Македонскиот актер Никола Ристановски ја доби наградата за најдобар актер на вечерта на јубилејните 30. Глумачки свечености „Миливоје Живановиќ“, кои се одржуваат во Пожаревац.

Признанието му беше доделено за улогата на професорот Мишел Бабиќ во претставата „Уна“, продукција на Звездара театар.

И стручнното жири и жирито на публиката беа едногласни во оценката дека Ристановски заслужено ја понесе наградата на втората фестивалска вечер, за улогата во претстава инспирирана од роман на Момо Капор.

Претставата „Уна“ премиерно беше изведена во октомври минатата година на сцената „Данило Бата Стојковиќ“. Драматизацијата е на Стеван Копривица, а режијата ја потпишува македонскиот режисер Дејан Пројковски.

Ова е второ признание за Ристановски за улогата во „Уна“, по наградата за најдобро актерско остварување на 34. „Денови на Зоран Радмиловиќ“ во Заечар во 2025 година.

Костимограф на претставата е Ивана Ристиќ, додека музиката ја компонираше Горан Трајкоски.

The post 🎥 НИКОЛА РИСТАНОВСКИ ДОБИ ПРИЗНАНИЕ ВО СОСЕДНА СРБИЈА Најдобар актер на вечерта на Глумачките свечености „Миливоје Живановиќ“ appeared first on plusinfo.mk.

Филмот „Мајка“ на Теона Стругар Митевска, посветен на животот на Мајка Тереза, ја имаше својата светска премиера, и тоа на еден од најпрестижните фестивали во Европа – Филмскиот фестивал во Венеција.

Најновото дело на сестрите Митевски, Теона како режисер и Лабина како актерка било проследено со долг аплауз и стоечки овации, на 81. Венециски филмски фестивал, отворајќи ја престижната селекција „Хоризонти“.

Главните улоги во филмот ги играат Номи Рапас како Мајка Тереза, Никола Ристановски како отец Фредерик и Силвија Хоекс како сестра Агњешка.

По премиерата, Филмската агенција објави неколку фотографии на Фејсбук – од црвениот тепих во Венеција, од актерите и екипата која работеше на филмот изминатиот период, а која дојде на светската премиера.

– Со долг аплауз и стоечки овации, филмот МАЈКА на Теона Стругар Митевска ја имаше својата светска премиера на 81. Венециски филмски фестивал, отворајќи ја престижната селекција „Хоризонти“.

Прикажан во преполната Sala Darsena, филмот раскажа интимна и драматична приказна за младата Тереза во Калкута, 1948 година – моментот кога таа чека одобрение од Ватикан да го напушти манастирот и да основа нов ред.

Во главната улога блеска Номи Рапас, која ја прикажува идната Мајка Тереза како сложена, човечна и противречна личност – исполнета со амбиција, сомнежи и силна жед за слобода.

Актерската екипа ја сочинуваат и Никола Ристановски, Силивија Хукс, Екин Чорапчи, Марајке Пиној и Лабина Митевска.

Сценариото го потпишуваат Гоце Смилевски, Теона Стругар Митевска и Елма Татарaгиќ, а зад камерата стои наградуваната Виржини Сен-Мартин.

Критиките во Венеција го оценија филмот како „смело и современо портретирање“ и „најкомплексното остварување на Митевска досега“.

Според самата режисерка, „Мајка“ не е класичен биографски филм, туку приказна за слободата и визијата на една храбра жена, прикажана со својата сила, амбиција и противречности.

Номи Рапас за оваа нејзина улога вели дека е „неверојатен предизвик и патување, низ кое се нурнала во светот на Тереза за да ја пронајде личноста зад митот“.

Уште пред премиерата, филмот беше продаден за кино-дистрибуција во над 15 европски земји, меѓу кои Франција, Германија, Италија и Шпанија.

Од 3 декември започнува со кино-прикажување низ Европа – ретко достигнување за македонска продукција.

По Венеција, филмот ќе продолжи на своето фестивалско патување, а за македонската публика ќе биде прикажан на фестивалот „Браќа Манаки“ во Битола, од 20 до 26 септември.

Оваа премиера претставува уште еден голем успех за македонската кинематографија и отвора пат кон меѓународната сцена – не само за филмовите на Теона Стругар Митевска, туку и за идните генерации кои доаѓаат, пишува на Фејсбук страната на Филмската агенција на Македонија.

The post 🎥 МАКЕДОНСКИ ЅВЕЗДИ НА ФИЛМСКИОТ ФЕСТИВАЛ ВО ВЕНЕЦИЈА Стоечки овации за Никола Ристановски и сестрите Митевски на премиерата на филмот за Мајка Тереза appeared first on plusinfo.mk.

Одлуката ја донесе жири-комисијата во која членуваа: Катерина Коцевска, актерка од Скопје, Душан Петровиќ, режисер и професор на ФДУ во Белград и Давор Шпишиќ, драматург и сценарист од Загреб.

„Никола Ристановски во улогата на д-р Томас Стокман рискантно и дрско го спојува неспоивото: најдрската превртливост и пеливанската балканска итрина. Игра човек кој како денешниот слеп Едип незапирливо ја напаѓа општествената неправда и тврдоглаво истрајува во битките за правда, до работ на Бекетовите кловнови, отфрлен од сите и упорен во тоа”, сае вели во образложанието на жири-комисијата.

The post „РИСКАНТНО И ДРСКО ГО СПОЈУВА НЕСПОИВОТО“ Никола Ристановски ја доби наградата „Борисав Станковиќ“ appeared first on plusinfo.mk.

Камка Тоциновски, Тони Михајловски, Никола Ристановски се само дел од македонските актерски имиња кои се појавуваат во сериите кои ги продуцираше Телеком Србија во изминативе години.

Камка толкуваше улога во веќе култната „Беса“, кој покрај тоа што ја освои публиката во регионот, го привлече вниманието и далеку пошироко.  Македонската актерка толкува улога и во една од последните серии на Телеком Србија, „Посета“. А нејзината колешка од сетот, српската актерка Снежана Богдановиќ, токму тој микс од актери од регионот го истакна како голема придобивка.

– Од Словенија до Македонија, голема поделба. Повторно ги слушаме сите јазици и дијалекти, се дружиме и создаваме заедно – изјави неодамна актерката Снежана Богдановиќ, кој толкува една од улогите во новата серија „Посета“.

Тони Михајловски имавме прилика да го гледаме во трилер серијата која изобилува со мистика, „Црна свадба“, а Никола Ристановски толкува улога во биографската драма „Во име на народот“ и трилерот „Убијците на мојот татко“.

Серијата „Беса“, чија трета сезона публиката нестрпливо ја очекува, претставува одличен пример за тоа дека кога ќе се собере најдоброто од регионот имате рецепт за хит серија која несомнено ќе ја освои публиката не само во регионот, туку и далеку пошироко.

Во интервју за македонски медиум, креаторот на „Беса“, Игор Стоименов говореше токму на оваа тема истакнувајќи покрај висококвалитетната продукција на серијата, мешавината и спојот на најдоброто од регионот придонесоа „Беса“ да ги помести границите за гледаност и квалитет на Балканот.

– Македонскиот авторски печат и особено присутен во „Беса“. Сектори од сценографијата и маските се во целост од Македонија. Покрај Камка, тука се и албански актери од Македонија, а Рефет Абази ни беше некој вид на супервизор во врска со албанското наследство и традиција – изјави Стоименов.

Инаку, сериите кои произлегуваат од продукцијата на Телеком Србија веќе ги гледа публика распространета на пет континенти низ светот. Од компанијата велат дека имаат амбициозни планови и за во иднина.

– Ќе продолжиме со исто темпо и ќе ги шириме нашите приказни насекаде по светот. Со постигнатите резултати веќе го надраснуваме регионот, така што можеме погледот да го свртиме уште подалеку. Сакаме да станеме лидери во делот на продукција во Европа, и сметаме дека сме на добар пат за тоа да го постигнеме – велат од компанијата.

Телеком Србија досега има продуцирано повеќе од 55 наслови на серии и филмови, а во фаза на реализација се нови 15 сезони/серии.

Сериите на Телеком Србија премиерно се прикажуваа на Суперстар ТВ каналот кој што е дел од понудата на сателитската телевизија на телекомуникацискиот оператор МТЕЛ, членка на Телеком Србија групацијата.

The post ФИЛМОВИТЕ И СЕРИИТЕ НА „ТЕЛЕКОМ СРБИЈА“ РУШАТ РЕКОРДИ Тајната е во одличниот микс од актери од цела поранешна Југославија appeared first on plusinfo.mk.

Актерот Ристановски е благодарен за наградата и смета дека кинематографијата на нашите простори „не е систем, туку инцидент, со неверојатни резултати“, а ќе глуми на необичен јазик во претстојниот филм на Вук Ршумовиќ.

Ристановски е добитник на бројни актерски награди во Србија како „Стерија Поповиќ“, „Раша Плаовиќ“ или „Зоран Радмиловиќ“.

– Генерално сум изненаден од наградите, а од оваа уште повеќе. Звучи многу сериозно. Сè што треба да правам е да бидам благодарен, да не бидам премногу горд. Секако, важно ми е тоа што го работам да има одраз, бидејќи поентата е да се споделат некои заеднички вистини. Приказните што ги раскажуваме, ако не се однесуваат на гледачот, тогаш стануваат малку бесмислени – изјави Ристановски за Танјуг.

Актерот, познат по улогите во филмовите „Буре барут“, „Ослободувањето на Скопје“ и „Иглата под прагот“, наградите ги доживува како доказ „дека со некого се согласуваме за нешто“ – и тоа му е драгоцено.

На јубилејниот, 30. филмски фестивал во Палиќ, гратче на 7 километри од Суботица, блиску до српско-унгарската граница, фокусот е ставен на кинематографијата на Северна Македонија. Ристановски истакнува дека во неговата земја „се појавуваат млади луѓе кои снимаат филмови во тешки услови“.

– Филмот мора да има пазарна логика. Колку е помал пазарот, толку е потешко да се снима филм. Не може да зависите само од фондови и донации, бидејќи тоа не е здраво. Тогаш почнуваат разни калкулации и компромиси, дури и со уметничките вредности – вели добитникот на „Лифка“.

Ристановски вели дека во Македонија има многу малку кино сали, па затоа е проблематично да се прават кино-филмови, а младите автори и актери кои сакаат да се артикулираат, се наоѓаат во непријатна, „донкихотовска“ ситуација.

– На овие простори кинематографијата не е систем, туку инцидент. Па, собирањето на некои креативни луѓе околу некои проекти понекогаш носи неверојатни резултати. Но системот не е присутен. А можеби е добро што не е – вели актерот.

Ристановски открива дека работи на претстојниот филм „Меѓу боговите“ во режија на Вук Ршумовиќ и вториот филм на Иван Мариновиќ, кој го очекува многу наскоро.

Според него, сценариото на филмот на Ршумовиќ е прекрасно, а работата на него била специфична, и покрај тоа што му биле дадени 40 дена за да се подготви, што е навидум доволно.

– Одлично, реков, токму на време за да се подготвам. Одлично, ми рекоа, ќе ви го испратиме преводот на фарси. Молам, на фарси? На персиски!? Сè уште сум во шок, во филмот треба да играм преведувач за бегалци од исток и да зборувам на персиски јазик, односно на фарси – вели Ристановски.

The post ПРЕСТИЖНА НАГРАДА ЗА НИКОЛА РИСТАНОВСКИ ВО СРБИЈА Во следниот филм глуми на невообичаен јазик appeared first on plusinfo.mk.

Како што соопшти НУ Македонски народен театар, оваа награда му ја додели жирито во состав: Тања Бошковиќ, претседател, и Славиша Чуровиќ и Тања Перишиќ, членови.

Оваа награда, велат од МНТ, е трета по ред за истата улога по оние на МТФ „Војдан Чернодрински”, Прилеп, и на фестивалот „НОВ ТВРДИНА ТЕАТАР”, Србија.

Истовремено, додаваат од Македонскиот народен театар, таа е и уште една театарска награда во низата награди која тој ја добива, а со тоа е и најтрофејниот актер во историјата на македонскиот театар. 

The post НАЈДОБРА МАШКА УЛОГА Никола Ристановски е добитник на гран при во Никшиќ appeared first on plusinfo.mk.

Претставата, во режија на Нина Николиќ и продукција на Македонскиот народен театар, на 1 септември го отвори деветтото издание на овој театарски фестивал, кој се одржа на сцената на Српско народно позориште во Нови Сад.

Одлуката за наградата за Ристановски едногласно ја донесе жири во состав Ласло Блашковиќ (претседател), Јована Балашевиќ и Ивана Ѓуриќ-Пауновиќ (членови).

– Веќе 30 години, Ристановски успешно ја гради кариерата во сопствената земја, но и надвор од нејзините граници. Во неговата возбудлива кариера остварил огромен број театарски, филмски и телевизиски улоги. Тој е воедно и најтрофејниот актер во историјата на македонскиот театар – соопшти Македонскиот народен театар.

Во официјалната програма на 9. „Нов тврдина театар“ учествуваа шест претстави од најголемите театарски куќи од регионот, а во чест на наградените вчеравечер се одигра претставата „Љубов и вина“ во режија на Вида Огњеновиќ, уметнички директор на фестивалот.

Претставата на МНТ „Народен непријател“ на 5 ноември ќе гостува и во Италија.

The post НОВО ПРИЗНАНИЕ ЗА РИСТАНОВСКИ Актерот доби награда за најдобра машка улога во Нови Сад appeared first on plusinfo.mk.

Ристановски го изрази своето задоволство, бидејќи локалната самоуправа ја прогласува медицинска сестра од ЈЗУ Универзитетска клиника за инфективни болести и фебрилни состојби, Јорда Манасиеска, за заслужен граѓанин на Карпош за 2020 година.

„Овие дискретни херои, но и воспитувачките во градинките, наставниците, фармацевтите, продавачите по маркети, пекарите и хигиеничарите ја заслужуваат најголемата почит на заедницата“, истакна Ристановски.

Градоначалникот Богоев, изрази благодарност кон реномираниот македонски актер, кој минатата година прифати да добие вакво признание од Општината. Во текот на денешната средба, Богоев и Ристановски разговараа и за чувствителната ситуација во која се наоѓаат сите граѓани. Културните работници се особено погодени од оваа криза, но дури и во вакви времиња дел од нив создаваат нови дела, а наша обврска е да ги почитуваме домашните артисти.

Општина Карпош, во рамки на одбележување на својот роденден, традиционално го доделува признанието за заслужен граѓанин. Истото не подразбира никаква финансиска поддршка, туку еден вид на благодарност и признание за личности, кои што се важни за  заедницата поради својот придонес во различни општествени сфери.

The post Ристановски: Признанието за заслужен граѓанин го посветувам на сите здравствени работници appeared first on plusinfo.mk.