„Македонско село“ на 19 овој месец и официјално ќе биде предадено на фирмата „Ла Тераца“, која Службата за општи и заеднички работи при Владата ја избра за концесионер на комплексот.

Директорот на оваа служба, Ивица Томовски за весникот „Вечер“ изјави дека примопредавањето ќе се случи во 11 часот, во присуство на претставници од Владата, кое би траело час, најмногу до час и половина, а ќе има и официјална покана.

– На 23 или 24 овој месец, концесионерот „Ла Тераца“ ќе направи големо отворање. Инаку, работите околу подготовките на комплексот се во завршна фаза. Куќарките комплетно се подготвени, сега се уредува надворешниот дел – објасни Томовски.

Тој нагласи дека на почеток, комплексот нема да може да работи со полн капацитет, но оти до крајот на месецот целосно ќе биде на располагање на посетителите.

На овој начин по седум години запуштеност, „Македонско село“ повторно ќе заживее. Комплексот повторно ќе стане центар на културата, автентичната архитектура и македонска традиција и наскоро ќе се врати на туристичката и културната мапа на Македонија.

Инаку, фирмата „Ла Тераца“ се занимава со туризам и угостителство и со комплексот „Македонско село“ ќе стопанисува наредните 15 години, a месечно ќе плаќа 210.000 денари. Фирмата – концесионер беше избрана на законски и транспарентен начин, по пат на електронско јавно наддавање, преку системот со кој управува и оперира Министерството за финансии.

Концесионерот имаше обврска да ги преземе сите потребни активности за оспособување на Комплексот за почеток со работа од 1.6.2025 година.

Од Службата за општи и заеднички работи нагласија дека со реотворањето на комплексот, ќе бидат создадени услови за поттикнување на развојот на туризмот, со што ќе се создадат услови и за зајакнување на локалната економија, отворање на нови работни места, а ќе биде унапреден и туристичкиот капацитет во Скопје што ќе влијае на зголемен број туристи не само во Скопје, воопшто и во земјава.

Комплексот „Македонско село“, кој се наоѓа на падините на Водно, блиску до селото Нерези, има 12 автентични куќи, со простории каде што се претставени македонските занаети, делови се користат како хотелски соби, а некои имаат и ресторански дел.

The post „МАКЕДОНСКО СЕЛО“ ЌЕ БЛЕСНЕ НАД СКОПЈЕ Познат е датумот кога ќе се случи свеченото отворање appeared first on plusinfo.mk.

Синоќа во 21.55 часот во СВР Скопје било пријавено дека во село Нерези, скопско, настанал пожар во куќа, сопственост на 72-годишниот И.М. од Скопје, информираше Министерството за внатрешни работи (МВР).

„Екипа од Бригадата за протвпожарна заштита Скопје го изгаснала пожарот, додека, неговиот син Н.М.(42) од Скопје, поради вдишување на чад, бил пренесен во Комплексот клиники ‘Мајка Тереза’ Скопје за укажување помош“, наведено е во билтенот.

The post ПОЖАР ИЗБУВНА ВО КУЌА ВО НЕРЕЗИ Повредено е едно лице appeared first on plusinfo.mk.

„Прекинот ќе биде од 09 часот до завршување со активностите“, информираат од ЈП „Водовод и канализација“.

The post НАПОЛНЕТЕ СИ ВОДА УШТЕ ВЕЧЕРВА Ќе секнат чешмите во Нерези и во Тафталиџе appeared first on plusinfo.mk.

– Општина Карпош целосно ја обнови столаријата и внатрешно го уреди конакот. Заврши реконструкцијата на подот, на тоалетите, а се направи и замена на прозорите. Исто така, поставен е и нов систем за противпожарна заштита и електрична инсталација – соопштија од општинската прес-служба.

На овој начин, посочуваат од општината, целосно се врати во функција главниот конак на овој манастирски комплекс.

– Уште поважно е што истиот има автентичен и уникатен изглед, во духот на манастирската целина, имајќи го предвид фактот дека црквата „Свети Пантелејмон“ е дел од нашето културно наследство која датира уште од дванаесетиот век – потенцираат од Општина Карпош.

„Свети Пантелејмон“ е дел од националната туристичка мапа и со овој проект се придонесува кон негово заживување, со што станува уште поатрактивен за домашните и странски туристи.

The post Реконструиран е главниот конак на „Свети Пантелејмон“ appeared first on plusinfo.mk.

– Интензивните поројни дождови и ветришта што ја зафатија Општината и Градот деновиве, нанесоа намети од песок и земја долж коловозот кон манастирот Свети Пантелејмон во Горно Нерези, соопштуваат од општинската прес-служба.

Оттаму информираат дека повеќе од 40 комунални работници од Карпош во текот на целиот ден го расчистуваат коловозот од Средно до Горно Нерези, како и попатните паркинзи се до големиот паркинг околу манастирскиот комплекс.

– Притоа, се отстрануваат наноси од скршени гранки, земја и песок кој се собрале од поројните дождови и водите од Водно, соопштуваат од општината.

Посочуваат дека манастирскиот паркинг и коловозот се очекува целосно да бидат расчистени во текот на денешниот ден.

The post Патот Св. Пантелејмон-Нерези се расчистува од одроните кои ги предизвика невремето appeared first on plusinfo.mk.