Од Европската Унија  многу се заинтересирани за Коридор 8. Го прогласија за втор најзначен безбедносен коридор во НАТО Алијансата, затоа што почнува во Италија преку Драч, Тирана, Охридското Езеро, Скопје, Деве Баир, Софија, Бургас и Врана и завршува во Одеса, и е многу значаен во овие глобални случувања, изјави вицепремиерот и министер за транспорт Александар Николоски.

Николоски посочува дека од ЕУ се заинтересирани и за  Коридор 10,  најдолгиот и највитален коридор, кој почнува во пристаништето Пиреја и завршува во Хелсинки. Така што многу се заинтересирани за двата коридора.

– Ние имаме среќа што двата паневропски коридори се сечат источно од Скопје, а третиот европски Коридор 4 поминува паралелно со нас во Бугарија, така што имаме уникатна положба и се обидуваме да ја искористиме. Оваа географска позиција сакаме да ја искористиме и да донесе економски бенефит за граѓаните и подобар живот на граѓаните вели Николоски во разговор во поткаст на порталот Курир.

The post МАКЕДОНИЈА ИМА УНИКАТНА ПОЛОЖБА НА ВКРСТУВАЊЕ НА ДВА КОРИДОРА Николоски вели дека Европската унија е заинтересирана за нивна изградба appeared first on plusinfo.mk.

The post ЖЕЛЕЗНИЦИ ТРАНСПОРТ НАБАВУВА 5 ТОВАРНИ ЛОКОМОТИВИ Николоски најавува набавка и на нови возови appeared first on plusinfo.mk.

Работите на автопатот Прилеп-Битола добро напредуваат, дел од него ќе стане реалност до следната пролет, а целосно ќе биде готов во 2029 година, но се соочува со една опструкција – изјави вицепремиерот и министер за транспорт и врски Александар Николоски во настап на поткаст на порталот Курир.мк.

– Станува збор за десетина сопственици на диво изградени вили и хациенди со базени во околината на Прилеп. Имајќи предвид дека на целата траса помеѓу Битола и Прилеп затоа што е рамничарска положбата, поминува низ Пелагонија, не може да се најде материјал, народски кажано тампон, со кој што може да се гради овој автопат. И локацијата е во близина на месноста Ореовец. Таму има десетина буџовани кои ги штитат своите хациенди и вили и не му дозволуваат на изведувачот да пристапи кон наоѓаиштето иако на приватниот изведувач кој што има во соседството наоѓалиште, него му дозволуваат – рече Николоски.

Вицепремиерот вели дека штетата може да биде навистина голема. За него е јасно дека таму има агенда.

– Да знае јавноста дека штетата по однос на државниот буџет може да достигне до 100 милиони евра имајќи предвид дека сега сме приморани да купуваме материјал од приватни каменоломи и да плаќаме за неговиот транспорт. Кога ќе ја пресметате цената на материјалот и на транспортот може да стигне до 100 милиони евра кои што можеме да ги вложиме за целиот регион да се трансформира, а ние треба да ги даваме по приватни џебови. Јасно е таму дека има агенди, само се прашувам дали се агендите бизнис и политички или се само бизнис – рече тој.

Николоски очекува во најбрзо време да се отстрани таа блокада и да се почне и таму со работа.

The post 100 МИЛИОНИ ЕВРА ЌЕ НЀ ЧИНАТ БЛОКАДИТЕ ОД ДЕСЕТИНА ГАЗДИ НА ДИВОИЗГРАДЕНИ ВИЛИ СО БАЗЕНИ Вицепремиерот Николоски за опструкциите во изградбата на автопатот Прилеп-Битола appeared first on plusinfo.mk.

Вицепремиерот и министер за транспорт Александар Николоски вели дека Јавното претпријатие за државни патишта ќе добие средства по најповолни услови од пет домашни банки за завршување на изградбата на автопатот Кичево – Охрид по прекинувањето на финансирањето од кинеската Ексим банка.

Николоски, денеска, во одговор на новинарско прашање рече дека според првичните пресметки потребните 175 милиони евра се обезбедени од Комерцијална банка, Стопанска банка – Скопје, НЛБ банка, Шпаркасе банка и Халк банка.

– Треба да помине владината процедура. Ни требаат уште една-две недели за да ја завршиме целата процедура и потоа ќе излеземе со точните услови, но тие се најповолни што ги има добиено кое било јавно претпријатие во Македонија – изјави Николоски пред средбата во Битола со стопанствениците од Пелагонискиот Регион.

Според Николоски, со одлуката за финансирањето од домашните банки ќе се овозможи завршување на автопатот до крајот на годината.

– Ние го забрзавме, да бидам подиректен, почнавме да го работиме автопатот затоа што претходно речиси и ништо да не се работело и природно беше дека ќе се потребни средства за да се заврши. Имајќи предвид дека имаше потпишан договор со државата Кина во 2013 година и така е избран изведувачот и финансирањето требаше да оди преку нив, но постапија како што постапија, непринципиелно, и бевме доведени пред избор дали да го прекинеме проектот затоа што немало, вели, да има изведувач од нивна страна ако тие не го обезбеделе финансирањето. Но, во тој случај и онака многу време се чека за довршување на автопатот, ќе требаше дополнително да чекаме нов тендер, избор на нов изведувач и така натаму. Нашата цел е до крајот на годината да го завршиме, како што сме ветиле. И затоа решивме да продолжиме. Во однос на финансирањето, никогаш не оставаме да немаме втор план, односно план Б, го имавме планот Б уште пред да се обратиме кај нив – изјави Николоски.

Минатиот месец беше потпишан анекс број 8 на договорот за изградба на автопатот Кичево – Охрид, во должина од 57 километри, а со кој се обезбедуваат дополнителни средства и нов рок за завршување на проектот почнат пред 11 години. Со анексот се предвидуваат дополнителни 186 милиони евра, а новиот рок за завршување на автопатот е 31 мај 2027 година. Дополнителните средства се наменети за непредвидени и нови градежни работи неопходни за целосно завршување на проектот, меѓу кои санација на 14 свлечишта, обезбедување глобална стабилност на трасата, поставување еластична одбојна ограда според европскиот стандард EN 1317, изградба на контролен центар, како и изградба на дополнителни паралелни патишта.

Минатата година беа отворени три делници од автопатот на потегот Врбјани – Ботун и Климештани – Охрид, со вкупна должина од 27,96 километри, како и дел од пристапните патишта до околните населени места.

The post ПЕТ ДОМАШНИ БАНКИ ЌЕ ГО ФИНАНСИРААТ ДОВРШУВАЊЕТО НА АВТОПАТОТ КИЧЕВО – ОХРИД Рокот за целосна изградба на автопатот е крајот на годинава appeared first on plusinfo.mk.

До јуни ќе се пушти железничка линија Прилеп-Битола-Жабени, а повратниот билет за релацијата ќе изнесува 150 денари, најави денеска министерот за транспорт и врски Александар Николоски.

Ова според министерот, ќе биде решение за проблемот со поврзувањето на двата града додека се работи на автопатот.

– Со МЖ Инфаструктура и МЖ Транспорт, работиме најдоцна до јуни да пуштиме меѓуградски воз кој би оперирал на линија Прилеп-Битола-Жабени. Оние кои имаат дневна потреба за патување меѓу овие два града, а и оние кои работат во индустриската зона Жабени, да го користат возот. Ќе одиме со промотивна цена за повратна карта од 150 денари, што е најевтино што може да се најде на пазарот имајќи предвид дека паркинг некој би платил повеќе, да не зборуваме за бензин за возило – рече Николоски.

Клучни  проекти за развој на Пелагонискиот Регионот на кои што се работи,  како што наведе, се автопатот Прилеп-Битола, чија изградба се одвива со одлична динамика и по првите километри според ветувањето од изведувачот ќе се вози напролет следната година.

Исто така важна е  изградбата на делницата од Фариш до Прилеп, обиколницата за Битола на чие проектирање веќе се работи и проектот за парно во овој град, како и гасификацијата помеѓу Прилеп и Битола.

The post НАСКОРО СО ВОЗ ЌЕ СЕ ПАТУВА НА РЕЛАЦИЈА ПРИЛЕП-БИТОЛА-ЖАБЕНИ Повратниот билет ќе чини 150 денари appeared first on plusinfo.mk.

Со мерките што ги презеде Владата успеавме кризата да ја амортизираме онолку колку што беше можно, изјави денеска вицепремиерот и министер за транспорт Александар Николоски, пред средбата со стопанственiците од Пелагонискиот Регион за  тековните и идните инфраструктурни проекти.

– Тоа е еден огромен предизвик, со кој што се справуваме. Како Влада презедовме итни мерки. Македонија во моментов има најевтино гориво во целиот регион, и нема никаков застој во снабдувањето, што не е случај со другите држави. Скопскиот и охридскиот аеродром редовно функционираат, за разлика од други аеродроми. И приштинскиот аеродром исто така се снабдува преку македонските снабдувачи, што значи дека успеавме кризата да ја амортизираме онолку колку што беше можно – рече Николоски.

Тој додаде дека најголем дел од авиокомпаниите ги користат македонските  аеродроми за да полнат гориво.

– Имаме зголемена потрошувачка на керозин на двата аеродроми, што е добро затоа што тоа влегува и во прометот во државата, влегуваат девизи, а дополнително и аеродромот во Приштина се снабдува преку нас.
Ние никогаш не ставивме блокада на снабдувањето, иако други држави тоа го прават. Доколку го направевме тоа, ќе требаше да се затвори аеродромот во Приштина. Со самото тоа што го правиме ова, јасно е дека состојбата е добра. Согласно закон, треба да има резерви за шеесет дена, ние имаме резерви за деведесет дена на керозин, а дополнително на дневна основа тоа се надополнува, така што снабдувањето оди редовно и затоа немаме ниту еден откажан лет од Скопскиот и Охридскиот аеродром -рече Николоски.

Тој додаде дека од нашите аеродроми има и нови дестинации.

-Во летниот период почнува да се лета за Вроцлав и за Краков, тоа е Полска. Исто така почнува да се лета и за Виена, редовна линија. Започна и линијата за Милано од Охридскиот аеродром, додека од Скопскиот аеродром имаме преку десет нови дестинации за летниот период, така што состојбата е добра – информира Николоски.

The post АВИОНИ ВО МАКЕДОНИЈА ТОЧАТ ГОРИВО Николоски вели дека пораснала потрошувачката на керозин, но дека се високи резервите appeared first on plusinfo.mk.

По подолго време доаѓаат добри вести за Македонска пошта. Да потсетам, ова беше институција од која што предходната влада беше откажана. Ова беше институција за која што се спремаа физибилити студии за продажба и за приватизација. Како резултат на тоа, претходниот генерален секретар на владата беше правосилно осуден, а за други се водат судски постапки, изјави вицепремиерот и министер за транспорт Александар Николоски на денешната промоција на новите возила за Пошта.

– Го гледате првиот голем чекор, а тоа е како да го подобриме начинот на функционирање на Пошта. Тој е преку една сериозна поддршка од Владата, каде што се набавени 100 возила, од коишто 90 се мали комерцијални возила или популарно наречени пикапи, а 10 се големи комерцијални возила или комби. Малите возила се со носивост од 750 килограми, додека големите се со носивост од 1.800 килограми и ќе помогнат многу во забрзувањето на доставувањето на пратките, што е основната дејност на Пошта – рече Николоски.

Тој информира дека при оваа набавка се заштедени 400.000 евра, бидејќи на аукцијата е добиена пониска вредност на набавката за 25 милиони денари. Проценета вредност на набавката била 130 милиони денари без ДДВ, а финалната цена е 104 милиони денари без ДДВ.

– Тоа ја прави оваа набавка најевтина за овој тип на возила реализирани во државата, некаде просечно доаѓа околу 15-16.000 евра по возило. Имајќи предвид дека возниот парк на Македонска пошта е застарен, оваа набавка на возила е неопходна и заради извршување на основната дејност на Акционерското друштво, а тоа е давање на универзална поштенска услуга – рече Николоски.

Според него, целта на инвестициите во Пошта е да се зголеми квалитетот, да се подобри ефикасноста во испораката на услугите, да се намалат трошоците за 15%, и да се подобри индикаторот за профитабилност за дополнителни 15%.

Николоски најави дека во наредниот период ќе се набави софтвер за Македонска пошта, како и сортирка која што во регионот воопшто ја нема и ќе значи дека Поштата ќе биде најмодерна поштенска институција во целиот регион.

– Она што исто така е значајно и е за поздравување е дека Македонска пошта, нагласи тој, без разлика што пазарот е либерализиран, е единствената институција која што врши универзална услуга, што значи без разлика дали се работи за најголема пратка или за најмало писмо, кое што од Скопје треба да стигне во најмалото село во државата, тоа го прави Пошта и тоа е за поздравување – рече тој.

Тоа не секогаш може да е профитабилно, додаде тој, и најчесто не е профитабилно.

-Најголем дел од државите во Европа го имаат решено со субвенции што директно Владата ги дава на државните пошти, ние се уште гледаме Македонска пошта со своите приходи да опстојува и работи. Сигурен сум дека со овие инвестиции кои што ги правиме, како и со инвестициите кои што доаѓаат во следниот период, ќе продолжат добро да работат, ќе продолжат добро да функционираат – рече Николоски.

The post ПОШТА СТАНУВА НАЈМОДЕРНА ВО РЕГИОНОТ Николоски најави набавка на софтвер и сортирка на пратки appeared first on plusinfo.mk.

До јуни првата линија од Градски воз од Зелениково преку Драчево, Кисела Вода, Аеродром до железичка станица Скопје ќе биде завршена, а со почетокот на школската година во септември ќе ја пуштиме во сообраќај. За останатите две линии тендер ќе распишеме оваа година со што ќе го скратиме рокот за една година и до 2027 година Градскиот воз комплетно на трите линии ќе биде завршен, истакна вицепремиерот и министер за транспорт Александар Николоски.

Вицепремиерот, заедно со градоначалникот на Град Скопје, Орце Ѓорѓиевски и директорите на двете железнички претпријатија извршија увид во рехабилитацијата и реконструкцијата на првата линија.

Вицепремиерот Николоски истакна дека со набавката на новите автобуси, идејата е да се комбинира транспортот така што фрекфренцијата на Градски воз да биде на еден час

– Динамиката е добра. Ветивме дека ќе биде завршена првата линија до јуни и првата линија ќе биде завршена до јуни. Сакам да почнеме да ја навикнуваме јавноста дека се завршуваат проектите во предвиден рок. И како што гледате, проектите кои што ова Влада ги почна завршуваат во предвидениот рок и се движат во добра динамика, затоа што пред да ги започнеме проектите имаме еден многу сериозен процес на планирање за тоа како ќе се излезе на терен и како ќе се почне да се работи и навистина да се испорачува она што се ветува. До денес прогресот на првата линија која што оди од Зелениково преку Драчево, Ново Лисиче, Кисела Вода, Аеродром и Нова железничка станица е 65 %, што е согласно динамичкиот план и очекуваме до јуни месец да истата биде завршена. По тоа следува еден период на тестирање и нашата цел е на 1 септември со почеток од новата школска година да почне да функционира градски воз на линија Зелениково, Драчево, Ново Лисиче, Аеродром, Нова железничка станица, што сум уверен ќе помогне многу во растаретување на сообраќајот и сообраќајниот метеж во град Скопје, а исто така во очекувања на зимата и во намалување на загадувањето. За таа цел со Железници Транспорт интензивно работиме на обезбедување на дополнителни гарнитури на возови, затоа што ќе се зголеми сообраќајот и тоа е проект кој што го работиме – изјави вицепремиерот Николоски.

– Jaвното претријатие Железничка инфраструктура доста напредува со проектирањето на другите две линии и работата оди побрзо од што беше планирано и очекувано. Очекуваме во текот на оваа година да се распише јавен повик односно тендер за двете делници заедно, што значи дека ќе го скратиме рокот на комплетно завршување на проектот Градски воз до крајот на 2027 година и ќе имаме три линии функционални. Во добра соработка со ЈСП ќе значи едно целосно растеретување на сообраќајот во градот. Ако на тоа се надоврзе и проектот БРТ веќе мислам дека во 2029 година ќе имаме целосно нова сообраќајна инфраструктура – изјави Николоски.

Директорот на ЈП Железничка инфраструктура Синиша Ивановски истакна дека во овој момент се работи на замена на дрвените прагови кои се заменуваат со бетонски прагови со цел да да се достигне проектирана брзина до 90 км на час, како и реконструкција на патните премини.

Градоначалникот на Град Скопје, Ѓорѓиевски истакна дека со проекот Градски воз, набавката на новите 100 автобуси и проектот за БРТ, значително ќе се подобри квалитетот на сообраќајниот транспорт во Скопје.

The post ЗАВРШЕНИ СЕ 65% ОД РАБОТИТЕ НА ПРОЕКТОТ ГРАДСКИ ВОЗ Oд 1 септември ќе биде пуштена во сообраќај првата линија appeared first on plusinfo.mk.

Сериозно сме посветени на инвестициите, Буџетот во моментов е во одлична кондиција, а Министерството за транспорт е рекордер во работење годинава со 65% реализација на капиталните инвестиции до сега, изјави вицепремиерот и министер за транспорт, Александар Николоски.

-Буџетот е во одлична кондиција и доколку се соочиме со ситуација на продолжена воена криза, со добро планирање ќе дадеме сериозни одговори. Има сет на мерки кои што ги чуваме како резерва доколку ова ескалира. Јас се надевам дека ќе заврши, дека ќе можеме да се вратиме во нормала – рече Николоски во гостувањето на ТВ Телма.

Тој рече дека реализацијата на капиталните расходи на неговиот ресор, во првиот квартал годинава изнесува повеќе од 65%.

-Во однос на капитални расходи, многу сум горд на тоа што Министерството за транспорт е апсолутен рекордер во работење, заклучно со 31. март, односно во првиот квартал оваа година, реализацијата на капитални расходи е 65%, а на ниво на Влада е 32%. Не можете да најдете ниедна година откако државата е самостојна со вакви бројки, што значи дека сериозно сме посветени на капиталните расходи и инвестиции – рече Николоски.

The post РЕКОРДНА РЕАЛИЗАЦИЈА НА КАПИТАЛНИТЕ ИНВЕСТИЦИИ ВО ПРВИОТ КВАРТАЛ Николоски уверува дека владата има резервни мерки, ако потрае енергетската криза appeared first on plusinfo.mk.

Унапредување на билатералните односи, економската соработка и актуелните регионални и европски прашања ќе бидат тема на разговор на денешната средба што во Будимпешта ќе ја има премиерот Христијан Мицкоски со премиерот на Унгарија, Виктор Орбан.

Мицкоски, кој денеска заедно со владина делегација престојува во политичко-економска посета на Унгарија, по средбата со Орбан, ќе има обраќање на бизнис-форумот во Будимпешта со наслов Ден на деловна соработка помеѓу Унгарија и Северна Македонија, каде што ќе се воспостават нови контакти и ќе се разгледаат можностите за продлабочување на економската соработка меѓу унгарските и македонските компании.

Во состав на владината делегација се и вицепремиерот и министер за транспорт и врски, Александар Николоски, министерот за економија и труд, Бесар Дурмиши, генералниот секретар на Владата, Игор Јанушев, директорот на Агенцијата за странски инвестиции и промоција на извозот, Рефик Џемаили, директорот на Дирекцијата за технолошки индустриски развојни зони, Гоце Димовски, како и директорката на Агенцијата за иновации, научно-технолошки развој и претприемништво, Даниела Димовска.

The post ПРЕМИЕРОТ МИЦКОСКИ ВО ПОЛИТИЧКО-ЕКОНОМСКА ПОСЕТА НА УНГАРИЈА Ќе се сретне со Виктор Орбан appeared first on plusinfo.mk.