Кандидатот за градоначалник на Гостивар од Вреди, Невзат Бејта, на денешната прес-конференција го обвини раководството на претходната локална самоуправа за злоупотреба на 450 илјади евра колку се потрошени за јавни набавки.

Според него, тендерот за поплочување со бекатон плочки, вреден 500 илјади евра и таа работа, како што рече не вреди повеќе од 50 илјади евра. Дополнително компанијата која ги изведувала работите не е од Гостивар.

– Ваквото наддавање на цените била вообичаена практика во изминатите осум години. Поплочување со бекатон плочки во мое време чинеше 13 евра за „метар квадратен“, сега со зголемувањето на пазарните цени чини 15 евра. Овие граделе по цена за квадратен метар од 450-500 евра. Според моите информации, работа која е вредна приближно 50 илјади евра, ја наплатиле 450 илјади евра, рече кандидатот за градоначалник, Невзат Бејта.

Тој како кандидат на коалицијата Вреди, претходно на конвенција упати критики кон досегашното општинско раководство и зборуваше за проекти коишто се наоѓаат во неговата изборна програма. Бејта смета дека сопартијците на Таравари кои раководеле со градот го осиромашиле, а граѓаните револтирани од таквото раководење со општината.

– Во овие осум години тој го уништи и го осиромаши буџетот на Гостивар. Ја уништи инфраструктурата и имаме улици и патишта полни со дупки. Чистотата во градот на најниско можно ниво. Ги уништија културата, спортот и образованието, рече Бејта на конвенцијата.

Бејта најави дека меѓу првите проекти кои ќе ги реализира во новиот мандат се мост со четири ленти и проширување на булеварот „Браќа Ѓиноски“ од крстосницата со „дебарска улица“ до Основниот суд.

The post ЗЛОУПОТРЕБА ВО ГОСТИВАР, ЗА БЕКАТОНИРАЊЕ ПЛАТЕНИ 500.000 ЕВРА! Невзат Бејта открива колку од тие пари се проневерени appeared first on plusinfo.mk.

Невзат Бејта, кандидатот на коалицијата Вреди за градоначалник на Гостивар на повторените избори на прес-конференција ја обвини претходната локална власт дека направила злоупотреби при јавни набавки, чија вредност е повеќе милиони денари.

– Денес сме тука за отворено да зборуваме за злоупотребите и лошото владеење на Арбен Таравари, кој со години се обидуваше да ги скрие зад пропагандата и лажниот имиџ на „успешен менаџер“ – рече Бејта.

Тој во обраќањето пред новинарите потенцира дека Гостивар не бил управуван во интерес на граѓаните, туку во интерес на тесниот круг на Таравари. Бејта покажа договори со кои, како што тврди, локалната власт склучила јавни набавки со фирма која ги пополнувала апликациите за проекти и уредувањето на салата на Советот на општината. Според него, трошоците се неколукратно поголеми, откоклу нивната реална вредност.

Бејта најави дека во петок ќе излезе со докази за други предмети кои како што нагласи, јасно покажуваат како локалната власт била злоупотребувана и како одговорноста била избегнувана.

The post ТАРАВАРИ СКЛУЧУВАЛ ДОГОВОРИ СО НАПУМПАНИ ТРОШОЦИ ЗА УРЕДУВАЊЕ НА ОПШТИНСКАТА САЛА Невзат Бејта изнесе документи за недомаќинско работење appeared first on plusinfo.mk.

„Нема такви проекти, господине Ахмети!“, напиша Зендели.

На прашањето на Зендели на собирот во Чегране одговори Талат Џафери

-А бре Фадиљ Зендели, пратеник на Беса. Поранешен мој војник во 16. бригада. Не ти е ли јасно дека главен проект на Али Ахмети е центарот на Гостивар, кој беше центар на кражби и наркомани во Гостивар, а денеска не е? Во 2005 година, бидејќи за одлуките што ги донесе ДУИ, Али Ахмети, спроведени од екс градоначалникот на општината Невзат Бејта, јас не негирам, центарот на Гостивар стана центар на град и градот се претвори во град тогаш. Но, тоа не го направи еден човек, било Невзат Бејта или Талат Џафери, тоа го направи ДУИ – изјави Талат Џафери.

ДУИ и Невзат Бејта раководеа со Гостивар во периодот 2005-2009 и 2013-2017 година. Во 2017 ДУИ изгуби на избори од Алијанса на Албанците, исто како и на локалните избори во 2021 година.

The post ДУИ ГО ИСЧИСТИЛ ГОСТИВАР ОД НАРКОМАНИ? Талат Џафери соопшти неверојатен проект на ДУИ (ВИДЕО) appeared first on plusinfo.mk.

Кои би биле следните чекори на потписниците на писмото, како и дали постои реална можност за фракција во ДУИ, прашавме експерти кои активно ја следат политичката сцена во Македонија и кои со години наназад во милиметар ги мерат сите партиски придвижувања предизвикани од разни политички несогласувања и кавги.

Тие, пак, наместо одговор, ни возвратија со прашањето: А дали членовите на „огнената група“ можат и дали воопшто сакаат да сменат нешто или ова е само обид за нивно подобро позиционирање и за добивање посилни партиски позиции?

Инаку, членови на оваа т.н. „огнена група“ се Муса Џафери, Изет Меџити, Невзат Бејта, Блерим Беџети, Висар Ганиу, Башким Хасани, Ејуп Адеми, Камил Ковачи, Аднан Ејуп…

„Ветераните“ контра „јуниорите“

Владимир Божиновски од Институтот за политичко истражување (ИПИС) во разговор за Плусинфо забележува дека ова не е првпат „огнената група“ да има несогласувања со раководството на ДУИ, но како што вели, и првиот и вториот обид биле неуспешни.

Се обидоа еднаш и не успеаја. Се обидоа вторпат, не успеаја. Што ако не успеат и третиот пат? Ќе се закануваат по четврти пат? Ќе пишуваат писма по петти пат? По десетти пат?

Владимир Божиновски Институтот за политички истражувања (ИПИС)

– Истото се случуваше лани за локалните избори и преклани за парламентарните избори, но никаков резултат не видовме. Ова сега е нивни трет обид да извршат притисок врз партискиот лидер Али Ахмети и да го искажат јавно своето незадоволство од работењето на партијата. Очигледно е дека постојат сериозни несогласувања, но прашање е дали членовите на „огнената група“ воопшто ќе сакаат да направат посериозен чекор, односно да формираат фракција и на тој начин сериозно да ја ослабнат партијата. Такво нешто можеа да сторат за локалните избори, ама тие не го направија тоа. Затоа се поставува прашањето дали групата е доволно моќна за да направи голем партиски раздор, оти ако членовите чувствуваа дека се моќни, веќе ќе го направеа првиот сериозен чекор. А како што кажав, ова е нивниот трет обид, па затоа и целата оваа работа изгледа повеќе смешно и несериозно. Оти, вие можете да се обидете еднаш и да не успеете да направите ништо. Можете и вторпат да се обидете и повторно да не направите ништо. Ама третиот пат е веќе смешно, несериозно и досадно – објаснува Божиновски.

Членовите на „огнената група“ се против првиот вицепремиер Артан Груби, појаснува Божиновски, а не се задоволни и од министерот за надворешни работи Бујар Османи, без оглед на тоа што наводно ја одбиле понудата од Ахмети за да го испрати „курбан“ шефот на дипломатијата, а за возврат да го задржи Груби.

– И двајцата, условно кажано се дел од поновата гарнитура на партијата, додека, пак, потписниците на писмото се едни од основачите на ДУИ. Очигледно е дека има некое незадоволство поради фактот што Груби и Османи успеаја да дојдат до одредена моќ во партијата преку рефлексија на моќта на лидерот Али Ахмети. Но, во случајов причината за кавгата е најмалку важна, бидејќи најважно е да се одговори на прашањето дали членовите на „огнената група“ реално можат да направат сериозен чекор и да ги измрдаат работите во партијата. Дали тие можат и дали сакаат да сменат нешто или ова е само обид за нивно подобро позиционирање и за добивање посилни партиски позиции? Од друга страна, пак, се обидоа еднаш и не успеаја. Се обидоа вторпат, не успеаја. Што ако не успеат и третиот пат? Ќе се закануваат по четврти пат? Ќе пишуваат писма по петти пат? По десетти пат? Јас лично сметам дека нема ништо да се промени, но да оставиме на времето – истакна Божиновски.

Ништо без амин од Ахмети

Политичкиот аналитичар Петар Арсовски вели дека членовите на „огнената група“ се значајни личности од ДУИ, меѓутоа, како што вели, партијата на Али Ахмети досега се покажала како прилично имуна на вакви напади.

– Во овој момент, нападите од „огнената група“ не изгледаат толку сериозно за да би ја загрозиле парламентарната група или парламентарната стабилност. Меѓутоа, не знаеме до каде може да ескалираат работите, бидејќи на ниту една партија не ѝ одговара во последните две години од мандатот да ѝ се појавуваат сериозни фракции. Мислам дека притисокот ќе биде кон тоа да се најде заеднички јазик во ДУИ, иако оваа партија во неколку наврати се покажа како прилично отпорна на обиди за формирање фракции. Сметам дека наскоро ќе се појави една посериозна потреба за дебата, а парламентарната стабилност нема да биде чепната – објаснува Арсовски.

Тој вели дека ниту Груби, ниту Османи, ниту некој друг политичар од ДУИ може да носи одлуки и да ја крои политиката без знаење на лидерот Ахмети.

Како што јас разбирам, потписниците на писмото не се задоволни од политиката, но ако е борбата само за да имаат учество во власта и да добијат парче од колачот, тоа е друга приказна.

Петар Арсовски Политички аналитичар

– Во писмото на „огнената група“ се посочува вицепремиерот Артан Груби како главна причина за незадоволството. Но, верувајте, ниту Груби, ниту Османи, ниту некој друг, не може да крои политика без да добие „амин“ од лидерот Ахмети. „Огнената група“ во основа се буни против политиките на ДУИ, па не знам дали би било доволно да се заменат Груби или Османи со некој друг човек кој ќе ја тера истата политика на Ахмети. Како што јас разбирам, потписниците на писмото не се задоволни од политиката, но ако е борбата само за да имаат учество во власта и да добијат парче од колачот, тоа е друга приказна – вели Арсовски.

На денешниот брифинг со новинарите, шефот на дипломатијата Бујар Османи истакна дека лажна вест е информацијата за негова смена и дека таа не заслужува никаков коментар.

Ахмети вчера во Тетово изјави дека ДУИ може да функционира без кој било поединец затоа што има стабилни структури.

– Без сомневање дека ДУИ има воспоставено стабилни структури кои можат да функционираат без Али Ахмети, Блерим Беџети, Муса Џафери, Изет Меџити. Ова е национална инвестиција која има силна основа и силна поддршка. За 20 години има инвестирано во кадарот на партијата. Советот и Конгресот се функционални, за анархија нема место – изјави Ахмети.

The post ПОСЛЕДЕН ТРЕТ ОБИД ЗА ФРАКЦИЈА, ЧЕТВРТИОТ БИ БИЛ НЕСЕРИОЗЕН Можат ли „огнените момчиња“ да ја опожарат ДУИ? appeared first on plusinfo.mk.