Новинарите бурно го прашуваа дали можеби претерал со реакцијата кон Кина во однос на белиот кинески балон за кој САД претходно рекоа дека бил дел од голема разузнавачка операција.

Во краткиот осумминутен говор Бајден откри дека нема докази дека балонот, кој беше прв меѓу соборените НЛО-а, бил кинески или дека биле „надзорни возила од која било друга земја“. Тој вели дека САД уште не знаат што точно се овие објекти.

– Сегашната проценка на разузнавачката заедница е дека овие три објекти најверојатно биле балони врзани за приватни компании, рекреација или истражувачки институции кои го проучуваат времето или спроведуваат други научни истражувања – рече Бајден.

The press starts asking Biden questions after his remarks on the spy balloon.

Biden tells the reporters to “give me a break, man” and says “you can come to my office and ask that question when we have more polite people” pic.twitter.com/JbEaY9q4gM

— Washington Free Beacon (@FreeBeacon) February 16, 2023

Овој нов „приземјен“ и реалистичен став на американската администрација за незнајните објекти, сепак, не ги спречи хакерите да направат дипфејк-видео, длабоко маскиран клип, во кој претседателот Бајден лажно вели дека речиси е сигурно дека објектите се вонземски. Овој нов клип брзо се прошири по Твитер и по многу медиуми, иако, се работи за лажна вест.

Начинот на којшто вештачката интелигенција може да го измонтира ова изгледа навистина реалистично и уверливо. Погледнете:

Deepfake #AI “fakes” Biden addressing nation on alien invasion. pic.twitter.com/gF7NJv685g

— Terror Alarm (@Terror_Alarm) February 15, 2023

Бајден во монтираниот клип вели:

– Како врховен командант на здружените сили на Соединетите Американски Држави, денеска сум овде да ве информирам дека голем број неидентификувани летечки објекти се појавија над многу делови од нашата земја. Иако нивното точно потекло останува целосно да се утврди, ФБИ ме информираше дека е многу веројатно дека станува збор за посетители од вонземска природа.

– Го советувам американскиот народ да остане смирен, да не паѓа во паника и да чека дополнителни најави. Ќе ја надминеме оваа закана, со доверба и внимателност – додава монтираната лажна верзија на американскиот претседател.

Еден експерт вели дека на 0:22 од видеото, откако Бајден ги спомнува вонземјаните тој прилично кратко паузира, додека неговите усни продолжуваат да зборуваат. Тоа е доказ за лажноста на видеото.

Клипот пак искористен за да се направи лажирање на гласот на Бајден е стар клип од Бајден од 9 ноември минатата година, кога тој исто така зборувал во Белата куќа.

The post ОДМОРЕТЕ МЕ МАЛКУ СО ВОНЗЕМЈАНИТЕ И БАЛОНИТЕ Бајден ги нарече новинарите неучтиви, а хакерите возвратија со монтиран клип appeared first on plusinfo.mk.

Балонот, за кој Вашингтон го обвинува Пекинг дека го користи за надзор, а Кина вели дека бил цивилен истражувачки брод, пловел над Алеутските острови на Алјаска, потоа над Канада и централниот дел на САД пред да биде соборен од американската војска на 4 февруари во близина на брегот на Јужна Каролина.

Инцидентот дополнително ги заостри американско-кинеските односи и го натера американскиот државен секретар Антони Блинкен да ја одложи планираната посета на Пекинг минатата недела.

Американската армија и разузнавачките агенции го следеле балонот кога полетал од островот Хаинан во близина на јужниот брег на Кина, објави „Вашингтон пост“. Американската армија во понеделникот објави дека ја извлекла критичната електроника од балонот и други големи делови од него.

The post ИЗВЕАН ОД ВЕТРИШТА БИЛ КИНЕСКИОТ БАЛОН Американците тврдат дека првично бил упатен кон Хаваи appeared first on plusinfo.mk.

„По понатамошна анализа на специфични летечки објекти во облик на балон претходно идентификувани во јапонскиот воздушен простор, вклучително и оние од ноември 2019 година, јуни 2020 година и септември 2021 година, заклучивме дека за балоните се претпоставува дека се извидувачки балони, беспилотни летала испратени од Кина“, се вели во соопштението на јапонското Министерство.

Токио, исто така, „одлучно побара од кинеската влада да ги потврди фактите“ за инцидентот и „да спречи таква ситуација да се повтори во иднина“, се вели во соопштението.

„Повреда на воздушниот простор со странски извидувачки балони без екипаж и други средства се целосно неприфатливи“, се додава во соопштението.

Јапонија минатата недела соопшти дека испитува серија инциденти кои вклучуваат неидентификувани летечки објекти откако кинески шпионски балон соборен од САД прелета над американска територија.

Спорот со балоните кој ги раскара САД и Кина се чини дека добива поголеми размери. Јапонија е сојузник на САД и во спорот околу Тајван, а истовремено е спротивставена на Русија. Русија, која е во повеќедецениски територијален спор со Јапонија, го обвини Токио за русофобија и изведување „злобни напади“ поради нејзината агресија врз Украина.

Советските трупи ги окупираа островите на север од Јапонија на крајот на Втората светска војна, а нерешеното прашање за суверенитет над островите, во Русија познати како Курилски острови а во Јапонија како Северни територии, ги спречи двете страни формално да потпишат мировен договор.

The post КИНЕЗИТЕ ЛЕТАЛЕ БАЛОНИ НАД ЈАПОНИЈА УШТЕ ОД 2019 ГОДИНА? И Токио смета дека незнајните објекти се шпионски appeared first on plusinfo.mk.

Околу 9 до 12 метри од антената на балонот се меѓу пронајдените предмети, според Си-Би-Ес, американскиот партнер на Би-Би-Си.

САД соборија уште три објекти од првиот на 4 февруари. Последниот од нив имаше октоганална форма, а сите три, за разлика од балонот, биле помалечки од него и не личеле на балон.

Колкава е навистина нивната големина? Вториот објект, над Алјаска, официјалните лица го опишаа со големина на „мал автомобил“. Третиот објект, над Јукон, бил „цилиндричен“. И четвртиот, над Мичиген, се вели дека е „октагонален“ со прикачени жици.

А колку тежат незнајните објекти? Генерал-мајорот на канадските вооружени сили, Пол Превост, рече дека сите три од најновите објекти што биле соборени се чини дека се машини „полесни од воздухот“.

ФБИ ги испитува предметите, за кои САД велат дека биле користени за шпионирање чувствителни воени локации. Американските власти рекоа дека балонот на голема височина потекнува од Кина и се користел за надзор, но Кина рече дека тоа е само воздушен брод за следење на временските услови кој залутал.

Портпаролката на Белата куќа, Карин Жан-Пјер, инсистираше на тоа дека нема докази дека се работи за вонземјани. Ова дојде како одговор на претходните наоди на американската војска дека не би ја исклучиле ниту можноста неидентификуваните објекти да бидат вонземски.

Наспроти американските тврдења дека Кина врши разузнавачка операција низ целиот свет, кинеското МНР вчера изјави дека Американците лани барем 10 пати летале свои разузнавачки балони над Кина.

The post НАЈДЕНИ СЕНЗОРИТЕ И АНТЕНАТА ОД КИНЕСКИОТ БАЛОН Белата куќа вели дека нема докази за какви било вонземјани appeared first on plusinfo.mk.

– Не е невообичаено САД илегално да навлезат во воздушниот простор на други земји – рече портпаролот на Министерството за надворешни работи Ванг Венбин на редовниот брифинг со новинарите.

– Само лани, американските балони нелегално летаа над Кина повеќе од 10 пати без никакво одобрение од кинеските власти.

Ванг рече дека Пекинг одговорил на упадите на „одговорен и професионален“ начин. Тој не даде повеќе информации во врска со наводните „американски балони“.

– Ако сакате да дознаете повеќе за американските балони на висока височина кои нелегално влегуваат во воздушниот простор на Кина, предлагам да се повикате на американската страна – изјави тој.

– Првата работа што треба да ја направи американската страна е да започне со чиста листа, да се подложи на саморефлексија, наместо да ја оцрнува и обвинува Кина – истакнува шефот на кинеската дипломатија.

Вашингтон допрва треба да одговори на наводите од Пекинг.

Првиот инцидент со балон го натера американскиот државен секретар Антони Блинкен да го откаже планираното патување во Пекинг. Највисокиот дипломат го нарече наводното кинеско шпионирање на голема височина „неприфатливо и неодговорно“.

Во неделата, САД наредија да се урне беспилотна „октагонална структура“ во Мичиген во близина на канадската граница – ова беше четврти објект што беше соборен во осум дена. Пилоти на ловци, исто така, соборија помали неидентификувани објекти над Алјаска на 10 февруари и северна Канада на 11 февруари.

Сепак, Кина „нема разбирање за (овие други предмети)“.

– Она што сакаме да им го кажеме на сите овде е дека честото американско истрелување на напредни ракети што се користат за гаѓање на неидентификувани летечки објекти е прекумерна реакција на прекумерна сила – изјави кинескиот министер за надворешни работи Ванг.

Американскиот командант на воздухопловните сили, генерал Глен Ван Херк, изјави дека нема индикации за каква било закана од најновиот објект.

Тој рече дека тоа може да биде „балон на гас“ или „некој тип на погонски систем“, додавајќи дека не може да се исклучи предметите да бидат и вонземски.

ВКУПНО ЧЕТИРИ НЕЗНАЈНИ ОБЈЕКТИ СОБОРЕНИ НАД СЕВЕРНА АМЕРИКА Последниот не личел на балон, туку на осмоаголник? (ВИДЕО)

The post И АМЕРИКАНЦИИТЕ ЛЕТАЛЕ СВОИ БАЛОНИ НАД КИНА 10 ПАТИ? Пекинг му ја префрли топката на Вашингтон appeared first on plusinfo.mk.

„Не грижете се. Тоа се некои од моите пријатели вонземјани кои наминаа“, напиша Маск на Твитер во врска со објектите за кои неофицијално се смета дека се кинески разузнавачки балони.

Don’t worry, just some of my friends of mine stopping by …

— Elon Musk (@elonmusk) February 12, 2023

Сепак, Глен Ван Херк, генералот на американските воздухопловни сили изјави дека нема да ја исклучи можноста дека се работи и за вонземски живот.

На скандалот со последните три објекти му претходеше оној со белиот кинески балон кој прв беше соборен. За неговото соборување САД чекаа неколку денови, а претседателот Џо Бајден беше критикуван дека задоцнил со одлуката.

The post ТОА СЕ МОИТЕ ВОНЗЕМСКИ ПРИЈАТЕЛИ Илон Маск се измајтапи со летечките објекти соборени во САД appeared first on plusinfo.mk.