На јавниот повик распишан од Јавното претпријатие за водостопанство „Лисиче“ за механичко отстранување на наслаги и органска материја од Велешкото Езеро нема пријавени фирми. Повикот, кој заврши на 13 октомври, бараше фирма која ќе ја отстрани органската маса од изумрени алги и трски која плива по површината, ќе ги отстрани исушените дрвја и ќе ја исече трската по крајбрежјето, за што има дозвола од Министерството за животна средина.

Состојбата на Велешкото Езеро е алармантна. Според извештај на Хидробилошки завод Охрид, водата во акумулацијата е со „лош квалитет“ и квалификувана како четврта и петта класа — присуство на колиформни бактерии и фекално загадување укажуваат дека системот е во сериозна состојба. Покрај тоа, езерото е контаминирано со амонијак и други токсични материи, што дополнително ја влошува еколошката ситуација. Минатата година, невладини организации и некои советници организираа акција за чистење на езерото и успеаја да отстранат над 120 кубни метри отпад.

За да се подобри состојбата на езерото, потребно е да се спроведат системски мерки, вклучувајќи редовно механичко чистење на наслагите, контрола на изворите на загадување и воспоставување на ефективни системи за третман на отпадни води. Вклучувањето на локалната заедница, невладините организации и стручните институции е клучно за успешно справување со овој еколошки предизвик.

The post НЕМА КОЈ ДА ЗАСУКА РАКАВИ ЗА ВЕЛЕШКОТО ЕЗЕРО Волонтерите се изморија, фирми не се пријавуваат appeared first on plusinfo.mk.

Орбан, кој е сојузник на Доналд Трамп, ја поздрави одлуката за растурање на УСАИД, тврдејќи дека со помошта што ја дава се финансираат организации кои сакаат да соборат влади.

– Сега е моментот кога тие меѓународни мрежи треба да се уништат и да се збришат. Неопходно е нивното постоење да се направи законски невозможно – изјави Орбан.

Орбан изјави дека луѓето кои работат за организации, финансирани од УСАИД, би требало да се сметаат за агенти.

– Растурањето на агенцијата е како прочистувачки воздух. Сите пари, кои доаѓаат од Америка, треба да бидат објавени јавно, а тие кои ги примаат треба да бидат казнети. Не можете да примате пари однадвор за да влијаете врз унгарската политика – кажа Орбан.

The post НЕМА ВЕЌЕ ЗЕМАЊЕ ПАРИ ОД УСАИД ЗА ДА СЕ КРИТИКУВА ОРБАН Унгарија ќе ги елиминира невладините организации и медиумите финансирани од странство appeared first on plusinfo.mk.

Претседателот на Србија, Александар Вучиќ, денеска изјави дека во текот на минатата и оваа година, невладините организации (НВО) во Србија добиле огромни суми пари за неговото уривање, наведувајќи дека станува збор за десетици, па дури и стотици од милиони евра, јави дописникот на МИА од Белград.

– Оваа и минатата година ова се рекордни пари. Огромни пари. Погледнете ја само медиумската содржина и сѐ останато, тоа не се стотици милиони евра, туку милијарди евра. Само пресметајте го тоа, нема да зборувам за сè друго. Во првите шест-седум месеци се инвестирани 78 милиони евра преку овој невладин сектор, и тоа не во секој невладин сектор, туку во овој многу политички и антидржавно ориентиран – изјави Вучиќ.

Српскиот претседател кажа дека тоа треба да се евидентира како значајно учество во странските директни инвестиции „бидејќи се работи за десетици, а јас би се осмелил да кажам стотици милиони евра“.

Тој очекува во наредните денови јавноста да биде информирана како сето ова функционира.

Коментирајќи го тоа што Министерството за надворешни работи на Кина објави дека има докази дека американски служби стојат зад протестите минатата година во Србија, тој порача дека внимателно ќе го проучи и прочита извештајот што беше објавен, но дека сега може да каже дека многу чудни работи се случувале во минатото, како и оваа година.

– Кога прочитавме дел од ова, побарав целосниот извештај да го проучам детално, бидејќи има многу други интересни работи за некои други земји, за некои други субјекти, а јас сакам тоа да го прочитам. Ние внимателно ќе проучиме и прочитаме сè што објави Владата на Кина, како што секогаш читавме што објавува Стејт департментот и што објавува Руската влада. Единствено што можам да кажам е дека имаше многу чудни работи минатата и оваа година – рече Вучиќ.

Вчера Политика во текстот „Кина открива: Америка стои зад обидот на обоената револуција во Србија“ соопшти дека Министерството за надворешни работи на Народна Република Кина објавила детален извештај во кој се анализира работата на американската фондација наречена National Endowment for Democracy.

Извештајот на кинеското Министерство за надворешни работи открива дека под маската на Националната фондација за демократија (НЕД), се спроведува субверзивен пристап на надворешната политика на САД за да се поткопа системот на други земји, преку мешање во внатрешните работи, поттикнување поделба и конфронтација, дезинформирање на јавното мислење и спроведување идеолошка инфилтрација под изговор за промовирање на демократијата.

– Како дел од користењето на „академските“ активности како параван за мешање и инфилтрација во внатрешните работи на други земји, беше посочено дека од почетокот на руската воена интервенција во Украина, преку невладината организација „Белградски центар за безбедносна политика“ (БЦБП), која ја финансира, ги поддржа протестите на прозападните политички структури и организации во Белград и ги критикуваше надворешно-политичките позиции на Србија. Освен тоа, НЕД веќе подолго време подгрева тензии во односите меѓу Белград и Приштина – пишува Политика.

Во врска со обвинувањата од Србија и од Русија, Американскиот Стејт департмент соопшти дека секое тврдење дека САД се мешаат во протестите во Србија или дека поддржуваат протестни движења насочени против српската влада е лажно, соопшти денеска Радио Слободна Европа (РСЕ).

– Не сме изненадени што Русија, од друга страна, ги инструментализираше протестите за да ја постигне својата агенда во Србија, како што тоа го прави во целиот свет – се вели во денешната реакција на Стејт департментот за РСЕ.

Реакцијата на САД уследи откако претставници на властите во Србија ги обвинија неименуваните западни земји дека ги поддржуваат еколошките протести против ископувањето литиум, каде во последните недели се собраа десетици илјади граѓани.

The post ЗА ГЛАВАТА НА ВУЧИЌ СЕ ПЛАТЕНИ СТОТИЦИ МИЛИОНИ ЕВРА Српскиот претседател вели дека невладините работат интензивно за да го урнат од власт appeared first on plusinfo.mk.

Заради притисокот што потекнува од Законот за урбанистичко планирање, цената за метар квадратен во општините Центар и Карпош достигна до 3.000 евра, истакна министерот за транспорт Александар Николоски во вечерашното гостување на ТВ Сител.

– Заради овој притисок кој го имаме, квадрат во Центар и Карпош стигна до 3.000 евра. Нас ни се случува да луѓе во внатрешноста продаваат двокатни куќи за 50.000 евра, а во Скопје или во овие две општини, за тие пари не можат гарсоњера да купат и следно што прават – се иселуваат. Нема млада брачна двојка која може да си дозволи 3.000 евра за метар квадратен, а тоа е така затоа што се случи оваа хистерија против урбанизмот од една страна, од друга страна се сè концентрираше во главниот град, од Скопје се град – држава, внатрешноста пропаѓа, а овде цените одат до небо – посочи министерот.

Тој понуди да се изработи целосно нов Закон за урбанистичко планирање кое би го работела комисија од хетероген состав со претставници од најрелевантни невладини организации.

– Она што сакам еве вечерва да го понудам од тука еве нова работа да изработиме целосно нов Закон за урбанистичко планирање кое ќе ги опфати сите сегменти и сите сектори кој би го работела комисија од хетероген состав во кој би имало претставници од најрелевантните невладини организации, здруженија на граѓани што ќе е прв пат во историјата на изработување на закон да здружение на граѓани, односно невладини организации бидат вклучени од самиот старт на подготовка на законот – посочи Николоски.

Тој исто така додаде дека со измените што се донесоа ќе се олеснат постапките за изградба на здравствени и образовни објекти и катни гаражи.

– Факт е дека на Македонија ѝ треба нов Закон за урбанистичко планирање. Ова што вчера го донесовме во Собранието се едни мали измени кои пред се сè насочени кон олеснување на процедурата за изградба на училишта, градинки, амбуланти, болници и катни гаражи во 100% државна или општинска сопственост финансирани исклучиво од буџетот или од буџетот на општините и затоа всушност ниеден амандман не поднесе никој од опозицијата и никој не побара збор од опозицијата нити од ДУИ, Левица или СДСМ нити на комисијата, нити на пленарната седница против овој закон – истакна Николоски.

Министерот Николоски потенцираше дека за овој закон освен отпор од едно здружение, засега нема забелешки од други субјекти.

The post МЛАДИТЕ СЕ ИСЕЛУВААТ ЗАТОА ШТО ЗА КУЌА ВО ВНАТРЕШНОСТА НЕ МОЖЕ ДА СЕ КУПИ НИТУ ГАРСОНИЕРА ВО СКОПЈЕ Потребен е нов закон за урбанизам кој ќе го работат експерти, вели Николоски appeared first on plusinfo.mk.

Лидерите на Европската Унија одлучија да ја запрат Грузија на патот кон ЕУ поради новиот закон за невладини организации (НВО) кои добиваат странски средства, објави Би-Би-Си.

Според законот, независните медиуми и другите граѓански организации мора да се регистрираат како „странски агенти“ и да доставуваат податоци до државата доколку добиваат повеќе од 20% од финансирањето од странство.

„Законот за невладини организации претставува назадување во однос на условите поставени за членство на Грузија во блокот“, соопшти лидерот на ЕУ.

Во соопштението се повикуваат грузиските власти да ги поништат „тековните дејствија кои го загрозуваат патот на Грузија кон ЕУ, де факто доведувајќи го пристапниот процес до застој“.

Грузија е официјален кандидат за членство во ЕУ од декември 2023 година.

Масовните протести во Грузија и интервенцијата на ЕУ и Соединетите Американски Држави, кои се противат на законот, не ја поколебаа владата. Противниците веруваат дека законот, кој стапи на сила на почетокот на јуни, ќе служи за замолчување на организациите кои ја критикуваат владата на начин сличен на рускиот.

Владејачката партија Грузиски сон го оправда законот со зголемување на транспарентноста и зајакнување на суверенитетот на Грузија.

ЕУ досега разговараше за низа одговори на случувањата во Грузија, вклучително и замрзнување состаноци на високо ниво и насочување на финансирањето на ЕУ директно на невладините организации во земјата.

Исто така, имаше загриженост за поддршката на грузиската јавност која останува цврсто проевропска.

– Главниот фокус е да се испрати силна порака до грузиската влада и да се поддржи грузискиот народ – изјави дипломат на ЕУ.

The post ЗАКОНОТ ЗА НЕВЛАДИНИ ОРГАНИЗАЦИИ ВЕ УНАЗАДУВА Грузија доби кочница од ЕУ за членство appeared first on plusinfo.mk.

Во претходниот извештај на истата организација се вели дека во задушувањето на протестите биле убиени 488 демонстранти. Невладината организација со седиште во Норвешка, која објави извештај по повод 200 дена од смртта на Махса Амини, наведе дека во новиот број на загинати се вклучени и новите потврдени смртни случаи. Најсмртоносни месеци биле септември со 223 смртни случаи, октомври со 100 смртни случаи и ноември со 173 смртни случаи.

Иран го тресе протестно движење по смртта на Махса Амини, 22-годишна иранска Курдка, која почина во притвор откако беше приведена од полицијата за морал поради кршење на строгите правила за облекување. Таа почина на 16 септември, три дена по нејзиното приведување.

Иранските власти тврдат дека стотици луѓе, вклучително и припадници на безбедносните сили, се убиени во протестите, кои стивнаа во последните недели. Најмногу смртни случаи, 134, се пријавени во провинцијата Систан и Белуџистан сиромашен југоисточен регион во кој живее малцинството Белуџи, кои се придржуваат првенствено кон сунитскиот ислам. Во Иран доминира шиитскиот ислам.

– Најмалку, 69 смртни случаи се регистрирани во Техеран, 57 во провинцијата Курдистан и 56 во провинцијата Западен Азербејџан – две провинции во кои живее курдско малцинство – додаде невладината организација.

The post 537 ЛИЦА СЕ УБИЕНИ ВО ПОВЕЌЕМЕСЕЧНИТЕ ПРОТЕСТИ ВО ИРАН Невладина организација тврди дека најмногу жртви имало во септември appeared first on plusinfo.mk.

– Одеднаш сè во што сè уште верувавме стана целосно компромитирано – вели за Си-Ен-Ен Солдатов, руски истражувачки новинар кој живее во своеволен егзил во Лондон.

Животот во Русија со години стануваше потежок и потежок за дисидентите, независните новинари и сите кои зборуваат против режимот на Путин, но Солдатов вели дека дотогаш луѓето како него сè уште имаа некаква надеж дека ќе издржат. Војната го промени тоа, вели тој.

– Беше ужасно да се живее под Путин и беше многу далеку од идејата за демократија, но сепак имавме некои воспоставени институции за кои верувавме дека ќе постојат без разлика на сè, и одеднаш сè пропадна – вели тој, укажувајќи на речиси целосно искоренување на сите преостанати независни медиуми, граѓанските организации и групите за човекови права.

Точка од која нема враќање

Една жена која сè уште живее во Москва и која од безбедносни причини, ќе ја нарекуваме Олга, иако тоа не и е вистинското име, го опишува 24 февруари како точка од која нема враќање.

– Животот се претвори во кошмар од кој е невозможно да се разбудиме, деноноќно читање вести, протести на кои имало повеќе безбедносни сили отколку цивили – вели Олга во порака преку платформа за шифрирана комуникација.

Таа го опишува срамот и чувството на безнадежност.

– Агресорот е нашата земја. Во наше име, во мое име, се врши овој страшен масакр – вели таа.

Олга говори за ризиците што постојат за нејзината безбедност. Поради самото комуницирање со

странски новинари, па дури и употребата на зборот „војна“ за разлика од терминот „специјална воена операција“ одобрен од Кремљ, може за неа да значи апсење и долгогодишна затворска казна.

Додека руските државни медиуми оставаат впечаток дека сите Руси ги поддржуваат војната и Путин, многу полиберални, образовани и прошетани граѓани, ги поминаа изминатите десет месеци ужаснети од насилството што нивната земја и го нанесува на Украина. Но, колку режимот стануваше порепресивен и решително сузбиваше и најмал знак на отпор или критика, маневарскиот простор на овие Руси стануваше сè постеснет.

Едни побегнаа други завршија во затвори

Стотици илјади Руси ја напуштија земјата, некои од принцип или затоа што се соочуваа со прогон, други за да ги избегнат западните санкции или ризикот да бидат регрутирани во војска. Според групите за човекови права, илјадници се приведени. Многу други беа принудени да се повлечат од јавниот живот или ги загубија своите работни места, откако стотици западни компании се повлекоа од Русија, а многу локални и странски невладини организации беа затворени. На секое несогласување и отпор следува брутална репресија. Според организацијата ОВД-Инфо, група за следење на човековите права, повеќе од 19.400 граѓани се притворени поради учество на антивоените протести во Русија, и десетици кривично се гонат секоја недела според новиот закон со кој се казнува ширењето „лажни информации“ за војната во Украина.

Според овој закон судот во Москва го осуди критичкиот новинар Илја Јашин на повеќе од осум години затвор, бидејќи зборуваше за наводното убиство на цивили од страна на руските војници во украинскиот град Буча, во близина на Киев. Кремљ негираше каква било вмешаност во масовните убиства, тврдејќи дека сликите на телата на цивилите се лажни.

Само VPN e прозорец кон светот

Солдатов се сеќава на денот кога во Лондон примил официјално писмо од руските власти во кое детално се опишани кривичните дела кои му се ставаат на товар. Како Јашин и стотици други, тој е обвинет за „ширење лажни информации“ за руската војска и полиција, и сега е на руската листа на лица барани со потерница. Тој ги негира обвиненијата и вели дека едноставно известувал за дејствијата на руската влада во периодот пред и за време на инвазијата на Украина.

Од почетокот на војната збришани се и последните траги на независни медиуми во Русија. Западните медиуми и сајтовите на социјалните медиуми се блокирани на интернет, принудувајќи ги Русите кои бараат начин да не се информираат само од официјалната владина пропаганда, да користат илегални виртуелни приватни мрежи или VPN. Тие им овозможуваат да пребаруваат на интернет со шифрирање на нивниот интернет сообраќај, без страв дека ќе бидат откриени. Податоците од компаниите кои го следат пазарот на апликации, покажуваат дека осумте најдобри VPN апликации биле преземени речиси 80 милиони пати во Русија од почетокот на војната година, и покрај напорите на владата да ја спречи нивната употреба.

Ова застрашувачка политичка клима во земјата натера многу Руси да размислуваат за напуштање на Русија. Според официјалната статистика објавена од руската влада, повеќе од половина милион луѓе ја напуштиле земјата во првите 10 месеци од годината – повеќе од двојно повеќе отколку во цела 2021 година. Вистинската бројка може да биде многу поголема, бидејќи многумина заминале неофицијално.

Не е јасно колкумина заминале од политички причини, но речиси 50.000 руски граѓани побарале азил во други земји во првите шест месеци од годината, според агенцијата за бегалци на ОН, УНХЦР. Тоа е најмногу во изминативе 20 години.

Граничната патрола на САД забележала 36.271 илегални влегувања на руски државјани во периодот од октомври 2021 до септември 2022 година. Бројот вклучува луѓе кои биле уапсени или протерани од граничните сили, и е значително поголем од претходните две година (13.240 во 2021 и 5.946 во 2020 година).

Масовен егзодус на младите и образованите

Невладината и непрофитна организација „ОК Руси“, која им помага на руските граѓани кои емигрираат од Русија бегајќи од прогон, тврди дека тие што заминуваат главно се помлади и пообразовани Руси.

– Ако ја земете московската либерална интелигенција, и се разбира, јас зборувам само за луѓето што ги познавам, би рекол дека околу 70 отсто заминале. Се затворија новинари, луѓе од универзитети, понекогаш од училишта, уметници, луѓе кои имаат органзации и фондации во Москва – вели Солдатов.

Ова секако не е ништо во споредба со повеќе од 4,8 милиони Украинци кои станаа бегалци низ Европа поради војната, но огромниот одлив на претежно образовани луѓе има значително влијание врз руското општество.

– Ако го губите образованиот дел од населението од средната класа, тогаш тоа е важно за вашите економски перспективи, но исто така е важно и за политичката иднина на земјата – вели Кристине Берзина, експерт за Русија во Германскиот Маршалов фонд, организација во САД. Таа потсетува на егзодусот на либералните и образовани Иранци по револуцијата во земјата во 1979 година, како пример за тоа што може да се случи во една земја кога ќе се случат такви демографски нарушувања.

– За да се одржи еден радикален режим, не му е неопходно целосно радикализирано население. Тоа е застрашувачко чувство – вели таа.

Немоќ пред огромната машина на смртта

Марија е една од ретките опозиционери и антивоени активистки кои останаа во Москва. Сите останати побегнаа по одлуката на Путин да изврши инвазија во Украина. Сите кои се против војната видоа дека нивните животи едноставно се уништени, вели Марија, кој не може да се одвои од својата болна мајка.

Марија, историчарка по образование, со години учествуваше во антивладините протести, опишувајќи се себеси како либерал кој длабоко се спротивставува на Путин, поранешен агент на КГБ.

– Отсекогаш знаев дека нашата земја не треба да ја води човек од КГБ. Тоа е премногу длабоко испреплетено со ужаси, убиства и слично – вели Марија. Таа учествувала во антивоените протести додека тоа не станало премногу опасно.

Марија сега не гледа сценарио според кое режимот во Русија би можел наскоро да биде соборен.

– Речиси сите опозициски лидери и лидери на јавното мислење сега се или во затвор или во странство. Луѓето имаат огромен потенцијал за политичка акција, но нема лидер и нема база на моќ – рече таа, додавајќи дека цивилите нема да излезат против вооружената полиција, Националната гарда и другите безбедносни сили.

– Веројатно е тешко за луѓето од демократските земји да ја разберат реалноста на животот во моќна автократија – рече таа. „Тоа е застрашувачко чувство на сопствената безначајност и беспомошност пред огромната машина на смртта и лудилото“.

The post ЖИВОТ ВО КОШМАРЕН СОН ОД КОЈ НЕ МОЖЕТЕ ДА СЕ РАЗБУДИТЕ Како живеат денешните руски дисиденти и опозиционери appeared first on plusinfo.mk.

Документот кој дава сериозни аргументи зошто да се отфрли францускиот предлог го подготвија Институтот за демократија и Институтот за европска политика и неколку интелектуалци. Истиот е поддржан од: Македонски Центар за меѓународна соработка, Институт за комуникациски студии, Центарот за управување со знаење, Центар за истражување и креирање политики, Центар за правни истражувања и анализи, Зелен институт, ЕКОВИТА, доц. Д-р Златко Илијовски, Рурална коалиција, РАДАР, проф. Д-р Лазар Јовевски.

Во продолжение ви го пренесуваме заедничкиот став, прокламиран во врска со францускиот предлог.

„Преку отфрлањето на „францускиот предлог“ за кој првично се заложи премиерот и очигледно доминантен дел од нашето општество, мора да изградиме нов став со широк општествен консензус за каков било иден аранжман, којшто ќе биде заснован на темелни дискусии.

Во тековниот предлог, преговорите вистински би започнале по внесувањето на етничките Бугари во преамбулата на Уставот – ветување за коешто Владата нема мандат и ќе нè остави уште долго во чекалната, но сега, со целиот притисок врз нас.

Протоколот кој сè уште не е достапен за јавноста, останува дел од преговарачката рамка.

Историските теми остануваат на маса, а мешовитата експертска комисија за историски и образовни прашања добива многу поголем притисок за резултати. Но овој пат, притисокот ќе биде европски, а не бугарски.

Решението за македонскиот јазик не е чисто. Со изоставувањето на поглавјето 34 од преговарачката рамка и со внесувањето на унилатералните ноти за македонскиот јазик, Бугарија си остава простор во подоцнежната фаза на преговорите да го блокира затворањето на ова поглавје (кое сe носи со едногласност), доколку нејзините барања не се исполнети, а се дел од нотата за македонскиот јазик. Потпишувањето на договорот за Фронтекс не е правна гаранција за непризнавање на јазикот во ова поглавје.

Аргументите „сега или никогаш“, „земи или остави“ не се оправдани во ситуација кога идниот изглед на ЕУ не е познат и кога војната во Украина налага потреба од итен успех во проширувањето што треба да се направи по секоја цена. Сега тоа е на штета на Македонија, но и на самата ЕУ. Штетата од овој присилен „успех“ ќе ја направи земјата уште поранлива на подривачки влијанија од трети страни и е далеку поголема по безбедноста и стабилноста на регионот.

Процесот на градење општествен консензус за една од најважните одлуки кои Македонија треба да ги донесе, треба да биде инклузивен и да не се вградува во нереална временска рамка. Владата еднострано информира отколку што дебатира и се труди да изгради заеднички став. Оваа стратегија не само што создава дополнителна несигурност и фрустрација кај граѓаните, туку ја зголемува и поларизацијата во општеството и нетрпеливоста кон неистомислениците.

Можеби, за политичкиот естаблишмент прифаќањето нема да биде „ни триумф, ни дебакл“, но за нашето општество се создава ризик дека пристапниот процес ќе биде јамка околу вратот што ќе се затега во следните децении.

Со наведувањето можни етнички тензии како последица од неприфаќањето на предлогот (кој има јасен бугарски печат: „Раздели, па владеј“), се внесува дополнителна несигурност. Дали во Македонија ќе има етнички тензии зависи најмногу од македонските политички субјекти. Одговорноста е на Владата да обезбеди меѓуетничка трпеливост и толеранција во најосетливи моменти.

Инсистираме сите понатамошни чекори и документи, вклучително и Протоколот, коишто би ги презела македонската влада за решавање на македонско-бугарскиот спор, да бидат презентирани во јавноста за да се обезбеди широка општествена поддршка. Собранието не смее да биде заобиколено.

Оттука, во интерес на вистински и целосни информации и во интерес на иднината, Владата мора да одговори на следните прашања/барања:

Владата веднаш да го објави Протоколот кој треба да се потпише меѓу ресорните министерства.

Како во модифицираниот предлог е заштитен македонскиот идентитет?

Зошто пред една седмица за решението за јазикот со унилатерлани декларации сметавте дека е неприфатливо, а сега е прифатливо?

Какви гаранции Владата обезбедила за да го заштити македонскиот јазик, особено во однос на идна злоупотреба на унилатералната изјава на Бугарија во поглавјето 34?

Кога и со кои политички субјекти Владата постигнала согласност за промена на Уставот?

Каков реципроцитет е обезбеден во обврските за спроведување на Протоколот (изјава на министерот Османи за ТВ емисијата „Топ тема“)?

Зошто Владата смета дека ова е „последна шанса“ за евроинтегративниот пат?

Владата да го објави претходниот предлог – „работна верзија“.

Последно, нагласуваме да се преиспита пристапот на забрзани консултации и да се остави време за суштествена дискусија, анализи и проценки“.

The post НЕ СИТЕ НЕВЛАДИНИ ГО ПРИФАТИЈА ПРЕДЛОГОТ Преговорите и договорите да станат јавни appeared first on plusinfo.mk.

СЕММ, како што се посочува, испрати официјален допис до Генералниот секретаријат на Владата на 14 јуни пред официјалното објавување на информацијата за доделените средства на здруженијата на граѓани.

Од СЕЕМ нагласија дека поради закажаните парламентарни избори во државата, непосредно по завршувањето на конкурсот за доделување финансиска помош, одлучиле сиот свој потенцијал да го насочат кон активно следење на состојбите во медиумската сфера и набљудување на степенот на почитување на слободата на изразување, што е приоритетна сфера на делување на нашата организација.

Од тие причини, наведуваат дека во овој момент треба да останат настрана од оваа акција за финансиска поддршка на дел од невладиниот сектор во рамките на настојувањата за борба против коронавирусот.

Од СЕММ потенцираат дека како здружение на граѓани, ја поддржуваат Стратегијата за соработка на државата со граѓанскиот сектор, сметајќи дека взаемното дејствување е неопходно во промовирањето и градењето демократска култура и социјална кохезија на сите општествени нивоа, а особено во справувањето со тековните предизвици и проблеми, како што во случајов е пандемијата со коронавирусот. Во ова чувствително предизборно време СЕММ останува доследен на својата примарна функција – грижата за негување на професионалните и на етичките новинарски и медиумски стандарди, стои во соопштението.

The post СЕММ се откажува од владиниот грант за невладини организации appeared first on plusinfo.mk.