Денеска на полноќ завршува рокот за собирање потписи за независни кандидатури за Локалните избори 2025, кои се закажани за 19 октомври.

Според податоците на Државната изборна комисија (ДИК), до саботата потписи за градоначалници се собирале во 16 општини за вкупно 22 кандидати, додека за членови на советот потписи се собирале во 11 општини за вкупно 12 листи.

Потписи за градоначалници се собираат во Македонска Каменица (двајца кандидати), Куманово, Дебарца, Охрид, Струга, Дебар, Центар, Демир Капија, Македонски Брод, Кочани, Битола (двајца кандидати), Могила, Новаци (двајца кандидати), Гостивар, Демир Хисар (четворица кандидати) и за Градот Скопје.

За листа на советници потписи се собираат во Македонски Брод, Кочани, Чешиново Облешево, Битола (две листи за советници), Могила, Свети Николе, Лозово, Карпош, Дебар, Куманово и Старо Нагоричане.

Рокот за поднесување листи за кандидати за градоначалници и за советници за локалните избори е до 13 септември.

До 11 септември, пак, е рокот за увид во Избирачкиот список во сите подрачни канцеларии и одделенија на Државната изборна комисија (ДИК). Исто така во тек е и пријавувањето за набљудување и известување од изборите.

The post ДОСЕГА ИМА 22 КАНДИДАТИ ЗА НЕЗАВИСНИ ГРАДОНАЧАЛНИЦИ Се собираат потписи и за 12 листи на советници appeared first on plusinfo.mk.