Како што пишуваа медиумот, властите во Србија пред околу два месеци издале агреман за Тупанчевски, па така што тој заминува во главниот град на нашиот северен сосед.

Тупанчевски беше министер за правда само околу една година и беше сменет без никаква посебна причина, откако на негово место дојде Кренар Лога при влезот на Алијанса за Албанците во владата. Професорот се повлече од тоа место мирно затоа што најверојатно како компромис му била дадена амбасадорска функција.

Инаку за другите амбасадори кои треба да се упатат во странство агремани од државите домаќини стигнале уште за Шпенд Садики, кој ќе биде амбасадор во Тел Авив, Израел.

Агремани од земјите домаќини сѐ уште чекаат за кадарот на ДОМ Емил Крстевски за Прага, Џенек Сејфула за Стокхолм, Јасмин Ќахил за Варшава, Јакуп Реџепи за Сараево и Андреј Жерновски, кадар на СДСМ кој треба да биде амбасадор на Македонија во Букурешт, Романија.

The post ТУПАНЧЕВСКИ ПАТУВА ЗА БЕЛГРАД? Професорот министерската фотелја ќе ја замени со амбасадорска appeared first on plusinfo.mk.

Барањето за мислење од Министерството за финансии, како што информираа од Министерството за правда, е пристигнато на 15 февруари.

„Министерот за правда Никола Тупанчески до Владата поднесе оставка од функцијата на 10.02.2023 година. Собранието ја констатираше оставката и престанокот на функцијата министер за правда на седница на 13.02.2023 година. Од 14.02.2023 година, Никола Тупанчески е во работен однос на Правниот факултет ‘Јустинијан Први’. Барањето од Министерството за финансии за потпишување на правно мислење за еврообврзницата е примено во Министерството за правда на 15.02.2023 година. Со оглед на тоа што Тупанчески не е министер за правда од 13 февруари, тој нема право да стави потпис како министер“, се вели во соопштението од Министерството за правда.

Министерството за финансии вчера информираше дека постапката за издавањето на еврообврзницата ќе биде завршена по назначувањето на новиот министер за правда.

„Целосната постапка за издавање на еврообврзницата ќе биде извршена по спроведување на административните процедури, кои подразбираат и мислење од новиот министер за правда. Веднаш по изборот на новиот министер за правда ќе се одржи нова аукција. За ова банките-агенти што посредуваа при издавањето на еврообврзницата ќе ги информираат инвеститорите, кои при минатата аукција имаа 2,5 пати поголем интерес во однос на понудената сума, како резултат на довербата во добрите економски политики“, наведе Министерството за финансии во вчерашното соопштение.

Неиздавањето на еврообврзницата со која главно требаше да се покријат стари долгови кои доспеваат годинава, според премиерот Димитар Ковачевски, нема да влијае врз кредитниот рејтинг на државата.

– До изборот на новиот министер, не сакавме да правиме прекршување на постапката. Вчера инвеститорската јавност беше информирана. Постапката ќе биде повторена и успешна штом ќе биде завршена реконструкцијата на Владата – изјави денеска Ковачевски.

НОКАУТ ВРЕДЕН 600 МИЛИОНИ ЕВРА ОД ТУПАНЧЕВСКИ ЗА КОВАЧЕВСКИ Откажувањето на еврообврзницата го шокираше финансискиот свет

The post ТУПАНЧЕВСКИ НЕМА ПРАВО ДА СТАВИ ПОТПИС Барањето за еврообврзницата пристигнало два дена откако министерот поднел оставка appeared first on plusinfo.mk.

Прашан за можната реконструкција на владата на Димитар Ковачевски со влез на Алијанса за Албанците, Тупанчески рече дека „апсолутно не постои никаква оптовареност каков ќе биде развојот на настаните и дека дефинитивно се подготвени да одговорат на сите предизвици“.

–  Јас реков дека до последниот ден додека сме во Министерството за правда ќе го дадеме својот максимум. Не би сакал да го коментирам политичкиот или партискиот контекст, меѓутоа дефинитивно сме Министерство коешто и досега можеме да се пофалиме со остварените резултати. Меѓутоа, имаме и одредена замисла како да ги заокружиме претходните наши идеи во однос на реализација, подобрување на состојбите во нашата држава, изјави Тупанчески.

Според информации на Плусинфо, министерот за правда Никола Тупанчевски од поодамна е најсериозен канддидат за бркање од Владата, поради скандалот што изби во врска со патувањето натпреварот меѓу Македонија и Италија во полуфиналето од плејофот за пласман на Светското првенство во фудбал. Тогаш тој, вишата јавна обвинителка Фатиме Фетаи и претседателот на Основниот суд Кавадарци, Лазар Нанев, навиваа во ложата на стадионот „Ренцо Барбера“ во Палермо.

The post ШО МИСЛЕШЕ СО ФАТИМЕ КА СЕ ЛИГАВЕШЕ… На Тупанчевски не му е право што министерската фотелја ќе му ја земе Алијанса appeared first on plusinfo.mk.

Комисијата смета дека културниот клуб „Ванчо Михајлов“ нема согласност за употреба на името, поради што треба да биде поништена регистрацијата на ова здружение, но од Правда добила одговор дека надлежен орган е Централен регистар.

Комисијата поведе прекршочна постапка пред битолскиот Основен суд и против Културниот центар „Иван Михајлов“ затоа што не се испочитувани препораките за отстранување на сите спорни содржини во името, статутот и програмата што предизвикуваат потешки форми на дискриминаци и вознемирување од страна на здружението кое го носи името на докажан соработник на фашистите.

Во одговорот од Културниот центар се наведува дека мислењето на Комисијата е тенденциозно, а подносителот на претставката, битолскиот Сојуз на борци, „не понудил докази дека Ванчо Михајлов е фашист“.

The post ТУПАНЧЕВСКИ ЗАМИЖАЛ ЗА „ВАНЧО МИХАЈЛОВ“? Доби прекршочна пријава од Комисијата за заштита од дискриминација appeared first on plusinfo.mk.

Прво би сакал да објаснам зошто токму таа е мојот избор за планот што ќе го соопштам јавно и за кој барам јавна поддршка и логистичка поткрепа.

Гордана Јанкуловска е најпознатата македонска затвореничка. Според информациите што ги имам, нејзиното поведение е примерно – физички и психички добро се држи, доследно ги почитува затворските прописи и правила и никому не создава никакви проблеми.

Од 28 септември 2020 година, таа ја издржува казната затвор во времетраење од 4 години, токму во „Идризово“. Осудена е за случајот „Тенк“.

Морам јавно да го споделам својот впечаток дека за „она на М“, таа е осудена без вина и буквално – за ништо. Блиндираниот „мерцедес“ за премиерот Никола Груевски е набавен по повеќе или помалку регуларна цена за таков вид возило, државата не е оштетена, во возилото се возеа и се масираа сите премиери после Груевски, а богами тоа се користи и денес.

Но, тоа не е мојата поента. Гордана ја прифати и чесно ја издржува својата затворска казна. Заслужена или не, сеедно.

Да не заборавиме една важна работа – на лицата осудени на затворска казна над 3 години (тоа е групата во која е Јанкуловска), законот им овозможува разни погодности, чија цел е да се поттикне процесот на рехабилитација. Најважниот услов да дојде до тие привилегии е затвореникот да има издржано најмалку една третина од казната.

Гордана Јанкуловска има издржано речиси две третини од казната. Но, до ден денешен, таа нема добиено ниту еден ден отсуство или каква било друга привилегија.

За неа законот – не важи!

Зошто? Од две причини: прво, затоа што постои еден подзаконски акт со долго име којшто ги укинува правата што ги дава законот, или барем така се толкува; и второ, затоа што е Јанкуловска е жена!

Од истите причини државата го казнува и Петар Јанкуловски, малолетниот син на Гордана Јанкуловска. Тој не памети како изгледа неговата мајка надвор од казнено-поправната установа. Се немаат видено во домашни услови. Гордана го нема прошетано во парк или во зоолошка градина. Петар од државата има добиено право три пати во месецот по 1 час да ја види својата мајка. Во тие 3 часа месечно, тој и самиот е затвореник во „Идризово“. Државата на неговата мајка ѝ се одмаздува, но него таа буквално го казнува. Секој Божји ден…

Реков веќе, Гордана Јанкулоска и останатите осуденички се оневозможени да ги користат погодностите што му ги овозможува затворскиот систем во Македонија на секое лице кое издржало најмалку една третина од казната: посети надвор од установата до 4 часа, слободен излез од установата до 7 часа, отсуство до 15 дена во текот на годината, целосно или делумно користење на одморот надвор од установата и работно ангажирање надвор од установата.

Согласно еден член од Правилникот за распоредување, класификација и разместување на осудените лица, вакви погодности не можат да користат осудени лица кои имаат изречена казна затвор над 3 години, ако против нив се води друга постапка за кривично дело. И овој дел од Правилникот, кој го повредува принципот на презумпција на невиност и е во колизија со одредбите од Законот за извршување на санкциите, се толкува и „работи“ против Јанкуловска.

Со повикување на оваа одредба од подзаконски акт којшто се толкува како „посилен“ од законот, таа е лишена од привилегиите и од нормалниот процес на рехабилитација. Ова без оглед што постапката којашто се води против неа за друго кривично дело (за предметот „Таргет-Тврдина“) може да заврши и на други начини освен со осудителна пресуда – на пример, со повлекување на обвинението, со ослободителна или со одбивателна пресуда.

Кога лицата од машки пол, осудени на затворска казна над 3 години, ќе издржат една третина од казната, обично бараат преместување во установа за извршување на санкции која не е од затворен вид. Таква установа е затворот во Струга, на пример. По преместувањето на осудените лице од установа од затворен во установа во полуотворен или отворен тип – види чудо! – за нив престанува да важи обврската против нив да не се водат други постапки за кривични дела. Сега за нив важат некои други одредби од фамозниот Правилник…

А да биде работата уште поапсурдна, за разлика од машките осудени лица, жените осуденички можат да ја издржуваат казната затвор единствено во КПУ „Идризово“. А тоа е установа од затворен тип.

Ете, тоа се фактите што сакав да ги предочам јавно.

Нејсе…

Гордана Јанкуловска е највисокиот функционер од поранешната власт на Никола Груевски, која „машки“ ја издржува својата затворска казна, а при тоа е дискриминирана меѓу другото и поради околноста дека е – жена.

А сепак, не сум слушнал некоја од многуте граѓански активистки и некој од многуте борци за човекови права да се загрижи поради ова. Самото спомнување на името на некогашната министерка ли ги одвраќа од помислата да се загрижат поради дискриминацијата на цела една категорија осуденици, дискриминација базирана на нивната родова припадност?

Не би ме чудело да е така…

За жал, живееме во општество во кое пизмата и одмаздата се главниот мотив што ги детерминира односите меѓу луѓето. Не само во политиката и во јавната, туку и во приватната сфера.

Со ретки исклучоци, јас до сега немам слушнато или прочитано некој јавно да се заложи во прилог на законското право на Гордана Јанкуловска барем последната третина од затворската казна да ја издржи во услови какви што предвидува затворскиот систем за подобра рехабилитација и ресоцијализација на осудените лица.

Односот на затворските власти, но и на луѓето од политичките елити, а за жал и на најголем дел од јавноста, кон Гордана Јанкуловска е предодреден од омразата како најмоќен „драјв“ и од нецивилизираниот однос на општеството преточен во една груба и очигледна дискриминаторска политика кон осудено лице од женски пол.

И бидејќи не гледам никаква друга можност да побудам макар трошка емпатија или наклонетост на т.н. либерално јавно мислење во одбрана на важечките и озаконети принципи на хумано казнување, јас решив да организирам бегство на затвореничката Гордана Јанкуловска.

Имајќи го предвид фактот дека од „Идризово“ изгледа може да избега секој што има добри врски со луѓето од затворската управа и од Управата за извршување санкции, а веројатно и со политичарите кои влијаат врз овие институции, одлучив да не ја кријам својата намера и јавно да побарам поддршка.

Да бидам искрен, мојот план засега е сведен на мојата намера и во овој момент немам идеја како понатаму. Но, не се обесхрабрувам.

Си помислив, на пример, дека би било паметно јавно да го повикам претседателот Стево Пендаровски да ја помилува осуденичката Гордана Јанкуловска. Тој има такво право. После речиси две третини издржана затворска казна, со неспорното досие на примерен затвореник и со нејзината семејна ситуација, таа е идеален кандидат за помилување.

Па толку тешки криминалци добиваат милост од шефот на државата, зошто Гордана би била исклучок?

И на крајот на краиштата – помислувам онака наивно – не е ли малку и витешки, да не речам и „машки“, Јанкуловска токму од Пендаровски да добие помилување?

Јас мислам дека претседателот за еден таков потег би добил аплауз на отворена сцена.

Предупреден сум дека за оваа работа си има процедура, дека постои комисија итн. Ако де. Знам за таа комисија. Ако не се лажам, во неа членува и колегата Томче Кежаровски, а тој веројатно памети како се боревме за неговата слобода. Ете, сметам на неговиот глас. А бездруго сметам и на гласот на претседателот, кој сепак треба да е пресуден.

Исто така, си помислив дека и министерот, професор и другар Никола Тупанчевски би можел да ни помогне и да ѝ ги олесни затворските денови на нашата најпозната осуденичка.

Не верувам дека не е можно да се најде легален начин на Јанкуловска да ѝ се овозможат погодностите што законски им следуваат на сите затвореници кои имаат издржано повеќе од една третина од казната. Не верувам дека Тупанчевски, како професор на Правниот факултет во Скопје, не знае дека подзаконски акт не би смеело да ускратува права што се овозможени со закон.

Ете, тоа е мојот резервен план. Додека јас и другарот Стево не го реализираме мастер планот за бегство на Гордана од „Идризово“.

Во случај ништо од ова да не упали, би замолил за совет. Кажете ми каде да се обратам. Од која банда да барам помош. Мора да има некое чаре. Толку многу пробисвети избегаа од „Идризово“, па зарем само Гордана Јанкуловска ли да остане до последниот ден?

The post Организирам бегство на Гордана Јанкуловска од „Идризово“! appeared first on plusinfo.mk.

На објавената слика од Енис Мурат, вработен во затворот „Шутка”, заедно со директорот Филип Андонов – Сокол, е суспендираниот командир, Срѓан Димитриевски. Иако според Законот за извршување на санкциите, затворската полиција не смее да се ангажира да извршува работни задачи надвор од казнено-поправните установи, овие лица за време на инцидентите на прославата, неовластено даваа насоки до полицијата.

Левица тогаш јавно побара од директорот на Управата за извршување на санкциите, Марјан Спасовски, да преземе мерки за санкционирање на директорите на казнено-поправните установи и на затворската полиција која вршеше неовластени дејствија. После скандалозното јавно признание од страна на Марјан Спасовски дека знаел за командирот Срѓан Димитриевски дека бил претходно избркан поради примање мито, повеќе од јасно е дека Спасовски ги штити своите партиски извршители, кои се сликани со високи партиски функцкионери на СДС.

Суспендираниот Срѓан Димитриевски бил на смена и кога бил претепан млад затвореник од ромска припадност, за што постои сомнеж дека и самиот Димитриевски бил инволвиран. И за овој скандал, Марјан Спасовски немаше никаков одговор за јавноста.
Се поставува прашањето, дали доколку директорот Спасовски го санкционираше Димитриевски после илинденската прослава, сега немаше осуден затвореник за убиство да биде на слобода?

„Дали, и покрај низата скандали во затворите, Марјан Спасовски не е разрешен затоа што е во роднински врски со министерот за внатрешни работи – Оливер Спасовски?

Бараме министерот за правда Никола Тупанчевски, кој ги премолчи инцидентите за Илинден, да се одважи конечно пред јавноста и да побара итно разрешување на директорот на Управата за извршување санкции Марјан Спасовски.

Тоталитарното владеење на СДСМ и ДУИ директно ја загрозува безбедноста на граѓаните, каде нивните партиски насилници можат неказнето да малтретираат граѓани, полицајци кои земале мито да бидат назначувани за командири и да сценираат бегства на затвореници осудени за тешки кривични дела“, се вели во соопштението.

КОВАЧЕВСКИ ГО МЕНУВА МАРЈАН СПАСОВСКИ Не е задоволен од  неговата работа, се бара нов директор на Управата за извршување санкции

The post КОМАНДИРОТ СРЃАН СО БОГАТО ДОСИЕ НА ИНЦИДЕНТИ Жесток фраер под заштита на Марјан Спасовски, директорот на Управата за извршување на санкциите, обвинува Левица appeared first on plusinfo.mk.

– Ќе бидам брутално искрен и ќе кажам дека не е неважно за министерот за правда што се случува во неговиот дом. Практично во рамките ако се земе формата влегуваат и судството и обвинителството, нотарите извршителите итн. – посочи Тупанчевски.

Тој посочи дека во поновата правна историја на нашата држава сме имале три модели за избор на обвинители и на судии.

– Во првиот модел ги избираше Собранието, вториот модел требаше да биде прогресивен или напреден, при што ги избираа Советот на јавни обвинители и Судскиот совет. Трето или по најновиот модел кој е предвиден со новиот Закон за јавно обвинителство од 2020 година кој беше консензуално усвоен од Собранието на нашата држава. Јас бев дел од подготовката на тој Закон, имаше и невладини организации и сметавме дека овие два претходни модела имаат одредена потреба за корекција или објективизирање на критериумите за избор на јавни обвинители и судии и во таа насока се движевме да инкорпорираме модел кој би бил транспарентен, објективен. И во таа насока беше предвиден овој концепт, односно јавните обвинители да го бираат јавниот обвинител – појасни Тупанчевски.

Тој рече дека дотука може да коментира, бидејќи сѐ понатаму ќе значи мешање во работата на институциите кои треба да бидат независни, објективни и огледало на државата.

Потпретседателот на Собранието Горан Мисовски најави пауза, а седницата со пратенички прашања ќе продолжи со работа во 15 часот.
Неодамна, на непосредни избори јавните обвинители го избраа Ислам Абази за шеф на Основното јавно обвинителство за гонење на организиран криминал и корупција (ОЈО ГОКК). Овој избор предизвика лавина негативни реакции во јавноста и меѓу правниците.

The post НЕ МИ Е СЕЕДНО ШТО СЕ СЛУЧУВА ВО МОЈОТ ДОМ Тупанчевски брутално искрен за изборот на Абази за јавен обвинител appeared first on plusinfo.mk.

– За избор ќе мора да се додаде цензусот и тоа дали ќе има потреба да се воведе втор круг на избори, но и дали ќе има некој дополнителен критериум. Да не заборавиме дека во нашата држава главниот проблем не е квалитетниот закон или правната рамка, напротив се судираме со суштинскиот проблем, а тоа е капацитетот на институциите и интегритетот на луѓето кои се дел од тие институции – вели Тупанчески.

Ова, вели тој, е трет модел во нашата држава, а се обидуваат да стигнат до вистинскиот модел во кој ќе бидат исклучени надворешните влијанија во однос на изборот на првиот човек на ОЈО ГОКК.

– Првпат јавните обвинители непосредно го бираат првиот човек на Обвинителството, да не заборавиме Законот за Јавно обвинителство беше консензуално донесен од сите чинители и тој закон беше прифатен од сите и практично моделот, кој го тестиравме пред некој ден, според мене, покажа одредени слабости. Она што можеби во иднина треба да се преземе, бидејќи тој модел не е доизграден, сметам дека доколку бидат додадени некои дополнителни критериуми во однос на изборот на обвинителот би стигнале до подобри резултати и пообјективен избор – вели министерот.

Прашан како ги коментира фотографиите кои се појавија во јавноста со новиот шеф на Обвинителството и функционери од ДУИ, Тупанчевски рече дека тие фотографии на некој начин имплицираат дека обвинителот кој е избран има некаква конекција или комуникација со претставници на одредена политичка партија.

– Дефинитивно никогаш не може до крај да се неутрализираат, најважно од целата работа во комуникацијата е дека практично времето ќе биде главниот фактор кој ќе покаже дали навистина овие хипотези или претпоставки кои се пласираат по неговиот избор имаат реална основа. Комуникацијата не може да биде исклучена, но најважно е таа комуникација да не биде злоупотребена – нагласи Тупанчевски.

The post ПОСЛЕ ИЗБОРИ, ПРАВИЛА! Тупанчески го впери прстот во интегритетот на обвинителите appeared first on plusinfo.mk.

– Значи, апсолутно треба да се постапи во однос на настаните што пред некој ден што се случија во „Идризово“. Верувам дека ќе имаме завршница и доколку има елементи за кривично дело ќе постапи Јавното обвинителство – одговори Тупанчески на новинарско прашање денеска на маргините на конференцијата по повод Европскиот ден на правдата и одбележување две години од кампањата за подигање на свеста за бесплатна правна помош.

Во однос на затворската управа, како што рече, ќе биде постапено доколку се утврди каква било одговорност.

– Кога велам Обвинителството и полицијата односно надлежните органи доколку се утврди каква било одговорност, зборувам и за припадниците на КПД Идризово, и во однос на другите сите субјекти коишто се инволвирани, би требало да има одговорност. Дали ќе биде дисциплинска, кривична, да го оставиме тоа на органите коишто се надлежни и за постапување – истакна министерот.

Три лица на 20 октомври физички го нападнале Бојан Јовановски – Боки 13 во кругот на затворот „Идризово“, каде тој ја издржува затворската казна.

Од МВР информираа дека на 20 октомври во 20 часот во СВР Скопје – Полициската станица Гази Баба, од Комплексот клиники „Мајка Тереза“ било пријавено дека кај нив со повреди бил донесен Б.Ј. (36) од Скопје.

Според пријавеното, околу 15:40 часот во кругот на Казнено-поправната установа Затвор Идризово, каде издржувал затворска казна, Јовановски бил физички нападнат од три лица. По целосно расчистување и документирање на случајот МВР најави дека ќе поднесе соодветен поднесок.

The post ДА СЕ ИСПИТА НАПАДОТ ВРЗ БОКИ 13-КА Тупанчевски вели дека некој треба да понесе одговорност appeared first on plusinfo.mk.

ВМРО-ДПМНЕ вчера објави имот на неколку личности, именувани функционери и членови на управни одбори во јавни претпријатија, за кој тврди дека не им е пријавен во анкетните листови, кои се задолжени да ги пополнат.

За Алберт Муслиу, кој од декември 2017 година е именуван за претставник определен од Владата во Управниот одбор на Фондот на холокаустот на Евреите од Македонија, ВМРО-ДПМНЕ тврди дека пет години нема поднесено анкетен лист до Антикорупциската комисија.

– Што крие Муслиу? Според нашите истражувања Муслиу на сопствено име поседува куќа во Скопје од 118 м2 и стан во Центар од 81 м2. Истовремено тој е основач на Здружението Институт за мир и безбедност и истражување политики Коница Скопје, како и на фирмата за трговија Макро мед – изјави пратеникот Бране Петрушевски од ВМРО-ДПМНЕ.

За Ивица Јевтиќ, член на Управниот одбор на Прифатниот центар за баратели на азил ВМРО-ДПМНЕ, тврди дека не пријавил никаков имот, односно нема поднесено анкетен лист и тоа може да се види на веб страната на ДКСК, рече пратеникот Петрушевски. Тој додаде дека Јевтиќ еадвокат, правен застапник на СДСМ, како и член на Надзорниот одбор на партијата.

Петрушевски тврди дека имот крие и директорот на ЈП Македонски шуми, Валентин Груевски, како и Новица Печински, член на Управен одбор Здравствен Дом Берово, кој пријавил во анкетниот лист куќа во Берово и автомобил Фолксваген, иако тие се на негово име.

Петрушевски ја повика ДКСК и останатите институции да почнат да ги испитаат неговите тврдења, а истовремено ги повика Јевтиќ и Груевски да си поднесат оставки на позициите кои ги држат и да платат казна која им следува по закон, а за тоа постапка да покрене ДКСК.

– Институциите да го испитаат нивниот имот, но и дали имаат и друг имот кој е на нивни блиски роднини, а може да се доведе во корелација со нив. Ние продолжуваме со објавување на детали. Одговорност мора да има – рече Петрушевски.

Министерот за правда Никола Тупанчески изјави денеска дека очекува во најскоро време да биде доставена драфт-верзијата на предлог-законот за потекло на имот.

– Имав средба со претседателката на Антикорупциската комисија, разговаравме и за Законот за утврдување на потекло на имотот и би требало драфт верзијата да биде готова. Очекувам, во најскоро време и ние како Министерство за правда не само да бидеме запознаени, туку да дадеме и свој придонес. И без овој закон, во моментов постојат инструменти и механизми за докажување и откривање на состојбата на незаконски стекнатиот имот – изјави Тупанчески одговарајќи на новинарски прашања.

The post СЕ КРИЈАТ ИМОТИ, НЕ СЕ ПОТПОЛНУВААТ АНКЕТНИ ЛИСТОВИ Петрушевски од ВМРО-ДПМНЕ изнесе примери на непријавен имот на функционери appeared first on plusinfo.mk.