Ќе си ја носиме додека сме живи, обременети со вистината дека во нашето државиче сме дозволиле да се случи пекол од невидени размери.

Очигледно е дека стариот пат на замижување пред корупција, на „мој човек“, на партиски вработувања и услуги, на институции што служат на лични, партиски или бизнис наместо на јавни интереси, води кон нов крвав пораз.

Обединети во тагата, да се обединиме за прв пат вистински и околу воспоставување на нов систем заснован на ред и на одговорност.

Прво, да престанеме да навиваме да не нѐ биде. Не може да навиваме институциите, државата не само да потфрлат, туку ако треба и да пропаднат, само затоа што во моментов не се водени од „нашите”.

Ова е голема болка на македонското општество и со истово сме се соочувале и во минатото, можам да ви раскажувам од лично искуство.

Просто е неверојатно колку луѓе навиваат за порази и грешки. Ајде за промена да навиваме за успеси, па макар тие да одат на контото на политичките „противници“.

Да, да им „дишеме во врат“ на надлежните, силно да критикуваме кога грешат, но да ги поддржиме кога гледаме дека си ја работат работата.

Како што медиумите и здравствените работници си ја работеа работата во овие ужасни денови, а богами и јавното обвинителство.

Како што владата навремено го вклучи европскиот систем за цивилна заштита.

Второ, да бидеме гласни и активни, и прво од себе, а потоа од институциите, да инсистираме на ред и одговорност.

Имаме искуство како нација дека промената на власта не значи и промена на системот.

Оттука, целта на гласноста мора да биде – системски пресврт. Да даваме предлози и да туркаме кон одвојување на државата од партиите. Да побараме и од други држави кои ужасната лекција ја искористиле за ресетирање на целиот систем, како Шведска, како и што точно направиле.

Владата најави бескомпромисна борба со корупцијата. Во ред е да бидеме најголем сојузник да истрае во тоа ветување, ама да бидеме и најголем проблем ако видиме дека затајува.

Трето, граѓанскиот гнев и болка ќе бидат предмет на обиди за манипулации. Тоа е очекувано. Да бидеме будни и да го чуваме интегритетот на поривот за системски промени, поучени од искуството со Шарената револуција.

Граѓаните имаат право на мирно собирање. Но, ако тоа собирање е во функција на политички агенди, на промена на власта за да дојдат „нашите”, нема ништо да направиме.

Нашата шанса е во сојуз и притисок, владата и сите институции, да издржат и да испорачаат правда и функционален систем.

Овде на тест се граѓанството – да препознае и да отфрли обиди за киднапирање и Владата – да биде голема и да не притиска оправдан револт.

Конечно, после ваков удар и болка, време е сите да изградиме здрава дистанца од старите лојалности. Да гледаме на нештата со отворени очи, без партиски светоглед.

Ако нешто е добро, добро е и тогаш кога го прават и тие кои не сме ги гласале. Ако е нешто е лошо, лошо е без разлика што го направиле „нашите“.

Во нашата Македонија денеска, мора да се издигнеме над партиските поделби. Ајде да сме заедно! Без оваа најважна лекција – ново Кочани, верувајте е неминовно!

(Фејсбук статус на Никола Димитров, поранешен министер за надворешни работи)

The post НИКОЛА ДИМИТРОВ ПОВИКУВА НА ОБЕДИНУВАЊЕ Доста навивање да не нѐ биде! appeared first on plusinfo.mk.

Пораншниот шеф на дипломатијата Никола Димитров на социјалните мрежи напиша дека денеска, додека пазарел, бил вербално и физички нападнат од граѓанин, по што отишол нападот да го пријави во полициска станица.

Објавата ја пренесуваме интегрално:

Не знам точно зошто, оти не кажа, веројатно политички, а јас политички сум толку свој што може од сите страни да бил инспириран

The post ДИМИТРОВ БИЛ НАПАДНАТ ДОДЕКА ПАЗАРЕЛ Не го познавал напаѓачот appeared first on plusinfo.mk.

Поранешните премиери Зоран Заев и Владо Бучковски, поранешниот министер за надворешни работи и поранешен вицепремиер Никола Димитров и Венко Филипче, директор на „Фондацијата Заев“, ќе учествуваат на меѓународна конференција во Атина, по повод шестгодишнината од потпишувањето на Договорот од Преспа.

Дводневната Меѓународната конференција за мир и одржлив развој на 17 и 18 јуни ја организираат „Институтот Алексис Ципрас“ и „Фондацијата Зоран Заев“, јави дописничката на МИА од Грција. Ќе се разговара за иднината на Европа по европските избори, интегративниот процес на Западен Балкан, геополитичките случувања во Источен Медитеран, мирното решавање на споровите, справувањето со климатската криза и за европските економски случувања.

На конференцијата во Атина планирано е учество на шефови на меѓународни организации, премиери, еврокомесари, водечки владини претставници, поранешни претседатели, премиери и министри за надворешни работи, како и „претставници на партии од целиот демократски спектар со акцентот на централно левичарски, левичарски и прогресивни сили“.

Најавено е дека во Атина ќе дојдат четворица европски комесари, специјалниот претставник на ЕУ за дијалогот Белград-Приштина, Мирослав Лајчак, поранешниот француски претседател Франсоа Оланд, премиерот на Србија Милош Вучевиќ, поранешните премиери на Шведска и Грција, Стефан Лофвен и Јоргос Папандреу, поранешниот претседател на ЕП Мартин Шолц, поранешниот шеф на грчката дипломатија Никос Коѕијас, како и на градоначалниците на Атина и на Истанбул.

Генералниот секретар на Обединетите нации Антонио Гутереш ќе се обрати преку видео-порака, во пресрет на доделувањето на „Наградата од Преспа“ за специјалниот претставник на ОН во преговорите Метју Нимиц, кој исто така ќе биде присутен на конференцијата, за неговиот придонес во Договорот од Преспа.

The post НА ЗАЕВ, БУЧКОВСКИ, ДИМИТРОВ И НА ФИЛИПЧЕ ДО СЛАВЈЕ ИМ ДОШЛО Ќе одат во Атина да одбележат шест години од Преспанскиот договор appeared first on plusinfo.mk.

– Се работи за кабает од наша страна. Не се работи за Договорот, туку за неговото спроведување. Дури кога се видело зошто се издавале стари пасоши години по влегувањето во сила на договорот во 2022 година? Јас уште од почеток имав став дека ова мора да биде на трошок на државата. Зошто немало дипломатска комуникација кога се видело дека државата нема капацитет да го реши тоа, одиме во тесно грло. Македонската страна не се ни заинтересирала да види дали ова може да се реши со грчката страна – рече Димитров во гостување на ТВ Сител.

Според него, една од големите придобивки со Преспанскиот договор беше што го затворивме македонското прашање излегувајќи од тој проблем како Македонци кои зборуваат македонски јазик.

– Главно беше НАТО и ЕУ како придобивка. Излеговме со недопрен македонски идентитет, тоа за мене е многу голема придобивка. Важна работа е што тензиите одат надолу, а пријателтвото оди нагоре – вели Димитров.

The post ДРЖАВАТА ТРЕБАШЕ ДА ПЛАТИ ЗА ЗАМЕНАТА НА ЛИЧНИТЕ ДОКУМЕНТИ Не се ни обидовме да го решиме ова со грчката страна, открива Димитров appeared first on plusinfo.mk.

– Ако знаеме дека после уставните амандмани, можно е да имаме нов проблем со историската комисија, а тоа го пишува во документот. Ние сакаме да станеме членка на ЕУ, не да ги почнеме преговорите. Не сме ли одговорни патот да го подрастчистиме, затоа што имаме еден куп пречки. Се сложувам дека опозицијата треба да има стратегија и да им ја кажат на граѓаните, но морам да признаам дека тие дадоа мудар предлог, што не беше нивен, туку се создаде некако сам во граѓанството, а тоа е уставните измени да се изгласаат денеска, а да стапат во сила кога ќе влеземе во ЕУ – рече Димитров.

Тој оцени дека многу немудро се води овој процес од власта.

– Тие може да мавтаат со европското знаме колку сакаат, но го извалкаа европското знаме, особено со гласањето на кривичниот законик. И, мислам дека е потценување за граѓаните ако од власта мислат дека така евтино ќе помине ова – изјави Димитров.

The post ВЛАСТА ИГРА НЕМУДРО Димитров вели дека опозицијата имала мудар предлог за уставните измени appeared first on plusinfo.mk.

Димитров на својата фејсбук-страница објави најава на настанот кој ќе се одржи вчерва во хотелот „Дабл Три“ во населба Аеродром.

„Солуција” со поддршка на Европската фондација за демократија, со големо задоволство денеска презентира нова граѓанска, мултиетничка и прогресивна сила што ќе се бори за една поинаква Македонија.

„Замисли” е составена од граѓани, сите истакнати и докажани во својата област, млади луѓе со врвно образование, борци и активисти, дел познати, дел сосема нови за македонската јавност, а сите со заеднички став – дека политиката е преважна за да им биде оставена само на партиите.

„Замисли” ќе биде исклучиво граѓанска, непартиска иницијатива, без никакви амбиции да учествува на избори или да дојде до дел од „колачот”, но и тоа како со амбиции, волја, знаење и смелост да замисли, да создаде решенија за најгорливите проблеми во сите клучни области и да се залага за нивно спроведување.

Нашето лого е инспирирано од цвеќето пркос, а на него се претставени граѓани, обединети околу една идеја. Мотивот е традиционален вез и филигран, оти патриотизмот нема да им го оставиме на оние кои земјата ја сакаат само како плен.

Од денеска, граѓанската сила Замисли ќе биде отворена за сите добронамерници кои сакаат да се ангажираат за општото добро без притоа да очекуваат директна лична корист.

Ќе замислите и вие и ќе помогнете да се бориме за вистински луѓе на вистински места, за туркање на партиите таму каде што им е местото – натпревар на политики, наместо заробување на институциите – за создавање на сериозна граѓанска инфраструктура што ќе обедини, промовира и ќе поддржи граѓански притисок кон сѐ што е спротивно на јавниот интерес.

Исклучително ни е драго што стартот на оваа нова страница за македонскиот граѓански активизам вечерва ќе го прославиме со нашиот специјален гостин и мој драг пријател – Зоран Кесиќ, кој ќе дојде на промоцијата на платформата и граѓаните вклучени во „Замисли“.

Тој самиот низ своето шоу со одлична сатира е совршен пример за тоа што значи политички ангажиран и одговорен граѓанин“ – се вели во објавата на Никола Димитров.

The post ЗОРАН КЕСИЌ НА ПРОМОЦИЈА НА ИНИЦИЈАТИВАТА „ЗАМИСЛИ“ Политиката е преважна за да им ја оставиме на партиите, велат иницијаторите appeared first on plusinfo.mk.

Неофицијално дознаваме дека на состанокот на Трилатералната комисија присуствува и поранешниот министер за надворешни работи Никола Димитров. Ова е прв пат Македонец да бидел дел од собир на оваа контроверзна организација

Претседател на европската филијала на Трилатералната комисија е Аксел Вебер, шеф на швајцарската УБС банка.

Медиумите информираат дека Прага е преполна со познати личности кои учествуваа на дебатата во градското собрание на Прага, а прием за сите гости ќе приреди и претседателот на Чешката Република Петр Павел.

Трилатералната комисија е невладина организација која ги обединува светските лидери и е основана во 1973 година од Дејвид Рокфелер, Збигњев Бжежински и Џими Картер со цел да се зајакне економската соработка помеѓу Северна Америка, Западна Европа и Јапонија. Седиштето на оваа организација е во Њујорк.

Многу истакнати аналитичари и научници ја опишуваат оваа група како „влада во сенка“, а теоретичарите на заговор веруваат дека Трилатералците работат на воспоставување на таканаречениот „нов светски поредок“ врз основа на принципот „една влада за целиот свет“.

Интересно е што Трилатералната комисија се повеќе се занимава со регионот на Западен Балкан.

The post НИКОЛА ДИМИТРОВ ЧЛЕН НА „СВЕТСКАТА ВЛАДА”? Македонец прв пат на конференција на Трилатералната комисија appeared first on plusinfo.mk.

– Кај нас политичката динамика на нештата е како серија на Нетфликс во која режисерот претерал оти се случуваат неверојатни нешта. Ние имаме влада која дојде на власт со мото „Нема правда нема мир“. Поранешниот премиер избега во Унгарија, па сега имаме ситуација која претставниците на оваа влада го споменуваат неговото враќање – што не е проблем, проблем е неказнивоста. СЈО пропадна, потоа се измени Кривичниот законик па вчера мајката-случај застари, тоа е случајот со прислушувањето. Имаме тажен крај на надежта на граѓанската иницијатива која требаше да донесе подобро – рече Димитров.

Тој цитира колумна во Алгемајне цајтунг насловена „Корупција во име на ЕУ“. Според него, немаме друга опција освен да притискаме за промени оти со обична промена на власта се менуват само имињата, а не и состојбите, значи системот мора да се промени и да се темели на способност, а не на партиска припадност. Димитров потенцира дека судството мора да се исчисти од партиски влијанија.

The post МАВТААТ СО ЕВРОПСКОTO ЗНАМЕ ЗА ДА ЈА ПРИКРИЈАТ КОРУПЦИЈАТА! Екс-министерот Димитров резигниран од состојбите во земјава appeared first on plusinfo.mk.

The post ЕУ ПРЕДЛАГА УКИНУВАЊЕ НА ВЕТОТО ПРИ ПРОШИРУВАЊЕТО Се предлага квалификувано мнозинство до зачленувањето appeared first on plusinfo.mk.

– Две години по ред не сум поканет на Преспа форум. Ќе се видиме на Преспа форумот, ќе ми речат странците, а јас во наводници им кажувам дека нема да дојдам. Ова што е повик за единство се празни зборови и полутажна ситуација – рече потписникот на Преспанскиот договор.

Димитров ги повтори своите критики дека 80-90 отсто од евентуалниот влез на Македонија во ЕУ зависи од наш самите.

– Бродот оди надолу, има неуспеси во реформите, образованието, здравството, а спасот се гледа во еден кош – проширувањето на ЕУ, но драстична е разликата од тоа што се зборува и тоа што се зборува дома – вели Димитров.

Тој додаде дека под претпоставка уште утре Брисел да нѐ прифати како земја-членка, младите со ЕУ-пасош ќе се разбегаат, затоа што ништо не е средено и тоа е потврда дека нас повеќе ни е потребен процесот, отколку самото членство.

Во поглед на уставните измени и преговорите помеѓу политичките партии, тој вели дека Софија ако сака да биде искрен пријател треба да седне повторно на маса и да направи отстапки.

– Ние имаме поприлично едностран договор пренаклонет кон една членка, кон бугарските позиции, кој е неспроведлив. Бугарија треба да размисли, ако сака да ги заштити тие работи тогаш треба да направи нешто и за македонската страна. Пакетот е толку искривен и ние сме толку навредени заради негацијата, што многу граѓани во Софија гледаат непријател. Ако им е гајле за нашите односи, Софија треба да се вложи. Оваа дебата кој да влезе кој да излезе од влада е само едно замачкување – смета Димитров.

The post ВТОРА ГОДИНА ПО РЕД НЕ МЕ КАНАТ НА ПРЕСПА ФОРУМОТ Димитров вели дека повиците за единство се само празни зборови appeared first on plusinfo.mk.