Мобилните уреди значително ги олеснија секојдневните обврски, како плаќањето сметки или договарањето со пријателите. Сепак, оваа практичност има и своја цена. Експертите сè почесто предупредуваат дека прекумерното користење мобилен телефон може негативно да влијае врз телото и умот, а последиците често не се забележуваат сè додека не станат посериозни, пишува  National Library of Medicine.

Несоница

Тешкотиите со заспивањето и неможноста да се опуштите често се поврзуваат со прекумерното користење телефон. Изложеноста на специфичната светлина од екранот може да го наруши природното производство на хормони кои го регулираат биолошкиот часовник. Експертите советуваат уредот да се остави порано и пред спиење да се направи пауза од екранот за полесно да се заспие.

Ширење бактерии

Користењето мобилен телефон на места како тоалети или болници може да доведе до пренесување бактерии на други површини што ги допирате потоа. Затоа се препорачува мобилниот да не се користи во такви средини и редовно да се чисти, бидејќи секојдневно го држиме во раце, што ја прави хигиената поголем предизвик.

Ризик од рак

Според извештај на Си-ен-ен, Светската здравствена организација предупредила на можен ризик од рак поврзан со прекумерната употреба на мобилни уреди. Зрачењето што го емитуваат уредите би можело да придонесе за развој на болести, па затоа се препорачува умерена употреба и избегнување на држење на уредот блиску до главата додека спиете.

Целиот текст прочитајте го ТУКА.

The post НЕ ГО ИСПУШТАТЕ МОБИЛНИОТ ОД РАЦЕ? Експертите предупредуваат на 19 сериозни здравствени последици appeared first on plusinfo.mk.

Близу една третина од возрасната популација има некаква форма на нарушување на спиењето, што може негативно да влијае на когнитивните функции, емоционалната благосостојба, квалитетот на животот и работната продуктивност, предупредуваат експертите по повод кампањата за Светскиот ден на спиењето.

Годинешното одбележување на Светскиот ден на спиењето е посветено на поврзаноста меѓу спиењето и кардиоваскуларните болести. Многубројни истражувања покажуваат дека хроничниот недостаток на сон, несоницата и опструктивната апнеја при спиењето можат да го зголемат ризикот од артериска хипертензија, коронарна болест на срцето, срцев удар и срцеви аритмии

Иако спиењето често се доживува како нешто сосема природно и едноставно, тоа претставува исклучително сложен и динамичен биолошки процес кој е од пресудно значење за здравјето на човекот. За време на животот, човек во просек поминува речиси една третина од времето спиејќи, што јасно покажува колку е важен сонот за правилно функционирање на организмот. Слично како храната, водата и воздухот, сонот е една од основните биолошки потреби и неопходен услов за живот.

Додека спиеме, нашиот организам не мирува – во тој период се одвиваат бројни процеси на обнова и регенерација. Мозокот обработува и складира информации, се зајакнуваат механизмите за учење и паметење, се регулира лачењето на хормоните, а имунолошкиот систем станува поефикасен во борбата против инфекции.

Научните докази укажуваат дека квалитетниот сон е од суштинско значење за физичкото и менталното здравје. Доволната количина квалитетен сон придонесува за зачувување на здравјето, ја зголемува отпорноста на организмот и го подобрува расположението, концентрацијата и работната способност. Наспроти тоа, хроничниот недостаток на сонот или неговиот лош квалитет може да го зголеми ризикот од бројни здравствени проблеми, вклучувајќи ја дебелината,

дијабетесот, кардиоваскуларните болести, како и нарушувања на расположението и когнитивните функции. Поради тоа, денес сонот се препознава како еден од трите значајни фактори за здрав начин на живот, заедно со правилната исхрана и редовната физичка активност. Грижата за квалитетен сон претставува важен чекор кон зачувување на здравјето, подобро функционирање во текот на денот и вкупениот квалитет на животот.

Здравиот сон е оној кој го обновува човекот и му дава енергија – да се чувствува буден, динамичен и енергичен во текот на целиот ден. Потребата за повеќечасовното спиење е во голема мера генетски предодредена, но многубројни истражувања покажуваат дека просечното траење на спиењето неопходно за возрасна личност изнесува меѓу 7 и 8 часа непрекинат сон.

Светскиот ден на спиењето претставува меѓународно признат настан кој го организира Светската организација за спиење, со цел да се подигне свеста за значењето на здравиот сон. Овој ден ги поврзува истражувачите, здравствените работници, пациентите и пошироката јавност во заеднички активности и напори за подобро разбирање на значењето на квалитетниот сон за зачувување на здравјето и благосостојбата.

Светскиот ден на спиењето се одбележува во петок пред пролетната рамноденица. Датумот варира секоја година, но обично паѓа во средината на март. Датумот се избира така што се совпаѓа со пролетната рамноденица, што укажува на важноста на редовниот и урамнотежен образец на спиење, сличен на рамномерната должина на денот и ноќта за време на рамноденицата. Во 2026 година Светскиот ден на спиењето се одбележува во петок, 13 март, под слоганот „Спиј добро – живеј подобро“.

The post НЕСОНИЦАТА ГО ЗГОЛЕМУВА РИЗИКОТ ОД КАРДИОВАСКУЛАРНИ БОЛЕСТИ Светски ден на спиењето – Спиј добро, живеј подобро appeared first on plusinfo.mk.

Речиси 70 отсто од испитаните македонски граѓани користат телефон или екран пред да заспијат, а повеќе од 40 отсто се соочиле со проблеми во спиењето во последниве три месеци. Повеќе од 63 отсто од испитаниците се изјасниле дека спијат од 5-7 часа во текот на ноќта, 11,6 отсто спијат помалку од 5 часа, додека 22,8 отсто спијат од 7 до 9 часа.

Ова се дел од резултатите од анонимната онлајн анкета спроведена од ЈЗУ Универзитетска клиника за психијатрија во периодот од 2 до 6 март 2026 година, на која одговориле 491 испитаници. Анкетата е спроведена по повод месец март, кој Европското здружение за истражување на спиењето го има прогласено за месец за подигнување на свеста за спиењето, под мотото „Спиј добро, живеј подобро“.

Според резултатите од анкетата, 44,6 отсто од испитаниците би сакале повеќе информации или стручна поддршка за подобрување на квалитетот на спиењето, а речиси ист е процентот (42,2 отсто) на испитаници кои се изјасниле дека само понекогаш се чувствуваат одморено кога ќе се разбудат. Третина од испитаниците се изјасниле дека се чувствуваат одморено, а 24 отсто ретко се чувствуваат одморено по будењето. Најголем процент од испитаниците сметаат дека сонот влијае врз нивното расположение (71 отсто), концентрација (64 отсто) и работна ефикасност (63,3 отсто).

Како што информираат од Клиниката за психијатрија, овие резултати укажуваат на тоа дека голем дел од граѓаните се соочуваат со проблеми во овој сегмент и имаат потреба од повеќе информации и стручна поддршка за подобрување на спиењето.

Иницијативата има за цел да ги охрабри сите индивидуи и здравствени работници да му дадат приоритет на здравјето на спиењето, а Универзитетската клиника за психијатрија се приклучила кон оваа иницијатива, преку едукација на граѓаните и нудење помош за подобрување на квалитетот на спиењето.

– Целта е да се укаже на важноста на спиењето во однос на здравјето како општа благосостојба, да се укаже на последиците од недоволно спиење и да се зборува и за растројствата на спиење и начините на лекување. Недостигот на спиење наредниот ден ги нарушува нашите егзекутивни функции, намалена е концентрацијата, забавен е мисловниот процес и успорена е психомоториката, па често може да се погреши во проценката на одредена ситуација (возење, управување со машина и др.). Секако дека сите овие состојби, ако се долготрајни, како хронична несоница или потешкотии со заспивање и одржување на спиењето можат да доведат и до анксиозни состојби, па дури и до депресија – вели проф. д-р Ненси Манушева од Универзитетската клиника за психијатрија.

Фокусот на Европското здружение за истражување на сонот годинава е ставен на промовирање здрави навики за спиење кај децата, имајќи предвид дека спиењето е основа за правилен раст, учење и емоционална благосостојба. Со оглед на сè поголемите предизвици како што се прекумерната стимулација, нередовниот дневен распоред и користењето екрани во вечерните часови, иницијативата има за цел да ги охрабри и поддржи семејствата, наставниците и здравствените работници да му дадат приоритет на здравјето на детското спиење.

Според проф. д-р Стојан Бајрактаров од Универзитетската клиника за психијатрија, спиењето не е само одмор, туку основа на физички развој, когнитивно созревање и емоционална регулација кај децата.

– За време на спиењето, мозокот ги консолидира новите знаења, се лачат хормони клучни за растот, а нервниот систем се обновува. Но, не е важно само колку детето спие, туку и кога и како. Истражувањата покажуваат дека децата со конзистентни рутини пред спиење имаат подобар квалитет на сон, повисока емоционална стабилност и подобри резултати во учењето. Рутината – читање, тивок разговор, намалување на стимулации, му сигнализира на мозокот дека е време за одмор. Кога децата спијат добро, тие растат, учат и напредуваат. Здравиот сон не треба да е привилегија, туку инвестиција во здравјето и иднината на децата – вели проф. д-р Бајрактаров.

Како дел од европскиот месец за подигнување на свеста за спиењето, денеска се одржува „Ден во пижами“ (Pyjama Day), иницијатива која ги повикува учесниците да одат во пижами на работа, на училиште или на локални настани. Овој неформален пристап испраќа пораката дека спиењето е основа за здравјето и благосостојбата, а подобрувањето на навиките за спиење носи придобивки за сите – и за децата и за возрасните.

The post МАКЕДОНЦИТЕ ЗАСПИВААТ СО ТЕЛЕФОНОТ ВО РАКА Повеќе од 40% се соочиле со проблеми во спиењето appeared first on plusinfo.mk.

Студија за едно од најчесто користените помагала за спиење предизвика загриженост кај научниците поради можната поврзаност со долгорочните здравствени ризици. Прелиминарна анализа на возрасни лица со несоница покажала дека оние кои земале мелатонин повеќе од една година имале поголем ризик од срцеви проблеми. Студијата опфатила повеќе од 130.000 возрасни лица од неколку земји и била презентирана на научниот собир на Американското кардиолошко здружение.

Резултатите покажуваат дека луѓето на кои им бил препишан мелатонин долгорочно имале 89 проценти поголем ризик од затајување на срцето во текот на период од пет години, а исто така имале речиси двојно поголем ризик од смрт од која било причина во споредба со луѓето кои не земале мелатонин.

Сепак, авторите на студијата нагласуваат дека резултатите се прелиминарни и не ги менуваат моменталните здравствени препораки. Наодите не докажуваат дека мелатонинот предизвикува срцеви проблеми, но укажуваат на потребата од повеќе истражувања за да се процени безбедноста на долготрајната употреба.

Мелатонинот е хормон природно произведен од мозокот кој го регулира внатрешниот часовник на телото. Додатоците на мелатонин ги имитираат ефектите на овој хормон и често се земаат навечер за да помогнат при заспивањето и одржувањето на сонот.

Експертите генерално веруваат дека мелатонинот е безбеден за краткотрајна употреба, обично еден до два месеци, кај лица кои не се бремени или дојат. Меѓутоа, истражувањата за долготрајна употреба и неговите можни ефекти се сè уште ограничени.

Според американскиот научник Екенедиличукву Нади, додатоците на мелатонин можеби не се толку безопасни како што често се претпоставува.

– Доколку нашите резултати се потврдат, ова би можело да влијае на начинот на кој лекарите ги советуваат пациентите за користење на средства за спиење – истакнал тој.

Во САД, но и кај нас и во многу други земји, мелатонинот може да се купи без рецепт, што значи дека многу луѓе го земаат без медицински надзор, вклучувајќи препораки за дозирање и времетраење на употреба.

Имено, мелатонинот е достапен без рецепт во аптеките, дрогериите и онлајн продавниците и се продава во форма на таблети, капсули, спрејови или капки. Најчесто содржи пониски дози на мелатонин и се продава како додаток во исхраната.

Помама по мелатонин

За помамата за мелатонинот кој може да направи хаос во телото, хрватската докторка, м-р Вјера Матковиќ Ферери, специјалист по психијатрија и неврологија, единствениот со оваа двојна титула во Хрватска, а воедно и искусен сомнолог, зборува за Živim.hr.

– Мелатонинот го лачи епифизата, мал орган сместен длабоко во мозокот, кој се активира во темница. Исто така се нарекува хормон на темнината, или дури и хормон на грофот Дракула, бидејќи се лачи ноќе, најчесто помеѓу еден и три часот наутро, а неговото ниво нагло опаѓа околу еден час пред будењето – објаснува м-р Матковиќ Ферери.

Овој хормон, додава таа, е клучен за одржување на нашиот внатрешен часовник, или циркадијален ритам, кој одредува кога сме будни, а кога сме поспани. Иако мелатонинот може да се купи без рецепт, важно е да се нагласи дека станува збор за хормон.

– Како и сите хормони, тој функционира преку механизам за повратна информација. Ако го внесуваме однадвор, телото може да го намали производството на сопствениот мелатонин. Ова значи дека, на долг рок, би можеле да постигнеме спротивен ефект – објаснува докторката.

Посебен проблем, додава таа, е што мелатонинот не е стандардизиран лек.

– Може да се најде на пазарот во опсег од 0,1 до дури 10 милиграми. Ова се огромни разлики, а повеќето препарати не се подложени на строга фармацевтска контрола бидејќи мелатонинот се продава во повеќето земји како помошен медицински производ, а не како лек. Значи, често не знаете точно што внесувате. Најниската физиолошка доза, онаа што одговара на природната количина што телото ја произведува самостојно, е околу 0,3 мг – вели м-р Матковиќ Ферери, додавајќи дека повеќето додатоци содржат десет пати повеќе мелатонин. Во високи дози, може да дејствува како хипнотик и да го скрати времето потребно за заспивање, но овој ефект е многу скромен и краткотраен.

Мелатонинот има свое место во медицината, но во точно одредени ситуации.

– Најмногу помага најмногу кај џет-лег, работа во смени и нарушувања на ритамот на спиење. Се користи и кај деца со аутистичен спектар, кај кои спиењето е често фрагментирано и тешко. Но, дури и тогаш се користи со надзор и во комбинација со фототерапија. Бидејќи светлината е всушност најсилниот регулатор на нашиот биолошки ритам, дури и посилен од самиот мелатонин – вели докторката. Но, кога станува збор за несоница, резултатите често се многу скромни.

The post НАУЧНИЦИТЕ АЛАРМИРААТ ПОРАДИ МАСОВНАТА УПОТРЕБА НА МЕЛАТОНИН Апчињата кои луѓето масовно ги земаат без рецепт се поврзани со поголем ризик од затајување на срцето appeared first on plusinfo.mk.

Лишувањето од сон го зголемува ризикот од низа здравствени проблеми, вклучувајќи дијабетес, срцеви заболувања, дебелина и депресија, предупредува американскиот Центар за контрола и превенција на болести.

Затоа, на човек му требаат шест до осум часа сон секоја ноќ. Сепак, не е невообичаено луѓето, особено студентите, да останат будни цела ноќ, т.е. 24 часа.

The post НА ГРАНИЦА ПОМЕЃУ СОНОТ И ЈАВЕТО Колку долго луѓето можат да издржат без спиење? appeared first on plusinfo.mk.

Хормоните се лачат од ендокрините жлезди и се транспортираат преку крвта до целните ткива и органи.

Хормоните ги контролираат најважните животни функции, како што се репродукцијата, растот, спиењето и развојот. Еден од најважните хормони во нашето тело е кортизолот, кој, кога е покачен над нормалното ниво, може да предизвика голем број проблеми.

Кортизолот најчесто се нарекува хормон на стрес, но лекарите напоменуваат дека кортизолот е многу повеќе од хормон на стрес.

Зошто е важен кортизолот?

Кортизолот е хормон произведен од надбубрежните жлезди и има бројни метаболички функции, вели д-р Дејвид Катлер, специјалист по семејна медицина во здравствениот центар „Провиденс Сент Џонс“ во Санта Моника, Калифорнија.

– Кортизолот е клучен за контрола на растот, развојот на органите, функцијата на имунолошкиот систем, воспалителниот одговор и многу други клеточни активности. Сепак, најпознат е како хормон на стрес, бидејќи неговите нивоа се зголемуваат во стресни ситуации, со што се обезбедува будноста и подготвеноста на телото да одговори на можни опасности – објаснува д-р Катлер.

Кога се нивоата на кортизол највисоки?

Привременото зголемување или намалување на нивоата на кортизол е нормално и секојдневно. Нивоата на овој хормон се највисоки по будењето, а најниски кратко по спиењето, вели д-р Катлер.

Сепак, во некои околности, нивоата на кортизол можат трајно да бидат покачени и да доведат до сериозни здравствени проблеми.

– Бидејќи кортизолот е главниот хормон на стрес во телото, хронично покачените нивоа во суштина значат дека телото е постојано во состојба на стрес. Долгорочниот стрес и постојано покачениот кортизол можат да имаат значителни негативни последици по здравјето – вели д-р Брина Конор, специјалист по семејна медицина во Остин, Тексас. Постојат неколку знаци врз основа на кои можеме да се сомневаме на покачен кортизол.

Зголемување на телесната тежина

– Метаболните нарушувања поради хронично покачениот кортизол се директно поврзани со складирањето на масти, особено висцералните масти во абдоминалната област, и зголемувањето на телесната тежина – вели д-р Конор. Високите нивоа на кортизол можат да ја намалат чувствителноста на телото на инсулин и со тоа дополнително да го зголемат ризикот од дебелина.

– Кога кортизолот е покачен, телото инстинктивно почнува да складира масти во абдоменот. Ова е механизам за преживување со кој телото ги штити внатрешните органи, особено црниот дроб, бубрезите и цревата, од шок или перципиран стрес. Во такви околности, зголемувањето на телесната тежина често се случува без промени во исхраната или физичката активност – објаснува д-р Конор.

Слабост во мускулите

Кортизолот игра важна улога во разградувањето на протеините и мастите во форми што телото ги користи за енергија, вели д-р Конор. Сепак, кога кортизолот е постојано покачен, може да се појави оштетување на мускулите.

– Зголемените нивоа на кортизол го забрзуваат разградувањето на протеините во телото, што може да доведе до мускулна слабост, истенчување на кожата и полесно создавање модринки – забележува д-р Конор.

Висок крвен притисок

Д-р Катлер додава дека прекумерното производство на кортизол обично води до висок крвен притисок. Иако точната врска помеѓу кортизолот и крвниот притисок не е целосно разбрана, истражувањето објавено во списанието „Хипертензија“ откри дека луѓето со високо ниво на кортизол и други стрес хормони имале поголем ризик од развој на хипертензија и кардиоваскуларни проблеми.

Лош сон

– Нивоата на кортизол треба да бидат најниски ноќе, додека спиеме. Ако се хронично покачени, тоа го нарушува природното лачење на хормони кои ни овозможуваат да заспиеме и да останеме заспани без постојано да се будиме – објаснува д-р Конор. Недостатокот на квалитетен сон може да предизвика низа здравствени проблеми, од недостаток на енергија и замор до лошо здравје на срцето.

Отекување на лицето

Важно е да се напомене дека хронично покачениот кортизол не е секогаш резултат на стрес, вели д-р Конор.

– Кушингов синдром е медицинска состојба во која нивоата на кортизол се покачени и бара медицинска помош. Оваа состојба е исто така најчеста причина за отекување на лицето, познато како „кортизолно лице“ или „месечево лице“, особено во образите, вилицата и под очите, што се дополнителни знаци на покачен кортизол, вели д-р Конор.

Што предизвикува покачен кортизол?

Иако хроничниот стрес и состојби како Кушингов синдром можат да доведат до висок кортизол, тие не се единствените причини.

– Нивоата на кортизол можат да бидат под влијание и на физички болести, висока телесна температура, недостаток на сон, воспаление, бременост и емоционални фактори. Нивоата на кортизол можат да бидат под влијание и на исхраната, алкохолот, кофеинот, лековите на рецепт и додатоците во исхраната – прецизира д-р Катлер, истакнувајќи дека горенаведените симптоми можат да бидат резултат и на други состојби, бидејќи постои многу широк опсег на нормални нивоа на кортизол.

Како по правило, нивоата на кортизол се највисоки наутро до 10 часот наутро, додека од 16 часот па натаму треба да бидат значително пониски.

Кога треба да посетите лекар?

Дијагностицирањето на кортизолно нарушување може да биде предизвикувачко, а понекогаш и неточно, вели д-р Катлер.

– Можно е нивоата да изгледаат нормално, но болеста сè уште да е присутна. Суптилните симптоми понекогаш се поврзуваат со кортизолно нарушување само откако ќе се исклучат други, почести причини – објаснува д-р Катлер.

Препорачливо е, доколку имаме некој од горенаведените симптоми, да разговараме со здравствен работник кој, по потребните анализи, ќе утврди за што станува збор.

The post СE ДЕБЕЛЕЕТЕ, ЛОШО СПИЕТЕ, ИМАТЕ ВИСОК ПРИТИСОК… Можеби е време да си го проверите нивото на кортизол appeared first on plusinfo.mk.

Сокот од вишни е пијалак кој во последниве години сѐ повеќе се споменува како природен сојузник против воспаление, болка и несоница.

Но – зошто токму сок од вишни?

Вишните се разликуваат од повеќето други овошја по нивната висока содржина на антиоксиданти, особено антоцијанини, растителни пигменти кои им ја даваат нивната карактеристична темноцрвена боја. Овие антоцијанини имаат силно антиинфламаторно и аналгетско дејство, слично на некои нестероидни лекови против болки – но без нивните несакани ефекти.

Според ортопедот Александар Каплан, сокот од вишни содржи и голем број микроелементи и витамини кои помагаат во намалувањето на воспалителните процеси во телото, што е особено важно за луѓето кои страдаат од артритис, вкочанетост на зглобовите и хронична болка.

Што вели науката

Научните истражувања исто така го потврдуваат овој ефект. Една студија покажала дека луѓето кои пиеле 200 мл сок од вишни секој ден во текот на три недели имале пониски нивоа на антитела поврзани со развојот на ревматоиден артритис. Истражувачите заклучиле дека редовната консумација на овој сок може да ги ублажи постојните симптоми и да ја подобри подвижноста на зглобовите, објавува порталот Metropolitаn.si.

Повеќе за ова прочитајте ТУКА.

The post ПРИРОДНО РЕШЕНИЕ ЗА НЕСОНИЦА И БОЛКИ ВО ЗГЛОБОВИТЕ Само една чаша од овој сок може да го намали воспалението и да го подобри сонот appeared first on plusinfo.mk.

Студијата, презентирана на Научниот состанок на Американското здружение за срце, следела повеќе од 130.000 возрасни лица со дијагностицирана несоница и открила дека оние кои земале мелатонин една година или повеќе имале 90 проценти поголем ризик од развој на срцева слабост.

Тие исто така имале повисоки стапки на хоспитализација и вкупна смртност.

Иако мелатонинот често се промовира како природен и безбеден лек за проблеми со спиењето, оваа голема студија го оспорува тоа верување, особено кога се зема редовно и во подолг временски период.

Истражувачите нагласуваат дека резултатите покажуваат поврзаност, а не докажана причинско-последична врска.

Сепак, податоците сугерираат дека продолжената употреба на мелатонин може да биде поврзана со сериозни кардиоваскуларни исходи, што бара понатамошно истражување.

Експертите советуваат претпазливост, особено за луѓе со постоечки срцеви заболувања или други фактори на ризик.

Како што употребата на мелатонин се зголемува глобално, овие наоди ја истакнуваат важноста на консултација со лекар пред да се потпрете на додатоци за долгорочно управување со несоницата.

 

View this post on Instagram

 

A post shared by Hashem Al-Ghaili (@hashem.alghaili)

The post ЗЕМАЊЕТО МЕЛАТОНИН МОЖЕ СКАПО ДА ВЕ ЧИНИ Експертите предупредуваат на сериозни последици од популарното средство за спиење appeared first on plusinfo.mk.

Ново истражување на Американското здружение за срце (American Heart Association) открива дека луѓето кои редовно земаат мелатонин во подолг временски период имаат зголемен ризик од срцева слабост и предвремена смрт, пренесува Ен-Би-Си Њуз (NBC News).

Анализата, спроведена на повеќе од 130.000 возрасни лица, покажала дека корисниците на овој популарен препарат за спиење имаат двојно поголеми шанси да развијат срцева слабост и трипати поголема веројатност да бидат хоспитализирани поради тоа, во споредба со оние кои не го земаат редовно.

Според NBC News, иако студијата не докажува дека самиот мелатонин ја предизвикува болеста, неговата долготрајна употреба може да укажува на подлабоки здравствени проблеми.

– Можеби нема потреба веднаш да трчате кај лекар ако земате мелатонин, но добро е да направите преглед. Редовната зависност од додатоци за спиење понекогаш е знак дека нешто посериозно се случува со вашето здравје – вели новинарката Ерика Едвардс.

Во студијата било забележано дека 4,6% од луѓето кои земале мелатонин развиле срцева слабост, наспроти 2,7% од оние што не го користеле. Дополнително, 19% од корисниците биле хоспитализирани поради оваа состојба, наспроти 6,6% од контролната група.

Важно е да се напомене дека истражувањето се однесува само на пациенти на кои мелатонинот им бил пропишан од лекар, а не на оние што го купуваат без рецепт. За повремена употреба на овој препарат, нема докази дека претставува ризик.

Сепак, експертите предупредуваат дека потребни се дополнителни истражувања, бидејќи милиони луѓе редовно земаат мелатонин без консултација со лекар. Стручњаците потсетуваат дека само затоа што нешто е достапно без рецепт, не значи дека е безбедно за сите, ниту дека треба да се користи долгорочно.

The post АКО КОРИСТИТЕ МЕЛАТОНИН, ОВА ТРЕБА ДА ГО ЗНАЕТЕ Долготрајната употреба носи ризик од срцева слабост appeared first on plusinfo.mk.

Во преглед на електронски медицински картони, илјадници возрасни лица кои страдале од хронична несоница и земале мелатонин една година или повеќе имале 90 проценти поголема шанса да развијат срцева слабост во следните пет години, во споредба со луѓето кои имале исти здравствени фактори, но не користеле мелатонин.

Корисниците на мелатонин исто така имале повеќе од три пати поголема веројатност да бидат хоспитализирани поради срцева слабост и околу двојно поголема веројатност да умрат од која било причина, објавува CNN.

Експертите сугерираат дека мелатонинот не треба веднаш да се смета за опасен. Студијата има значителни ограничувања, не е дизајнирана да докаже причинско-последична врска и е во спротивност со претходните студии кои сугерирале позитивни ефекти на мелатонинот врз здравјето на срцето.

Истражувањето сè уште не е рецензирано од колеги или објавено во научно списание, но ќе биде презентирано на научните сесии на Американската асоцијација за срце (AHA) во 2025 година, од 7 до 10 ноември.

– Додатоците на мелатонин се сметаат за безбедна и „природна“ опција за подобар сон, па затоа беше изненадувачки да се види такво конзистентно и значајно зголемување на сериозните здравствени проблеми, дури и откако земавме предвид многу фактори – изјавил д-р Екенедиличукву Нади, главен автор на студијата и главен специјализант за интерна медицина во примарна здравствена заштита на SUNY Downstate/Kings County во Бруклин, во соопштение за медиумите.

Сепак, д-р Нади додаде:

– Иако поврзаноста што ја откривме предизвикува загриженост во врска со безбедноста на овој широко користен додаток, нашата студија не може да докаже директна причинско-последична врска. Ова значи дека се потребни понатамошни истражувања за да се тестира безбедноста на мелатонинот за срцето.

Што е мелатонин?

Мелатонинот, кој природно се јавува во мозокот, е хормон произведен од епифизата како одговор на темнината, помагајќи му на телото да се опушти и да се подготви за спиење. Мелатонинот во додатоците може да се екстрахира од епифизите на животните или синтетички да се произведе преку хемиски процес, објавува CNN.

Во Соединетите Американски Држави, бидејќи мелатонинот се продава како додаток во исхраната, производителите не подлежат на исто ниво на контрола потребно за одобрување на лекови од страна на Администрацијата за храна и лекови на САД (FDA). Ова значи дека додатоците на мелатонин можат да содржат значително повеќе активна состојка отколку што се рекламира или бара, како и штетни скриени адитиви.

Хроничната несоница, која влијае на 10% од светската популација, се дефинира како целосна неможност за спиење или нарушен сон со повеќе од 30-минутен прозорец на будност, до три пати неделно повеќе од три месеци. Може да доведе до проблеми со меморијата, дневната енергија, расположението, размислувањето и концентрацијата, работниот или училишниот успех и социјалниот живот.

Лекарот може да помогне да се утврди дали несоницата е предизвикана од независни фактори или од основна состојба, како што се медицински проблем или стресни животни околности, и да се одреди најдобриот тек на лекување – без разлика дали тоа вклучува прилагодување на вашата рутина за спиење, терапија за ментални или емоционални нарушувања, когнитивно-бихејвиорална терапија за несоница, земање лекови или лекување на медицинска состојба.

Мелатонинот и здравјето на срцето

Додатоците на мелатонин често се рекламираат како безбедно помагало за спиење, но има недостаток на податоци за долгорочната безбедност за кардиоваскуларното здравје, велат авторите на студијата.

Истражувачкиот тим анализирал повеќе од 130.000 возрасни лица со медицински картони во TriNetX Research Network, глобална електронска база на податоци. Учесниците имале просечна возраст од 55 години, а 61,4% од нив биле жени. Учесниците чие користење на мелатонин било документирано во нивните медицински картони повеќе од една година биле класифицирани како „група на мелатонин“, додека оние без евиденција за употреба на мелатонин биле класифицирани како „група без мелатонин“.

Сепак, постојат важни ограничувања на студијата, предупредуваат авторите и независните експерти. Базата на податоци вклучувала пациенти во земји каде што е потребен рецепт за мелатонин, како што е Обединетото Кралство, и во земји каде што мелатонинот не е регулиран како лек, како што се Соединетите Американски Држави, па контролната група можеби ненамерно вклучила возрасни кои земаат мелатонин без рецепт, што не би се одразило во нивните медицински картони.

Истражувачите, исто така, немале податоци за сериозноста на несоницата на учесниците или дали имале проблеми со менталното здравје, што може да влијае на употребата на мелатонин и ризикот од срцеви проблеми.

Несоницата е поврзана со поголем ризик од срцев или мозочен удар. Нарушувањата на циркадијалните ритми – нашите биолошки часовници во кои мелатонинот игра клучна улога – и недостатокот на сон се поврзани со поголема веројатност за кардиоваскуларни проблеми, вклучително и срцева слабост.

The post АЛАРМАНТНА НОВА СТУДИЈА Користењето на мелатонин за спиење го зголемува ризикот од затајување на срцето дури до 90 проценти! appeared first on plusinfo.mk.