Испливаа имиња на нови жртви на незаконското прислушување од страна на Агенцијата за национална безбедност (АНБ) кое, како што откри самата Агенција, се вршело во периодот од 2019 до 2024 година кога директор бил Виктор Димовски.

За бизнисменот Орце Камчев бил отворен предмет со лажна белешка од вработен од Агенцијата за национална безнедност (АНБ) за наводни негови средби со претставници на бугарските разузнавачки служби. За ова Камчев беше и во притвор. Авторот на таа белешка за време на внатрешната истрага признал дека се работи за лажна белешка и дека тоа го направил под притисок на неговите шефови, пишува порталот МКД.мк.

Потврдено е дека биле обработувани политичарите Христијан Мицкоски, Александар Николоски, Оливер Спасовски, Драган Ковачки, обвинителката Вилма Русковска, уредници и новинари на повеќе медиуми со различна уредувачка политика од политиката на тогашната власт… Вилма Русковска и Оливер Спасовски, тогашниот министер за внатрешни работи, биле предмет на обработка затоа што презеле некакви активности во рамките на нивните надлежности против Фросина Ременска, сопругата на Јовче Ременски од АНБ, пишува порталот.

Група од десетина вработени на чело со Виктор Димовски, поранешен директор на АНБ и Јовче Ременски, поранешен висок раководител во Агенцијата, имале задача да откриваат непријателски елементи во државата чија цел била да ја урнат актуелната власт и биле против евроинтеграцијата на Македонија, односно биле против францускиот предлог.

„За најголемиот дел од овие активности на припадниците на оваа група, била обезбедена соодветната процедура за добивање дозвола за примена на посебните мерки (согласност од обвинителство и дозвола од Врховен суд), со образложение дека се работи за луѓе кои наводно се подготвувале да ја урнат актуелната власт и поединци кои наводно биле против интеграцијата на Македонија во ЕУ. Со ваквото образложение лесно се добивала дозволата за примена на тие посебни мерки на комуникациите според Законот за следење на комуникациите. За дел од овие случаи за кои е известено Јавното обвинителство, не била спроведена законски предвидената процедура“, се наведува во написот на МКД.

Примената на тие посебни мерки, според Законот за следење на комуникациите, е и следење и тонско снимање на комуникациите на лица на отворен простор и на јавни места, следење и снимање на внатрешноста на објекти, затворени простории, следење и светлосно снимање на лица на отворен простор и на јавни места…

Порталот пишува дека има сомневање и за класична кражба на пари. Сите активности на безбедносните служби и примената на посебните мерки понекогаш треба да бидат платени во кеш од спец-касата на АНБ. Има сомневање дека оваа група за нешто повеќе од една година зела 50.000 евра, кои потоа биле покриени со наводни награди на поединци.

The post АВТОРОТ НА БЕЛЕШКАТА ЗА ОРЦЕ КАМЧЕВ ПРИЗНАЛ ДЕКА ЈА НАПРАВИЛ ПОД ПРИТИСОК НА ШЕФОВИТЕ Оливер Спасовски, Драган Ковачки, Вилма Русковска биле на списокот за „обработка“ appeared first on plusinfo.mk.

Во врска со информацијата од АНБ дека во време на власта на СДСМ и ДУИ се следени и прислушувани лидерот на тогашната опозиција Христијан Мицкоски, други политичари, новинари, обвинител, бизнисмени и други јавни личности, за Македонската асоцијација на новинари (МАН) не е изненандување, туку само потврден факт на она што сме го знаеле, а АНБ успеала да обезбеди докази, се вели во реакцијата на МАН.

„Власт која ги добила функциите со објавување туѓи прислушувани разговори кои им ги обезбедил нивни поранешен политициски функционер Зоран Верушевски, а никој не ги спречил таквите прислушувани разговори јавно да ги објавуваат и употребуваат за свои политички цели, јасно е дека таа и таква власт ќе продолжи со незаконско прислушување и следење. Кога тогашниот јавен (државен) обвинител Марко Зврлевски објави соопштение со барање до медиумите, до СДСМ и до ДУИ да не ги објавуваат разговорите, бидејќи е спротивно на законот, дел од јавноста, особено медиумите и интернет ботовите под контрола на СДСМ и ДУИ ги кршеа законите и објавуваа телефонски разговори и на новинари“, соопшти МАН.

Оттука натаму, се додава во соопштението, сите правила, сите етички норми и сите закони во врска со прислушувањето и со следењето станаа прифатливи за СДСМ, за ДУИ, нивните медиуми и за нивните симпатизери.

По сè изгледа, реагира МАН, дојден е денот да се стави точка и крај на тоа зло, СДСМ, ДУИ, нивните медиуми и нивните интернет ботови да користат туѓи телефонски разговори и приватност за свои политички и комерцијални цели.

„И кога СДСМ и ДУИ беа на власт пишувавме дека АНБ и другите полициски структури следат и прислушуваат. Сигурни сме дека ова што АНБ првично го објави не е сè, бидејќи и ние знаеме, а и тие знаат дека во АНБ сè уште има структури на СДСМ и ДУИ кои учествувале во ова, дека пред промена на власта се вршени уништувања на документација и траги и докази во АНБ, за кои веројатно јавноста допрва ќе биде известена“, соопшти МАН.

Не сме изненадени од првичните информации на АНБ, но ќе бидеме изненадени ако ова обвинителство и ова судство ни покаже обвиненија и пресуди за сторителите, потенцира Македонската асоцијација на новинари.

„Да ги потсетиме во обвинителството и во судот дека после повеќе од 5 години сè уште немаме извештаи и разрешница за прислушување на интерните телефони во обвинителството и разговорите на обвинителите, како и прислушувањето судии. Материјали кои се користени за уцени на обвинители и на судии да постапуваат за потреби на власта на СДСМ и ДУИ“, соопшти МАН.

ХРИСТИЈАН МИЦКОСКИ, ВИЛМА РУСКОВСКА И НОВИНАРИТЕ ЛАНДОВ И ЗЛАТЕВ БИЛЕ ТАРГЕТИ Списокот на незаконски следени и прислушувани јавни личности е многу поголем

The post „СТРУКТУРИ НА СДСМ И НА ДУИ ВО АНБ УНИШТУВАЛЕ ДОКАЗИ ЗА ПРИСЛУШУВАЊЕТО“ Македонската асоцијација на новинари очекува обвиненија и пресуди appeared first on plusinfo.mk.