Изградбата на втората делница од железничката пруга кон Бугарија, на потегот Бељаковце–Крива Паланка, напредува со засилена динамика, станува збор за еден од најкомплексните и најголеми инфраструктурни проекти што се реализирaaт во Македонија, истакна заменик претседателот на Владата и министер за транспорт Александар Николоски кој заедно со дитекторот на ЈП МЖ Инфраструктура и претставници од изведувачот Ѓулермак извршија увид на градежните работи на трасата.

Вицепремиерот Николоски при посетата истакна дека проектот претставува инженерско достигнување, пругата е дел од стратешкиот НАТО Коридор 8, кој ја поврзува Македонија со Бугарија и Црното Море.

– Се работи за исклучително предизвикувачки проект кој опфаќа изградба нови три станици, Кратово, Романовце и Гиновце, 29 мостови, 15 тунели, шест надвозници, три подвозници. Имајќи ја предвид конфигурацијата на теренот, ова ќе биде железница на која возовите ќе сообраќаат со брзина од 100 до 120 километри на час, што во вакви услови е навистина одлично решение, изјави Николоски.

Тој нагласи дека мостовите што се градат претставуваат инженерско чудо, со столбови високи до 61 метар, што е повеќе од двојно повисоко од просечна осумкатна станбена зграда.

– Највисокиот столб кој што се гради е цели 61 метар. Само за споредба, просечна зграда, некаде од 7-8 ката, е во висина од 24-25метри, што значи дека тука зборуваме за згради кои што би биле од 10-20 ката, кога овие столбови би ги преселиле во една урбана средина, потенцираше министерот Николоски.

Во рамки на проектот ќе бидат вградени десетици илјади тони арматура и вкупно 125.000 кубни метри бетон. Николоски информираше дека напредокот кај конструктивните работи достигнал 31 процент, додека вкупната реализација на проектот е 36 проценти.

– Очекувам до октомври 2028 година тука веќе да оперираат возови. Ова е дел од Коридорот 8 источно крило, по изградбата на втората делница секако ќе ја градиме и третата. За истата во соработка со Европската инвестициска банка, ЕБОР и ЕУ од каде што имаме грант, сакам да се заблагодарам. Веќе е објавен тендер за избор на Надзорен орган, а очекувам во следните неколку недели, во соработка со ЕБОР и ЕУ, да го објавиме и тендерот за изведба, како би можеле конечно Македонија со пруга да ја поврземе со Бугарија, односно Скопје да го поврземе со Софија, а оттаму и со Црното Море – додаде вицепремиерот Николоски.

Тој потсети дека Коридорот 8 е прогласен од НАТО за втор најзначаен безбедносен коридор и има големо геостратешко значење за регионот, на кој меѓународните партнери на земјава се особено посветени.

На крајот, Николоски упати благодарност до премиерот Мицкоски, Министерството за финансии, директорот на Јавното претпријатие за железничка инфраструктура Синиша Иваноски и неговиот тим, како и до сите работници ангажирани на терен, истакнувајќи дека токму нивната посветеност овозможува реализација на комплицирани инфраструктурни проекти во Македонија.

Директорот на ЈП МЖ инфраструктура Синиша Ивановски истакна дека во наредниот период очекува силна динамика на градежните работи, а претпријатието останува посветено на реализација на капиталните проекти.

The post ИНТЕНЗИВНО СЕ ГРАДИ ПРУГАТА СКОПЈЕ-СОФИЈА, ЌЕ БИДЕ ГОТОВА ДО 2028 ГОДИНА Со 29 мостови и 15 тунели втората делница е вистински градежен и инженерски подвиг appeared first on plusinfo.mk.

Утрово слета првиот авион од Вроцлав со што започнува новата авиолинија Охрид-Вроцлав (Полска), додека веќе во вторник ќе имаме уште една нова линија од Катовице исто од Полска, што значи повеќе полски туристи, значи нови можности за бизнис и за развој на локалната економија околу Охридското крајбрежје, изјави денеска од Охрид, заменик претседателот на Владата и министер за транспорт Александар Николоски.

Николоски рече дека домашните аеродроми имаат најголем раст во регионот со преку 31% во првите пет месеци од годината, што се очекува да се надмине бројката од 3,5 милиони патници на годишно ниво.

– Овие две нови линии ќе значат многу повеќе патници, многу повеќе туристи кои што доаѓаат во Македонија, многу повеќе луѓе кои што ќе доаѓаат да прават бизнис во Македонија и дополнително отвореност кон светот. Охридскиот аеродром целосно се отвора кон Полска, отвараме две значајни рути кои што ќе значат дека полските туристите можат да го посетуваат Охридскиот регион, да го посетуваат Охрид, Струга, Дебарца, локалните економии овде да растат и туризмот да расте, но исто така овие летови не се само туристички, овие летови не се само сезонски, тие треба да донесат дополнителна вредност на целиот овој регион. Ако на тоа се додаде дека веќе од оваа недела повторно почнува да лета дестинацијата Белград-Охрид и Истанбул-Охрид, тогаш веќе приказната се заокружува. Бројките се одлични, бројките се, би рекол неочекувани- рече тој.

Николоски додаде дека нова цел за македонските аеродроми е бројот на патници да надмине 4 милиони годишно.

– Имаме фантастични бројки, а тоа е дека во периодот јануари-мај оваа година, споредено со 2025 година, имаме раст од 31,2%, што не можете да го најдете на ниедни други два аеродроми. Тоа е доста сериозен раст, а ако споредиме дека минатата година имавме исто така доста сериозен раст, затоа што прв пат Македонија помина 3 милиони патници, тоа е една додадена вредност. Jaс минатата година реков дека е добро да се бориме во следните две до три години да стигнеме до 3,5 милиони патници, но со ова темпо ние оваа година ќе стигнеме до таа бројка и ќе си поставиме нова цел, тоа е за неколку години да стигнеме и до 4 милиони патници, што мислам дека е врв за нашите два аеродроми имајќи предвид дека државата е од милиони и  800 илјади жители и бројот на патници далеку ќе го надмине бројот на жители – рече Николоски.

The post НИКОЛОСКИ ПОСТАВИ НОВА ЦЕЛ ЗА МАКЕДОНСКИТЕ АЕРОДОМИ Бројот на патници да изнесува 4 милиони appeared first on plusinfo.mk.

Со инвестиција од 4,2 милиони евра за прв пат набавуваме нови возила и опрема за одржување на хигиената низ општините. Ова е најголема поддршка до сега од Владата за општините во делот на подобрување со состојбата со хигиента, изјави вицепремиерот Александар Николоски на работилница на ЗЕЛС со наслов: планови за одржлива урбана мобилност“.

-Се купуваат 49 возила од различен тип, кои што треба да помогнат на градот Скопје и на останатите општини за подобрување на состојбата со хигиената. Се купуваат 17 мултифункционални возила за урбано одржување хигиена со вкупна вредност од 1,5 милиони евра, 3 мултифункционални возила за урбано одржување хигиена со соодветни механизми со вредност од 283 илјади евра, 9 специјализирани камиони кои што се во вредност од 982 илјади евра, 21 машина за чистење на улици во вредност од 1,3 милиони евра или вкупно како што кажав за 4,2 милиони евра се купуваат 49 возила со поддршка на Светска банка што сериозно ќе помогне во подобрување на состојбата со хигиената- рече Николоски.

Николоски рече дека ова е најголем инвестициски циклус во општините кој, како што рече, ќе продолжи и во следниот период.

Тој најави дека со мисијата на Светска банка следната недела ќе се разговара за финансирање нови проекти во општините.

-Нивната мисија е тука за нови проекти кои што ќе бидат во насока на подобрување на состојбата во општините, секако и други проекти што заеднички ќе ги работиме – рече Николоски.

The post НАЈГОЛЕМА ПОДДРШКА ОД ВЛАДАТА ЗА ОПШТИНИТЕ Со 4,2 милиони евра се купуваат 49 возила и опрема за одржување хигиена appeared first on plusinfo.mk.

Градежништвото останува еден од најсилните двигатели на домашната економија, што јасно го потврдуваат најновите податоци на Државниот завод за статистика за првиот квартал од 2026 година. Според државната статистика, градежниот сектор во првото тромесечје од оваа година бележи раст од 7,2% во споредба со истиот период минатата година, соопшти Министерството за транспорт и врски.

-Овие бројки претставуваат силен показател за континуираната градежна активност низ целата држава, како и за успешната реализација на капиталните инвестиции кои се од клучно значење за економскиот развој. Особено охрабрувачки е фактот што во сегментот на нискоградбата е регистриран двоцифрен раст од над 20 индексни поени. Овој сегмент ги опфаќа инвестициите во изградба на автопати, експресни патишта, регионални и локални патишта, како и железницата, кои Владата преку Министерството за транспорт ги реализира со високо ниво на посветеност и одговорност – изјави министерот за транспорт и врски Александар Николоски.

Според него, растот во нискоградбата е директен резултат на засилените активности на терен и силната динамика со која се реализираат капиталните проекти.

-Автопатиштата на Коридор 8 и 10 д, се градат со силна динамика, а паралелно со тоа се инвестира и во железничката инфраструктура, што претставуваат клучен сегмент за долгорочниот економски развој, регионалното поврзување и зголемувањето на конкурентноста на економијата – вели  Николоски.

Дополнително, Државниот завод за статистика објави дека стапката на раст на бруто-домашниот производ (БДП) во првото тримесечје од 2026 година изнесува 3,1%.

„Овој резултат претставува јасен показател дека економијата расте, дека инвестициите даваат резултати и дека развојните политики на Владата создаваат реални ефекти во стопанството. Резултатите што ги објави ДЗС, се потврда дека државата се движи во вистинска насока, градежништвото останува мотор на економскиот развој, а инфраструктурните проекти силно го поддржуваат растот, развојот и креираат подобра иднината на државата“, се вели во соопштението на Министерството за транспорт и врски.

The post СИЛЕН РАСТ НА ГРАДЕЖНИШТВОТО ВО ПРВИОТ КВАРТАЛ Николоски вели дека тоа е резултат на силната динамика на реализацијата на инфраструктурните проекти appeared first on plusinfo.mk.

Македонските превозници ќе аплицираат за хрватската долготрајна виза во амбасадата на Хрватска во Скопје, во другите дипломатско-конзуларни претставништва или директно во Загреб, појасни вчера министерот за транспорт и врски Александар Николоски, откако Саборот на Хрватска го донесе Законот за странци со кој се овозможува странските профсионални возачи да добиваат долгорочна виза.

Прашањето на визите е важно за превозниците при решавањето на проблемот со системот на влез и излез во Шенген зоната.

Николоски рече дека при крај е договорот и со Романија, а се разговара и со Австрија.

– Со Швајцарија веќе функционира овој систем, така да за разлика од нашите соседи, ние го решаваме овој проблем тивко – рече Николоски во интервју за ТВ Сител.

Тој објасни и како ќе биде аплицирањето за визите.

 Николоски рече дека процесот се води тивко бидејќи се работи за суштински огромен проблем.

-Не мислам дека начин на решавање на овој проблем е со голема гласност, со правење на дневно политички поени, со обвинување на други или со плачење на сопствената судбина и продуцирање на лажни надежи во јавни вести – рече тој.

Според него, по протестот на превозниците со затворање на граничните премини за товарен сообраќај Европската комисија разбрала колкав е проблемот и затоа ја презентира визна стратегија далеку порано од предвиденото.

– И таму беше јасно дека професионалните возачи ќе се признаат како категорија, претходно не беше призната. Тоа успеавме да го направиме, потоа беше прашање на методологија како, наш став беше дека е најдобро со долгорочни визи. Во текот на протестите итно заминав за Загреб, се сретнав со владини претставници вклучувајќи го и мојот колега вицепремиер и министер за транспорт, Олег Бутковиќ, каде рамката ја договоривме и таа рамка сега Хрватска ја обезбеди и да се заблагодарам на Хрватскиот Сабор што ја донесе таа одлука.   Паралелно работиме и со Романија и таму процедурата е при крај, почнавме процедура со Австрија – рече Николоски.

The post ПРЕВОЗНИЦИТЕ ЌЕ ДОБИЈАТ И РОМАНСКА И АВСТРИСКА ДОЛГОРОЧНА ВИЗА Николоски вели дека разговорите со овие земји се во тек appeared first on plusinfo.mk.

Прогресот на автопатите на Коридор 8 оди добро и ќе ги изградиме во рамки на предвидениот рок. Следната година ќе пуштиме една лента за возење на автопатот од Прилеп до Битола а целиот ќе го изградиме исто така во предвидениот рок, изјави министерот за транспорт и врски Александар Николоски.

-Рокот е 2029 година за сите три автопатски делници, Тетово -Гостивар, Гостивар -Букојчани и Прилеп-Битола. Најбрзо очекувам да видиме на Битола-Прилеп, иако е најдолгата делница, таа е најдолгиот автопат поединечно што се гради во Македонија и морам да кажам дека голем фокус ставаме на овој проект -рече Николоски.

Тој потенцираше дека проблемот со неколку сопственици на вили во село Ореовец ќе биде решен, но го отвори прашањето зошто политичката партија Левица ги штити истите кога овој проблем може да ја чини државата до 100 милиони евра.

-Единствено останува со овие буџованиве од Ореовец да го решиме проблемот. Има таму десетина сопственици на вили, кои што блокираат пристап до наоѓалиштето од каде што треба да се црпи материјал за изградба на автопатот. Мирот им се нарушува, веројатно кога слушаат таму пријатна музика и кога поминуваат камионите, но тоа нарушување на мир чини некаде околу стотина милиони евра. Гледам политичката партија Левица се залепи на ова, па фер е да ги прашаме како дефинирани левичари, како тоа сака државатa да потроши 100 милиони евра повеќе. Секако дека ќе решиме, но ова се добри морални прашања кои што се отвораат – рече Николоски

Тој додаде дека следната година една страна од патот да биде пуштена..

– Очекувам следната година, едната страна да е целосно пуштена, односно да пуштиме сообраќај по нов автопат во едната насока, а целиот да биде завршен во рамки на рокот. Гостивар -Тетово, иако изгледа најлесен, во суштина е најтежок, затоа што има многу објекти што треба да се дислоцираат, но и тука ќе бидеме во рокот. А Гостивар- Букојчани, заобиколкувањето на популарната Стража, иако изгледа како најтежок, во суштина добро оди прогресот и веќе имаме пробиено 18 километри – рече Николоски.

The post СЛЕДНАТА ГОДИНА ЌЕ СЕ ВОЗИ ПО ЕДНА ЛЕНТА НА АВТОПАТОТ БИТОЛА – ПРИЛЕП Николоски најави и решение за проблемот со сопствениците на викендици во Ореовац appeared first on plusinfo.mk.

Вицепремиерот и министер за транспорт Александар Николоски изрази задоволство што ЕК ја одобри новата транша од 65,7 милиони евра за нашата земја во рамки на Планот за раст и Механизмот за реформи, потенцирајќи дека тое доказ дека сме земја број еден во Западен Балкан. Овие реформи, рече тој, не значат само контрибуција за Буџетот туку значат и подобар живот за граѓаните.

-Во однос на Планот за раст ми е многу драго што се демантираа бројни лаги што се пласираа во јавноста, и драго ми е дека Македонија е земја број еден во Западен Балкан што ја одразува реалоста, но убаво е кога ќе го видите тоа на хартија. Тоа е за она што се рокови до јануари месец. Сега имаме нови рокови до јуни месец. Утрово имавме состанок со еден тим од Владата на чело со премиерот Мицкоски со Копман, директорот за проширување на ЕУ и во јуни ќе бидеме исто така први. Јасни се индикаторите. Добро е што ова го препознава ЕУ и што овие реформи се прават затоа што овие реформи не само што носат финансиска контрибуција во Буџетот и значат подобар живот за граѓаните, рече Николоски.

Во интервју на Тема на денот на ТВ Сител, Николоски зборуваше за Коридорот 8 и притоа кажа дека денеска имал состанок со Европската инвестициска банка која е заинтересирана да го финансира овој проект односно дел од Коридорот 8. – Има таму сериозна грант компнента. Ние во јануари го пуштивме од Страцин до Крива Паланка, сега останува Страцин – Куманово. Очекувам следната година да почнат градежни активности таму, рече Николоски.

За автопатот Кичево-Охрид рече дека очекува да биде завршен пред рокот.

-Согласно договорот рок за завршување на автопатот Кичево-Охрид е мај месец следната година. Јас очекувам да бидеме и пред рокот затоа што работите одат добро, активностите одат добро. Веќе имаме функционални 37 километри од вкупно 57. Очекувам во текот на летото да имаме и други функционални километри и во рамки на рокот, рече Николоски.

Оваа Влада, како што рече тој, е прва Влада која сериозно се посвети на овој проект. – Мислам дека прашањето не е само математичко, туку и малце филозофско. Често и јас знам да кажам дека овој автопат се гради од 2014 година, дека се гради 12 години. Во суштина не се гради повеќе од две, ако сакаме да бидеме реални и директни, рече Николоски.

Во однос на автопатот Тетово – Гостивар, и делницата Букојчани за да се заокружи Стража, Николоски рече дека 2029 година е рокот за сите три автопатски делници – Тетово-Гостивар, Гостивар-Букојчани и Битола-Прилеп.

-Очекувам кај дел од нив да сме побрзи. Најбрзи очекувам да бидеме на Битола-Прилеп иако таа е најдолга делница 40 километри, рече Николоски додавајќи дека имотно-правните односи се решени освен со десетина сопственици на вили кај Ораорец кои блокираат пристап до наоѓалиште кое што треба да се црпи материјал за изведба на автопатот.

На Прилеп-Битола очекува веќе следната година, едната страна да е целосно пуштена односно да се пушти сообраќај по нов автопат во едната насока, а целиот да биде завршен во рамки на рокот.

-Гостивар-Тетово иако изгледа најлесен во суштина е натежок затоа што има многу објекти што треба да се дислоцираат, но и тој ќе биде во рокот, а Гостивар-Букојчани или заобиколувањето на популарната Стража, иако изгледа како најтежок, во суштина добро оди прогресот бидејќи имаме пробиено 18 километри, рече Николоски.

The post НОВАТА ТРАНША ОД ЕУ ЗНАЧИ ДЕКА СМЕ ЗЕМЈА БРОЈ 1 ВО ЗАПАДЕН БАЛКАН Николоски за одобрените 67,5 милиони евра од Планот за раст appeared first on plusinfo.mk.

Вицепремиерот Александар Николоски соопшти дека процесот на решавање на проблемот со системот за влез и излез во ЕУ на превозниците, откако Хрватска донесе Законот за странци со кој на професионалните возачи од Западен Балкан ќе им се даваат долгорочни визи.

„Во Хрватска е усвоен законот со кој професионалните возачи ќе можат да добиваат долгорочни визи. Тоа е чекор напред во решение на проблемот кој произлезе со воведување на ЕЕС системот во Шенген зоната. Овој закон многу ќе помогне на македонските професионални возачи. Ова е реализација на договорот што го направивме со вицепремиерот и министер Олег Бутковиќ во јануари годинава“ напиша Николоски на Фејсбук.

Тој додава сека Швајцарија веќе издава долгорочни визи и дека се очекува и други држави да се приклучат.

„Продолжуваме кон конструктивни решенија за нашите професионални возачи”, пишува Николоски.

The post НИКОЛОСКИ СООПШТИ ДОБРА ВЕСТ ЗА ПРЕВОЗНИЦИТЕ Хрватска ќе издава долгорочни визи за професионалните возачи appeared first on plusinfo.mk.

Вицепремиерот и министер за транспорт Александар Николоски денеска изјави дека работите за ставање во употреба на граничниот премин Клепало на македонско-бугарската граница од наша страна се завршени, како и дека од бугарска страна проектот почнал да се реализира и дека очекува тоа да продолжи по изборот на новиот министер за транспорт во Софија.

-Во однос на Клепало, од наша страна целосно се завршени работите. Во координација со релеватните институции МВР, Царинската управа и останатите институции коишто се поврзани со граничниот премин од наша страна е се завршено. Проблемот беше на бугарска страна. Морам да кажам дека претходниот министер за транспорт и вицепремиер на Бугарија Гроздан Караџов го раздвижи проектот и дека со изборот на нов министер дополнително ќе се реализира овој проект и ќе можеме да се поврземе од двете страни – рече Николоски.

Тој денеска во Виница заедно со премиерот Христијан Мицкоски присуствуваше на настан за отворање на нов градски пазар.

The post ГРАНИЧНИОТ ПРЕМИН КЛЕПАЛО Е ГОТОВ ОД МАКЕДОНСКА СТРАНА Се чека одлуката на бугарската влада за продолжување на започнатите работи appeared first on plusinfo.mk.

Вицепремиерот и министер за транспорт Александар Николоски денеска изјави дека се невозможни условите што ги бара нискобуџетниот авиопревозник „Рајанер“ да влезе на македонскиот пазар. Според него, компанијата барала 25 евра субвенција по седиште, двојно повеќе од субвенциите што сега ги дава државата.

-Не мислам дека е добро решение за македонскиот пазар затоа што условите што ги поставуваат се невозможни. Ние во моментов даваме субвенции 9 евра за скопскиот аеродром и 12 евра за охридскиот аеродром, што се едни од повисоките субвенции што би можеле да ги најдете на пазарот и не случајно 28 нови дестинации се отворени за помалку од две години откако е избрана оваа влада – рече Николоски.

Како што кажа, барањето на „Рајанер“ е 25 евра субвенција по седиште, што е повеќе од 2,5 пати за скопскиот аеродром, приоритетно да се опслужуваат нивните аеродроми, да не се користат никакви услуги на скопскиот и охридскиот аеродром, а компанијата има дури и сопствени скали во авионите.

-Барањето е да ги откажеме и дел од дестинациите кои што ги имаме – рече Николоски, кој беше на настан за отворање на градски пазар во Виница.

The post АВИКОМПАНИЈАТА „РАЈАНЕР“ БАРАЛА НЕВОЗМОЖНИ УСЛОВИ ОД МАКЕДОНИЈА Николоски кажа дека барале да се откажат и веќе воспоставени дестинации appeared first on plusinfo.mk.