Во лекувањето на одредени пациенти учествувале од три, шест до осум стручни медицински лица, не може да се бара индивидуална одговорност, истакна на денешното сослушување во Основниот кривичен суд во Скопје техничкиот советник на првообвинетиот, доктор Владимир Даниловски, за случајот „Онкологија“, кој се води против поранешниот директор на Клиниката за онкологија, Нино Васев, и уште двајца онколози, обвинети за несовесно лекување пациенти.

Даниловски, одговарајќи на директни прашања од одбраната, укажа дека по дополнителни увиди во целокупната документација за лекувањето на поедини пациенти, утврдил дека вештото лице на Обвинителството – доктор Маја Радник од Словенија не располагала со целокупната медицинска документација за лекувањето кај повеќе пациенти.

Од 165 достапни документи за дадена терапија на еден конкретен пациент, Даниловски нагласи дека, на вештото лице Маја Радник ѝ биле дадени 60, додека кај друг пацинет не биле дадени медицински документации за 11 години лекување, туку само за последните неколку месеци.

Во својот исказ Даниловски посочи повеќе пациенти чие лекување почнало кај Мери Пешевска, која како второобвинета во предметот призна вина и судот ја осуди на две години условна казна затвор, но и пациенти што се лекувале кај други онколози или надвор од Клиниката за онкологија, како и дека во лекувањето на одредени пациенти учествувале од три до шест, а во некои случаи и осум стручни медицински лица.

Според Даниловски, не може да се направи изолирана проценка на лекување на пациентите, туку треба да се направи увид и проценка на уделот во лекувањето на сите онколози кои учествувале во лекувањето на пациентите, укажувајќи дека носењето терапевтски одлуки не било изолиран, туку континуиран клинички процес.

На прашање дали кај конкретна пациентка, д-р Нино Васев дал некоја од спорните терапии, Даниловски рече „да“, доктор Васев дал една терапија што вештакот ја посочува како спорна, но таа е продолжена и потоа од друг онколог во понатамошно лекување.

– Повеќегодишната тераписка контрола на болеста и повеќекратно подолгото преживување на пацинетот не одат во прилог на тврдењето дека дадената терапија била штетна и придонела кон конкретна токсична реакција, оштетување на органи и скратување на животниот век… – изјави Даниловски.

Даниловски, во своето излагање за сите пациенти на Нино Васев чија медицинска документација била предмет на вештачење, рече дека „не е докажана директна причинско – последична врска меѓу конкретно медицинско постапување на доктор Никола Васев и применета терапија и исходот кај пациентите“, како и дека од увидот во целокупната документација „не произлегува дека Васев донел одлука за примена на некоја од терапиите кои вештото лице Маја Радник ги посочува како спорни“.

Според Даниловски пациентите имале и неколку пати подолго од просечното реално очекувано преживување, кај така сериозна и напредна форма на карцином.

Според одбраната, од вкупно 31 пациенти што му се ставаат на товар на Нино Васев, тој учествувал во лекувањето само на 6 пациенти. Од 35 лекари на Клиниката, дури 28 учествувале во лекувањето на овие пациенти, што според одбраната покажува дека не може да се бара индивидуална одговорност за лекувањето на вака сложена болест.

Бранителот на Васев, адвокат Боби Спирковски, во изјава за медиумите на пауза од денешното рочиште, посочи дека д-р Мери Пешевска, која призна вина за злоупотреба на печатите, учествувала во лекување на дури 22 од овие пациенти и ќе биде повикана како сведок во Судот.

Судот, на почетокот на денешното рочиште ги прифати вештачењата изработени од доктор Марија Здравевска и нејзино испитување, предложено од одбраната на д-р Симонида Црвенковска и д-р Драган Јакимовски.

Случајот го води судијката Снежана Марковска, а застапник на обвинението е јавната обвинителка Марија Ѓоргева од ОЈО  Скопје.

Во процесот поранешниот директор на Клиниката за онкологија, Нино Васев и уште двајца онколози – Симонида Црвенкова и Драган Јакимовски, вработени на Клиниката, се обвинети за Несовесно лекување пациенти. Постапката почна против уште еден онколог, второобвинетата Мери Пешевска, која призна вина и судот ја осуди на две години условна казна затвор. Обвинението ги товари лекарите за продолжени тешки дела против здравјето на луѓето и несовесно лекување, при што кај вкупно 47 пациенти биле применети неподобни терапии, со отстапувања во дозирањето и без соодветна процена на здравствената состојба.

The post ЕДЕН ОНКОЛОШКИ ПАЦИЕНТ ГО ЛЕКУВАЛЕ И ДО 8 ЛЕКАРИ, НЕ МОЖЕ ДА СЕ БАРА ИНДИВИДУАЛНА ОДГОВОРНОСТ Одбраната изнесува свои аргумети на судењето за „Онкологија“ appeared first on plusinfo.mk.

The post ВЕШТАК НА СУДЕЊЕТО ЗА „ОНКОЛОГИЈА“ ПРЕДУПРЕДУВА Мора точно да се докажe дали имало причинско-последична врска меѓу лекарска одлука и резултатот appeared first on plusinfo.mk.

Со сослушување на сведоци предложени од Обвинителството, денеска во Основниот кривичен суд Скопје, продолжи судењето против поранешниот директор на Клиниката за онкологија Нино Васев, кој заедно со уште двајца онколози е обвинет за несовесно лекување пациенти.

Пред Судот беа сослушани тројца оштетени сведоци, законски застапници на починати пациенти, кои зборуваа за лекувањето и конкретната терапија на Клиниката за онкологија.

Двајца денеска сослушани сведоци во случајот „Онкологија“ најавија отштетено побарување и се приклучија на кривичниот прогон, додека еден рече дека ниту бара отштета, ниту се се приклучува кон кривичниот прогон, нагласувајќи дека дури е благодарен на доктор Нино Васев.

Првиот сведок, чија сопруга била пациент на Нино Васев на Онкологија, одговарајќи на прашања од обвинителката Ана Гоговска Јакимовска, рече дека во 2013 била оперирана во приватна болница и девет години била добра, но повторно се појавил проблем за кој требало да се вршат испитувања во Турција или Словенија.

– Се одлучивме за болницата Коч, во Турција. Закажавме преглед, кажаа дека е во прогрес и дека треба што поскоро да почне со хемотерапија. Ни рекоа да чекаме шест месеци, и бевме во дилема. Се вратиме во Македонија со целата дијагноза и терапија што требаше да се прима. Дојдовме до врска до доктор Нино, не прими, рече дека може таа терапија и кај нас да ја давам, што не се турски. Рече дека може веднаш да се почне со терапија – изјави сведокот.

Сведокот рече дека на 21 ден ја носел да прими хемотерапија, како и неколку зрачења и витамински терапии.

– Првото зрачење требаше да биде четири дена, но по првото рекоа дека нема потреба. Не викнаа во канцеларија докторот Васев и Мери беше, рекоа во ред е не се плашете, таква е терапијата – појасни сведокот.

Но, како што рече сведокот, состојбата се влошувала и правеле и други консултации, дури биле повторно и во Турција, но немало ефект.

Другиот сведок, чија сопруга, исто така, била пациент на Онкологија, кај Нино Васев од 2007-8 година.

-Во 2005 година и беше констатиран рак на дојка. Иако беше свесна, не сакаше да прима терапии. Некоја година подоцна, јас инсистирав нешто да се преземе, меѓутоа не можеше да се најде, па се насочивме повеќе на храна и алтернативни методи. Користевме разни методи, но немаше некое посебно влошување поради што сметавме дека сме на вистински пат – изјави сведокот.

Тој рече дека барал доктор кај кого можел да се лекува, па го упатиле кај Нино Васев.

– До 2017 немаше никакви влошување дури и смалување. Мислевме дека готово, се заврши работата, меѓутоа есента 2017 ја скрши раката. За кратко време се зголеми многу туморот и требаше да се направи операција. Се оперираше во приватна болница, по што беше на хемотерапија и сите анализи покажаа дека нема веќе ништо, се е исчистено – рече сведокот.

Кон 2020 година, сведокот рече дека повторно почнала да чувствува рекации и по предлог на доктор Нино Васев, направиле снимање на глава, бидејќи почнал да и се менува говорот.

– На магнетна резонанца се покажа некое топче во главата. Во 2021 беше оперирана на тумор на главата. Операцијата не беше многу успешна и за кратко време се повтори. За цело време примаше терапија, но ништо не и помагаше. Имаше и зрачење и ништо, изјави сведокот.

Сведокот рече дека е многу благодарен на доктор Нино Васев, што со неговата терапија и помош, неговата сопруга успеала да дочека дипломирање на синот и дури да прошетаат низ Европа.

– Мое лично мислење е дека многу пократко ќе завршеше нејзиниот живот ако останеше да се лекува како претходно. Не се приклучувам на кривичен прогон, напротив – изјави сведокот.

Последниот сведок, чиј татко бил пациент кај Нино Васев на Клиниката за онкологија во 2021 година, кажа дека цело време бил со него и знае за терапијата што ја примал.

– Кога почна со терапијата во октомври, почна со хемотерапија и имунотерапија. Тоа траеше до декември, потоа во јануари отиде на зрачење, по што продолжи да прима терапија до јуни-јули 2022 година. Како што минуваа месеците, тој беше се послаб и послаб. Освен кога имаше зрачење на мозокот и примање на инфузија за мозокот имаше подобрување, можеше да движи и збори. Без таа терапија манитол немаше ориентација, беше поспан и му се вртеше – изјави сведокот.

Случајот се наоѓа во доказна постапка и го води судијката Снежана Марковска.

Следното рочиште е на 9 февруари, за кога, како што е најавено, ќе треба да се почне со сослушување на вешти лица од Словенија, кои ги работеле медицинските вештачења за Обвинителството. За сослушување на вештите лица од Словенија се закажани повеќе рочишта во февруари.

Согласно најавената динамика, кон крајот на март, ќе треба да се почне со сослушување на вешти лице од Србија, кое, исто така, работеле медицински вештачења на Обвинителството.

Поранешниот директор на Клиниката за онкологија Нино Васев, заедно со уште двајца онколози Симонида Црвенкова и Драган Јакимовски, вработени на Клиниката за радиотерапија и онкологија Скопје, се обвинети за несовесно лекување пациенти. Постапката започна против уште еден онколог, второобвинетата Мери Пешевска, која призна вина пред Судот, по што Судот ја осуди на две години условна казна затвор.

Обвинението ги товари лекарите за продолжени „тешки дела против здравјето на луѓето“ и „несовесно лекување“, при што кај 29 пациенти биле применети неподобни терапии, со отстапувања во дозирањето и без соодветна проценка на здравствената состојба.

Покрај ова, против Васев и поранешниот економски директор на Клиниката е поднесено уште едно обвинение за злоупотреба на службена положба и проневера, со штета од над 2,2 милијарди денари на државниот буџет.

The post СОСЛУШАНИ СВЕДОЦИ ЗА СЛУЧАЈОТ „ОНКОЛОГИЈА“ Судењето продолжува со искази на роднини на пациенти appeared first on plusinfo.mk.

Во Основниот кривичен суд Скопје, денеска, со сведоци на Основното јавно обвинителство продолжи судењето против поранешниот директор на Клиниката за радиотерапија и онкологија Скопје, Нино Васев и тројца онколози, кои се обвинети за несовесно лекување пациенти.

Сведокот Јулија Мациевска, мајка на починатата Адријана Начевска, одговарајќи на прашања од Обвинителството ја раскажа голготата која нејзината ќерка ја поминала откако започнала со лекување на Клиниката за онкологија во септември 2020 година.

На прашање дали на нејзината ќерка ѝ биле правени испитувања пред примање на терапијата, Мациевска рече дека ѝ била направена само крвна слика, но никогаш не ѝ била измерена телесната тежина. На прашањето кога за првпат забележала дека ѝ се влошува здравствената состојба на нејзината ќерка, Мациевска рече „откако почна да прима имунотерапии“.

– Додека ги примаше хемотерапиите имаше навистина тешки состојби, буквално експлозија на организмот… На Адријана никогаш не ѝ беше измерена телесната тежина, сега прочитав дека тоа морало да се направи. Секако дека јас алармирав за состојбата, бидејќи имав телефон и од Нино и од Мери, но одговорите беа дека тоа е нормално после секоја терапија и дека ќе ѝ помине. Адријана толку многу веруваше што кога ќе отидевме на Онкологија ние во доктор Нино гледавме господ. Не можам да кажам дека тие на почетокот не беа љубезни. Ги истуркавме хемотерапиите некако и таа се крена, дури и подготви цела изложба, сѐ додека не почнаа тие имунотерапии – рече Мациевска.

Со секоја следна имунотерапија, додаде, симптомите беа сè посилни, но, и покрај нејзините реакции Васев продолжил со давање имунотерапии, нагласувајќи дека тоа е „превентивно и е најприродна биолошка терапија“.

– Доктор Нино рече дека ќе продолжиме со имунитерапии превентивно и дека тоа е најприродна биолошка терапија. Уште по првата терапија Адријана имаше реакција која што не беше добра, им кажав дека не е добра… Со секоја следна симптомите ѝ беа и тоа како силни, јас реагирав постојано дека мора да се прекине со тие имунотерапии… Кога првпат отидовме на Гастро, докторот таму ми вика „дали вие знаете каква е состојбата на вашето дете, таа не е добро, црниот дроб е оштетен и има вештачки метастази од неадекватна терапија – сведочеше Мациевска.

Таа додаде дека на Клиниката за гастроентерохепатологија ѝ било посочено дека тие вештачки метастази се добиваат од неадекватна терапија.

Понатаму, сведокот се осврна кон карактерните особини на Васев, нагласувајќи дека во текот на лекувањето заедно со нејзината ќерка положувале силна доверба кон него.

– Нино Васев има една црта што изгледа ноншалантно и авторитетот го наметнува на свој начин, а кога ќе сака да си ја тргне одговорноста, прави шеги и ќе ти го одвлече вниманието. На почетокот верувавме, но како мајка која е многу свесна, едноставно јас го прашувам нешто сериозно, а тој го одбегнува моето прашање. Моето дете сакаше и веруваше дека ќе биде добра… Од оваа дистанца, Нино Васев мртов ладен се слика со нас, ни кажува вицови за некоја плавуша во Драчево, но тоа мене не ме интересира кога детето ми е болно и во лоша здравствена состојба. Последната недела кога се боревме ги немаше никаде и Нино и Мери… Таа не умре од канцер на дојка, туку ја убија со тие хемии. Мене пари не ми требаат, јас го изгубив моето дете, ќе бараме материјална оштета и ќе ја донирам. Се приклучувам и кон кривичниот прогон, затоа што знаел што прави, но некаде по пат ја изгубил човечноста – сведочеше Мациевска.

Денешното рочиште продолжи без второобвинетета Мери Пешевска, која призна вина.

Васев и двајца обвинети онколози, Симонида Црвенкова и Драган Јакимовски, сите вработени на Клиниката за радиотерапија и онкологија Скопје, на минатото рочиште пред Судот негираа дека се виновни.

Васев на минатото рочиште пред Судот рече дека не се чувствува за виновен и реагираше дека „се дозволило во постапката да биде вешто лице што тој го сменил од директор на Клиниката во 2017 година“. Според неговата одбрана, пак, против Васев се води „некој вид на заговор“ и најави дека во целост ќе се спротивстават и ќе ги побијат доказите на Обвинителството преку основани и цврсти докази, вклучително и вештачења и вербално сослушување на докторите од Србија и од Словенија, кои ги изработиле вештачењата на Обвинителството.

Судскиот процес го води судијката Снежана Марковска.

Обвинението ги товари лекарите за продолжени тешки дела против здравјето на луѓето и за несовесно лекување, при што 29 пациенти примоле неподобни терапии, со отстапувања во дозирањето и без соодветна проценка на здравствената состојба.

Покрај ова, против Васев и поранешниот економски директор на Клиниката е поднесено уште едно обвинение за злоупотреба на службена положба и проневера, со штета од над 2,2 милијарди денари на државниот буџет. Судењето за овој предмет ќе почне в петок.

The post ЌЕРКА МИ АДРИЈАНА НЕ УМРЕ ОД РАК НА ДОЈКА, ТУКУ ОД ИМУНОТЕРАПИИТЕ Докторот Васев тврдеше дека таа терапија не ѝ пречи, сведочеше мајка на судењето за Онкологија appeared first on plusinfo.mk.

На 5 септември во Кривичниот суд ќе почне судењето за предметот „Онкологија“ во кое првообвинет е поранешниот директор на Клиниката за Онкологија, Никола Васев, како и четворица лекари, второобвинетата Мери Пешевска, третообвинетата Симонида Црвенкова и четвртообвинетиот Драган Јакимовски. Првите двајца се товарат дека извршиле продолжени Тешки дела против здравјето на луѓето и Несовесно лекување болни, а останатите двајца за Несовесно лекување болни и тоа како продолжено дело.

Судењето требаше да почне денеска, но судијата Снежана Марковска го одложи поради болест на докторката Мери Пешевска. Нејзиниот адвокат Јовица Страшевски рече дека таа има медицинска потврда за болеста, дека добила стомачен вирус и температура и најави дека редовно ќе се појавува на следните рочишта.

Адвокатот Владимир Туфегџиќ, кој ја застапува лекарката Симонида Црвенкова побара издвојување на доказ прибавен на незаконит начин. Тој рече дека вештачењето за лекувањето на онколошките пациенти, изготвено од Словенија, е изработено од лекар кој не е овластен вештак, односно не е заведен во регистарот на вештаци на Словенија. Тој поднесе и листа со докази.

Листа со докази поднесоа и адвокатите на првообвинетиот, Никола Ставрев и Мартин Митревски. И бранителите на Васев до Судот доставиле дополнителен доказ, со кој, како што наведоа, се докажува дека лицето Маја Радник, која го изготвила вештачењето, нема статус на лице судски вештак во Словенија.

– Сметам дека доказите обезбедени од Обвинителството кои се однесуваат на вештачење од Словенија треба да бидат издвоени и да не бидат ценети во постапката – реагираше адвокатот.

Обвинителката Ана Гоговска Јакимовска, на барање на судијата, се произнесе дека ѝ е потребно дополнително време да ги проучи доставените докази од одбраната.

– Можам да се изјаснам за предлогот за издвојување на доказите, тоа се однесува на вештачењата на медицинските досиеја изготвени во Србија и во Словенија. Ќе истакнам дека обвинителниот акт ја има поминато фазата на оценка и Судот оценил дека дадените приговори се беспредметни. Не е јасно зошто сега се поднесува. Судот ги цени прописите за меѓународна правна соработка и помош. Јасно е дека замолената држава, која е замолена да изготви експертски вештачења, постапува по својот правен систем, а јас не сум арбитер. Постапката за прибавување на вештачењата е во согласност со Законот за меѓународна соработка и со билатералните договори со Србија и со Словенија. Во билатералниот договор со Словенија е наведено дека нашата држава може да побара вештачења како дел од меѓународна правна помош. Замолницата и списите се доставени до Министерството за правда во Словенија, па во судот во Марибор, па е составена Комисија на Медицинскиот факултет во Марибор, а вештачењерто е изготвено од д-р Маја Радник, специјалист за интернистичка медицина. Еден од принципите на меѓународната правна помош е довербата меѓу државите дека таа ќе се врши на законит начин. Овде не се спори вештачењето, туку процедурата. Овие претставки од адвокатите се беспредметни, дотолку повеќе што е помината фазата на оценка на обвинителниот акт – рече обвинителката.

По ова изјаснување бранителот Туфегџиќ рече дека останува на барањето.

– Да прецизирам дека овој доказ е обезбеден во текот на вчерашниот ден и не сум во можност да интервенирам во оваа фаза, по оцената на обвинителен акт. Но, бидејќи обвинетата Симонида Црвенкова е опфатена во предметот со обвинителен предлог, кој не е оценет, предлагам на Судот, доколку одлучи да не донесе решение, оваа забелешка да ја има в предвид и овој доказ да го цени – рече тој.

Бранителот на Васев рече дека обвинителката со флоскули бега од вистината.

– Станува збор за доказ прибавен од Министерството за правда на Словенија, каде министерството децидно се произнесува дека лицето со тие генералии не е лиценциран вештак, нема лиценца од Словенија. Тој доказ постојано му е посочуван на ЈО, за оваа околност имаше полни 3 месеци да ја утврди оваа состојба. Која е целта и смислата на тоа постоење ќе видиме во оваа судска постапка. Конечно излеговме од канџите на Обвинителството во однос на вината – рече адвокатот Митревски.

На ова обвинителката одговори дека одбраната доставила само испис од регистар.

– Притоа наведуваат дека тоа е незаконито, а не доставуваат таков доказ. Само дека лицето не е во регистар на вешти лица, а не ни треба да биде – рече таа.

Адвокатот Александар Тумановски рече дека не им се дадени доказите за четвртообвинетиот лекар Драган Јакимовски, туку само вештото мислење од Србија, а дадено му е и економско вештачење кое не се однесува на неговиот клиент.

– Барам да ми бидат доставени и три досиеја на пациенти. Го задржувам правото да поднесам дополнителна листа на докази – рече Тумановски.

Тој ги наведе имињата на трите пациенти за кои ги бара досиејата, а кои се однесуваат на обвинението против Јакимовски, за да се изготви вештачење.

Адвокатот Страшевски се изјасни дека се приклучува кон барањата на останатите бранители.

– Сакам да наведам дека сами го подигнавме обвинителниот предлог, откако дознавме дека веќе е во постапка во Судот. Барам да ни бидат доставени досиејата за 7 пациенти, кои се дел од предметот за мојот клиент. Ние во распит имаме дадено искази и за други пациенти. Дали може ЈО на УСБ да ни ја достави целата листа на докази, таму има и изјави, трошковници итн, затоа што ние имаме добиено само вештачење од Словенија. Во оваа фаза пред отпочнување на постапката, да ги разгледаме и ние да се произнесеме – рече Страшевски.

Адвокатот Никола Ставрев, рече дека праксата покажува дека судот може да отфрли обвинителен акт и без да се впушти во оцена на доказите и истакна дека останува кон истакнатиот приговор.

– Доказот кој го обезбедивме и го доставивме на 10 јули е обезбеден на барање на обвинетиот Никола Васев. По формално барање до Министерството за правда на Словенија, секретарот на министерството, јасно и прецизно, во формално известите до одбраната известува дека во евиденцијата на регистарот на вешти лица не е евидентирано вешто лице Маја Радник. Ова лице нема статус на судски вештак. Сметам дека доказите обезбедени од ЈО, кои се однесуваат на вештачење во Словенија, треба да бидат издвоени од постапката и да не бидат ценети – рече тој.

По ова обвинителката до Судот достави усб стик, на кое се сите докази од листата докази на обвинението против четворицата обвинети, како и усб стикови со доказите кои се однесуваат на обвиненијата на секој обвинет поединечно. Судот им ги врачи на бранителите на обвинетите.

– Со оглед дека со поднесоците на првообвинетиот и третообвинетата и со наводи на записникот и од одбраната на второобвинетата и четвртообвинетиот се бара од Судот да издвои закони што се на незаконит начин, потребно е време за Судот да размисли за сите барања. Го прифаќам барањето за одлагање на денешното рочиште поради болест на една обвинета. Главната расправа се закажува за 5 септември во 10 часот – рече судијката.

Потоа судењата ќе продолжат на 10 септември, на 17 септември, на 1 октомври и на 8 октомври. На секое рочиште ќе се испитуваат по 5 сведоци, односно законски застапници на починати и оштетени лекувани пациенти

Во обвинителниот акт е наведено дека со медицинските вештачења е утврдено дека кај 29 пациенти првообвинетиот применил очигледно неподобен начин на лекување и спротивно на тековните онколошки упатства, со отстапувања во дозирањето и во фазата на лекување, давал лекови од новите генерации на таргет и имунотерапија со што тешко го нарушил здравјето на пациентите. Во дел од случаите ова му било овозможено од втората обвинета која му ставила на располагање свој факсимил, со кој одобрувал и препишувал терапија и свое корисничко име и лозинка, со кои радолжувал терапија во ХИС системот на Јавна здравствена установа Универзитетска клиника за онкологија и радиотерапија.

Во случајот „Онкологија“, Јавното обвинителство поднесе уште едно обвинение кое сè уште е на оценување во Кривичниот суд, и се однесува за економското работење на Клиниката, во кое првообвинет, исто така, е поранешниот директор Васев, заедно со поранешниот економски директор на Клиниката, Нехат Нухиу.

The post ОДЛОЖЕНО СУДЕЊЕТО ЗА „ОНКОЛОГИЈА“ ПОРАДИ БОЛЕСТ НА ОБВИНЕТА ЛЕКАРКА Адвокатите го оспорија вештачењето од Словенија, процесот ќе почне на 5 септември appeared first on plusinfo.mk.

Станува збор за 19-годишна девојка со ниско малигнен лимфом, за која има сомнеж дека починала како резултат на лекарска грешка и несовесно лекување. За случајот е извршен и вонреден инспекциски надзор.

Државниот санитарен и здравствен инспекторат (ДСЗИ) иницирал стручен надзор до Лекарската комора на 13 јули 2022 година, но сѐ уште не е познато дали Комората формирала Комисија за овој случај.

– Извршен е вонреден инспекциски надзор на ЈЗУ Универзитетска клиника за хематологија, по добиена анонимна претставка за несовесно лекување и непочитување на современите медицински протоколи кај пациентка што резултирало со смртен исход. Извршен е увид во медицинската документација, која уредно се води и е инициран стручен надзор. Истовремено, одговорното лице е задолжено со решение да ја спроведе мерката свикување состанок на Комисијата за квалитет, која ќе изврши проценка на медицинската постапка и ќе изготви извештај – објаснува Ирина Бухова, директорка на Државниот санитарен и здравствен инспекторат.

Како што додава таа, Клиниката за хематологија постапила по решението и Комисијата за квалитет подготвила извештај кој го доставила до ДСЗИ.

ДСЗИ нема законска можност да го оценува стручното работење на медицинскиот персонал, затоа иницира стручен надзор.

Директорката на Клиниката за хематологија Ирина Пановска-Ставридис, пак, одби да даде каков било коментар поврзан со овој случај.

Д-р Амзаи како кадар на политичката партија Алтернатива е новоназначен член на експертската Комисија за ретки болести, на Националниот комитет за хемофилија, како и на тендерски комисии кои одлучуваат за лекување пациенти.

Неговото име се поврзува со иницијативата за предвремено пензионирање на познати професори на Медицинскиот факултет, на кои им се закануваше кратење на правото да пружаат здравствена заштита и да едуцираат според законски пропишани норми. Како што е познато, овој случај заврши со тоа што некои професори добија право да продоложат со работа, а други се пензионираа.

The post ПРЕТСТАВКА ЗА Д-Р ГАЗМЕНД АМЗАИ ЗА НЕСОВЕСНО ЛЕКУВАЊЕ Дали смртта на 19-годишна девојка е лекарска грешка? appeared first on plusinfo.mk.