Македонскиот пливач Никола Ѓуретановиќ собори национален рекорд на Светското првенство во мали базени во дисциплината 400 метри слободен стил, што се одржа во Будимпешта, Унгарија.

17-годишниот пливач кој годинава настапи и на Олимписките игри во Париз, ја преплива делницата од 400 метри за 3:53.05 минути, со што успеа да го собори рекордот на Марко Блажевски за три секунди.

Овој резултат е и за девет секунди подобро време од тоа со кое Ѓуретановиќ бил пријавен за настап на Светското првенство во Будимпешта.

Во генералниот пласман, Ѓуретановиќ го освои 40. место од 49 пливачи во оваа дисциплина.

Златниот медал на 400 метри слободен стил го освои Австралиецот Илајџа Винингтон со време 3:35.89.

The post ПЛИВАЧОТ НИКОЛА ЃУРЕТАНОВИЌ СОБОРИ МАКЕДОНСКИ РЕКОРД За 3 секунди го надмина досегашниот рекорд appeared first on plusinfo.mk.

Поранешниот борач и олимписки шампион Шабан Трстена на својот фејсбук профил испрати порака до македонскиот пливач Никола Ѓуретановиќ, кој на 16-годишна возраст настапи Македонија на ОИ во Париз и заврши на последното место во својата дисциплина.

Пласманот и олимпискиот резултат на македонскиот пливач драстично послаб од неговото најдобро остварување,  предизвика бурни реакции во јавноста и на социјалните медиуми.

Искусниот Трстена испрати порака до Ѓуретановиќ да продолжи со макотрпна работа ако сака да остварува подобри резултати и поголеми успеси во иднина.

„Спортски поздрав до сите млади и стари. Сонот за Олимписките медал..

Тоа е спортот, кој работи може да се надева дека ќе постигне резултати. Ти навистина не си талент, туку повеќе од тоа, ти си пливач пред кого има успешна иднина за Македонија. Затоа, имам совети за тебе и ако си паметен да ги прифатиш како позитивно искуство, ти како потенцијален шампион и тие што работат со тебе.

Би ве советувал да не ги повторите грешките како на многу млади македонски спортисти. Ве молам, може ли некој од вас кои се нарекувате експерти или некои толку паметни што кажуваат за себе, дека се многу големи интектуалци, и затоа много знаете за спортот.

Знаете ли каде се тие стотици, илјадници македонски таленти за минатите 34 години, и каде се изгубија оние што имаат освоено медали на европско и на светско првенство за пионери и младинци. Тие едно време беа таленти, но некој им помогна да ги нема како сениори, со незнaење, со нестручност, со предвреме прогласување на некакви „шампиони“ кои живееле во заблуда дека направиле нешто, а не ни почувствувале што е вистинска конкуренција.

Тоа се нивните тренери, понекогаш родители со претерана амбициозност, нивните клубови и спортски федерации. На врвот е МОК, кому за ништо не му е грижа освен да ги води на натпревари, за да можат да се фалат и тие да се шетаат покрај спортистите. А за резултатите и за гордоста на оваа држава не е важно, ние сме млада нација и важно е да се вее знамето. Како може сега да биде млада нација, кога Македонија знаеме дека постоела уште од прастари времиња, на Александар Велики. Ако сами не веруваме во тоа, немој да очекувате дека некој од странство ќе не почитува.

Исто така треба да бидеме реални и да прашаме, Никола шампионе на Македонија, како се мериш ти со твоите врсници во Европа и во светот, дали тие одат на олимпијада и кои резултати ги прават на олимпијада на 16 години ?

Народот мора да ја знае вистината пред да пишува и суди за нешто, еве читаме како некои те прават херој и лажат дека си освоил олимписка норма.

Морам да кажам дека тие се прават добри кон тебе, но така само ќе те уништат, како што со лажни зборови биле уништени други македонски таленти во многу спортови. Слушај го чичко Шабан, треба да ја знаеш мојата животна приказна на твоја возраст.
И јас бев како тебе младо момче, со голем сон, со тешки услови за работа, немавме ни спортска сала, на почеток немав ни тренерки ни опрема, но имав најголем сон. И моите тренери со само 6 години тренирање, легендарни и сега покојни Насе Насев и Хајруш Синани имаа само една цел и една причина да го оствариме сонот.

Не сум случајно олимписки шампион и олимписки вицешампион, сум освоил 19 медали на Европски, Светски првенства и Медитерански игри и затоа сум тој што најмногу и со големо срце, сакам да ги мотивирам сите млади кои сакаат да станат шампиони.

Во овој момент, за жал по мое мислење ти си жртва на олимписки комитет, тие се фалат дека имаме 16 годишен олимписки пливач во екипа. ОК, ако Олимписки комитет веќе го номинираше за олимпијада, зошто не му овозможат цела година програма со подготовки, секој ден по три пати на ден да пливате во базен, младиот преспективен спортист.

Вака, ќе го однесат во Париз, ќе исплива и ќе кажат дека бил млад. Браво за сите. Тие си играат со детето, а цел народ се расправа дали бил млад, дали требало да оди, дали да го фали или да критикува. Не се оди со последни 10 дена на подготовки на најголемиот спортски настан, Олимписки игри. Така не се оди никаде. Сите треба да знаат дека последни денови треба да се тренира порелакс, да биде телото на спортистот спремно за натпревари, а не со јаки тренизи да заминат уморни.

Затоа, уште еднаш би ве советувал тебе и твојот тим дека ти можеш да постигнеш поголеми успеси во иднина, се разбира само ако работиш многу. За тебе и останатите околу тебе нема одмор. Дури ако остануваш до крај во Париз, ти од таму треба да почнеш да тренираш уште повеќе секој ден, посилно, бидејќи овие следни четири години те очекува светското и европско првенство за млади, а ќе бидеш во конкуренција на возрасни, за самиот да знаеш каде си.

Затоа треба многу да вежбаш, бидејќи те очекува долг пат до остварувањето на твојот сон, затоа те советувам со реални зборови. Патот до врвот не е лесен, ама сè е можно таму има место само за најдобрите, за најупорните, кои не се откажуваат никогаш од својата цел.

На крај ве поздравувам со оваа гордост на македонска олимписка слика, није сме тие што му докажевме на светот дека сме помтомци на Александар Велики од Македонија кој освоил половина свет, со херојот од Токио, Дејан кој во теквондо се врати со сребен олимписки медал од Токио 2020. Нека биде пример успех за сите.

Се надевеме сека со нова влада со министeрот за спорт ќе направат нешто позитивно за младите македонски спортисти, да прават услови и да тренират уште посилно и некој од овие нови генерации да го повтори мојот подвиг кога пред 40 години во Лос Анџелес станав најмлад олимписки шампион, и сè уште со 19 години во целата олимписка историја. Од сè срце посакувам баш во Лос Анџелес 2028 година некој од македонските спортисти да се врати со златен олимписки медал, но запаметете сите, треба многу, многу работа и секогаш да сте оптимист во вашиот спортски дух за голем успех.

Со почит од вашиот олимписки шампион“ – стои во пораката што ја испрати Шабан Трстена.

The post НИКОЛА, ШАМПИОНЕ НА МАКЕДОНИЈА, ТИ СИ ЖРТВА НА ОЛИМПИСКИОТ КОМИТЕТ! Легендарниот Шабан Трстена упати порака до младиот македонски олимпиец Никола Ѓуретановиќ appeared first on plusinfo.mk.

Тремата и годините го направија своето, искоментира пливачот Никола Ѓуретановиќ кој денеска настапи на ЛОИ во Париз, откако во квалификациите на 400 метри слободно заврши последен со резултат 4:05,38 минути.

Ова е далеку полош резултат од неговиот личен рекорд на оваа патека, а кој изнесува 4:02,61 минути.

– Пред трката имав трема, а и моите години го направија своето – бев многу возбуден. Ова, сепак, е едно големо искуство за мене. Секако дека ќе се прикажам во подобро светло на следните големи натпреварувања – изјави 16-годишниот Ѓуретановиќ.

ЃУРЕТАНОВИЌ ИСПЛИВА ПОД ЛИЧНИОТ РЕКОРД Македонскиот пливач заврши на последното место

The post ПРЕД ТРКАТА ИМАВ ТРЕМА Младиот пливач Ѓуретановиќ и возбуден и под голем притисок appeared first on plusinfo.mk.

Пливачот Никола Ѓуретановиќ е првиот Македонец кој настапи на Олимписките игри во Париз. Тој денеска учествуваше во квалификациите во трката на 400 метри слободно и имаше симболичен настап.

Ѓуретановиќ пливаше во група со четворица други и на крајот заврши на последното место со време 4 минути, 5 секунди и 38 стотинки, речиси 3 секунди послабо од личниот рекорд.

Следна од македонските натпреварувачи на Игрите 2024 е Анастасија Мојсовска која утре ќе се појави во дисциплината стрелаштво – 10 метри воздушна пушка.

The post ЃУРЕТАНОВИЌ ИСПЛИВА ПОД ЛИЧНИОТ РЕКОРД Македонскиот пливач заврши на последното место appeared first on plusinfo.mk.