Медицинска сестра (37) од Скопје е тешко повредена откако паднала додека ги извршувала работните задачи во комплексот клиники „Мајка Тереза“.

Несреќата се случила во понеделникот вечерта, а случајот во полицијата бил пријавен околу 23:10 часот.

Според пријавеното, 37-годишната М.С., која работи како медицинска сестра на една од клиниките во комплексот, паднала додека била на работното место.

Таа се здобила со тешки телесни повреди и била згрижена во Ургентниот центар при комплексот клиники „Мајка Тереза“.

Полицијата извршила увид на местото на настанот, а се утврдуваат околностите под кои дошло до падот.

The post ТЕШКО ПОВРЕДЕНА МЕДИЦИНСКА СЕСТРА НА КЛИНИЧКИ Паднала додека била на работа appeared first on plusinfo.mk.

Шеесет и петгодишен скопјанец починал во трагичен инцидент на работното место во скопската општина Аеродром, откако бил прегазен од виљушкар.

Од Министерството за внатрешни работи информираат дека случајот бил пријавен на 12 август 2026 година околу 12:25 часот во СВР Скопје од екипа на Итната медицинска помош.

Според пријавеното, В.Н. (65) од Скопје бил прегазен од виљушкар додека ги извршувал работните задачи во кругот на фирма на подрачјето на општина Аеродром.

Од полицијата информираат дека виљушкарот претходно сам се придвижил, по што дошло до несреќата со смртни последици.

За случајот бил известен јавен обвинител, како и трудов инспектор. Увид на местото на несреќата извршила екипа од СВР Скопје.

Се преземаат мерки за целосно расчистување и документирање на околностите под кои се случила трагедијата.

The post РАБОТНИК ЗАГИНА ОТКАКО ГО ПРЕГАЗИ ВИЛУШКАР Трагедија на работно место во фирма во Аеродром appeared first on plusinfo.mk.

Шеесет и двегодишен маж од Кавадарци починал откако врз него паднало дрво додека работел на сеча на дрва на планината Кожуф.

Од Министерството за внатрешни работи информираат дека случајот бил пријавен на 12 август 2026 година во 10:47 часот во СВР Струмица. Несреќата ја пријавиле од Шумското стопанство Гевгелија.

Според пријавеното, Д.Т. (62) од Кавадарци, кој бил вработен во шумското стопанство, сечел дрва на Кожуф кога едно од исечените дрва паднало врз него.

Од здобиените повреди тој починал. Смртта ја констатирал лекар од Итната медицинска помош.

По наредба на јавен обвинител, телото на починатиот било предадено на обдукција. Полицијата работи на целосно расчистување и документирање на случајот.

The post ДРВО УСМРТИ РАБОТНИК НА КОЖУФ Загина 62-годишен кавадарчанец, лекар само ја констатирал смртта appeared first on plusinfo.mk.

Работник на ЈКП „Водовод“ од Кочани вчераутро сНАе здобил со тешки телесни повреди при пад од височина додека работел на мостот на Кочанска Река.

Од Итната медицинска помош случајот бил пријавен во полиција, а според првичните информации, 55-годишниот работник паднал околу осум часот додека извршувал работни задачи на улицата „Лазар Андонов“.

За несреќата се известени јавен обвинител и трудов инспектор, а увид извршила полицијата.

The post РАБОТНИК НА „ВОДОВОД“ ПАДНА ОД МОСТ ВО КОЧАНИ Тешко е повреден appeared first on plusinfo.mk.

Скопјанка завршила со тешки повреди откако паднала по скали на своето работно место во Гинеколошко-акушерската болница Чаир.

Од Ургентниот центар во Скопје пријавиле во полиција дека кај нив била донесена С.Ј.Т. (33), која се здобила со сериозни повреди во несреќата што се случила околу 13:30 часот.

Според информациите, жената паднала по скали додека била на работа во болницата.

За случајот бил известен и трудов инспектор, а надлежните институции го испитуваат инцидентот.

The post НЕСРЕЌА ВО СКОПСКА БОЛНИЦА Тешко повредена жена по пад од скали appeared first on plusinfo.mk.

Четириесет и едногодишна жена од Охрид со тешки повреди завршила на лекување во Клинички центар Скопје откако била повредена на работното место во фабрика.

Според првичните информации, несреќата се случила во текот на ноќта, по што жената најпрво била пренесена во специјалната болница Св. Еразмо. Поради сериозноста на повредите, лекарите одлучиле таа итно да биде транспортирана во Скопје.

Случајот бил пријавен во СВР Охрид, а полицијата заедно со трудовата инспекција презема мерки за да се утврдат околностите под кои настанала несреќата.

The post НЕСРЕЌА ВО ФАБРИКА ВО ОХРИД Работничка со тешки повреди итно префрлена во Скопје appeared first on plusinfo.mk.

СВР Охрид поднесе кривична пријава против сопственик на фирма од Охрид и против самата компанија, поради сомнение дека со сериозни пропусти во работните услови директно придонеле за смртта на 28-годишниот Кристијан Љушев.

Кривичната пријава е поднесена против С.М. (43), сопственик и управител на правниот субјект, поради сомнение за кривично дело „повреда на правата од работен однос“.

Според полицијата, Љушев не бил пријавен како вработен, ниту бил здравствено и пензиско осигуран, иако извршувал работни задачи на градилиште изложено на сериозни опасности. Тој работел како помошник монтер, без претходна обука за безбедност и здравје при работа и без задолжителен лекарски преглед по медицина на трудот.

Дополнително, сопственикот му дозволил пристап до високоризично работно место, без соодветни упатства и без преземени основни мерки за заштита.

Трагедијата се случи на 12 јануари 2026 година, околу 15 часот, кога Кристијан Љушев падна од петти кат во окно од лифт во зграда која била во изградба во Охрид.

По падот, тој бил итно пренесен со возило на Итна медицинска помош во Специјалната болница за ортопедија и трауматологија „Св. Еразмо“, каде лекарите се обиделе да го реанимираат, но повредите биле фатални.

„Лекар констатирал смрт, а увид на местото на настанот извршиле јавен обвинител и увидна екипа на СВР Охрид“, информираа од полицијата.

Истрагата треба да утврди целосна одговорност за условите под кои работел младиот охриѓанец, кој во јавноста беше познат како снимател, фотограф и продуцент.

ТРАГИЧНО НАСТРАДА МЛАД ОХРИДСКИ ФОТОГРАФ, СНИМАТЕЛ И ПРОДУЦЕНТ Кристијан Љушев паднал од зграда во изградба

The post КРИСТИЈАН ЉУШЕВ РАБОТЕЛ БЕЗ ОСИГУРУВАЊЕ И БЕЗ ОБУКА Поднесена кривична за газдата и фирмата по смртта на починатиот снимател appeared first on plusinfo.mk.

Додека работел на градилиште кај локалните селски гробишта, 37-годишен маж починал од струен удар во Соколарци, општина Чешиново‑Облешево.

Несреќата се случила во вторникот наутро, околу 8 часот, за време на изведување градежни активности.

Според информациите од полицијата, станува збор за жител на селото со иницијали С.М.

Лекарска екипа од Итната медицинска помош излегла на терен, но само можела да ја констатира смртта.

The post 37-ГОДИШЕН РАБОТНИК ЗАГИНА ОД СТРУЕН УДАР Работел на градилиште кај селските гробишта во Соколарци appeared first on plusinfo.mk.