Иако Денвер Нагетс загуби од Јута Џез со 97-109 во претсезонскиот натпревар, Никола Јокиќ повторно покажа зошто неговата кошаркарска визија е меѓу најпрепознатливите во НБА.

Српскиот центар одигра само 14 минути, но и толку му беа доволни да приреди потег кој веднаш го привлече вниманието.

NO-LOOK. CROSSCOURT. BEHIND-THE-BACK DIME.

ARE YOU SERIOUS, JOKER https://t.co/A5upVabWYw

— NBA (@NBA) October 4, 2026

Јокиќ ја прими топката додека одбраната на Јута беше густо поставена во близина на основната линија. Наместо очекуваното додавање, тој со неверојатно чувство за простор испрати топка зад грб.

Додавањето помина низ тројца противнички кошаркари и стигна директно до Камерон Џонсон, кој беше сам во десниот агол. Следуваше прецизен шут за три поени, а Јокиќ уште еднаш покажа дека понекогаш гледа потези кои за другите кошаркари едноставно не постојат.

NO-LOOK. CROSSCOURT. BEHIND-THE-BACK DIME.

ARE YOU SERIOUS, JOKER https://t.co/A5upVabWYw

— NBA (@NBA) October 4, 2026

И покрај кратката минутажа, Јокиќ имаше одличен придонес во организацијата на играта. За 14 минути на паркетот постигна три поени, собра три скока и подели дури седум асистенции.

Денвер на крајот загуби со 97-109, но потегот на Јокиќ повторно беше еден од моментите за кои се зборуваше по натпреварот.

The post 📽️ НОВА МАГИЈА НА НИКОЛА ЈОКИЌ Потегот на Србинот ги воодушеви сите љубители на кошарката appeared first on plusinfo.mk.

Koшаркарскиот ас Никола Јокиќ фрлил топче кон клупската маскота Роки за време на денот за медиуми на Денвер нагетс, но снимката открива дека не ја започнал тој пресметката.

Роки прв го погодил кошаркарот со мало топче. Потоа му пришол, направил селфи со него и побегнал низ ходникот. Јокиќ го зел истото топче и го фрлил по маскотата.

Роки успеал да се тргне од патот, но при избегнувањето паднал на подот.

Така една кратка шега меѓу ѕвездата на Денвер и маскотата станала една од забележаните сцени од клупскиот ден за медиуми.

Роки подоцна ја објавил снимката на Икс, претставувајќи го Јокиќ како свој „најдобар пријател“.

Just me and my bestie pic.twitter.com/pkYdbv13q5

— SuperMascot Rocky (@TheSuperMascot) September 29, 2026

Јокиќ се вратил во Денвер по летото поминато во Сомбор и настапите за репрезентацијата на Србија. Денот за медиуми бил можност играчите повторно да се соберат пред почетокот на новата сезона во НБА.

Токму таму Роки го избрал својот момент: едно топче за почеток, селфи за спомен и брзо бегство пред Јокиќ да му возврати.

Хрватски Индекс пишува дека Роки заработува околу 600.000 долари годишно.

Но таа сума не е потврдена од Денвер нагетс. Во оглас за нов изведувач во улога на маскота бил наведен годишен распон од 70.000 до 130.000 долари, со можност за бонус.

Јокиќ настапува за Денвер од 2015 година. Во 2023 година го предводеше тимот до првата шампионска титула во неговата историја.

The post 📽️ ЈОКИЌ ЈА ГАЃАШЕ МАСКОТАТА ОД 600.000 ДОЛАРИ Роки прв го погоди, направи селфи и побегна appeared first on plusinfo.mk.

Српската кошаркарска ѕвезда Никола Јокиќ, по завршувањето на НБА сезоната и успешните настапи со репрезентацијата на Србија во квалификациите за Светското првенство, слободното време го користи за својата голема страст – коњските трки.

Јокиќ, кој како капитен ја предводеше Србија до две многу важни победи во квалификациите за Мундобаскетот, пред новото репрезентативно собирање во август и натпреварите против Исланд и Италија, престојуваше во Суботица на традиционалната коњска трка „Дужијаница“.

Тој имаше уште една причина за славење, бидејќи неговиот коњ и оваа година триумфираше на престижната трка.

По победата, Јокиќ најпрво им честиташе на џокејот и на членовите на тимот што учествуваа во трката, а потоа следуваше најемотивниот момент.

Кошаркарот ги зеде во прегратка својата ќерка Огњена и синот Игњат, со кои заедно ја прослави победата. Емотивните сцени беа забележани од бројните камери присутни на настанот.

Потоа Јокиќ излезе на патеката, отвори шише шампањ и заедно со присутните го прослави успехот. Со шампањ ги испрска луѓето околу себе, по што тие возвратија на ист начин, а атмосферата беше исполнета со смеа и добро расположение.

На крајот, Јокиќ наздрави со шампањ, уживајќи во уште еден успех поврзан со неговата голема љубов кон коњите.

Nikola Jokić je petu pobedu na Dužijanci slavio više nego osvojenu NBA titulu, da se ne lažemo
RikTok/sportsrbija pic.twitter.com/z47ddG7iBY

— Jelena (@TinkiVinkic) July 26, 2026

The post 📽️ ЈОКИЌ СО ДЕЦАТА ГО ПРОСЛАВИ ГОЛЕМИОТ УСПЕХ Победата што му значи повеќе од НБА титулата appeared first on plusinfo.mk.

Српскиот кошаркар Никола Јокиќ, еден од најдобрите центри во НБА лигата, повторно го привлече вниманието на јавноста – но овој пат не со своите спортски достигнувања, туку со снимки од забава кои се проширија на социјалните мрежи.

На видеата кои станаа вирални, Јокиќ се гледа како ужива во настап на пејачот Урош Живковиќ во една белградска кафеана, каде опуштената атмосфера, музиката и друштвото создадоа вистински емотивен момент.

Во текот на настапот, Живковиќ ја отпеа и познатата песна „Проклета е Америка“, што кај Јокиќ предизвика силна емоција. Во еден момент, тој го прегрна пејачот, а присутните забележаа дека кошаркарот не ја криеше насмевката, но ниту носталгичната емоција која песната ја носи со себе.

Оваа композиција е добро позната како особено емотивна за Јокиќ, а постои и анегдота дека токму таа песна еднаш го натерала да го скрши својот телефон, бидејќи го потсетила на заминувањето на неговата сопруга Наталија во САД, каде подоцна и самиот заминал.

 

View this post on Instagram

 

A post shared by MONDO (@mondoportal)

Јокиќ во повеќе наврати јавно зборувал за својата љубов кон кафанската атмосфера и народната музика.

– Понекогаш станувам многу емотивен. За мене, тамбураши, друштвото на маса – тоа е најубавото нешто во забава. Одев на концерти, клубови, дискотеки… но кафаната и тамбурашите се нешто посебно, веројатно поради местото од каде што доаѓам – изјави Јокиќ во едно од своите интервјуа.

Тој додаде дека уште од мали нозе ја почувствувал таа култура.

– Одев во кафеана со мајка ми уште кога имав десет години. Можеби звучи необично, но сум благодарен за тоа. Кафаната за мене е институција – рече тој.

Паралелно со овие моменти од приватниот живот, српската кошаркарска репрезентација се подготвува за претстојните квалификации за Светското првенство. Србија прво ќе игра против Швајцарија на 2 јули на гостински терен, а потоа против Босна и Херцеговина на 6 јули во Белград, каде се очекува и настап на капитенот Никола Јокиќ.

The post 📽️ ЈОКИЌ ГО „ЗАПАЛИ“ БЕЛГРАД Никола не ја криеше емоцијата, оваа песна го погоди во срце appeared first on plusinfo.mk.

НБА лигата официјално ги објави резултатите од гласањето за најкорисен играч во сезоната, а Шеј Гилјус-Александер убедливо ја освои МВП титулата пред Никола Јокиќ. Канаѓанецот собра 939 поени, додека српскиот центар заврши втор со 634.

Разликата дополнително се гледа и кај гласовите за прво место. Шеј добил 83 такви гласа, а Јокиќ само 10.

Никола доминираше, Шеј го доби трофејот

Кошаркарот на Оклахома сезоната ја заврши со просек од 31,1 поен, 6,6 асистенции и 4,3 скока по натпревар.

Од друга страна, Јокиќ имаше 27,7 поени, 12,9 скока и 10,7 асистенции, што значи дека беше подобар во скоковите и асистенциите.

Трет во гласањето заврши Виктор Вембанјама со 569 поени, а зад него останаа Лука Дончиќ, Кејд Канингем, Џејлен Браун, Кавај Ленард и Донован Мичел.

Повторно се отвори дебатата за МВП

По објавувањето на резултатите, на социјалните мрежи повторно се отвори дебата дали Јокиќ бил оштетен во изборот за најкорисен играч.

Дел од навивачите сметаат дека статистиката на српскиот центар била доволна за нова МВП титула, додека други посочуваат дека успехот на Оклахома имал големо влијание врз гласањето.

The post ГО „ОГРАБИЈА“ ЈОКИЌ ЗА 205 ГЛАСОВИ Објавени деталите од гласањето за МВП во НБА appeared first on plusinfo.mk.

Тензиите меѓу српската НБА ѕвезда Никола Јокиќ и кошаркарот на Оклахома Сити Тандер Лугенц Дорт повторно се разгореа на нивниот нов меѓусебен дуел во НБА.

Само неколку недели по претходниот контроверзен натпревар, Дорт повторно имаше груб контакт со центарот на Денвер Нагетс. На минатиот меч тој му ја постави ногата на патот на Јокиќ при поставување блок, по што српскиот кошаркар падна на паркетот, а инцидентот тогаш прерасна во масовна расправија меѓу играчите.

Иако Дорт подоцна призна дека погрешил во таа ситуација, новиот дуел донесе уште еден спорен момент.

При една акција, кошаркарот на Оклахома се обиде да го заобиколи блокот на Јокиќ, но во обидот со раката го удри српскиот центар во лицето. Судиите веднаш реагираа и досудија неспортски прекршок.

Lu Dort received a Flagrant 1 for this foul on Nikola Jokic pic.twitter.com/NjA8LFFfzE

— Bleacher Report (@BleacherReport) March 10, 2026

За разлика од претходниот натпревар, овојпат немаше поголем конфликт меѓу играчите, но ситуацијата сепак влијаеше врз текот на мечот. По неспортскиот фаул, Денвер доби дополнителен посед на топката и успеа да се врати во игра во финишот на последната четвртина.

Сепак, победата на крајот им припадна на Оклахома, откако Шеј Гилџус-Александар погоди тројка во последните секунди од натпреварот.

ИСКРИ ЛЕТАА ОД ОЧИТЕ НА БЕСНИОТ ЈОКИЌ Србинот не можеше да се воздржи по грубата провокација на Дорт

The post 📽️ „ВАЛКАНИОТ“ ДОРТ ПОВТОРНО ГО УДРИ ЈОКИЌ Откако неодамна го сопна, сега го собори со тупаница во лицето appeared first on plusinfo.mk.

Денвер Нагетс загуби во Оклахома Сити со 127:121 по продолжението во сабота наутро, а натпреварот беше обележан со провокативни и опасни потези од домаќините. Најмногу внимание привлече инцидентот со Никола Јокиќ и играчот на Оклахома Сити Тандер, Лугенц Дорт.

На почетокот на последната четвртина, додека Денвер тргна во напад, Дорт го сопре Јокиќ со колкот, со што српскиот центар падна на паркетот. Потегот беше јасно насочен кон нарушување на играта и, според многумина, со намера да се повреди противникот. Јокиќ веднаш реагираше, станувајќи од подот и тргнувајќи кон Дорт, но неговите соиграчи, како Џејлен Вилијамс, веднаш го заштитија.

– Тоа е она што е, нема да коментирам многу. Тоа беше непотребен потег и непотребна реакција. Не мислам дека вакви работи треба да се случуваат на теренот. Тоа нема место во кошарката – изјави Јокиќ за инцидентот.

Српскиот центар потоа се осврна и на резултатот од натпреварот.

– Последниот шут што го упативме беше добар. Тие постигнаа осум поени во продолжението од транзицијата. Не можевме да погодиме ништо на крајот, а тоа беше одлучувачки фактор за поразот – рече српскиот кошаркар.

Легендите на НБА, меѓу кои Шекил О’Нил и Чарлс Баркли, го оправдаа потегот на Јокиќ.

– Првото нешто што ми паѓа на ум кога некој ќе те удри е: ‚Еј, можеше да ме повредиш‘. Тој реагираше правилно – рече О’Нил, додека Баркли истакна дека Дорт требало да биде внимателен, но дека Јокиќ правилно ја заштитил својата безбедност.

Инцидентот уште еднаш ја покажа страстта и борбениот дух на трикратниот МВП на НБА лигата, кој не се плашеше да реагира кога неговата безбедност била загрозена.

The post 📽️ ИСКРИ ЛЕТАА ОД ОЧИТЕ НА БЕСНИОТ ЈОКИЌ Србинот не можеше да се воздржи по грубата провокација на Дорт appeared first on plusinfo.mk.

Српскиот кошаркарски ас Никола Јокиќ повторно ја помести историјата на НБА, со трипл-дабл што ја крена салата на нозе и ги потсети сите зошто важи за, можеби најкомплетниот кошаркар на планетата. Во триумфот на Денвер Нагетс против Чикаго Булс од 136-120, српскиот ас стигна до својот 182. трипл-дабл во кариерата.

Nikola Jokić passed Oscar Robertson for 2nd on the all-time triple-doubles list with a superb performance!

22 PTS (7-12 FGM)
14 REB
17 AST
4 BLK pic.twitter.com/t4gy5WkuAj

— NBA (@NBA) February 8, 2026

Асот има 22 поени, 17 асистенции и 14 скока. Бројки што не се само статистика, туку изјава. Со ова остварување, Јокиќ го мина легендарниот Оскар Робертсон и се искачи на вечната листа на трипл-дабл учинок. Пред него остана само уште едно име, неговиот поранешен соиграч Расел Вестбрук, со 207 вакви натпревари.

Јокиќ веќе по три четвртини беше двоцифрен во сите три категории. Контролираше темпо, читаше одбрана и делеше асистенции со ладна прецизност. Денвер, на неговите крилја, ја прекина серијата од три порази и испрати јасна порака дека повторно фаќа ритам.

Во стрелачкиот дел, чекор пред Јокиќ беа само Џамал Мареј со 28 поени, 11 асистенции и 3 скока, како и Тим Хардавеј Џуниор со 23 поени.

The post 📽️ 182. ТРИП-ДАПЛ ГО ВНЕСЕ ВО ИСТОРИЈАТА Јокиќ го надмина Робертсон и го крена Денвер appeared first on plusinfo.mk.

Српскиот ас на Денвер Нагетс, Никола Јокиќ, ја избегна тешката судбина откако го извитка глуждот  три секунди пред полувремето ноќеска на гостувањето кај Мајами хит.

Доктор од САД откри дека повредата е полесна од очекуваното.

– Малку го извитка глуждот, но ќе се фокусираме на левото колено. Станува збор за хиперекстензија со пониско ниво. Колку подалеку оди коленото, толку поголем стрес трпи, но овде не гледам сериозна повреда – рекол Брајан Сатерер, познат на Јутјуб по своите детални медицински анализи на спортски повреди.

Сатерер внимателно го анализирал снимениот момент и објаснил дека станува збор за хиперекстензија на левото колено. Тој нагласил дека ситуацијата не изгледа драматично бидејќи Јокиќ не добил директен удар и не трчал во моментот на повредата.

– Добро е што никој не го удрил директно во коленото. Ниту тој не трчаше, што е позитивно, како кај случајот со Патрик Махоумс – додал докторот.

Сатерер проценил дека Јокиќ најверојатно ќе паузира една до две недели.

– Прво зборуваме за модринка на коленото, контузија што ја погодува коската. Во вакви ситуации, паузата е обично една или две недели. Можеби ќе има микрофрактури, но тоа е вообичаено. Според сè што гледам, повеќе сум оптимист отколку песимист – завршил тој.

Иако докторот предупредил дека секоја повреда носи свои ризици, тој верува дека српскиот центар нема да има долгорочно отсуство, што е големо олеснување и за тимот и за навивачите.

Јокиќ се повреди при контакт со неговиот соиграч Спенсер Џонс.

Во 32 натпревари во НБА оваа сезона, српскиот кошаркар има просек од 29,6 поени, 12,2 скока и 11 асистенции.

The post 📽️ ЈОКИЌ ИЗБЕГНА ТЕШКА ПОВРЕДА Доктор од САД откри кога пак ќе заигра асот appeared first on plusinfo.mk.

Никола Јокиќ, српскиот кошаркарски ас кој изгледа како да не му е гајле за слава уште еднаш покажа дека знае да го зграпчи вниманието на медиумите.

Пред неколку дена, Јокиќ пристигна на натпреварот на својот клуб Денвер Нагетс со скромна насмевка и едноставен џемпер, но со маица која предизвика лавина од реакции. На неа пишувало:

„Дајте му шанса на Цезар“.

Тоа е фраза што само вистинските познавачи на неговата приказна ја разбраа. Фразата „Дајте му шанса на Цезар“ е иронична игра со американската поп-култура. Таа алудира на брзата пица-марка „Little Caesars“, која, исто како и „Тако Бел“, е дел од корпорацијата Yum! Brands.

Но, каков проблем има Јокиќ со „Тако Бел“?

Во 2014 година, кога бил избран во НБА како 41.  пик по ред на драфтот, телевизиите во САД не ја прикажале неговата селекција. Наместо неговото име, одела реклама за познатиот ресторан за брза храна по име „Тако Бел“.

Nikola responds to the noise pic.twitter.com/P1lFleCRyx

— Denver Nuggets (@nuggets) December 26, 2025

Тоа бил момент на симболично понижување: светот не го забележал, додека Јокиќ не ни бил присутен.

Денес, истиот тој човек е еден од најдобрите кошаркари на планетата. Трипл-дабл резултати, рекорди и титула на најкорисен играч во НБА. Но, она што повеќе фасцинира е начинот на кој се однесува — без ароганција, без театралност, само со тивка самодоверба.

Пред натпреварот, навивачите на Денвер добиле исти маици како неговата. На задната страна стоел натписот: „Сè уште не сакам да го пробам“, шеговита алузија на старата реклама што некогаш му ја „украла“ славата.

Nikola Jokic: “It’s a little beef that I have with @tacobell.” pic.twitter.com/1OJDuveFqs

— DNVR Nuggets (@DNVR_Nuggets) December 26, 2025

Овојпат, тој си ја врати славата. И тоа со стил.

На паркетот, Јокиќ одигра натпревар за паметење. Постигна над 50 поени, со двоцифрени скокови и асистенции – нешто што во историјата го имаат направено само неколкумина.

По мечот, на прашањето за маичката, рекол:

– Тоа е мала расправија што ја водиме – и се насмеал широко, знаејќи дека никој веќе не се сомнева во неговото место меѓу најдобрите.

The post БОЖИЌНАТА ШЕГА НА ЈОКИЌ МУ ЈА ПРЕТВОРИ СРАМНАТА СЦЕНА ВО ТРИУМФ Асот уште не сака да проба храна од „Тако бел“ appeared first on plusinfo.mk.