Приближно две третини од негативните несакани ефекти пријавени од вакцините против ковид-19 се должат на нашите мисли, односно на таканаречениот Ноцебо-ефект, кога негативните мисли, стравот или грижата за вакцинацијата преовладуваат со умот, пишува ИФЛ Наука. Ноцебо-ефектот во науката се смета за спротивен на Плацебо-ефектот. Плацебо е состојбата кога позитивните мисли преовладуваат, па дури и на неиспиен лек или на погрешен лек ние мислиме дека веќе ни е подобро.

За да ја проверат својата теза научниците од Медицинскиот центар „Бет Израел Диaконес“ на одредена група луѓе наместо вакцина им дале раствор со сол, а на другите вистинска вакцина, а тестирале седум различни типови вакцини. Потоа двете групи на луѓе ги прашувале како се чувствуваат и дали имаат несакани ефекти.

Дури 28,5 отсто од оние кои примиле вистинска вакцина, односно над 45.000 луѓе пријавиле замор и главоболка уште по првата доза. Ова се мали несакани ефекти кои се стандардни. Но, тука доаѓа интересното. За исти вакви главоболки се пожалиле и 19,6 отсто од оние кои добиле обичен раствор со сол, само поради тоа што размислувале негативно.

Несаканите настани биле почести за втората доза кај оние што примиле вистинска вакцина, но опаднале за 10 отсто кај оние кои имале солен раствор. Сѐ заедно, авторите заклучуваат дека ефектите на ноцебо се одговорни за 76 отсто од пријавените штетни ефекти од првата доза и за 52 отсто од оние од втората.

Сепак, има добра вест. Таа е дека ако луѓето се информираат за ефектите на негативното размислување, ноцебо-ефектот значајно се намалува.

– Медицината се заснова на доверба – вели професор Тед Капчук, еден од постарите автори на студијата.

– Нашите наоди сугерираат дека информирањето на јавноста за потенцијалните одговори на ноцебо-ефектот може да помогне да се намалат грижите за вакцинацијата против ковид-19, што може да ја намали колебливоста при вакцинација – додава тој.

За во иднина, научниците би сакале да испитаат колку антиваксерските приказни кои се шират по интернет влијаат на човекото искуство при вакцинирање.

The post СИ ИЗМИСЛУВАМЕ НЕСАКАНИ ЕФЕКТИ ОД ВАКЦИНИТЕ Два од три случаи се Ноцебо-ефект appeared first on plusinfo.mk.

Треска, оток, болка во мускулите и коските. Сите овие се вообичаени несакани ефекти на вакцините, вклучително и оние против коронавирусот.

Луѓето кои примиле разни вакцини во Србија, за „ВВС“ на српски опишуваат како се чувствувале по имунизацијата.

Колку траат несаканите ефекти и дали се опасни за „ВВС“ говори инфектологот, Дарко Ношиќ.

The post Коронавирус, вакцина и Србија: Колку траат реакциите на имунизацијата (ВИДЕО) appeared first on plusinfo.mk.

Британско-шведската мултинационална фармацевтска компанија „АстраЗенека“ денеска соопшти дека не е запознаена со какви било сериозни или неочекувани несакани ефекти од нејзината вакцина против коронавирусот и ги истакна нејзините строги стандарди за квалитет и употреба во повеќе од 50 земји, јави ДПА.

Извештаите за несаканите ефекти и загриженоста за ефикасноста во последните неколку дена натераа одредени луѓе во Германија да ја избегнуваат вакцината против „ковид-19“ на „АстраЗенека“. Некои луѓе се жалеа на сериозни реакции, понекогаш дури и бараа боледување, што доведе до зголемување на откажаните вакцинации од страна на оние кои покажаа нервоза поради имунизацијата.

– Во моментов пријавените реакции се на нивото што го очекувавме врз основа на собраните докази од нашата програма за клиничко испитување – изјави за ДПА портпаролот на „АстраЗенека“.

Несакните ефекти или симптоми вклучуваат привремена болка и чувствителност на местото на инјектирање, лесна до умерена главоболка, замор, треска, малаксаност и болка во мускулите.

– Повеќето симптоми се јавуваат еден ден по вакцинацијата, а многу поретко се појавуваат на кожата по втората доза на вакцината – изјави портпаролот на „АстраЗенека“ за ДПА.

– Засега нема потврдени сериозни несакани дејства поврзани со вакцинирањето со нашата вакцина против ковид-19“ – изјави портпаролот, додавајќи дека компанијата внимателно ја следи ситуацијата.

The post „АстраЗенека“: Несаканите ефекти од вакцината против коронавирусот се очекувани appeared first on plusinfo.mk.

Таа вакцина предизвикува несакани ефекти кај 14,9 отсто случаи на 1.000 вакцини. Кај вакцината Бионтек-Фајзер тоа е случај кај 3,79 отсто, а кај Модерна 5,71 отсто. Со вакцината на АстраЗенека вакцинирано е 3.961 лице, а пријавени се 59 несакани ефекти.

Повеќето навеле дека имале главоболка, температура, замор, болки на местото на апликацијата, болка во мускулите, мачнина, грозница. Температурата е пријавена како најчест несакан ефект.

Во повеќе болници ширум Австрија медицинскиот персонал одбива да ја прими вакцината на АстраЗенека, поради несаканите ефекти, но и поради наводно послабото дејство, пред се против новите соеви.

The post Еве која вакцина предизвикува најмногу несакани ефекти appeared first on plusinfo.mk.

Запрашан за оваа тема во Сенатот во средата (22 април), министерот за здравство на Франција, Оливие Веран рече дека најновите публикации до сега „за жал не се очигледно во корист на спроведување на овој третман“, пишува француски „L’Mond“.

Според весникот, Регионалниот центар за фармаколошки надзор во Ница објави дека од 27 март до 21 април собрал информации за 96 случаи на сериозни срцеви несакани ефекти кај пациентите лечени од коронавирусот.

Бројот на сериозни срцеви несакани реакции е скоро двојно зголемен од 9 април, кога изнесуваше 54 случаи. Повеќето извештаи (83%) се однесуваат на пациенти третирани со хидроксихлорокин (HCK) или хлорохин, при што овој лек се поврзува со приближно половина случаи со антибиотикот азитромицин, a за ова неодамна несакано дејство објави и „CNN“.

Третманот со лекот калетром или комбинација на антивирусните стредства лопинавир и ритонавир се наоѓа во 16% од случаите.

Д-р Милу Даниел Дриси од Центарот вели дека е забележана „загрижувачка“ абнормалност во ЕКГ снимките кај овие пациенти, што го зголемува ризикот од синкопа (несвестица) и ненадејна смрт.

– Исто така, гледаме тешка брадикардија (забавување на работата на срцето) и други нарушувања – вели фармакологот и кардиологот.

Повеќето од овие несакани ефекти се забележани кај пациенти третирани во болнички услови (како што е пропишано со указот) и кои имаат корист од следење на електрокардиограм.

The post Ново предупредување за негативните ефекти на хидроксихлорокин appeared first on plusinfo.mk.