Сообраќајот на автопатот Тетово–Велес е изменет по сообраќајна незгода што попладнево се случи на делницата помеѓу клучките Мирковци и Приштина. Во незгодата учествувале две патнички моторни возила, кои по судирот останале во средната лента и во лентата за принудно запирање, се вели во информацијата на АМСМ.

Поради блокираниот дел од коловозот, возилата во моментов се пропуштаат единствено по лентата за престигнување. Надлежните служби се на терен и работат на расчистување на патот и нормализирање на сообраќајот, се вели во информацијата на АМСМ.

Од МВР ја потврдија информацијата за сообраќајката и посочија дека две лица се пренесени во Комплекс клиниките „Мајка Тереза”.

„Денеска во 16:15 часот во СВР Скопје пријавено е дека на автопатот помеѓу  клучка Мирковци и клучка Приштина се случила сообраќајна незгода помеѓу две патнички моторни возила. Бидејќи возилата моментално се наоѓаат во средна лента и лента за принудно запирање, сообраќајот се одвива по лента за престигнување. Од сообраќајната незгода две лица се пренесени во Комплекс клиники „Мајка Тереза”, соопшти МВР.

The post СЕ СУДРИЈА ДВЕ ВОЗИЛА НА СКОПСКАТА ОБИКОЛНИЦА Две лица се повредени, сообраќајот се пренасочува по една лента appeared first on plusinfo.mk.

The post 📸ВАКВО НЕШТО САМО НА НИВЕС ЦЕЛЗИУС МОЖЕ ДА Ѝ СЕ СЛУЧИ И ДА ИЗГЛЕДА СИМПАТИЧНО Погледнете каква непријатна незгода во продавница! appeared first on plusinfo.mk.

Поради одрон на левата коловозна лента на автопатот Скопје Велес, после патарина Сопот, а пред тунелите кај Башино Село, сообраќајот се одвива само по десната коловозна лента, информира Авто-мото сојузот на Македонија.

Испратена е служба од Полициската станица Велес за да го регулира сообраќајот. Во меѓувреме на истото место се случија две сообраќајни незгоди со матријална штета. Повредени нема, а сообраќајот се одвива по една коловозна лента, информира АМСМ.

The post ДВЕ СООБРАЌАЈКИ ПОРАДИ ОДРОН НА ПАТОТ СКОПЈЕ-ВЕЛЕС Сообраќајот се одвива отежнато, само по една лента appeared first on plusinfo.mk.

Жена на возраст од 53 години била тешко повредена во сообраќајна несреќа што се случила на 3 јуни околу 14 часот на крстосницата меѓу улицата 121 и булеварот Видое Смилевски Бато во Тетово, кога во неа удрил електричен тротинет, по што возачот го напуштил местото на настанот.

Според информациите од СВР Тетово, повредената е Е.М. од селото Добарце, тетовско, а по несреќата била пренесена во Клиничката болница во Тетово, каде ѝ биле констатирани тешки телесни повреди.

На местото на настанот извршен е увид од екипа на СВР Тетово, а полицијата работи на пронаоѓање на возачот на електричниот тротинет кој избегал по несреќата.

The post ЈА УДРИЛ СО ТРОТИНЕТ И ПОБЕГНАЛ Тешко повредена жена во Тетово appeared first on plusinfo.mk.

„На 15.10.2024 околу 20.55 часот е пријавено дека на булевар Гоце Делчев на кракот со улица Лазар Личеновски во Скопје се случила сообраќајна несреќа помеѓу патничко возило шкода со скопски регистарски таблички и патничко возило бмв со скопски регистарски таблички. Возилото шкода се превртело и се запалило. Четири лица се пренесени во Клинички Центар „Мајка Тереза“ за укажување на помош“, соопшти МВР.

Според информациите од МВР, сообраќајот на овој дел од булеварот беше пренасочен, но во моментов се одвива во една коловозна лента. Причините за несреќата се предмет на истрага.

На терен се полициски и амбулантни возила.

The post 📽️ ПРЕВРТЕНО И ЗАПАЛЕНО ВОЗИЛО КАЈ МОСТОТ ГОЦЕ ДЕЛЧЕВ Четири лица завршија во болница по страшната сообраќајка appeared first on plusinfo.mk.

Додека се чека разврската за тоа кој беше виновен што автобус се заби во жардиниера кај „Мавровка“ во понеделникот, статистиките се покажуваат погубни. МВР вчера откри два автобуси кои возеле во неисправна состојба, а во последните три месеци возилата на ЈСП имале дури 49 сообраќајки, според извештај на јавното претпријатие.

Од 49-те сообраќајки за последните три месеци, според ЈСП, 9 незгоди е вина на возачите, а 19 на учесниците во сообраќајот. Но, во најголем дел од случаите извештајот вели вели дека не е утврдена вината.

Вкупно 10 лица биле повредени во овие 49 сообраќајки. Но, исто така имало и 149 инциденти во кои најчесто биле оштетувани автобусите. Имало и физички напади врз возачи, открива извештајот.

Според извештајот, од јануари до март, извршени се два генерални ремонти и еден полуремонт.

Медиумите ги коментираат солзите на возачот кој удри во жардиниера велејќи дека никој не ги поправа автобусите како причина за почеток на една сериозна дебата за тоа колку е безбеден јавниот превоз во Скопје.

Во меѓувреме, партиите и град Скопје меѓусебно се обвинуваат за хаосот.

Конкретно во случајот со жардиниерата, директорот на ЈСП Драги Кушовски ги нарече паушални изјавите на директорот на Конфедерацијата на синдикални организации(КСОМ) дека автобусот возел и покрај неколку предупредувања дека тој е неисправен. Кушовски во вторникот изјави дека треба да се почека извештајот на МВР.

Директорот на КСОМ, пак, ја обвини градоначалничката Данела Арсовска и, како што вели, нејзиниот однос кон јавните претпријатија.

ВОЛАНОТ ОТКАЖА, ПА АВТОБУСОТ НА ЈСП ИЗЛЕТА ВО ЖАРДИНИЕРАТА?! Возачот ја раскажа својата верзија

The post АВТОБУСИТЕ НА ЈСП ИМАЛЕ 49 СООБРАЌАЈКИ ЗА САМО 3 МЕСЕЦИ Случајот со жардиниерата отвори дебата за хаосот во Скопје appeared first on plusinfo.mk.

Сообраќајот се пренасочува по стариот пат, соопштуваат од АМСМ.

The post СООБРАЌАЈКА КАЈ ГРУПЧИН Правецот Скопје-Тетово е затворен, се вози по стариот пат appeared first on plusinfo.mk.

На автопатот Градско-Велес кај „Дади Петрол“, попладнево во 16 часот, се случила сообраќајна незгода во која се извртела цистерна, соопшти АМСМ.

Поради сообраќајката, сообраќајот е пренасочен и ќе се одвива по стариот пат, посочуваат од АМСМ.

The post ЦИСТЕРНА СЕ ПРЕВРТEЛА КАЈ ГРАДСКО Сообраќајот е пренасочен по стариот пат за Велес appeared first on plusinfo.mk.

Во несреќата што се случи на 18.03.2019 година, Еди Здјелар како возач на комбе изгубил контрола над воланот и неконтролирано преминал на другата страна на патот и удрил во бетонски мост. Од силината на ударот автомобилот се превртел и повторно се вратил на спротивната лента од коловозот каде се движело возилото од спротивната насока.

Од местото на несреќата тогаш се јавил новинарот на радиото Нова Градишка. Во комбето со Здјелар била неговата бремена партнерка која била тешко повредена и починала девет месеци по несреќата.

Од силината на ударот Здјелар и неговата тогаш бремена 19-годишна сопруга биле исфрлени од комбето. Двајцата се тешко повредени, а лекарите со денови се бореле за животот на трудницата. Жената починала во декември истата година.

Сепак, нејзината смрт не може со сигурност да се поврзе со последиците од сообраќајна несреќа. Нејзиното бебе преживеало.

Бабата на трудницата која настрада во сообраќајна несреќа потоа почина од шок откако на патот го видела неподвижното тело на нејзината внука.

Во петокот, неколку минути пред несреќата, дивеел по автопатот.

Само неколку минути пред несреќата во петокот, Здјелар на социјалните мрежи објави видео на кое се гледа како со БМВ со брзина поголема од 200 км/ч се движи по автопат, а на видеото се гледа и дека врне.

Полицијата: Удри во камион

Полицијата вчера објави извештај за несреќата во која загинаа тој и неговата сопруга синоќа на автопатот А3 меѓу клучката Окучани и Новска.

На фотографиите од местото на несреќата се гледа искршено БМВ, а во автомобилот било и двегодишното дете на починатата двојка, кое по укажаната помош во КБЦ Загреб не е животно загрозувачко, но е тешко повредено.

„Несреќата се случила кога 24-годишен маж, управувајќи автомобил со ознаки на Новиград во правец на Новска, удрил во задниот дел на камион со босански национални ознаки што се движел пред него во истиот правец. На местото на настанот загинаа возачот и 20-годишната сопатничка од автомобилот (двата хрватски државјани), а нивните тела се пренесени во Општата болница Сисак каде ќе се врши обдукција, додека детето е тешко повредено“, соопшти ПУ на Сисак-Мославина.

The post 📽️ СЕ СНИМАЛ КАКО ВОЗИ 200 НА АВТОПАТ, ПОТОА ЗАГИНАЛ СО СОПРУГАТА Хрватот пред пет години предизвикал незапамтена трагедија! appeared first on plusinfo.mk.

Како што пренесува МВР вчера во 18:55 часот во СВР Скопје било пријавено дека на ул. Ферид Бајрам во Скопје се случила сообраќајна несреќа помеѓу патничко возило форд фиеста, управувано од Ј.И.(30) од Скопје и патничко возило фолксваген поло, управувано од А.В.(30) од с.Никиштане, скопско, двете со скопски регистарски ознаки.

„При несреќата била удрена и Ф.К.(65) од Скопје. Во несреќата со тешки телесни повреди се здобила Ф.К., констатирани во Градската општа болница Св.Наум Охридски, а со телесни повреди се здобил сопатник од возилото фолксваген поло, А.В.(19) од с.Никиштане, констатирани во Комплексот клиники Мајка Тереза“, информираат од МВР.

Оттаму велат дека извршен бил увид од увидна екипа од СВР Скопје.

The post СЕ СУДРИЛЕ ДВЕ ВОЗИЛА, ПА УДРИЛЕ ЖЕНА Две лица повредени во сообраќајка во Скопје appeared first on plusinfo.mk.