Неколку илјади фински граѓани деновиве стојат во долги редици во Хелсинки чекајќи да добијат хуманитарни пакети храна. Медиумите и годинава не пропуштија да пренесат такви слики од главниот град на најсреќната земја во светот.

Се случи и тоа дека Финска ја престигна Шпанија и сега е на врвот на листата со највисока стапка на невработеност во рамки на ЕУ, според Евростат. На трето место е соседна Шведска која веќе подолго време кубури со високи бројки на невработеност.

Бројките зборуваат сами за себе – финската економија е во тешка состојба. Државниот долг се приближува до 90 проценти од БДП-то. Податоците од Министерството за социјални работи и здравство покажуваат дека детската сиромаштија се зголемила за 3 проценти. Од 12 проценти во 2023 година на над 15 проценти во 2025 година.

Во период од три години во Шведска бројката на граѓани западнати во социјална и материјална сиромаштија е двојно зголемена и изнесува околу 700.000 луѓе. Над 17.100 деца и 5.200 домаќинства со финансиски тешкотии добија помош лани за време на божиќните и новогодишните празници. Порастот на бројката на социјално загрозени е видлив во споредба со претходната година, кога шведските хуманитарни организации обезбедиле поддршка за вкупно 14.600 луѓе, како за деца така и за возрасни.

Тоа се случува во во земји кои просечната прилагодена бруто плата на вработен со полно работно време значајно го надминува просекот во ЕУ, така што во Финска, според статистиката на Евростат, изнесува 4.033 евра, а во Шведска 3.718 евра. Просекот на ниво на целата ЕУ е 3.155 евра.

Имајќи ги предвид таквите показатели, но и низа други, многумина се почесто го поставуваат прашањето дали Финците се навистина најсреќен народ во светот, според истражувањата што секоја година ги прави „Медиа Галуп“. Значи, како што стојат нештата, кога истражувачите бараат среќа, тие обично ја наоѓаат во Финска. Осум години по ред, Финците се на врвот на индексот на среќа на ОН. Но, што всушност се мери, кога ја мериме среќата? И колку се сигурни методите што се применуваат за таква цел?

Во последно време таквите резултатите на спроведените истражувања се доведуваат во прашање, и во академската заедница и во медиумите. Проблемот што се посочува кога станува збор за мерењето на среќата е што таа е минлива категорија. Тешко е да се дефинира, или, подобро речено, дефиницијата тешко може да се заокружи без кругот да стане аморфен. Прашањето ги окупира филозофите со милениуми, почнувајќи уште од Конфучие и Аристотел, кому му се припишуваат зборовите дека „среќата им припаѓа на оние што се задоволни сами од себе“.

Но дали е во прашање нешто што претставува мерливо задоволство? Отсуство на болка? Чувство на цел, надеж, припадност? Дали е тоа состојба на умот? Науката се обидувала да ја дефинира среќата и притоа често се присутни определби за два различни вида: афективна среќа – на пример, непосредниот наплив на чувство на задоволство на некој убав пикник, или можеби кога ќе се застане на подиум за танцување – и евалуативна среќа, повеќе како задоволство или сатисфакција, каде што се земаат предвид посуштински работи како здравје, приходи, безбедност.

Можеби затоа скандинавските народи се редовно на самиот врв на рангирањата за среќа, бидејќи прифаќаат гледишта кои заговараат умереност и просечност. Среќата, во таа смисла, не постои во вакуум – таа е обликувана од општествените норми и индивидуалните очекувања од животот. Пред неколку години Пакистан, на пример, беше рангиран повисоко од Јапонија на листата, и покрај тоа што Јапонците имаат објективно повисок животен стандард. Но, Јапонија исто така има високи барања и строга работна култура, додека меѓу Пакистанците веројатно се присутни пониски глобални надежи и очекувања.

Како алтернатива на анкетирањето на луѓето кои сами ја вреднуваат среќата, понекогаш се предлага да се погледа БДП на земјите по глава на жител за да се добие пофер проценка. Побогатите земји би требало да се поврзат со поголемо задоволство од животот, бидејќи основните потреби на нивното население почесто се задоволуваат.

Но, сепак, тоа е комплицирана пајакова мрежа во која нештата лесно се заплеткуваат, од причина дека е тешко да се добијат недвосмислени мерки за редот на нештата. Земјите можат да имаат висок БДП, и во вкупен обем и по глава на жител, но едновремено нееднаквоста е висока и многумина жители се чувствуваат занемарени. Повеќе произведени добра не значи дека се распределени подеднакво, се истакнува обично во анлизите, доколку само мала елита ужива во поголемиот дел од ресурсите. Токму затоа, БДП-то малку кажува за среќата на обичниот човек.

Финската влада брзо ги искористи резултатите од глобалното рангирање на најсреќни народи со создавање индустрија за „туризам на среќа“, каде што туристичките пакети вклучуваат сè во земјата што наводно е причина за првото место на ранг-листата: непрегледно богатство од шуми, езера, свеж воздух. И прочуените сауни.

Но, спред едно истражување за реакциите на финските медиуми, се покажува дека многумина Финци сето тоа на шего го нарекуваат како „спортска победа“, или, пак, го доведуваат во прашање извештајот, посочувајќи ја потемната страна на земјата, означена со депресија, алкохолизам, осаменост и песимизам.

Како и да било, со оглед на тоа дека рангирањето на среќни луѓе редовно ги издвојува нордиските социјални држави како модели на однесување, политичарите во овие земји со големо задоволство ги истакнуваат таквите резултати, додека медиумите ја користат секоја поволна шанса за да ги фалат „среќните нордијци“.

Извесна иронија секако би можела да се поврзе во фактот дека економијата на Финска веќе подолго време стагнира, додека поранешните кризни земји Грција, Португалија и Шпанија покажуваат пристојни бројки на економски раст. Ова јасно покажува оти не може да се исклучи дека ситуацијата несомнено може да се промени со текот на времето, иако веројатно би било наивно во овој контекст лесно да се посочи старата изрека – тркалото на среќата се врти.

Што се однесува до Балканот, во извештајот на ОН за светската среќа единствено Словенија го наоѓа местото (19) меѓу првите дваесет земји од вкупно опфатени 147. Пријатно изненадување, но веројатно и малку зачудувачки, е дека само нешто подолу се Косово (29) и Србија (31). Сите други се рангирани мошне пониско на табелата. Босна (56), Црна Гора (71), Хрватска (72), Грција (81). Уште подолу се Бугарија (85) и Македонија (86), која, меѓу балканските земји, е повисоко пласирана само од Албанија (89).

Заклучокот, кој ќе остане да види во воздух, е дека не може недвосмислено да се докаже дека Финците се најсреќните луѓе на светот. Но нивното страдање е веројатно најврамнотежено. И можеби, според некои аспекти, изедначено.

Кога се во прашање Македонците, негаторските ставови, недовербата во институциите и непочитувањето на сето она што би требало да функционира како заеднички норми на однесување, функционира како „исцелителна“ душевна храна. Тури му пепел на се’. И „овие“, како и сите „оние“ други претходно, ништо не направија. Се урнисаа, би рекле многумина. Само што вкоренетиот песимизам, пренесуван во генерациско наследство, го поматува погледот кон самиот себе, и постојано демне во некоја сенка за да спречи среќата да покаже дека таа може да има не само едно, туку повеќе лица.

The post ЕУ и најсреќните земји во светот appeared first on plusinfo.mk.

Охрабрува трендот што голем број од македонските граѓани кои одлучија да заминат од државата, полека се враќаат, изјави попладнево премиерот Христијан Мицкоски, прашан за коментар откако Државниот завод за статистика излезе со податоци за движењето на невработеноста кај нас.

– Да, тоа е исто така, една од охрабрувачките вести. Третиот квартал од оваа година, споредено со третиот квартал минатата година, има 7.000 повеќе вработени на сметка на 7.000 помалку невработени. Односно, ако во третиот квартал минатата година имало околу 698 илјади вработени, сега има 705 илјади. Минатата година во третиот квартал имало 98 илјади невработени, сега има 91 илјада. Што значи дека бројот на вработени и невработени пропорционално се зголемува, односно намалува. Охрабрува трендот што голем број од македонските граѓани последните 10 години поради состојбата што беше во државата што одлучија да заминат, полека се враќаат – одговори премиерот, кој присуствуваше на поставување камен-темелник на спортска сала во Колешино.

Премиерот истакна дека е убеден оти трендот ќе продолжи и понатаму.

– Голем дел од луѓето коишто кога тогаш заминаа, еве остваруваат контакти со мене или со голем дел од институциите во Владата и одлучуваат да се вратат и повторно тука да го продолжат својот живот. Што е, исто така, охрабрувачки тренд – тоа значи дека ќе се зголемува бројот на вработени. Ќе се зголемува бројот на луѓе коишто ќе отпочнат свој бизнис или пак ќе најдат начин како да работат тука дома, наместо некаде надвор, бидејќи и таму гледате состојбата каква е со многу проблеми обременета. Така што тоа е тренд што охрабрува и јас сум убеден дека тој тренд ќе продолжи. Овој параметар е добар и охрабрувачки – додаде премиерот.

The post 7.000 ВРАБОТЕНИ ПОВЕЌЕ ОТКОЛКУ ЛАНИ Мицкоски изнесе охрабрувачки статистики за третиот квартал appeared first on plusinfo.mk.

Најголем двигател на растот во 2006 година ќе бидат бруто-инвестициите, пред се Коридорите 8 и 10Д, како и проекти во енергетиката, земјоделието, образованието и здравството, предвидени со Предлог-буџетот за 2026 година, кој е исклучително развоен со силна социјална компонента, нагласува пратеникот од редовите на ВМРО-ДПМНЕ Емил Спасовски.

Според него, целта е забрзување на економскиот раст и спроведување фискална консолидација преку зајакната финансиска дисциплина.

– Во 2026 година се очекуваат позитивни движења и економскиот раст да забрза за 3,8%, како резултат на растот на инвестициите и последователен пад на стапката на невработеност на историски најниско ниво од околу 10%, раст на пензиите и платите и солидно зголемување на приватната потрошувачка. Најголем придонес кон растот во 2026 година се очекува да имаат бруто инвестициите, преку реализација на големите инфраструктурни проекти, финансирани од државата, во патната и железничката инфраструктура, пред се Коридорите 8 и 10Д, како и проекти во енергетиката, земјоделието, образованието и здравството – рече Спасовски на вчерашната комисиска расправа за Предлог-буџетот за 2026 година.

Тој ги истакнува капиталните инвестиции како клучни за стапката на развој.

– Значајна ставка во Предлог буџетот се капиталните расходи, каде капиталните проекти учествуваат со околу 9,8% од проектираниот буџет, односно се проектирани во износ од 660 милиони евра. Од овие средства ќе се реализираат инфраструктурни и енергетски проекти, капитални проекти од областа на сообраќајната, комуналната и локалната инфраструктура. Ќе се финансира западниот дел од патниот Коридор 8, изградба на железницата како дел од Коридорот 8, каде што првата делница од Куманово до Бељаковце е пуштена во употреба, интензивно се работи на втората делница од Бељаковце до Крива Паланка за која се обезбедени средства и третата делница од Крива Паланка до Деве Баир, рече Спасовски.

The post ГОЛЕМИТЕ ДРЖАВНИ ИНВЕСТИЦИИ ЌЕ ГО ПРИДВИЖАТ РАСТОТ За капитални проекти предвидени се 660 милиони евра во Буџетот appeared first on plusinfo.mk.

Стапката на невработеност во Еврозоната, измерена според методологијата на Меѓународната организација на трудот (ILO), во септември изнесувала 6,3 проценти, исто како и во претходните два месеца, покажуваат пресметките на Евростат.

На ниво на Европската унија, стапката останала на нивото од август, кога според ревидираните податоци на статистичката служба изнесувала 6 проценти.

И во септември минатата година еврозоната бележела стапка на невработеност од 6,3 отсто, додека во целата ЕУ таа изнесувала 5,9 отсто.

Според проценките на Евростат, во септември во ЕУ без работа биле речиси 13,25 милиони граѓани, од кои повеќе од 11 милиони во еврозоната.

Шпанија и во септември останала единствената земја со двоцифрена стапка на невработеност – 10,5 проценти. Потоа следи Финска со 9,8, а близу е и Шведска со 8,7 проценти.

Најниска невработеност имале Чешка и Малта, со стапки од 3 отсто. Во оваа група се и Словенија и Полска, со стапки од 3,1 и 3,2 проценти.

The post ВО ЕУ НЕВРАБОТЕНИ СЕ 13,25 МИЛИОНИ ГРАЃАНИ Највисока е невработеноста во Шпанија, најниска во Чешка, Малта и во Словенија appeared first on plusinfo.mk.

Таа своето тврдење го поткрепи со податоците објавени од Државниот завод за статистика за последниот квартал лани и за дел од јануари кои се однесуваат на растот на домашниот бруто производ, невработеноста, индустриското производство, извозот и на инвестициите.

-Според податоците на Државниот завод за статистика стапката на невработеност во државава во четвртиот квартал лани изнесува 11,9 % што е на историски најниско ниво, а расте и вработеноста и изнесува 46,2%. Во овој период има 13.о60 нови вработувања, што е одраз дека компаниите оствариле раст. Индустриското производство во јануари годинава во однос на јануари минатата година бележи раст од 1,4 %. Во Јануари е забележан и раст на извозот од 5% и по долг период имаме пораст. Претходно  беа објавени и податоците за растот на економијата од 3,2% и за странските директни инвестиции кои лани се на историски највисоко ниво од повеќе од 1,2 милијарда евра. Сето тоа говори дека политиките на владата се во добра насока и дека даваат резултати – рече Димитриеска Кочоска.

Таа додаде дека владата акцентот го става на економијата и инвестициите и на нив ги темели напредокот. За таа цел се создадени предуслови за тоа преку  давање кредити на компаниите кои ќе ги поттикнат инвестициите и создадените низа олеснувања за бизнисите.

-Очекуваме инвестиции во компаниите од 300 милиони евра и нови вработувања – рече таа.

Димитриеска Кочоска. очекува ваквото темпо на раст на економијата да ќе продолжи и годинава за кога очекува да се оствари предвидениот раст од 3,7%.

Димитриеска Коческа се осврна и на членството на земјава во СЕПА системот на плаќање во ЕУ.

– Нашите граѓани кои работат во странство во некоја од СЕПА земјите и кои праќаат пари во Македонија, провизиите при праќањето двојно ќе се намалат од околу 7 отсто на околу 3 отсто. Тоа претставува сериозна заштеда ако се има предвид дека стотици милиони евра се праќаат секоја година. Заштедите на компаниите би биле и поголеми, не само во износи туку и во време. Така, плаќањата помеѓу компанија од Македонија и компанија од земја од СЕПА би биле за само еден ден, а во одредени случаи и за само неколку минути. Со ова ќе се олесни водењето на бизнис и конкурентноста на македонските компании- рече Димитриеска – Кочоска.

The post ЕКОНОМИЈАТА ВЕЌЕ НЕ СТАГНИРА Димитриеска Кочоска очекува годинава да се оствари проектираниот раст од 3,7% appeared first on plusinfo.mk.

Невработеноста во Европската унија е 5,9% и исто така е непроменета во однос на ноември.

Евростат проценува дека во декември во Европската унија биле невработени 12,936 милиони луѓе, од кои 10,909 милиони биле во еврозоната.

Невработеноста во еврозоната е намалена за 17.000 во споредба со ноември.

Во декември Шпанија забележа висока невработеност од 11,7%, Грција 9,2%, Франција 7,3%, а ниска стапка на невработеност од 2,4% е регистрирана на Малта, додека во Чешка таа изнесува 2,8%.

Статистиката покажува дека бројот на невработени е намален за 299.000 во Европската унија и за 369.000 во еврозоната во однос на декември 2022 година.

The post 10,9 МИЛИОНИ ЛУЃЕ СЕ НЕВРАБОТЕНИ ВО ЕВРОЗОНАТА Каде живеат најголемиот број од нив? appeared first on plusinfo.mk.

На годишна основа, бројот на невработени е зголемен за 175.000 во однос на ноември 2022 година.
Највисоки стапки на невработеност сè уште се присутни во сојузните покраини Берлин и Бремен, а најниски во Баден-Виртемберг и Баварија.
Во ноември во Германија имало 733.000 слободни работни места, 90.000 помалку од истиот месец минатата година.

The post СЕ ЗГОЛЕМУВА НЕВРАБОТЕНОСТА ВО ГЕРМАНИЈА Две сојузни покраини со највисоки бројки appeared first on plusinfo.mk.

The post БЕЗ РАБОТА ПОВЕЌЕ ОД 112.000 ГРАЃАНИ Невработеноста во четвртиот квартал лани била 14 отсто appeared first on plusinfo.mk.

ВМРО-ДПМНЕ денеска обвини дека владата на СДСМ привидно ја намали невработеноста. Сознанијата на партијата се дека наместо намалување на бројот на невработени дел од нив се бришат од евиденцијата, а голем број од ив ја напуштиле земјата.

– Од почетокот на пандемијата имаме значајно намалување на активното население (збир од вработени и невработени лица), но затоа бројот на неактивните лица значајно се зголемува. Активното население се намалува за 30.251 лица, при намалување на бројот на вработените за 15.830 и на невработените за 14.421. Остатокот од вкупното работоспособно население се неактивните лица чиј број е зголеми за 26.878, што покажува дека лицата кои останале без работа и кои биле невработени и пред кризата, сите се префрлаат во неактивни односно не бараат работа. Затоа стапката на активност од 57,4 отсто во првиот квартал на 2020 година се сведе на 55,7 отсто во последниот квартал на 2021 година, додека стапката на невработеност од 16,2 на 15,2 отсто – велат од ВМРО-ДПМНЕ.

Оттаму се повикуваат на податоци на Евростат за да покажат дека се работи за иселување, наместо за програмско намалување на невработеноста.

– Во 2012 година биле издадени 9 317 работни дозволи од земјите на ЕУ за македонски државјани, во 2019 та година бројот на издадени дозволи е 26 653 или три пати повеќе луѓе отишле да работат во странство затоа што со СДСМ, со Зоран Заев и Ковачевски тие буквално не гледаат никаква иднина во Македонија – велат од ВМРО-ДПМНЕ.

Сознанијата на партијата се дека намалувањето на вработените исклучиво е во приватниот сектор.

– Загрижува фактот што за намалувањето на вработените е забележано исклучиво во приватниот сектор, каде што  бројот е намален за 27.996 лица, додека бројот на вработени во субјекти со друга сопственост е зголемен 12.166 лица. Според ДЗС во друга сопственост влегуваат мешовита, задружна и државна сопственост.Ова зборува дека приватниот сектор со СДСМ на власт умира, се повеќе работни места се затвораат.Со СДСМ имаме само стагнација, затоа потребни се предвремени парламентарни избори час поскоро –велат од опозициската партија.

The post НАРОДОТ СЕ ИСЕЛИ Опозициската ВМРО-ДПМНЕ тврди дека бројката на невработени не е намалена appeared first on plusinfo.mk.

Претходно, во 2021 Оперативниот план беше со висока реализација од над 94 отсто и со него се опфатија 11.292 невработени лица. 4.000 лица минатата година се вработиле само со мерките за самовработување и поддршка за креирање нови работни места, додека 3.787 млади лица до 23 години вработени во производство и земјоделство добија младински додаток на платите.

Веќе четврта година по ред се спроведува и проектот „Гаранција за млади“ кој опфаќа невработени млади лица на возраст до 29 години. Лани со оваа мерка се опфатија 19.298 млади невработени лица од кои 75% биле жени.

Дополнително, Меѓународниот монетарен фонд потврди дека околу 60.000 работни места се спасени со мерките за помош во време на криза.

„СДСМ како одговорна партија продолжува со реализирање на мерки и политики кои обезбедуваат нови работни места, намалување на стапката на невработеност и повисок стандард за граѓаните“, се вели во партиското соопштение.

The post НЕВРАБОТЕНОСТА УШТЕ ЌЕ ОПАЃА Има и пари и програми за вработување, ветува СДСМ appeared first on plusinfo.mk.