, која ги напушти преговорите, искоментира дека неговата партија е против преговорите за формирање нова влада и се изјасни против назначувањето на претходниот министер за внатрешни работи Бојко Рашков за шеф на Антикорупциската комисија на Бугарија, соопштувајќи дека тој не ги извршил потребните реформи во МВР.

The post БУГАРИЈА СЀ УШТЕ НЕМА ВЛАДА В среда ќе се знае што ќе прави БСП со третиот мандат appeared first on plusinfo.mk.

Сѐуште не е познато името на кандидатот за следен премиер на Бугарија, но останува барањето на бугарските социјалисти нов премиер да не биде Кирил Петков.

Преговорите за формирање нова влада почнуваат утре со најголемата партија во Народното собрание – „Продолжуваме со промената“. Програмата за управување потпишана пред неколку недели меѓу тројцата учесници во владината коалиција „Продолжување на промените“, БСП и „Демократска Бугарија“ ќе биде основа за разговорите со сите политички сили.

Бугарските социјалисти ќе преговараат со партијата на Слави Трифонов „Има таков народ“ како и со независните пратеници кои се одвоија од нив.

Лидерот на БСП рече дека нема да се водат консултации со ГЕРБ, ДПС и „Преродба “.

Според Нинова, најтешко во преговорите ќе биде враќањето на добриот тон меѓу „Продолжуваме со промената“ на Кирил Петков и партијата на Слави Трифонов „Има таков народ“.

Таа наведе дека во програмата што е потпишана имало договор да се направат дипломатски напори да се средат односите на Бугарија со Русија и да не се прекинуваат и да не се затвори Амбасадата.

Нинова истакна дека, според нејзината партија, членовите на бугарската влада треба да бидат политички личности, за да биде јасно кој ја сноси одговорноста во сложените времиња во кои се наоѓа нејзината земја.

The post НОВИОТ МАНДАТАР ВО БУГАРИЈА ЌЕ БИДЕ ОД КОАЛИЦИЈАТА НА ПЕТКОВ Социјалистите ќе пробаат да ги седнат на маса поранешниот премиер и Трифонов appeared first on plusinfo.mk.