Асоцијацијата за е-трговија го објави најновото ажурирано издание на регистарот на е-трговци со цел да им помогне на граѓаните да проверат од кого купуваат пред да направат онлајн-плаќање. Според податоците на Народната банка, во 2025 година во земјата имало 1.829 места на продажба за е-трговија, од кои 1.396 биле активни, односно реализирале најмалку една трансакција во текот на годината согласно методологијата на НБРСМ.

Регистарот на е-трговци е единствениот регистар што претставува сеопфатна база на сите онлајн-продавачи во земјата што нудат плаќање со картичка и се ажурира во соработка со петте банки што процесираат е-трансакции – Комерцијална банка, НЛБ банка, Стопанска банка, Халк банка и УНИ банка.

Со цел негово ажурирање, АЕТМ добива подароци од петте банки, врши проверка, идентификација, категоризација и ажурирање на е-продавниците, со што регистарот на е-трговци обезбедува единствен и структуриран увид во понудата на домашниот пазар на е-трговија. За активни е-продавници, во согласност со методогијата на АЕТМ, се подразбираат оние е-продавници што реализирале најмалку една онлајн-трансакција во текот на годината и имаат активна веб-страница за време на проверката.

Каква е домашната понуда во е-трговијата? Регистарот на е-трговци опфаќа 1.374 активни е-продавници распределени во 25 категории. Податоците покажуваат дека најголем дел од понудата во македонската е-трговија ја сочинуваат е-продавници за козметика, производи за убавина или нега (115), облека, обувки и модни додатоци (100), храна и пијалаци (87), бела техника и електроника (86), туризам (81), веб-услуги, стриминг или преземања (73), едукација (71), дом, мебел и градина (61) и многу други категории, што укажува на сè поголема разновидност на производи и услуги достапни преку домашните е-трговци.

Податоците од регистарот покажуваат дека домашната е-трговија повеќе не е ограничена само на традиционалните категории, како мода, козметика и електроника. Значајно присуство имаат и услугите, туризмот, образованието и дигиталните услуги, што укажува на постепено зреење на пазарот и проширување на навиките за онлајн-купување кај потрошувачите.

Регистарот добива дополнително значење ако се земе предвид континуираниот раст на е-трговијата во Северна Македонија. Според анализата на АЕТМ на најновите податоци од Народната банка на РСМ, во 2025 година вкупната вредност на онлајн-трансакциите достигна 950 милиони евра, што претставува раст од 32 % во однос на претходната година. Од нив, 522 милиони евра се слеале кон македонските е-трговци, а бројот на активни места на продажба за е-трговија е зголемен за 84 во однос на 2024 година.

– Податоците покажуваат дека е-трговијата продолжува да се развива со солидно темпо како во однос на вредноста на трансакциите така и во однос на понудата. Регистарот на е-трговци ни овозможува не само да ги идентификуваме активните е-продавници, туку и да добиеме појасна слика за тоа кој ја сочинува понудата на домашниот пазар. Анализата покажува дека покрај традиционално силните категории како козметика, мода и електроника, сè поголема застапеност имаат услугите, едукацијата, туризмот и дигиталните производи, што е показател за зреење на дигиталната економија и проширување на навиките за онлајн купување кај потрошувачите, вели Нина Ангеловска Станков, претседател на АЕТМ.

Корисна алатка за заштита на потрошувачите и борба со нерегистрираните трговци

Регистарот на е-трговци претставува практична алатка за зголемување на довербата на граѓаните при онлајн купување. Со оглед на тоа што значителен дел од онлајн измамите се случуваат преку нерегистрирани продавачи, најчесто преку социјалните мрежи, регистарот им овозможува на граѓаните лесно да проверат дали еден продавач е регистриран правен субјект и дали користи интегрирано онлајн плаќање преку банка.

Регистарот истовремено придонесува и кон намалување на сивата економија преку поголема транспарентност и видливост на активните е-трговци. За самите е-трговци, присуството во регистарот претставува дополнителен знак на кредибилитет и доверливост, како и можност за поголема видливост пред потенцијалните купувачи.

Во регистарот се вклучени е-трговци со регистриран правен субјект во Република Северна Македонија и интегрирано онлајн плаќање преку една од петте банки, а кои реализирале најмалку една онлајн трансакција во текот на 2025 година.

Регистарот е јавно достапен и може да се пребарува по URL адреса, правен субјект и категорија на е-продавницата на: https://ecommerce.mk/registar

За потребите на ажурирањето, АЕТСМ користеше и алатки базирани на вештачка интелигенција за автоматизирана проверка на активноста, достапноста и категоризацијата на е-продавниците.

The post ОНЛАЈН-КУПУВАЊЕТО УРИВА РЕКОРДИ, НО ПРОВЕРЕТЕ ПРЕД ДА ПЛАТИТЕ Македонците лани потрошиле 950 милиони евра преку интернет appeared first on plusinfo.mk.

Македонија чекори кон вистинска дигитална револуција. Само во последниот месец преку државната Платформа за интероперабилност се реализирале над 2,6 милиони дигитални трансакции, раст од 260 проценти во однос на минатата година, што ја позиционира земјата меѓу водечките во регионот.

Овие податоци денеска ги соопшти министерот за дигитална трансформација Стефан Андоновски на отворањето на осмата Регионална конференција за е-трговија, што се одржува во организација на Асоцијацијата за е-трговија на Македонија (АЕТСМ).

– Покажуваме дека со Дигиталниот самит на Западен Балкан 2025 и со оваа конференција, Скопје го поставуваме на мапата на градови во регионот каде што се дискутираат најважните теми за дигитализацијата во јавната администрација, приватниот сектор и поттикнување иновации – изјави Андоновски.

Тој истакна дека Владата веќе реализира видливи резултати.

– Повеќе од 76 институции и приватни компании се „закачени“ на Платформата за интероперабилност. Првпат се вклучени и над 10 приватни компании, најмногу од банкарскиот и „финтек“ секторот. На ред се и осигурителните компании. Со оваа услуга обезбедуваме полесна, побрза и бесплатна размена на податоци – објасни министерот.

Андоновски додаде дека Владата ја поддржала иницијативата со над еден милион евра преку формирање на првиот европски дигитален иновациски хаб во земјата, центар што обединува државни институции, академијата и приватниот сектор.

– Хабот нуди лаборатории, тестирања, обуки за употреба на вештачка интелигенција и услуги за дигитална трансформација на малите и средните компании. Апелирам што повеќе компании да ги искористат овие можности – порача Андоновски.

– Да продолжиме Скопје да го поставуваме на мапата на регионалниот развој – додава тој.

Претседателката на АЕТСМ, Нина Ангеловска Станков, најави дека годинава конференцијата бележи рекорден интерес.

– Имаме над 850 регистрирани учесници, од кои повеќе од 20 проценти се од Балканот. Темата оваа година е „Fasten The Future“, а во фокусот е вештачката интелигенција која е двигател на е-трговијата – рече Ангеловска Станков.

Таа додаде дека на конференцијата учествуваат 25 говорници од над 10 земји, меѓу кои претставници од познати глобални компании.

Со ваквиот динамичен развој, Македонија полека, но сигурно го зазема своето место на дигиталната мапа на регионот, а компаниите добиваат можности што досега ги имале само во развиените европски држави.

The post 2,6 МИЛИОНИ ДИГИТАЛНИ ТРАНСАКЦИИ ВО ЕДЕН МЕСЕЦ Македонија го забрзува влезот во дигиталната ера со рекорден раст на е-трговијата appeared first on plusinfo.mk.

„Ефикасните логистички услуги се основата на е-трговијата, бидејќи ја поврзуваат онлајн трансакцијата со физичката достава на производите. Без добро организирана логистика, е-трговијата не може да напредува“, се вели во извештајот.

Во соопштението од Асоцијацијата за е-трговија се вели дека просецот на доставата вклучува повеќе чекори – обработка на нарачките, пакување, транспорт и испорака до крајната дестинација – и сите тие се од суштинско значење за обезбедување беспрекорно искуство за клиентите.

„Навремената и сигурна достава е клучна за исполнување на очекувањата на купувачите, додека транспарентноста и можноста за следење на пратките се високо ценети карактеристики на една достава. Како дел од Извештајот за е-трговија беше спроведена анкета на е-трговците од Западен Балкан, а резултатите покажуваат дека предизвиците се скоро исти за сите. Најголем предизвик е доставата и тоа во врска со брзината на доставата, високите цени, доверливоста на курирските услуги, ограничените опции за достава, како и ниското ниво на професионалност на кадарот на доставувачи. Нивото на професионалност е оценета со 3,92 за регионот, а македонските е-трговци го оцениле повисоко, со 4,55, на скала од 1 до 5“, соопшти Асоцијацијата за е-трговија.

И според податоците на Универзалната поштенска унија може да се види дека состојбата во оваа област во регионот е далеку од задоволителна, се додава во соопштението.

„Индексот за интегриран поштенски развој, кој ги мери факторите како поштена доверливост, опфатеност, релевантност и отпорност, покажува дека ниту една од земјите во регионот не достигнува високо ниво на поштенски развој. Во 2022 година, Србија се рангираше највисоко во регионот со оценка ПДЛ 7, додека Албанија, Северна Македонија и Црна Гора останаа под ПДЛ 5, што укажува на значителни недостатоци“, се вели во соопштението.

Податоците на Светска банка за Меѓународниот индекс за логистички перформанси ги рангира земјите од Западен Балкан меѓу најслабите во Европа. Македонија постигна најдобри резултати во областа „Царина“ (43-то место глобално) и „Следење на пратки“ (46-то место), но, останува ниско рангирана во „Квалитет на логистика и компетенции“ (53-то место) и „Инфраструктура“ (55-то место). Србија и Албанија се со уште пониски оценки, што дополнително ги истакнува предизвиците во логистичкиот сектор.

„Резултатите од спроведената анкетата со е-трговците од регионот ја истакнаа доставата како нивен најголем предизвик. Предизвиците со доствата не само што го ограничуваат развојот на е-трговијата, туку и го намалуваат задоволството на потрошувачите и конкурентноста на бизнисите во регионот. За е-трговијата да се развива со побрзо темпо неопходно е да се вложи во модернизација на логистичките услуги и во подобрување на нивната достапност и флексибилност. Србија е најнапредна во регионот во однос на развиена out-of-home мрежа за достава, но позитивно е што веќе и во Македонија почнува полека да се модернизира овој сектор. Ако до сега единствен достапен начин на достава на производите беше до врата (home delivery), од неодамна започна поставувањето на пакетомати, кое го најавуваат како услуга повеќе компании, што ќе придонесе за развивање на out-of-home мрежата, а со тоа и развивање на е-трговијата“, вели преседателката на Асоцијацијата за е-трговија, Нина Ангеловска.

Годишниот извештај од анализата за е-трговија беше традиционално презентиран на 7-та регионална конференција за е-трговија.

The post СО ПАКЕТОМАТИ ЌЕ СЕ ПОДОБРИ Е-ТРГОВИЈАТА Полека почнува модернизацијата на доставата и во Македонија appeared first on plusinfo.mk.

Во четвртата епизода на поткастот „Бизнис-клуб“ со претседателот на Стопанската комора на Северна Македонија, Бранко Азески, д-р Нина Ангеловска зборува за петте лекции кои успеала да ги научи во текот на својот мандат како министер за финансии.

– Прво, научив дека е исто толку тешко промената да се прави однатре во институцијата колку што е тешко да се прави однадвор во кој било сегмент. Второ, научив за моќта на лажните вести и на пиарот, трето, научив што значи изреката „Пливај како делфин во морето од ајкули“ и научив како да пливам. Четврто, научив друга магнитуда на стрес и да управувам со него, како и за последиците од тоа, и петто, од она што претходно беше заеднички именител на мојот кариерен пат – способноста да се гледа на предизвиците како на можности, како што беше со „Групер“ и со Асоцијацијата за Е-трговија – научив нападите да ги претворам во конструктивни акции – истакна д-р Нина Ангеловска.

Според неа, продажбата на „Групер“ е позитивен пример како еден македонски старт-ап може да продолжи да расте и во меѓународни води ако се има добро поставена основа.

– Продажбата на „Групер“ значи позитивен пример дека еден македонски старт-ап може да направи успешна продажба. Парите се мерило за добрата работа, а не главен мотив. Ние бевме горди што еден македонски старт-ап може да расте и да се шири во меѓународните води – потенцираше Ангеловска.

Во разговорот со претседателот Азески на темата за регионалната соработка, д-р Ангеловска потенцираше дека регионалната соработка е најважна. Без регионална соработка нема раст и развој бидејќи покрај движење на бизнисите има и мобилност на работната сила, која е најважниот потенцијал.

– Сите пазари во регионот, гледано сами за себе, се мали, фрагментирани пазари. Единствено Србија има некој потенцијал. Но, ако ги гледаме регионално, регионот има значителен потенцијал со популација од преку 17 милиони жители. Соработката значително треба да се зголеми ако се стремиме кон тоа да станеме дел од Европската Унија. Постапките за олеснување се преку граничната Е-трговија и преку слободното движење на добра и услуги за бизнисите да можат лесно да се движат – изјави д-р Ангеловска.

Погледнете го целиот разговор.

The post 🎥 „НАУЧИВ ДА ПЛИВАМ КАКО ДЕЛФИН ВО МОРЕ ОД АЈКУЛИ“ Нина Ангеловска за искуството како министерка за финансии appeared first on plusinfo.mk.

– Во времето на формирањето на платформата „Групер” е-трговијата не беше многу позната во нашата земја, па помалку од 1 % од луѓето купуваа виртуелно, а проблемите со кои се соочувавме ни беа мотив да одиме напред – вели младата бизнисменка и првата жена министер за финансии, д-р Нина Ангеловска, во новото издание на подкастот „Бизнис-клуб” со претседателот на Стопанската комора на Северна Македонија Бранко Азески.

Д-р Нина Ангеловска е претставник на помладата генерација на бизнисмени, која се соочува со предизвиците што ги носи новото време. Добар претприемач, личност која успешно се носи со сите функции, соосновач и извршен директор на „Групер”, првата македонска платформа за зделки и водечка македонска компанија за е-трговија од 2011 година, а денес директор за интернационален бизнис-развој во „Ананас”, платформа за виртуелно тргување.

Д-р Ангеловска дипломирала на отсекот Е-бизнис на Економскиот факултет – Скопје како студент на генерацијата и била наградена со „Френк Менинг” за најдобар студент во генерацијата за економски науки во 2010 година. Магистрирала на истиот факултет на отсекот Е-бизнис, а докторирала во областа на менаџментот. Победата на Националниот натпревар за најиновативен бизнис-план ѝ ги отвора вратите за нејзината успешна кариера.

Препознавањето како една од 100-те најуспешни жени основачи на старт-ап бизнис во Европа (100 Female Founders Europe) од еминентниот германски магазин „Стоте” (The Hundert) во 2016 година и наградата со престижното признание „30 под 30″ (30 Under 30) за Европа на магазинот „Форбс” (Forbes) во категоријата малопродажба и е-трговија ќе ѝ ги отворат можностите да стане првата жена министер за финансии во РС Македонија во 2019 година.

Според д-р Ангеловска, прифаќањето на министерската функцијата била можност да ја заокружи својата приказна преку искуството во приватниот сектор со основањето на свој сопствен бизнис, видувањето како претприемач, меѓународно признавање како успешен менаџер, искуство од невладиниот сектор и на крај да придонесе преку работењето во Владата.

– Влегувањето во Владата е една од моите најтешки одлуки. Тоа е исклучително одговорна позиција. Но главниот мотив беше можноста да се прават промени однатре, затоа што претходно ги туркав промените однадвор, а желбата за промена е клучниот двигател – потенцираше д-р Ангеловска.

Д-р Ангеловска го иницирала формирањето на Првата македонска асоцијација за е-трговија, каде што била претседател до своето влегување во Владата; членувала во Европската асоцијација за е-трговија и за повеќеканална трговија (EMOTA), а во 2019 година УНСТАД (UNCTAD) ја признал како една од седумте глобални застапнички за жени во е-трговијата. Како консултант за развој на бизнисот, дигиталната економија и на е-трговијата, смета дека луѓето се клучни и дека во луѓето мора да се инвестира.

– Во луѓето мора да се инвестира. Луѓето се клучни, без разлика на тоа колку оди светот напред со технологијата. Улогите ќе се менуваат, работните позиции ќе се менуваат. Со технологијата може многу повеќе да се направи, но сѐ зависи од луѓето како ќе ја употребат, а со тоа и колку ќе останеме конкурентни глобално. Искуството покажа дека зголемувањето на платите и мотивираноста на луѓето не придонесуваат за зголемување на продуктивноста. Мора многу да се работи на ова поле. Продуктивноста е клучна ако сакаме да одиме напред – истакна д-р Ангеловска.

За Стопанската комора првпат слушнала додека била на факултет, а подоцна станала дел од Комората преку членството во одборите на Стопанската комора на Македонија како млад бизнисмен и претприемач.

The post 📽️ „МОРА ДА СЕ ИНВЕСТИРА ВО ЛУЃЕТО, ТИЕ СЕ КЛУЧНИ“ Ангеловска во „Бизнис клуб“ вели дека треба секој да биде во тек со технологијата appeared first on plusinfo.mk.

Гордите родители денеска на социјалните мрежи споделија неколку фотографии со синот при неговото прво доаѓање дома.

Радоста за новиот член во семејството ја споделија со своите најблиски кои подготвиле торта со името Стефан и со датумот на неговото раѓање 17.07, а поранешната министерка сподели и емотивна порака.

„Нашата радост, нашиот нов член пристигна Стефан Станков 17/07/2024
Емоции кои не знаев дека постојат. Нема соодветен збор да се опише чувството на прво запознавање, допир, бакнеж… Превозбудени за најголемата и најважната животна улога на која максимално ќе и се посветиме со сите убавини, радости и предизвици кои ги носи. Сега сме тројца“ – напиша Нина на Инстаграм.

 

View this post on Instagram

 

A post shared by Nina Angelovska (@ninaangelovska)

The post 📷 ПОРАНЕШНАТА МИНИСТЕРКА ЗА ФИНАНСИИ СТАНА МАЈКА Нина Ангеловска Станков го доби синот Стефан appeared first on plusinfo.mk.

Ексминистерката Нина Ангеловска ја објави среќната вест на својот профил на Инстаграм.

Имено таа и нејзиниот избраник, докторот Виктор Станков, очекуваат принова во семејството. Нина откри дека е веќе во поодмината бременост и сподели моменти од досегашните труднички денови.

– Новото поглавје ќе започне наскоро – напиша таа на видеото.

 

View this post on Instagram

 

A post shared by Nina Angelovska (@ninaangelovska)

The post 📽 ЕКСМИНИСТЕРКАТА ЌЕ СТАНЕ МАЈКА Среќната Нина го покажа трудничкото стомаче, таа е во форма appeared first on plusinfo.mk.

За најпосебниот ден Нина избра елегантна бела венчаница со корсет, а Виктор беше облечен во бел костум.

Меѓу гостите беа и поранешните премиер Зоран Заев и министер за здравство Венко Филипче.

Двојката се венча во соборониот храм во Скопје, а младенците биле пречекани од блиски роднини и пријатели пред црквата.

Во 2019 година Нина стана министер за финансии, а сега е претседател на Асоцијацијата за е-трговија на Македонија.

The post ЗАЕВ И ФИЛИПЧЕ Ѝ ИГРАА НА СВАДБА Се омажи Нина Ангеловска appeared first on plusinfo.mk.

Таа се вери со д-р Виктор Станков, уролог од Универзитетска Клиника за урологија-Скопје со кој во последно време често споделуваше фотографии на социјалните мрежи.

Инаку Ангеловска реши во 2019 да ја проба својата политичка кариера па стана министер за финансии и беше еден од најмладите македонски министри за финансии.

Нина и утрово сподели фотографија на Инстаграм од преубавиот букет кој синоќа го доби од својот вереник.

The post (ФОТО) НИНА КАЖА „ДА“ Се вери една од најмладите министерки во Македонија appeared first on plusinfo.mk.

Ангеловска порача дека Македонија мора во идниот период да го забрза развојот на е-трговијата за да би го одбегнала дното и би се искачила неколку места погоре на листата.

– Македонецот купува онлајн еднаш до два пати во 3 месеци, прави нарачки најчесто до 50 евра, а најмногу нарачува од домашни е-трговци. Најмногу купува облека онлајн, а најмалку мебел и храна. Вредноста на трансакциите кои Македонците ги реализирале кон домашните е-трговци во првата половина на 2022 изнесува 12 милијарди денари и е за 22% повисока споредбено со првото полугодие во 2021. За охрабрување е и фактот дека во првата половина на 2022 година се отворени 110 нови е-продавници, што укажува на тоа дека продолжува трендот на зголемување на бројот на уреди кои примаат платежни картички на виртуелни места на продажба. Во однос на навиките за користење на услугите од електронското банкарство, во Македонија се забележува значителен пораст на 31% од населението кое користи интернет, но тоа не е доволно – нашата земја е подобра само од соседните земји, додека 66% од Европејците го користат интернетот за е-банкарство – истакна Ангеловска.

Но, затоа, пак, наведено е во извештајот, дури 85% од Македонците го користат интернетот за социјални мрежи и се во горниот ранг.

„Сите балкански интернет корисници најмногу сакаат да зборуваат, а помалку да праќаат е-маил. Црногорците отскокнуваат во учество на социјални мрежи, праќање инстант пораки и читање онлајн вести, весници, списанија, додека Србите во барање информации за производи/услуги и барање на информации поврзани со здравјето, додека Босанците за продавање на производи и услуги онлајн иако во речиси сите други активности на интернет се на последно место“, посочено е во анализата што ја презентираше Ангеловска.

The post МАКЕДОНЕЦОТ КУПУВА ОНЛАЈН ЕДНАШ ДО ДВАПАТИ ВО ТРИ МЕСЕЦИ Најчесто нарачуваме облека, најретко мебел и храна appeared first on plusinfo.mk.