Четворица државјани на Албанија се приведени рано утринава на подрачјето на Преспанското Езеро, откако биле затекнати при незаконит риболов во период кога е на сила забрана за риболов во езерото.

Инцидентот се случил денеска (29.05.2026) околу 05:00 часот, кога полициски службеници од Регионалниот центар Запад ги забележале лицата во водите на езерото.

Според информациите од надлежните, при проверките било утврдено дека четворицата не само што вршеле незаконит риболов, туку и нелегално ја преминале државната граница.

На местото на настанот била пронајдена поголема количина уловена риба – крап со вкупна тежина од околу 60 килограми.

Лицата се приведени, а по целосното документирање на случајот против нив ќе биде поднесена соодветна пријава.

Случајот дополнително го обработуваат надлежните служби, кои утврдуваат сите околности околу нелегалниот влез и риболов во заштитеното подрачје.

The post ФАТЕНИ РИБОКРАДЦИ СО 60 КИЛОГРАМИ КРАП Уапсени 4 лица од Албанија за незаконит влез и риболов appeared first on plusinfo.mk.

Основното јавно обвинителство Охрид поднесе обвинителен акт против две лица – државјани на Република Албанија, кои се товарат дека нелегално ловеле риба во води каде што риболовот е строго забранет. Инцидентот се случил на 4 јули, во близина на месноста Свети Стефан, на оддалеченост од околу 6,5 километри во езерските води.

Како што информираат од Обвинителството, двајцата обвинети биле затекнати во кајче, додека со поставена висечка мрежа вршеле риболов. При контролата кај нив биле пронајдени три уловени примероци од охридска пастрмка – заштитен вид кој е под постојан мониторинг.

„Со фаќањето на охридска пастрмка во заштитен реон, двајцата обвинети како соизвршители сториле кривично дело – Незаконит риболов, предвидено и казниво по член 229 став 1 од Кривичниот законик,“ информираат од ОЈО Охрид.

Во обвинението, јавниот обвинител побара продолжување на претходно определената мерка притвор, имајќи предвид дека постои опасност обвинетите да го повторат делото или да се дадат во бегство.

The post ФАТЕНИ НА ДЕЛО СО МРЕЖИ Албанци ловеле охридска пастрмка, добија обвинение и притвор appeared first on plusinfo.mk.

На 23.06.2023 околу 06.00 часот при езерска контрола на Охридско Езеро, полициски службеници кај пријавениот пронашле алат за риболов и незаконски улов на риба – охридска пастрмка, по што од судија за претходна постапка му е одредена мерка притвор.

The post ВЛЕГОЛ ОД АЛБАНИЈА И ЛОВЕЛ ОХРИДСКИ ПАСТРМКИ Албански државјанин притворен за криволов appeared first on plusinfo.mk.