Парламентот на Франција денеска ја суспендираше непопуларната реформа на пензискиот систем од 2023 година, проект на вториот мандат на претседателот Емануел Макрон.
Одлуката е донесена со 255 гласови „за“ и 146 „против“, со поддршка од социјалистите, Зелените и ултрадесничарската партија Национален собир. „Воздржани“ беа пратениците од коалициската партија на Макрон – Ренесанса, додека „против“ беа пратениците од радикалната партија Непокорена Франција и комунистите.
Усвоениот закон го суспендира постепеното зголемување на возраста за пензионирање на 64 години до јануари 2028 година, како и планираното зголемување на задолжителниот минимален број месечни пензиски придонеси. Во пракса, генерацијата родена во 1964 година би се пензионирала на 62 години и 9 месеци (како претходната генерација) наместо на 63, што беше предвидено со реформата. Тие би се пензионирале со најмалку 170 месечни придонеси наместо 171.
Реформата што ја суспендира парламентот денес беше една од најконтроверзните мерки на владеењето на Емануел Макрон. Таа предвидуваше постепено зголемување на возраста за пензионирање од 62 на 64 години и продолжување на периодот на задолжителни придонеси за полна пензија. Владата ја усвои реформата во 2023 година без целосна парламентарна поддршка, што предизвика масовни протести низ целата земја.
Демонстрациите, кои започнаа во јануари 2023 година, траеја со месеци и во неколку наврати собраа повеќе од еден милион луѓе на улиците во Париз и другите градови. Штрајковите ги погодија јавниот превоз, училиштата, отпадните служби и енергетскиот сектор. Иако реформата беше спроведена, притисокот од јавноста не стивна, па сегашната одлука за нејзина суспензија се смета за задоцнета политичка реакција на долготрајното незадоволство.

Парламентот на Франција денеска ја суспендираше непопуларната реформа на пензискиот систем од 2023 година, проект на вториот мандат на претседателот Емануел Макрон.

Одлуката е донесена со 255 гласови „за“ и 146 „против“, со поддршка од социјалистите, Зелените и ултрадесничарската партија Национален собир. „Воздржани“ беа пратениците од коалициската партија на Макрон – Ренесанса, додека „против“ беа пратениците од радикалната партија Непокорена Франција и комунистите.

Усвоениот закон го суспендира постепеното зголемување на возраста за пензионирање на 64 години до јануари 2028 година, како и планираното зголемување на задолжителниот минимален број месечни пензиски придонеси.

Во пракса, генерацијата родена во 1964 година би се пензионирала на 62 години и 9 месеци (како претходната генерација) наместо на 63, што беше предвидено со реформата. Тие би се пензионирале со најмалку 170 месечни придонеси наместо 171.

The post ПАРЛАМЕНТОТ ЈА СУСПЕНДИРАНА ПЕНЗИСКАТА РЕФОРМА НА МАКРОН Долготрајниот отпор вроди со плод appeared first on plusinfo.mk.

Комората, основана пред 3 дена, бара средба со владата, за да ги презентира своите аргументи за сегашната состојба, пред да се донесе најавената одлука.

– Со ваква маржа нема да можеме да опстоиме. Ќе мора да донесуваме и рестриктивни одлуки, за отпуштање на нашите вработени и за реструктурирање на работењето и затворање на маркетите. Штетите ќе бидат големи, бидејќи во прашање се доведува опстојувањето на 86 трговски фирми, со 790 продавници и 4700 вработени. Овие податоци, треба да ја загрижат и Владата- велат од Комората.

Оттаму додаваат дека во своето работење имаат високи трошоци, што дополнително ќе влијае на нивниот опстанок.

– Нашето опстојување е оптоварено и со останатите давачки. Nа пример, цената на електричната енергија јануари 2024 – јануари 2025 е зголемена за 72%, за дистрибуција 25%. Платите во 2024 година, споредено со 2023 година, се зголемени околу 20%, а од март ќе има ново покачување. Освен овие, да ги споменеме и другите комунални давачки и сервисирањето на опремата со која работиме. Сите овие оптоварувања, немаме можност да ги издржиме со бруто-маржа од 10%, односно нема да можеме стоката да ја ставиме на рафт, а не пак да ги услужуваме нашите потрошувачи. Со 10% бруто-маржа не можеме да ги покриеме оперативните трошоци, кои се движат од 15 до 20% – велат од Комората.

Комората предлага да се земат предвид и анализите, кои покажаа дека маркетите не се одговорни за зголемувањето на цените, туку ценовната политика што ја водат  доставувачите и производителите.

– Ние никогаш не ги зголемуваме цените самостојно, туку промената се случува поради промените на цените на производителите или на доставувачите и токму поради ова маркетите се под постојан притисок да се прифатат новите ценовници. Доколку тоа не се направи, не им се испорачуваат производите – велат од Комората.

Според податоците на Комората, само во јануари до маркетите се пристигнати нови ценовници од над 40 доставувачи и производители во 92 категории и поткатегории производи.

– Профитната маржа кај маркетите од година во година опаѓа, а кај нив се зголемува. Ако се погледнат бројките, се гледа и вистината, дека супермаркетите не се причината за зголемените цени. Додека трговците работат со минимални профити, доставувачите продолжуваат да остваруваат значителни маржи, без да ги намалат цените – велат трговците.

Од Комората велат дека не сакаат да преземат радикални мерки, протести, блокади и слично, бидејќи станува збое за сериозни и посветени стопанственици, со долгогодишно постоење и работење во секторот трговија. Тие само бараат итна средба со Владата, со цел да ги образложат состојбите.

– Имаме пазарна економија и цените се формираат во зависност од понудата и побарувачката. Ако има зголемена понуда, цените самите се намалуваат, без да интервенира Владата. А за да се зголеми понудата, треба да се зголеми производството – заклучуваат од Комората.

The post СО БРУТО МАРЖА ОД 10% КЛУЧ НА ВРАТА ЗА 86 ФИРМИ, А 4.500 РАБОТНИЦИ ЌЕ ОСТАНАТ НА УЛИЦА Трговците се жалат на одлуката на Владата appeared first on plusinfo.mk.

Претседателот на Здружението „Киперски транспортери“ – Кавадарци, Трајче Пеовски, истакна дека вкупниот долг кој транспортерите го бараат изнесува 2,1 милиони евра. Транспортерите со своите возила ја блокираа главната улица во градот, изразувајќи го своето незaдoволство поради неисплатените долгови.

– Ова е наш мирен протест, но ако не бидеме слушнати, сме подготвени да ги радикализираме нашите акции – изјави Пеовски за МИА. Тој додаде дека транспортерите ќе организираат протести и на други локации во државата доколку не добијат задоволителни одговори од надлежните институции.

Пеовски појасни дека транспортерите се незадоволни од бавното решавање на проблемот и од директното влијание на банката во стечајната постапка. И покрај ветувањата дека проблемот ќе биде решен, до денес нема конкретни резултати.

Транспортерите бараат средба со надлежните во државата со цел да се најде трајно решение за нивните побарувања. Тие се надеваат дека ќе бидат исплатени парите кои им се должни за извршени услуги.

Овој протест ја истакнува тешката финансиска ситуација во која се наоѓаат многу мали и средни претпријатија во земјава, особено оние кои работат со големите компании.

The post МИРЕН ПРОТЕСТ ВО КАВАДАРЦИ Над 2 милиони евра бараат транспортерите кои порано возеа за „Фени“ appeared first on plusinfo.mk.

Од 1.334 учесници во истражувањето спроведено на 10 и 12 јуни, 71% се изјасниле дека се незадоволни од работата на владата, наспроти 66% кои биле анкетирани во мај, пренесува Ројтерс.

Околу 51% се изјасниле дека се „за“ предвремени избори, додека 66% сѐ уште сметаат дека коалицијата ќе трае до крајот на мандатот следната година.

The post ГЕРМАНЦИТЕ БАРААТ ПРЕДВРЕМЕНИ ИЗБОРИ Дури 71% од гласачите се незадоволни од владата appeared first on plusinfo.mk.

Меѓу тие што дале оставки се и 8 членови на Централното собрание и еден член на Централното претседателство на партијата.

„Вечерва, ние членовите на огранокот на Алтернатива – Чаир, 2/3 од членовите на органското собрание, симпатизери и поддржувачи, се собравме овде да ја изразиме нашата загриженост во врска со незадоволствата наталожени во текот на овие месеци во нашиот огранок, но не се само овие причини.

И покрај фактите и некои обиди за синхронизирање и усогласување на огранокот, внатрешни разговори меѓу нашите членови – принудени сме да кажеме дека проблемите во огранокот Чаир се акумулација на револтот на нашите членови, веќе 15 месеци.

Иако нашата надеж до овој момент беше дека ќе постигнеме компромис меѓу членовите на огранокот, тоа за жал не се случи – додека виновниците за ова сега се познати и носат печат на две-три лица кои узурпираа и непотизираа се во партијата.

Во оваа прилика пред јавноста и целото членство ги донесовме следните одлуки:

• 2/3 од членовите на огранокот Чаир поднесуваат оставки од партиските органи;
• 8 членови на Централното собрание, заедно со 1 член на Централното претседателство – ќе ја запрат дејноста во огранокот;
• раководителите на соодветните подружници заедно со нивните членови се повлекуваат од огранокот Чаир;

Од овој момент, основачката структура на огранокот, заедно со неколку раководители на подограноци и активисти, 2/3 од членовите на партиската структура, пред членството, активисти, симпатизери и поддржувачи, но и пред јавноста, повторуваме дека заслужни за нашата колективна оставка од огранокот се само двајца-тројца узурпатори-клиентелисти, додека последните анкети говорат за сите овие глупости и резултатот за огранокот Чаир.

На крајот, нашиот совет до секој активист во огранокот е многу пријателски: „размислете добро, пред да биде предоцна“ – не се прави огранок со членови на семејството и непотизам, како на пример подогранок со тројца членови на семејството: Гаши и Ибрахими – иако и денес продолжуваат да бидат членови на собранието, исто така не се прави огранок ниту со први братучеди и втори роднини, ниту пак структура со скрстени нозе со терцијарна терминологија: „овој е мој, тој е наш“, – или да се каже со омилениот термин: „аџанак-баџанак“ – се вели во писмото на членовите на Алтернатива испратено до медиумите.

The post ПОЛИТИКАТА „АЏАНАК-БАЏАНАК“ ИМ ДОШЛА ПРЕКУ ГЛАВА Колективна оставка од огранокот на Алтернатива во Чаир appeared first on plusinfo.mk.

Вработените во ГОБ „8 Септември“, денеска, наместо за одмор, одлучија својата 30-минутна пауза да ја искористат за да го изразат незадоволството поради доцнењето на јануарската плата.

– Денеска се собравме на овој најавен протест, кој е мирен и е оргранизиран поради незадоволство од непримената плата, која требаше да биде земена на 10 февруари и која доцни цели 10 дена. Го пробија и законскиот рок. Луѓето немаат пари, а имаат кредити. Кој ќе им ги плаќа каматите? Тука има луѓе што земаат по 18.000 денари нето-плата – вели Рената Ѓаконовиќ, претседателка на независен синдикат на ГОБ „8 Септември“.

Таа посочи дека во болницата има вработени што работат само за егзистенција, со мал личен доход.

– Добивме известување од управата на болницата, во кое се вели дека овој протест нема да биде официјален. И не е официјален. Синдикатот е репрезентативен, имаме доволно членови и сме репрезентативни. Во една институција може да постојат неколку синдикати, ние функционираме неколку години. Луѓето не треба да бидат обесхрабрени, треба да излезат и да си го кажат своето мислење. Тоа што го бараат е законско право на секого. Ќе остане само минимален број од кадарот што ќе работи со овие пациенти. Жално е да остане Македонија без квалитетен здравствен кадар – дополни Ѓаконовиќ.

Се размислува за штрајкови, а опција се и блокади. Ова го посочи Марјан Ристески претседател на Синдикатите за заштита на правата на работниците (КСОМ) на мирниот протест пред „8 септември“ каде вработените бараат исплата на платата за јануари.

Според Ристески, Владата се занимава кои министри ќе шефуваат, а не со работниците. Тој повика веднаш да се исплати плата, но посочи: „Јас се плашам дека можеби немаат пари“.

– Владата се занимава сама со себе, за кои министри ќе влезат, коии ќе излезат. Заборавија на основата функција – грижа за работниците. Сите знаеме како овие медицинари вложија натчовечки напори да го заштитат нашето здравје, но Владата делува ноншалантно, изгубено. Јас сакам да им честитам за тоа што го работат, и за тоа што го работат, да не бидат платени – ова е само почеток. Се надевам Владата ќе си ја сфати својата функција. Ова е несериозно. Лекарите се револтирани, апел побрзо да ја дадат платата. Јас се плашам дека можеби немаат пари, па се обидуваат да присоберат. Па што ако не работи системот? – рече Марјан Ристески (КСОМ) претседател на Синдикатите за заштита на правата на работниците – кажа Ристески.

The post НАМЕСТО НА КАФЕ, ЛЕКАРИТЕ ИЗЛЕГОА НА ПРОТЕСТ Вработените во ГОБ „8 Септември“ си ја бараат јануарската плата appeared first on plusinfo.mk.

Тие се сомневаат во квалитетот на избраните професори, бараат оставка на директорката на МИГ и ревидирање на законскиот акт за избор на професори. Учениците се жалат дека не можат да постигнат добри резултати на  натпреварите по информатика и математика.

Протестот го поддржаа и родителите на средношколците кои учат во МИГ, кои сметаат дека гимназијата треба да ги задржи критериумите за квалитетна настава, каква што и била идејата при нејзиното основање.

Од 23 јануари, кога почна второто полугодие, учениците во МИГ немаа настава по 8 стручни предмети, затоа што наставниците што им ги предаваат не ги држале часовите поради истечените договори на 31 декември.

Согласно Законот за Математичко-информатичка гимназија, за ангажирање наставен кадар, односно надворешни стручни лица, по добивање на согласности од МОН, односно од Министерството за финансии, училиштето објави јавен оглас.

– По завршување на рокот од последниот објавен оглас, разгледани се сите документи на кандидатите кои навремено доставиле комплетна документација. Изборот е извршен согласно критериуми за избор на стручни лица, согласно Критериуми за ангажирање на истакнати стручни лица по договор на дело. Само еден од наставниците кои досега беа ангажирани во училиштето како стручни соработници, не е избран повторно преку новиот оглас – велат од МОН.

The post КАДАРОТ ВО МАТЕМАТИЧКАТА ГИМНАЗИЈА РАВЕНКА СО МНОГУ НЕПОЗНАТИ Учениците од МИГ и нивните родители на протест appeared first on plusinfo.mk.

– Овде нема ниту еден човек, никој не помага! Снег врне, бездомници сме, без ништо! Што да правам, каде да одам – изјави за Ројтерс Мурат Алинак, чиј дом во Малатија се урнал.

Жителите на градот Газиантеп наведуваат дека 12 часа по земјотресот не пристигнала ниту една спасувачка екипа и дека морале сами да ги пребаруваат урнатините, а кога конечно дошле спасувачите во понеделникот вечерта, работеле само неколку часа, зашто се стемнило – пишува „Гардијан“.

Многумина во погодените региони ја минаа ноќта во автомобили или на улиците покриени со ќебиња, исплашени да се вратат во своите домови, стравувајќи од нови потреси.
– Каде се шаторите, каде се камионите со храна? Досега тука немало дистрибуција на храна, за разлика од претходните катастрофи во нашата земја. Го преживеавме земјотресот, но ќе умреме од глад и студ – прашува 64-годишната Мелек од Антакија, додавајќи дека се уште не видела спасувачки тимови.

Многу Турци го искажуваат својот гнев на социјалните мрежи. Тие велат дека владиниот одговор на итната состојба во најјужната провинција Хатај е несоодветен, а некои велат дека во оваа област спасувачите воопшто не успеале да стигнат. Во Хатај земјотресот срамни со земја неколку владини згради, вклучително и локалниот огранок на турската Агенција за помош при катастрофи.

Многумина ја обвинуваат владата за лошите стандарди во градењето, што придонесе многу згради да се урнат до темел, иако се нови, и би требало да се изградени асеизмички. За таа намена пред повеќе од 20 години турската влада воведе „земјотресна такса“. Планот беше од таа такса да се соберат и да се инвестираат околу 4,5 милијарди евра во превенција од катастрофи и развој на служби за итни случаи. Но, сега се гледа дека ништо од тоа не е направено.

– Каде отидоа сите наши даноци собрани од 1999 година наваму – прашува 61-годишниот Џелал Дениз, чие семејство останало заробено под урнатините.

Според сегашните податоци, повеќе од 9.000 луѓе загинале, илјадници се повредени, а бројките постојано растат. Турскиот претседател Таип Ердоган прогласи вонредна состојба во 10 провинции, која ќе трае три месеци.

The post „ОВДЕ НЕМА НИТУ ЕДЕН ЧОВЕК, НИКОЈ НЕ ПОМАГА!“ Турците гневни, бавно им пристигаат помошта и спасувачите appeared first on plusinfo.mk.

Јанушев се осврна и на кривичната пријава за Тодор Петров од Светскиот македонски протест.

– Тоа е само сеење на страв меѓу граѓаните, да им биде страв да остануваат дома, да коментираат негативно за власта. Но не верувам дека ова може да им помогне. Луѓето се свесни што се случува и каде не води владата на Заев, единствено сака да сее страв – рече Јанушев.

Но, рече тој, народот веќе не може да се замолчува.

– Протестираат сите и секој ден. Протестираат угостители, земјоделци, се најавуваат протести против идејата на Царовска за укинување на учебниците и воведување на електронски – кажа Јанушев.

Според него протестот беше убав настан, на кој имаше граѓани од сите етнички заедници.

– Ова не беше само протест за луѓето осудени во монтиран процес, туку луѓето иалегоа да го кажат незадоволството од оваа власт. Не се сеќавам кога имало толку млади луѓе на еден протест – кажа Јанушев.

Според него лицата кои се затворени не се терористи.

– Јас никогаш не би бранел никого за било какво дело. Но, тие луѓе не се терористи – рече Јанушев.

The post Јанушев: Протестот за уставобранителите, беше и протест за огромното незадоволство од власта на Заев appeared first on plusinfo.mk.

– Пунтковите денеска се отворени, а утре ќе отворат сите. Засега, кај нас, некои од откупувачите повторно прават проблем. Ги враќаат луѓето, им го проценува тутунот како за пониска класа. Поради тоа, не сме сигурни дали ќе чекаме на средбата до петок. Ќе видиме како ќе тече откупот денеска и утре и според тоа ќе одлучиме дали можеби и порано ќе интервенираме, изјави за МИА претседателот на Сојузот на тутунските здруженија, Менде Стомнаровски.

Тутунарите кои минатата недела мирно протестираа, незадоволни од проценката и откупната цена, во петокот имаа средба со откупувачите на која присуствуваше и министерот за земјоделство, Арјанит Хоџа. Беше договорено протестите да бидат ставени во времено мирување, а откупот на тутунот да продолжи денеска. Ситуацијата, како што беше речено, треба да се следи наредниве пет дена, а во петок да се одржи уште една средба во ист состав.

Тутунарите остануваат на барањето за реална проценка на родот и минимална откупна цена од 200 денари за килограм. Признаваат дека квалиететот е нешто послаб од претходните години, но не е, велат, и толку лош. Ако ситуацијата не се смени, најавија блокади.

Според министерот Хоџа, барањата на тутунарите се реални.

– Донесовме заеднички заклучок, од понеделник да продолжи откупот, поверениците да се вратат на вагите, вреднувањето на тутунот да биде како што треба, по Правилникот, а протетстите првремено нема да се одвиваат. Следниот петок ќе има дополнителен состанок во ист состав за да се види дали има подобрување во откупот. Врз основа на тие заклучоци, ќе одлучиме како ќе се одвиваат работите понатаму. Тутнарите бараат да се цени нивниот труд, односно тутунот според Правилникот објавен од МЗШВ. Годинава многу малку е откупен родот поради протетсите и нзадоволството на производителите. Ако лани до сега беа откупени 40 отсто, сега се преземени само 1,6 проценти и тоа е загрижувачки. Сепак, има позитивни сигнали, особено што од состанокот претставниците на Одборот на тутунари излегоа задоволни, а и штом се прекинуваат привремено протестите можеме да кажеме дека имаме првичен договор – изјави Хоџа во петокот.

Засега просечната цена на тутунот е 165 денари, но тоа, според министерот, не треба да се земе предвид зашто сепак се откупени само 1,6 отсто од вкупно предвидените 370 тони.

– Ако тутунот се вреднува како што треба и со цената нема да има проблем. Законски можности за укинување на четвртата класа има, но да му дадеме шанса на дијалогот – подвлече Хоџа.

The post Откупот на тутунот продолжи, производителите повторно се жалат на нереална проценка appeared first on plusinfo.mk.