Претседателот на САД, Доналд Трамп, во говор за време на воената парада во Вашингтон по повод 250-годишнината од основањето на американската војска, ја одбрани својата одлука за организирање на настанот, истакнувајќи дека парадата е прослава на војската, и покрај критиките дека станува збор за личен спектакл, поврзан со неговиот 79-ти роденден.

– Секоја друга земја ги слави своите победи. Време е и САД да почне да го прави тоа – рече Трамп.

Тој ја опиша американската војска како „најстариот огранок на најголемата борбена сила што човештвото некогаш ја познавало“ и испрати предупредување до глобалните противници.

– Американските непријатели постојано учат – ако го загрозите американскиот народ, нашите војници доаѓаат по вас. Вашиот пораз ќе биде сигурен. Вашиот крај конечен. Вашиот пад целосен и потполн. Нашите војници никогаш не отстапуваат, никогаш не се предаваат и никогаш не попуштаат. Тие се борат, борат, се борат и победуваат, победуваат, победуваат – предупреди Трамп.

Тој изрази благодарност до припадниците на вооружените сили и до ветераните.

–  Благодарение на нивната извонредна служба и посветеност, 250 години, Америка стои исправено, Америка стои гордо и Америка стои слободно – истакна Трамп.

Парадата, во која учествуваа над 6.000 војници, 150 воени возила и 50 авиони, вклучуваше воздушен спектакл, коњичка единица и завршен падобрански скок со американското знаме пред Трамп.

Во САД се одржаа преку 2.100 протести

Истовремено, низ земјата се одржаа преку 2.100 протести против политиките на Трамп, со над 5 милиони учесници, соопшти Американската унија за граѓански слободи (ACLU).

„Денешните протести се силна порака дека луѓето низ целата земја нема да бидат заплашени од тактиките на застрашување на претседателот Трамп. Американците се храбри луѓе кои ја сакаат демократијата и нема да седат настрана додека администрацијата на Трамп го внесува нашиот Устав во машина за сечење – ниту, пак, ACLU ќе седи настрана“, изјави во соопштение главната политичка застапничка на ACLU, Дирдре Шифелинг.

The post АКО ГО ЗАГРОЗИТЕ АМЕРИКАНСКИОТ НАРОД, ВОЈСКАТА НА САД ДОАЃА ПО ВАС – ВАШИОТ КРАЈ ЌЕ БИДЕ КОНЕЧЕН Трамп со жестоко предупредување до глобалните противници appeared first on plusinfo.mk.

Многу земји, меѓу кои европските и Кина, се покажаа полоши од непријателите на САД, изјави претседателот Доналд Трамп во интервју за телевизијата „Њусмакс“.

Шефот на Белата куќа ги обвини овие земји дека 45 години „ја ограбувале“ Америка, додека Вашингтон бил мек и слаб. А слично се однесувала и Кина. Претседателот на САД додаде дека токму поради тоа државниот долг достигнал 36 трилиони долари.

– Многу често пријателите, таканаречените пријатели, излегуваат полоши од непријатели. Погледнете ја Европската Унија – што направија со оваа земја, како ја испразнија(…) – изјави Трамп.

Претседателот на САД додаде и дека дошло време да се врати дел од тие пари, можеби и најголемиот дел.

На почетокот на овој месец, Трамп ја одложи до 2 април примената на царини за производи од Канада и Мексико, но прецизираше дека по истекот на тој рок нема да има исклучоци.

Царините од 25 отсто за увоз на канадски и мексикански производи во САД Трамп ги воведе на 4 март. Исто така, тарифите за производи од Кина беа зголемени од 10 на 20 отсто. По ова, Отава и Пекинг воведоа реципрочни царини од 25 и 15 отсто за увоз на американски производи.

The post ЕУ И КИНА ПОЛОВИНА ВЕК ГИ ОГРАБУВААТ САД Трамп ги смета овие земји за полоши од непријателите appeared first on plusinfo.mk.

„На синоќешниот собир со граѓаните во Гостивар, претседателот на ДУИ, г. Али Ахмети зборуваше за недостигот на ангажман од страна на македонските политички партии со граѓаните во контекст на односите со Албанците, затоа што е вознемирувачка омразата кон албанските лидери на државните институции, која се прикажува од македонските граѓани во контактните емисии на македонските телевизии со етикети како „Бугар Османи“, „Артан Груби терористот“, навреди кон самиот Али Ахмети и другите. Тоа е последица на неработењето на македонските политички партии со граѓаните и намерното продлабочување на поделбите помеѓу народот.

Али Ахмети и ДУИ се сојузници на медиумите, граѓанското општество и слободата на говорот, а тоа го имаме докажано во изминатите 22 години во нашето секојдневно дејствување.

На изјавата на Ахмети реагираа ЗНМ, АВМУ и ССНМ со оценка дека таквото посочување непријатели е опасно за медиумите, новинарите зашто поттикнува насилство и цензура.

The post ВОЗНЕМИРУВАЧКА Е ОМРАЗАТА КОН АЛБАНСКИТЕ ЛИДЕРИ Како ДУИ го правда Ахмети за „непријателските“ изјави appeared first on plusinfo.mk.

Вака скопската градоначалничка Данела Арсовска им одговори на новинарите кои ја запрашаа дали се плаши за сопствениот живот и дали има многу непријатели.

– Јас не се плашам од никого, а дали тие планираат да преземат нешто или не, тоа е нивна работа. Во моментов можам да кажам дека сѐ уште имам многу повеќе пријатели отколку непријатели – рече Арсовска.

На прашањето дали има замешано прсти во црната кампања што се води против лидерот на ВМРО-ДПМНЕ, Христијан Мицкоски, преку закупените билборди низ Скопје на коишто пишува „кај се крие шпицниот градоначалник?“, Арсовска рече дека нема никаква врска со тоа и дека нема ни амбиции, а ни средства да се занимава со такви нешта.

The post НЕ СЕ ПЛАШАМ ОД НИКОГО Арсовска вели дека сѐ уште има повеќе пријатели од непријатели appeared first on plusinfo.mk.

Рускиот претседател Владимир Путин вети „молскавичен одговор“ доколку некој сака да интервенира надвор од Украина и да претставува стратешка закана. Тој го истакна ова пред пратениците во Санкт Петербург, кои се собраа во палатата Таурид.

Тој увери дека Русија има алатки за можен одговор, кои нејзините противници ги немаат.

– За тоа ги имаме сите потребни алатки – оние со кои никој не може да се пофали во моментов. И нема да се фалиме, ќе ги искористиме ако треба. Сите одлуки за ова прашање се веќе донесени – рече Путин.

Според Путин, сите цели и задачи на „специјалната операција“, како што тој ја нарекува инвазијата, во Украина ќе бидат исполнети. Според него, руските противници не сакаат толку голема земја како Русија.

– Нашите војници и офицери спречија реална опасност над нашата земја, спречија конфликт од големи размери што би се одвивал на нашата територија во странско сценарио – смета тој.

Според Путин, „западните непријатели“ планирале економски да ја задушат Русија, но тоа не успеало. А пред тоа, западните земји ги охрабруваа сепаратистите на Кавказ. Ним не им треба независна држава, со самото постоење Русија им е закана. Сепак, заканата се тие самите, рече Путин и додаде дека се сеќава на „варварските планови“ на фашистите за советскиот народ.

The post ОДГОВОРОТ ЌЕ БИДЕ МОЛСКАВИЧЕН Путин ќе се одмазди на сите кои се мешаат во војната appeared first on plusinfo.mk.

Новата опрема за маскирање на израелската армија „Кit 300“ (Комплет 300) ги прави војниците невидливи и за човечкото око и за термичките детектори.

Дизајнот беше претставен од израелското Министерство за одбрана и „Polaris Solutions“, израелска компанија која произведува опрема за преживување.

„Кит 300“ е изработен од материјал за термичко визуелно прикривање и тежи само 0,5 килограми, што го прави супер пренослив. Тој е двостран, секоја страна има своја колоризација со цел да се вклопи во теренот на одредено бојно поле.

Другите карактеристики на овој моќен комплет вклучуваат дека е водоотпорен, може да се користи како мал шатор, а може да има и функција на носилка и навлака за хипотермија.

Асаф Пикиото, коосновач и извршен директор на „Polaris Solutions“, рече дека инспирацијата за маскирната наметка потекнува од Втората либанска војна во 2006 година.

Пикиото служел во специјална единица на израелската армија и од прва рака видел како на војниците им е потребна подобра заштита од термални камери и опрема за ноќно набудување.

Неофицијално, неколку израелски единици веќе ја користат оваа опрема за маскирање во некои операции, но овие тврдења не можеа да ги потврдат луѓето од „Polaris Solutions“.

The post Армијата на Израел станува комплетно невидлива (ВИДЕО) appeared first on plusinfo.mk.

 Спикерот на Претставничкиот дом, демократката Ненси Пелоси, денеска на брифинг изјави дека Конгресот е соочен со „непријатели одвнатре“, од долниот дом, алудирајќи на некои нејзини колеги.

По немилите настани на 6 јануари кога насилна толпа поддржувачи на бившиот претседател Доналд Трамп упадна во американскиот Капитол, законодавците сметаат дека зградата на Конгресот е сеуште недоволно обезбедена и дека се потребни дополнително мерки.

– Сметам дека ни требаат дополнителни мерки за поголема безбедност на членовите, кога непријателот е меѓу нас во Претставничкиот дом, и членовите се загрижени поради оваа закана покрај тоа што се случува и надвор – изјави Пелоси.

Запрашана што имала предвид со кажаното „непријателот е меѓу нас“, таа одговори дека „постојат членови на Конгресот кои носат пиштоли во салата и кои се заканувале на други членови на Конгресот“.

Спикерот на Претставничкиот дом очекува скорешна објава на исцрпен извештај за безбедноста на највисокиот законодавен дом на САД, подготвен од пензионираниот заменик-генерал Расел Оноре.

The post Пелоси: Конгресот е соочен со непријатели одвнатре appeared first on plusinfo.mk.