Контакт инфо, закажување и повик на 15 515, телефонски број достапен 24/7.

Промотивниот пакет ги вклучува следните услуги:

– Домашна посета на медицински тим;

– Бесплатен мониторинг на витални параметри;

– Бесплатен преглед по системи;

– Земање материјал во вашиот дом за анализа на PSA тумор маркер;

– Бесплатна биохемиска анализа на PSA тумор маркер во Никоб Лаб;

– Бесплатна консултација по резултатите со специјалист уролог.

The post МОВЕМБЕР, МЕСЕЦ НА МАШКОТО ЗДРАВЈЕ Искористете го промотивниот пакет на Никоб Медикал appeared first on plusinfo.mk.

Иако може да се јави во која било возрасна група, сепак најчесто се јавува кај жени над 50-годишна возраст. Од вкупната бројка заболени 75% се јавува кај жени над 50, а преостанатиот процент се јавува кај жени над 65-годишна возраст. Кај женската популација во Македонија ракот на дојката најчесто се јавува во возрасната група од 45-49 години и 55 до 59 години.

– Во октомври, којшто е посветен на свесноста за ракот на дојката потсетуваме зошто самопрегледот на дојките, познавањето на симптомите кои укажуваат на рак на дојка, како и превентивните прегледи значат живот. Податоците кажуваат дека повеќе од 90% од пациентите на кои им е дијагностициран рак на дојка можат да се излекуваат и да имаат квалитетен живот ако им се постави дијагноза во раната фаза – објаснува д-р Моника Јовчевска.

Еден од најчестите симптоми на ракот на дојка е појава на грутка во ткивото на дојките, па секоја таква промена е битно да биде навремено дополнително иследена. Но постојат и други симптоми кои со чести самопрегледи би можеле да се детектираат а упатуваат на можна малигна промена на градите:

– Оток или осетливост на градата, знак кој многу често знае да биде игнориран од жените поради честото поврзување на промената со предменструалниот синдром.

– Промена во текстурата на кожата – црвеникава површина со испакнатини, слични на кора од портокал.

– Исцедок од брадавиците- зеленикав, жолтеникав или крвав.

– Црвени дамки или модринки се знаци на воспалителен рак на дојката.

– Промени во изгледот на брадавицата било во формата, големината или бојата (освен ако не се работи за бременост) се знаци за малигнитет на дојката.

– Промена на големината или обликот на градите, а промената не е поврзана со промена на телесната тежина, бременост или предменструален синдром.

Темните дамки или невообичаените пеги на кожата може да бидат знак за ретка и поагресивна форма на рак на дојка, наречен воспалителен рак на дојка.

Познавањето на знаците и симптомите кои упатуваат на малигна промена на дојките е битно при самопрегледот на дојките, тоа дава можност за навремено нивно препознавање и соодветно реагирање.

Како се прави самопреглед на дојките?

Чекор 1: Застанете пред огледало со рацете на колковите – на овој начин можете да ги видите двете дојки и било какви промени во однос на големината, формата, контурите.

Чекор 2: Кренете ги рацете над вашата глава. Гледајте дали градите се движат на ист начин и нотирајте било какви промени во однос на големината, формата, контурите, бојата на кожата.

Чекор 3: Спуштете ги рацете и прегледајте ги брадавиците на двете дојки и барајте промени на кожата, исцедок, вовлекување на брадавиците.

Чекор 4: Легнете на грб, со перница под вашата глава, едната рака кренете ја и ставете ја под главата, а со другата со показалецот и средниот прст со нежни, кружни движења допирајте ги градите низ целата должина со цел да нотирате промени во текстурата, бојата, големината. Истото повторете го и на другата града.

Поради пораст на инциденца на јавување на рак на дојка, од голема важност е спроведување скрининг помеѓу најпогодената популација. Скринингот за рак на дојка претставува периодично правење мамографија на здрава женска популација на возраст од 50-69 години, без присутни симптоми, со цел да се открие ракот на дојката во неговиот ран стадиум. Скрининот за рак на дојка во  Македонија е финансиран од Владата од 2006-та година, кога со закон е пропишано дека секоја жена има право на бесплатен скрининг во државните болници.

The post РЕДОВНА МАМОГРАФИЈА И ПРЕГЛЕДАЈ СЕ САМА! Октомври е посветен на борба против ракот на дојка appeared first on plusinfo.mk.

Безбедноста на естрадните уметници, присутните гости и публиката се многу важен сегмент на секој концерт, настан или спортски натпревар и затоа се прават посебни планови и анализи и се ангажираат човечки и матријални ресурси во зависност од проценката, потребата и барањето на организаторите.

– Се подготвува стратешки и оперативен план во Никоб групацијата, а Никоб обезбедување ги поседува најзначајните ресурси кога станува збор за физичкото и патролното обезбедување за настани од обемен карактер, со врвни професионалци за обезбедување личности, бината, односно трибината, безбедноста на публиката е императив при безбеден влез и излез на конкретниот настан со преземање на сите безбедносни протоколи и процедури во делот на претрес при влез, проценка, стратешко планирање и позиционирање, а во втор безбедносен прстен е патролното обезбедување. Она што исто така е многу важна процедура е медицинското обезбедување на големите настани, а токму тоа го нуди и Никоб групацијата. Никоб медикал ги поседува најмодерните ресурси за медицинско обезбедување настани од обемен тип, бидејќи има најмодерни медицински амбулантни и друг вид возила, како и стручен и обучен медицински тим од доктор, сестра и возач и многу често се интервенира на настани кога некој од присутните гости или натпреварувачи се здобива со разни повреди – велат од компанијата.

Пакетот што го нуди Никоб групацијата го затвора системот за безбедност за големите собири и тоа од физичко и патролно до медицинско обезбедување, а способни се и да ангажираат голем број луѓе во делот на физичкото обезбедување, имаат голем број патролни или медицински возила, а клиентите од странство и дома најчесто го препознаваат тоа.

Во летната сезона, од април до септември оваа година, Никоб групацијата обезбедувала десетици значајни концерти, музички и спортски настани како што барале организаторите – по сите меѓународни стандарди за безбедност.

Дел од настаните кои ги обезбедувала Никоб групацијата во оваа сезона се концертите на: светските Deep Purple, Dj Tiesto, Senidah & Sara Jo и Tyga, домашните Каролина Гочева, Ohrid Calling и Дајте музика. Понатаму, Светското првенство во ракомет за млади, Европското првенство во одбојка за млади, маратони и триатлони, Струмица на улица, Вози право, вози здраво и други бројни меѓународни и домашни спортски настани.

The post НИКОБ Е ПРИСУТЕН НА СЕКОЈ ГОЛЕМ НАСТАН Безбедноста на пејачите и на публиката е на прво место appeared first on plusinfo.mk.

Мобилниот медицински тим на ПЗУ Никоб медикал, изминатиов викенд на локација во ТЦ „Лиса – Тинекс“ во општина Аеродром подели освежителни пијалоци и ги советуваше граѓаните како најдобро да се заштитат од високите температури, со посебен акцент на заштитата на ризичните категории граѓани, старите лица, лицата со хронични заболувања, бремените жени и малите деца.
Препораките се да се избегнува излегување на отворено од 11 до 18 часот, да се носи лесна и светла облека, капа и заштитни очила за сонце, да се конзумира лесна храна, зеленчук и овошје, да се внесуваат течности, да се избегнуваат алкохол и мрсна храна, да се конзумира термички обработена храна, редовно да се зема соодветната терапија пропишана од доктор.

– Доколку имате здравствени проблеми во овој период на располагање се медицинските тимови на Никоб медикал 24/7 со апликација на терапија во домашни услови и медицинска консултација на телефонскиот број 15 515. Како општествено одговорна здравствена установа, ќе продолжиме со теренските препораки и делењето освежителни напитоци во следниот период заради заштита на здравјето на граѓаните во Скопје – велат од ПЗУ Никоб медикал.

Следната активност ќе биде на локацијата на паркингот пред ТЦ „Зебра – Тинекс“ во среда, на 27 јули од 17:30 до 18:30 часот.

The post ТИМОВИ НА НИКОБ МЕДИКАЛ ДЕЛАТ ВОДА И СОВЕТИ Помош при топлотниот бран appeared first on plusinfo.mk.

За една година реализирани се над 22 меѓународни медицински транспорти на пациенти со различни дијагнози. Транспортот е брз и безбеден по сите светски здравствени протоколи, пациенти со сериозни дијагнози, заразени од ковид 19, карциноми, кардиоваскуларни заболувања, фрактури како и други заболувања.

– Бевме 24/7 континуирана поддршка на нашите пациенти и заедно поминавме илјадници километри од Скопје до Германија, Швајцарија, Италија, Турција, Албанија, Грција, Црна Гора, Србија, Косово и други држави – изјавија од Никоб медикал.

Никоб располага со најмодерни и најсофистицирани медицински амбулантни возила во Македонија, опремени со последната генерација на технички, технолошки и медицински стандарди, како на пример, дефибрилатор LP20e, Преносен респиратор (вентилатор) за возрасни,  деца,  новороденчиња, 12V + вградена батерија, преносен аспиратор, со напојување од 220v AC и со вградена батерија од 12v DC, балони за вентилација за возрасни, деца и новороденчиња, комплет за имобилизација на вратен дел од рбетниот столб, делови за имобилизација (крагни), сет за фрактури, имобилизатор за глава, спинална даска, вакуум имобилизатори, комплет за екстремитети и прохромски хидрауличен бокс за прифаќање на автоматското носило и хидрауличен систем за ублажување на вибрациите при возење.

– Ни беше должност и чест што ја стекнавме довербата од пациентите  ѝ не препознаа како установа која нуди најдобра, најдостапна и најквалитетна услуга во сегментот на брз и безбеден меѓународен медицински  транспорт – додаваат од Никоб медикал.

The post НОВИТЕ ЛИДЕРИ ВО МЕЃУНАРОДЕН ТРАНСПОРТ НА ПАЦИЕНТИ Никоб медикал 24/7 на располагање на граѓаните appeared first on plusinfo.mk.

Во текот на минатата година започнавте со работа, а денес одбележувате 1 година Никоб медикал. Како се работи во вашата институција?

– Ми претставува чест и задоволство како првовработена во ПЗУ Никоб медикал и како генерален директор, заеднички со основачот г-н Кирил Лазаров да создадеме професионално семејство кое секојдневно расте и е комплетно подготвено да ја обезбеди здравствената услуга до нашите корисници кога е најпотребно, т.е. кога се работи за најважното во животот, а тоа е здравјето.

Трета година живееме во една од најтешките светски кризи, ковид-19 пандемија, која покажа слабости во светски здравствени системи, но и во нашиот систем, за жал. Неконтинуирана, селективно достапна или целосно недостапна во одредени средини, сериозно се одрази на квалитетот на живот, здравје, како и последиците по здравјето. Здравствениот систем претставува интегрираност на примарна, секундарна и терциерна здравствена заштита. Примарната е базата во системот на која се надоврзуваат останатите. Целта и фокусот ни е на корисникот на услугата-пациент да му пристапиме со доближување на услугата кон местото на живеење и да го доближиме тимот кон пациентот. Тоа значи дека услугата може да се добие во ординација, но и во домашни услови и работна средина. Видот на услуги е според листата на услуги за примарна здравствена заштита. Услугите се достапни со пристапни цени според ценовната политика и севкупно секојдневно успеваме да се стекнуваме со сè повеќе доверба од нови корисници на нашите услуги.

Како постигнувате да одговорите на барања на граѓаните и за што најмногу ве бараат?

– Успеваме на начин за кој имавме план и активности и еве една година и имаме реализација. Основачот како еден од најголемите работодавци во државата сериозно вложува во секторот здравство со капитална инвестиција во однос на простор, опрема и кадар. Имено, располагаме со 10 најсовремено опремени амбулантни возила, 2 санитетски возила и 5 леки коли за домашна посета. Современо просторно уредување и услуги овозможени од квалитетно обучени 25 тима составени од доктор, медицинска сестра/техничар и возач. Покрај базичната обука, 6 доктори поминаа тренинг програма за професионални тренери за укажување прва помош за професионалци и непрофесионалци, обука за прва помош на место на незгода, како и обука за менаџирање со трауми во екстремни околности. Обуките спроведени во соработка со Rescue Training International CY LTD, членка на WSO-World Safety Organization, USA, Adult&Pediatric First Aid Training Provider, England. Вложуваме во млади и амбициозни тимови кои несебично колегијално го споделуваат знаењето и искуството. Исто така, поддршка даваме и на 9 доктори кои од есента започнаа со специјализации од различни области. Креирање сигурна, продуктивна работна средина придонесува за максимален квалитет за крајниот корисник на услугите – пациентот.

Во текот на годината одговоривме на секој повик и барање од корисниците на услугите од различна природа и етиологија. Во текот на есенските и зимските месеци доминираше ковид-19 патологијата, домашни посети за преглед, апликација на терапија, тоалети на рани, преврски, апликација или промена на катетер итн. Секако имаме пациенти кои редовно си закажуваат превентивни пакети за превенција или следење на одредено хронично заболување. Во текот на целиот период имаме медицински транспорти и ангажирани сме за медицинско обезбедување на јавни настани. Ги следиме потребите на заедниците и на граѓаните, па така од есента имаме матичен лекар во Поликлиника Шуто Оризари, а од јануари годинва и во Кисела Вода, при што ја зајакнуваме мрежата на матични лекари.

За колку пациенти станува збор и колку услуги овозможивте досега?

– За една година работа реализиравме повеќе од 10.000 интервенции, доверба имаме од 4.600 пациенти регистрирани во нашата база, изминати повеќе од 35.000 километри за медицински транспорти, како и 45 јавни настани сме обезбедиле со медицинска екипа и амбулантно возило. Реализациите се должат на брзи, достапни и квалитетни услуги со пристапни цени и најважното, можноста на достапност на овој вид услуги како во градот така и на територијата на целата држава и надвор од државата. Практично, нашата девиза е дека ние постоиме за да помогнеме кога е најпотребно, кога се работи за ЖИВОТ!

Што значи брзи и достапни? Колку е времето за брза интервенција? Која е најдалечната рута која сте ја имале?

– Располагаме со богат возен парк со најсовремено опремени амбулантни и санитетски возила со кои за градот и околината поставено ни е максимум 30 минути пристигнување согласно локацијата и повикот. Граѓаните не добиваат на 15515 во текот на 24 часа, имаме веб страна и мобилна апликација за закажување интервенција/преглед/домашна посета. Медицински транспорти имаме во соседни држави, регионално и како подалечни рути сме ги имале Венеција, Цирих, а најдалечната е Скопје-Бон-Скопје. Поминавме 4.000 км за пост-ковид пациент со кислородна поддршка. Асистираме и при авио-медицински транспорти во доставување или преземање пациент.

Согласно медицинските и санитетските транспорти имаме одлична соработка како со јавните така и со приватните установи кои се на секундарно или терцијарно ниво.

Дали ПЗУ Никоб медикал е општествено одговорна институција?

– Како институција сме општествено одговорни и се трудиме да одговориме и помогнеме со рационален пристап согласно потребите. Во таа насока обезбедивме две сериозни донации, едната донација е транспортен инкубатор за родилиштето во Струмица, кое како најголемо во тој регион за прв пат се здоби со сопствен транспортен инкубатор за најранливата категорија на пациенти – новородените. Со тоа придонесуваме во зголемување на квалитетот на услугата кога е потребно да се изврши транспорт на витално загрозено новородено. Исто така, кога се работи за децата во делот на оние кои се прикрепени и добиваат услуги во Заводот за ментално здравје на деца и младина-Младост, дониравме ЕЕГ стол кој беше потребен за квалитетно спроведување на ЕЕГ дијагностика.

Што можете да ни кажете како заклучок од првата година од вашето работење и кои се вашите планови за во иднина?

– Како професионалец со 24 години работно искуство кој започнал од првата скала, со многу труд, работа, едукација, успешно се искачував и имав можност да ја достигнам највисоката скала како директор на најголемата јавна здравствена установа Здравствен дом Скопје. Како педијатар-пулмоалерголог работам со следење на раст и развој, имам поминато бројни едукации за здравствен менаџмент, сум сертифициран и лиценциран менаџер за управување на здравствени установи, така што прифатив предизвик за основање, раст и развој на едно ново дело во приватниот сектор. Успешното позиционирање е резултат на макотрпна работа, тимска работа, надминување и соочување со различни ситуации и околности, но со јасно дефинирана цел за можност и доближување на здравствената услуга до секој корисник кога е најпотребно. Задоволство е да се работи со тимот кој секојдневно се зголемува и надградува, ентузијазмот и желбата за нови достигнувања се големи.

Во блиска иднина планираме проширување на услугата за матичен лекар во делот на гинекологија и педијатрија, како би обезбедиле комплетна услуга за едно семејство – се на едно место. Чекор по чекор одиме, се трудиме постепено да растеме и да се унапредуваме.

Капитална инвестиција од основачот во кризно време на светска криза со ковид-19 пандемија има исклучително значење за постоењето на ПЗУ Никоб медикал со можност и достапност на услугите со што се придонесува за зајакнување на капацитетот на националниот здравствен систем во државата.

The post ЕДНА ГОДИНА НИКОБ МЕДИКАЛ Брзи, достапни и квалитетни appeared first on plusinfo.mk.

– Одговоривме на секој ваш повик, пристапивме кон секој ваш здравствен предизвик и ги решававме вашите медицински потреби. Ги понудивме нашите капацитети и услуги прилагодени според вашите потреби – велат од компанијата.

За една година „Никоб медикал“ создаде кадар од 82 високо обучени млади доктори, сестри/техничари, распоредени во 25 тимови со по еден доктор, медицинска сестра и возач, достапни, брзи и ефикасни, а на располагање на граѓаните им се и 10 најмодерни амбулантни возила, 2 санитетски возила и 5 леки коли за домашна посета и тие се за неколку минути во вашите домови во Скопје и еднакво брзо и надвор од градот.

– Чест и гордост ни е што 4.600 задоволни пациенти ги користат нашите пакети на услуги, а за една година реализиравме и над 10.000 интервенции во Скопје, државата и надвор од неа. Поминавме над 35.000 километри во меѓународен транспорт и брзо и безбедно стигнавме до Истанбул, Солун, Атина, Приштина, Бон, Белград, Будва, Венеција и до Цирих – велат од „Никоб медикал“.

Но, ние тука не застануваме, продолжуваме уште посилно и попосветено за вашите потреби и што е исто така важно, со цени прилагодени според вашите финансиски можности, нагласуваат оттаму. 

– Остануваме достапни кога е најпотребно, бидејќи за животот се работи! – порачуваат од компанијата.

The post ЕДНА ГОДИНА „НИКОБ МЕДИКАЛ“ Достапни на секој повик на граѓаните (ФОТО) appeared first on plusinfo.mk.