Јавната општинска установа Зоолошка градина Битола информира дека пцовиса нивниот нилски коњ Берта, роден пред 40 години во Зоолошката градина во Виена.

Од ЈОУ Зоолошка градина посочија дека нилскиот коњ Берта во своето современо живеалиште во Битола на увид на јавноста беше десет години, а претходно бил згрижен во зоолошките градини во Скопје и во Белград.

„Нилскиот коњ Берта има свои потомци во зоолошките градини во Виена, Белград и Скопје. И покрај длабоката старост, Берта беше со солидно здравје, а во последниот период добиваше континуирана нега и терапија од нашиот ветеринар, но природниот крај за овој животински вид на оваа возраст беше неизбежен“ – информираа од ЈОУ Зоолошка градина Битола.

Во Зоолошката градина Битола има современо живеалиште за нилски коњ и токму затоа менаџментот на таа општинска установа ќе се обиде да обезбеди друг нилски коњ. Зоолошката градина во Битола планира во текот на оваа да изгради нови живеалиште за копитари, за фламинго птици, како и терариум.

The post УГИНА НИЛСКИОТ КОЊ ВО БИТОЛСКАТА ЗООЛОШКА Берта имаше 40 години appeared first on plusinfo.mk.

Дваесет и четири од 80 нилски коњи кои шетаат по поранешниот ранч на колумбискиот крал за дрога, Пабло Ескобар, се стерилизирани поради „неконтролираното“ ширење на инвазивниот вид, пишува Индекс. Озлогласениот Ескобар купил неколку егзотични животни за својот ранч, вклучувајќи фламинга, жирафи, зебри и кенгури, токму пред да биде убиен од полицијата во 1993 година.

Иако сите други животни биле продадени на зоолошки градини по смртта на Ескобар, на ранчот, кој во меѓувреме станал тематски парк, останале да талкаат еден мажјак и една женка нилски коњ. Се сметало дека тие се многу тешки да бидат префрлени па биле оставени, сè додека не се открило дека денес вкупно се намножиле на 80 нилски коњи.

Мажјаците, кои броеле 24 од 80-те коњи биле успиени со стрела, а потоа го примиле лекот „ГонаКон“, се вели во билтенот на регионалната еколошка организација Корнаре.

– Тоа е контрацепција што е ефикасна и за мажи и за жени и е поевтина од хируршката стерилизација-наведува Корнаре и додава:

– Сепак, тоа е комплицирано затоа што експертите сугерираат да се дадат три дози.

Експертите веруваат дека стадото нилски коњи на имотот на Ескобар е најголемо надвор од Африка. Тие се одговорни и за „промена на екосистемот“ и напади врз локални рибари.

– Присуството на овие животни во парк кој не е нивниот природен екосистем има последици како што е поместување на локалната фауна – рече Дејвид Ешевери, експерт од Корнареа.

Ескобар, според Форбс, бил еден од најбогатите луѓе во светот, а своето богатство го стекнал преку трговија со кокаин. Речиси триесет години по неговата смрт, Колумбија сè уште е најголемиот производител на кокаин во светот, а повеќето од дрогата се шверцува во САД.

The post КАСТРИРАНИ НИЛСКИТЕ КОЊИ НА ПАБЛО ЕСКОБАР Неконтролирано се размножувале appeared first on plusinfo.mk.