Македонската одбојкарска репрезентација со победа го заврши настапот на Европското првенство во Софија. Избраниците на селекторот Јошко Миленкоски попладнево го совладаа Израел со максимални 3-0 во последното, 5. коло од групата Б.

Македонија конечно ја покажа играта што недостигаше во претходните четири натпревари. Подобриот сервис и посигурната игра на мрежа донесоа предност од 10-5 и 14-9 во првиот сет.

Израел успеа да се врати до 19-19, но македонските одбојкари одговорија со три поени во серија. Сетот заврши 25-21, а Македонија конечно го освои првиот сет на ова Европско првенство.

Во вториот сет беше израмнето до 12-12. Потоа Македонија направи нова серија, поведе со 16-12 и 19-15 и ја искористи третата сет-топка за 25-23.

Македонските одбојкари не му дозволија на Израел да се врати ниту во третиот сет. Поведоа со 14-10, ја сочуваа предноста до крајот и ја запечатија единствената победа на турнирот.

Капитенот Никола Ѓоргиев беше најефикасен со 20 поени, а Стојан Илиев додаде 14. Македонија го заврши натпреварувањето како петтопласирана во групата Б и ги избегна последните четири позиции во конечниот пласман.

Европското почна сосема поинаку од тоа како заврши. На 9 септември Македонија го отвори настапот токму во Софија против домаќинот Бугарија и загуби со 3-0. Потоа следуваа порази без освоен сет од Украина, Полска и Португалија, пред денешните 3-0 против Израел.

The post ОДБОЈКАРИТЕ ОД СОФИЈА ЗАМИНУВААТ KAKO ПОБЕДНИЦИ Израел падна со 3-0 за македонска радост на крајот на ЕП appeared first on plusinfo.mk.

19-годишниот Никола од Црешево, општина Гази Баба животот досега неколку пати го има ставено пред сериозни предизвици. Тој е без родители и живее со своите баба и дедо.

Во борбата со болеста на Никола му е потребна нашата помош со цел обезбедување на финансиски средства за лекување во Турција.

Трансакциска сметка: 200003717578051 – Стопанска Банка Ад Скопје.

Броеви за донација
A1 – 143-488
Телеком – 143-117

или преку https://www.gofundme.com/

The post АПЕЛ ЗА ПОМОШ Младиот Никола боледува од рак на коските, потребни му се финансии за лекување appeared first on plusinfo.mk.