Кандидатите за претседател на САД од редовите на Републиканската и на Демократската партија, Доналд Трамп и Камала Харис, ќе мора да се натпреваруваат во системот наречен Изборен колеџ (electoral college) за да ја освојат власта.

Секоја сојузна држава во САД носи одреден број поени, односно електорски гласови, во зависност од бројот на жители.

Државите можат да имаат најмалку 3 поени, а најмногу има Калифорнија со 54.

Без оглед на тоа дали разликата во гласовите е 1, 10 или стотици илјади, кандидатот што ќе добие повеќе гласови во една држава „ги зема“ сите бодови. Ова правило не важи за Небраска и за Мејн кои даваат 2 електора на кандидатот со најмногу гласови и еден по електорски округ. Мејн има 2, а Небраска 3 електори.

Победува кандидатот што ќе освои најмалку 270 електори. Според анализата на повеќето експерти, Харис може да смета на 226 електори, додека, пак, Трамп има 219.

На овогодинешните избори околу 240 милиони луѓе имаат право на глас, но неколку држави наречени „swing states“ ги држат резултатите во свои раце. Сега, во последните месеци од изборите, и двете кампањи се во полн ек за да ги придобијат неопределените гласачи во овие држави.

Аризона

Демократите во 2020 година ја освоија претседателската функција со поддршка на државата на Големиот Кањон која со тесен глас ја поддржа кандидатурата на оваа партија за првпат од 1990-те години.

Оваа држава се граничи со Мексико стотици километри и стана жариште на националната дебата за имиграцијата. Бројот на премини преку границата во последните месеци се намали од рекордниte вредности, поради што ова прашање стана главна грижа на гласачите.

Трамп повеќепати ги критикуваше досегашните резултати на Харис во однос на имиграцијата, бидејќи претседателот Џо Бајден ѝ ја довери обврската за ублажување на кризата на границата.

Трамп вети и дека ќе ја спроведе „најголемата операција за депортација“ во историјата на САД ако повторно стане претседател.

Аризона беше и домаќин на жестока расправа за пристапот до абортусот откако републиканците во државата се обидоа да вратат 160 години стара, речиси целосна забрана за прекин на бременоста, но беа спречени.

Прашањето стана експлозивно низ целата земја од 2022 година кога Врховниот суд на САД ја укина значајната пресуда која им даваше на жените уставно право на абортус.

Џорџија

Тековниот список на држави кои се пресудни во изборите целосно се совпаѓа со списокот на места каде што републиканските функционери поддржани од Трамп се обидоа да ја спречат победата на Бајден на изборите во 2020 година.

Во округот Фултон во Џорџија, наводното мешање во изборите доведе до еден од четирите кривични прогони против Трамп.

Тој и уште 18 други се обвинети за заговор за поништување на неговиот тесен пораз од Бајден во државата. Трамп негира каква било вина, а малку е веројатно дека случајот ќе биде слушнат на суд пред изборите.

Третина од населението на Џорџија се Афроамериканци, оваа земја има најголем удел на Афроамериканци во САД, и се верува дека оваа демографија беше клучна во тоа што Бајден ја „сврте“ државата во 2020 година.

Забележано е извесно разочарување од Бајден меѓу американските црни гласачи, но кампањата на Харис се надева дека ќе го анимира ова гласачко тело.

Мичиген

Државата на Големите езера го избра победничкиот претседателски кандидат на последните 2 избора. И покрај поддршката за Бајден во 2020 година, таа стана симбол за негативната реакција на целата земја бидејќи претседателот го поддржа Израел за време на војната во Газа.

За време на прелиминарните избори за Демократската партија во Мичиген во февруари, повеќе од 100.000 гласачи ја избраа опцијата „без обврски“ на своите гласачки ливчиња, дел од кампања организирана од активисти кои сакаат американската влада да ја прекине својата воена помош за Израел.

Имено, Мичиген има најголем удел на арапско-американско население – демографска група која ја загрозуваше поддршката за Бајден. Но, Харис зазеде поостар тон кон Израел.

Трамп го истакна значењето на државата на неговиот потенцијален пат до победата. Коментирајќи ги настаните на Блискиот Исток, тој го повика Израел да ја заврши својата кампања против Хамас во Газа, но „бргу да го направи тоа“.

Невада

Сребрената држава гласаше за демократите на последните неколку избори, но постојат знаци за можен пресврт кај републиканците.

Неодамнешните просеци објавени од фирмата за следење анкети 538 покажуваат дека анкетите некогаш покажале дека Трамп ужива голема предност пред Бајден, но таа предност се намали откако Харис влезе во трката.

Демократите се надеваа дека кандидат кој повеќе ќе им се допадне на помладите и поразновидните гласачи ќе ја намали разликата.

И двајцата кандидати се борат за освојување на значајното латино население во државата.

И покрај фактот дека американската економија покажа силен раст и отворање на работни места откако Бајден го презеде претседателството, закрепнувањето по Ковид беше побавно во Невада отколку на други места.

Со 5,1% невработеност, оваа држава има највисока стапка на невработеност во САД, по Калифорнија и по округот Колумбија, според најновите статистички податоци на американската влада.

Ако Трамп повторно дојде на власт, вети враќање на планот за пониски даноци во сите сегменти и помалку регулативи.

Северна Каролина

Изгледа дека анкетите во државата Tar Heel се заострија откако Харис го презеде своето место на врвот на демократската листа, а некои аналитичари сега ја означуваат државата како клучна во определувањето на победникот.

Тоа можеби се одрази на одлуката на Трамп таму да го одржи својот прв митинг на отворено откако во јули беше извршен обид за атентат врз него.

– Оваа држава е многу, многу важна за победа – им рече тој на насобраните.

Од своја страна, демократите решија да му дадат платформа на гувернерот на државата, Рој Купер, на последната вечер од својата партиска конвенција.

Северна Каролина се граничи со Џорџија и ги споделува некои од нејзините главни изборни грижи, како и оние во Аризона, уште една држава од Сонцето.

Трамп победи во Северна Каролина во 2020 година, но тоа го направи со само нешто повеќе од 70.000 гласови, што ги поттикна надежите на демократите дека би можеле да ја освојат оваа „виолетова“ држава (која би можела да гласа и за црвена и за сина) во оваа изборна година.

Пенсилванија

Двете страни исто така упорно водеа кампања во државата Кистон, каде што Доналд Трамп преживеа обид за атентат. Државата се покажа како клучна на изборите во 2020 година, поддржувајќи го Бајден. Постои длабока емоционална врска со работничкиот град Скрантон, каде што порасна Бајден.

Економијата е главна тема овде, како и на многу други места. Инфлацијата нагло порасна низ целата земја под администрацијата на Бајден, пред да се намали постепено.

Жителите на Пенсилванија не се единствени меѓу Американците кои го чувствуваат притисокот врз трошоците за живот како последица на инфлацијата. Но, цените на храната пораснаа побргу во нивната држава отколку во која било друга, според податоците на компанијата за пазарни истражувања Datasembly.

Би-Би-Си претходно објави за тоа како луѓето се мачат да се справат со овој проблем во Ери, округ кој е водечки во однос на остатокот од Пенсилванија, каде што дури еден од осум луѓе се смета за „несигурен во снабдувањето со храна“.

Високата инфлација може да ѝ наштети на Харис низ САД, бидејќи анкетите покажуваат дека гласачите имаат неповолна перцепција за економијата. Трамп се обиде да ја нападне поврзувајќи ја со економијата на Бајден.

Висконсин

Републиканците го избраа Милвоки за домаќин на нивната конвенција во 2024 година. „Badger State“ го избра победничкиот претседателски кандидат и во 2016 и во 2020 година, со разлика од нешто повеќе од 20.000 гласови секојпат.

Експертите сугерираат дека во маргиналните држави како оваа, влијание би можеле да имаат кандидатите од трети страни кои водат кампања против политиките на двајцата главни кандидати.

Трамп ја опиша оваа држава како „навистина важна.

– Ако го освоиме Висконсин, ќе ја освоиме целата работа – рече тој.

Летната Републиканска национална конвенција се одржа во Милвоки.

Харис одржа митинг во истиот град кога нејзината партија официјално ја номинираше за претседателска кандидатка на Демократската партија, јавувајќи се преку пренос во живо.

The post ТРАМП И КАМАЛА ЌЕ СЕ БОРАТ ЗА 7 ДРЖАВИ Како функционираат претседателските избори во САД? appeared first on plusinfo.mk.

Калифорнија и Невада исто така беа погодени од дожд и ветрови со брзина поголема од 100 милји на час.

NEW: California is getting wrecked by a massive snow storm with winds reaching up to 190mph and estimates of more than 10 feet of snow.

The conditions were so bad that hundreds of vehicles got stuck overnight on the I-80.

Some reports estimate that the weekend snowfall will… pic.twitter.com/uVKVlaU6l1

— Collin Rugg (@CollinRugg) March 3, 2024

Стотици возачи останаа заглавени на автопатот Интерстејт – 80 меѓу Рено и Сакраменто поради снежната бура и намалената видливост, а властите мораа да затворат повеќе од 160 километри од фреквентниот пат.

Here’s a video after a snow sluff just east of Echo Summit trapped a few vehicles and closed Highway 50 for about 30 minutes this morning. There were no injuries and crews worked quickly to reopen the roadway. @CHPSouthLake pic.twitter.com/myd5Ay6E32

— Caltrans District 3 (@CaltransDist3) March 3, 2024

Официјални лица изјавија дека има повеќе извештаи за несреќи и возачи кои ја изгубиле контролата над возилото.

Повеќе од 7.000 домови во Калифорнија останаа без струја во текот на викендот.

The post 🎥 КАЛИФОРНИЈА ЗАТРУПАНА СО СНЕГ! Невообичаено силна зимска бура го зафати западниот дел на САД appeared first on plusinfo.mk.

Во трката за републиканскиот кандидат за претседателските избори во ноември во САД, во која се спротивставуваат поранешниот претседател Доналд Трамп и неговата поранешна амбасадорка во ОН, Ники Хејли, следна станица е сојузната држава Невада, клучната точка во претседателската трка каде конзервативните гласачи и тоа како имаат причина да бидат збунети.

На републиканците во Невада им е понудена не една, туку две опции: во вторник ќе има класични прелиминарни избори, а во четврток собрание на гласачи (caucus).

Причината за оваа невидена конфузија лежи во одлуката на поранешниот демократски гувернер на Невада, Стив Сисолак, кој во 2021 година потпиша закон со кој собрание на гласачи се заменува со прелиминарни избори.

Само во четири држави, Ајова, Невада, Вајоминг и Северна Дакота, одлуката за претседателските кандидати се носи во малку застарени собири на избирачи.

Разликата е во тоа што прелиминарните избори ги организира сојузната држава и гласачите можат да гласаат каде било, во секое време и на кој било начин, на пример со опција за гласање по пошта. За разлика од тоа, а собранието на гласачи е организирано од партијата и подразбира физичко присуство на гласачот со картичка во рака, на одредено место и во одредено време.

Но, Доналд Трамп, чии поддржувачи сметаат дека гласањето од далечина е мамење, добро знае дека тие ќе бидат повеќе наклонети кон собрание на гласачи.
Републиканската партија во Невада, која Трамп целосно ја контролира, се откажа од прелиминарните избори во државата и ќе одржи собрание на гласачи два дена подоцна. Покрај тоа, партијата им забрани на сите кандидати кои ќе учествуваат на изборите во вторник да учествуваат на изборите во четврток.

Резултатот на тоа е дека Ники Хејли ќе биде кандидат на прелиминарните избори во вторник, но Трамп нема да биде на гласачкото ливче. Доналд Трамп ќе биде кандидат на собранието на гласачи, но Хејли нема да биде противкандидат.

За нејзина несреќа, само гласачите на собранието ќе одлучат кој ќе ја добие поддршката од делегатите од Невада, а веќе се знае дека Трамп ќе ги стави во џеб. Поранешниот претседател беше обвинет дека ги променил правилата во негова корист.

– Нема смисла да се учествува на собранието на гласачи. Не можам да гласам за мојата кандидатка. Тие практично ме лишуваат од правото на глас. И тоа се случува во мојата Републиканска партија. Јас сум многу незадоволен – се пожали Чарлс Фрут, поддржувач на Ники Хејли за дневниот весник Лас Вегас ревју.

– Собранијата на гласачи се затворени и купен одамна. Но, ние ќе се фокусираме на праведни држави – рече Хејли во јануари.

Оваа контроверзна ситуација во голема мера помина незабележано во САД бидејќи најголемото политичко внимание е насочено на прелиминарните избори на републиканците на 24 февруари во Јужна Каролина. 52-годишната Хејли се надева дека на тие избори ќе ја намали предноста на нејзиниот 77-годишен ривал.

Прелиминарните избори на Демократската партија во Невада исто така ќе се одржат во вторник, но без голема неизвесност. Џо Бајден е во трка против Маријане Вилијамсон и Дин Филипс, двајца кандидати кои само пополнуваат број. Но, за Невада сепак ќе се зборува на претседателските избори во ноември. Тоа е клучната сојузна држава што Бајден тесно ја освои во 2020 година.

Позицијата на Бајден е многу покомплицирана четири години подоцна, бидејќи анкетите покажуваат дека тој губи позиции во шпанското гласачко тело, клучно во Невада.

The post ВО НЕВАДА ДВА ПАТИ СЕ ГЛАСА, ЕДНАШ СЕ БРОИ Клучна сојузна држава во претседателската трка во САД appeared first on plusinfo.mk.

– Повреденото лице, кое било во критична состојба, е згрижено во болницата Санрајс и сега е во стабилна состојба – изјави шерифот на полицијата во Лас Вегас, Кевин Мекмахил.

Во истата болница биле згрижени уште 3 лица за кои не е наведено како се повредени.

Шерифот додал дека полицијата го знае името на напаѓачот, кое нема да го објави додека не биде известено неговото семејство, но полициски извор за Си-Ен-Ен изјавил дека станува збор за 67-годишен професор, чија поврзаност со Универзитетот засега не е позната.

Оваа година имало 80 престрелки во училиштата, од кои 29 биле на универзитетски и колеџ кампуси.

The post ПРОФЕСОР ПУКАЛ ВО УНИВЕРЗИТЕТСКИОТ КАМПУС ВО НЕВАДА Три лица се убиени, а едно е во критична состојба appeared first on plusinfo.mk.

За ова да се случи, беше укината забраната за возење по 20 часот која вжи во тој регион. Но, организаторите ги предупредија луѓето да почекаат калта барем малку да се исуши.

„Ве молиме имајте предвид дека иако условите се подобруваат и патиштата се сушат, плажата е сè уште матна и може да биде тешко да се движите во некои населби и по одредени улици“, објавија тие.

По укинувањето на забраната се формираше редица возила во која се чека и до шест часа.

Burning Man organizers reopened the road leading out of the remote Nevada desert festival, allowing tens of thousands of attendees to escape after they had been trapped for days by mud https://t.co/vX7GQzfOYS pic.twitter.com/wNNUXFKsoT

— Reuters (@Reuters) September 5, 2023

Burning man 2023
Event organizers officially lifted a driving ban Monday afternoon and said “exodus operations have officially begun in Black Rock City,” the city that’s erected annually for the event.#BurningMan2023 #event #UnitedStates #extremeweather pic.twitter.com/4TfxX5htlE

— Genesis Watchman Report (@ReportWatchman) September 5, 2023

Во саботата, посетителот Пол Редер, кој доаѓа на фестивалот 22 години, изјави за Ројтерс дека очекува дека ќе бидат потребни најмалку два дена за областа да се исуши.

На фестивалот имаше повеќе од 70.000 посетители кои беа заробени, а голготата трае.

Фестивалот е познат во Невада. Таму луѓето секоја година се собираат да создаваат уметност, да танцуваат и да се забавуваат. Околу нив обично се поставени уметнички инсталации, а на самиот крај тие палат џиновски човек од дрво по кого фестивалот го добил името – „Човекот што гори“.

The post 📽 64.000 ЛУЃЕ УШТЕ НЕ МОЖАТ ДА ИЗБЕГААТ ОД КАЛТА Фестивалот во пустината во Невада се претвори во хорор appeared first on plusinfo.mk.

Жителите се справуваат со роевите инсекти кои ја покриваат земјата, ползат по ѕидовите и ги напаѓаат зградите.

И покрај нивното име, овие инсекти спаѓаат во видот Катидиди, кои многу личат на штурци. Според стручњаци од Универзитетот во Невада тие не летаат, туку одат или скокаат. И иако се тотално безопасни за луѓето, бубачките сепак ги застрашуваат локалните жители кои страдаат од фобии од инсекти.

Снимки што предизвикуваат морници се споделени на социјалните мрежи. Од нив се гледа дека градот е буквално под опсада од ројот инсекти што се движи низ државата.

– Кога погледнавме овде, целиот ѕид беше ссосема покриен. Тоа навистина, навистина ме преплаши – изјави Колет Рејнолдс, жителка на Елко за локалниот весник КСЛ.

Портпаролот на регионалната болница во Североисточна Невада изјави дека болницата морала да распореди метли и дувалки за листови за да им направи пат на пациентите да можат да влезат во зградата.

Сликите налик на библиски сцени од апокалипсата покажуваат и колку патиштата се сега опасни поради згмечените бубачки. Одделот за транспорт на Невада ги посипува со песок патиштата за да овозможи безбедно движење на возилата.

@kerstinannmorales #mormoncrickets #insects #infestation #elkocrickets #elkonevada #yucky #smelly ♬ Spider Sound – Paraforce

The post (ВИДЕО) „БИБЛИСКА“ НАЕЗДА НА МОРМОНСКИ ШТУРЦИ ВО НЕВАДА Од згазените штурци патиштата стануваат лизгави и опасни appeared first on plusinfo.mk.

Победата на сенаторката Кетрин Кортес во Невада им даде на демократите 50 места што им беа потребни за да го задржат Сенатот, пренесе Гласот на Америка.

Нејзината победа ја одразува изненадувачката сила на демократите низ САД оваа изборна година.

Барајќи реизбор во економски проблематична сојузна држава која има некои од највисоките цени на бензинот во државата, Кортес се сметаше за најранливиот член на Сенатот, додавајќи ја фрустрацијата на републиканците кои беа уверени дека таа може да биде поразена.

Лидерот на мнозинството во Сенатот Чак Шумер ја потврди победата во саботата вечер. Тој твитна „Вашето демократско мнозинство во Сенатот!“

The post ДЕМОКРАТИТЕ ЈА ЗАДРЖАА КОНТРОЛАТА ВО СЕНАТОТ Победата на сенаторката Кортес во Невада им ги донесе потребните 50 места appeared first on plusinfo.mk.

Демократскиот кандидат за претседател Џо Бајден ја зголеми предноста во Невада пред ривалот Доналд Трамп за околу 3.500 гласови, јавуваат американските медиуми.

Во примерок од над 87 проценти преброени гласови, Бајден има околу 49,5 проценти од гласовите, а Трамп има околу 48,5 проценти.

Според Си-Ен-Ен, Бајден ја зголеми разликата и има повеќе од 11.000 гласови во однос на Трамп, а при претходниот пресек, таа разлика беше 7.647.

Невада носи шест изборни гласа, а Бајден сега има 264, додека Трамп има 214 гласа.

Победник на изборите ќе биде кандидатот кој прв ќе добие 270 изборни гласови.

The post Си-Ен-Ен: Бајден ја зголеми предноста во Невада за 3.500 гласа appeared first on plusinfo.mk.