Најголем предизвик во периодот кој следи за премиерот Христијан Мицкоски и за Владата ќе биде овозможување систем кој ќе може брзо да ја испорача правдата и во кој нема да може да функционира „бандитизмот“ создаден од политички и бизнис структури кои работат во широка коалиција, бидејќи, според него, од тоа ќе зависат многу следни политички случувања во државата.

– Во оваа една година отворивме силна борба против криминалот. Се започнаа акции против оние кои порано се сметаа за недопирливи. Денес тие неславни корифеи на неправдата се бегство од законот, а силно се удри и по наркобандите особено во Скопје. Онаму каде сметам дека може подобро е борбата за независно судство и обвинителство кое сега го немаме. Не сум задоволен од динамиката на испорачување на правдата и постојат очигледни спреги меѓу тој свет и светот на политичката бизнис мафија која го конструирала тој систем против кој сакаме да се бориме и ако ме прашате мене јас очекувам одговорност и народот очекува одговорност и тоа мора да биде прва работа која ќе нѐ води, да донесеме правда и да го урнеме тој систем на бандитизам создаден од политички и бизнис структури за кои нема ни етнички и политички разлики туку функционираат во широки коалиции. Тоа ќе биде мој најголем предизвик во периодот кој следи и од таа динамика ќе зависат многу следни политички случувања во државата – рече вечерва премиерот Христијан Мицкоски во обраќањето на настанот по повод една година од Владата, под слоганот „Доаѓа времето на Македонија! Ги градиме темелите на промените“.

Притоа тој се осврна и на како што рече, најтешкиот ден како премер, несреќата во Кочани.

– Таа несреќа, колку и да се трудат политички да ја злоупотребат е последица на со години руинираниот систем кој беше уништуван. Јас не можев тоа да го спречам, но ќе направам се тоа да не се повтори. И како политички фактор од првиот ден испратив реална порака дека правда мора да има и без оглед за кого се работи мора да биде одговорност. Јас и денес стојам на истиот став а обвинителството е на тест да докаже вистина и судот да спроведе правда. Но исто така сакам да соопштам дека како Влада сме во преговори за обезбедување на историски највисокиот инвестициски пакет за обнова и поддршка на Кочани. Работиме на тоа да покажеме дека за нас е важно и дека граѓаните не се сами – рече премиерот.

Македонија, додаде мора да оди напред и притоа нагласи дека тој никогаш нема да дозволи земјата да биде понижена.

– Сакам да се осврнам и на оние кои велат дека Македонија била понижена. Тоа се истите оние кои сменија име, направија договор со Бугарија, кои ја пљачкаа Македонија и се потпишуваа. Македонија никогаш повеќе немаа да дозволам да биде понижена, зошто тоа време заврши – рече македонскиот премиер.

Се заблагодари „искрено и со цело срце до народот кој дошол да проследи што имаат да кажат како Влада, до секој еден човек кој има очекувања и има надеж за нашата држава.

– Сето ова има смисла само за вас. Благодарност до мојот тим и тимот министри од Владата. Секогаш може подобро но ова беа најжестокото работно темпо за да Македонија ја извадиме на површина. Најдоброто допрва доаѓа, најдоброто за сите вас. Денеска ги сееме, а потоа ќе ги жнееме плодовите од нашата работа – нагласи премиерот.

Потсети дека воедно се започнати и реформи во Министерството за внатрешни работи. Целосно, нагласи тој, е решен хаосот со издавање на пасоши, набавена уште една машина за печатење лични документи и целосно решен процесот на издавање на лични документи.

– Целосно се реновирани управни служби во Скопје со кои граѓаните на Скопје ќе имаат пристап до брзи, модерни и навремени услуги. Во завршна фаза е системот „Безбеден град“, за автоматска евиденција на сообраќајни прекршоци за безбедност во сообраќајот. За 10% се зголеми платата за сите вработени во Министерството за внатрешни работи. Вработени се 1000 полициски службеници. Обезбедени се 36 нови возила за полицијата за поголема ефикасност и модернизација во секој сегмент на работењето на полицијата – рече македонскиот премиер.

Додаде дека е зголемена целосната ефикасност на полицијата со севкупен криминалитет за 5.8%, оти се разбиени голем број криминални групи од областа на организираниот криминал, корупцијата, нелегална трговија со дрога и оружје.

Во делот на правдата, нагласи Мицкоски, поништена одлуката на минатата влада за десеткратно поскапување на нотарските тарифи.

– После 14 години овозможивме целосна имплементација на системот Фемида – аудио-визуелен систем за снимање на судските рочишта, за транспарентност и одговорност на судството пред граѓаните. Сите закони кои се дел од реформската рамка се подготвени или се во финална фаза на усвојување – рече премиерот Мицкоски.

Тој во обраќањето се осврна на делот на меѓуетничките односи, истакнувајќи дека се работи на нивно релаксирање.

– Усвоивме нова програма за унапредување и поддршка на етничките заедници со цел унапредување на меѓуетничките односи и јакнење на мултикултурната кохезија, како и промоција на мултикултурните вредности. За прв пат е изработен Стратешки план за гарантирање на правата на сите етнички заедници и унапредување на меѓуетничките односи – рече Мицкоски.

The post МИЦКОСКИ ОБЈАВИ ВОЈНА ПРОТИВ БАНДИТИЗМОТ Премиерот најави рушење на „широката коалиција“ на криминал и корупција appeared first on plusinfo.mk.

Работната верзија од Извештајот на известувачот Вајц е онаква каква што е, важна, значајна, бидејќи, првпат се споменува посебен македонски идентитет, рече премиерот Христијан Мицкоски во одговорот на новинарско прашање.

Тој оцени дека Европа има шанса да ја исправи историска неправда и дека ние имаме македонски идентитет и посебен македонски јазик, но европарламентарци имаат поинакви мислења.

– За жал, од страна на некои негови колеги, пратеници коишто доаѓаат од, за жал, нашата сестринска партија ГЕРБ, предлагаат пред македонскиот идентитет да стои зборчето „сегашен“. За нас тоа не е изненадување, бидејќи ние од самиот почеток на оваа авантура на прифаќање на претходната влада, Бујар Осман и Димитар Ковачевски, ние зборувавме за ова, дека зад сето тоа се крие токму ова, создавање на една вештачка нација, сегашна македонска нација – рече Мицкоски.

Тој напомна дека имал интензивни разговори со неколку влијателни луѓе и во ЕП и во Брисел. Доколку тоа се случи, смета Мицкоски, ќе се потврди дека не станува збор за неколку стотини граѓани кои се сметаат дека се дел од бугарската заедница во Македонија, туку дека е обид за создавање нова, вештачка, сегашна македонска нација која почива на корените на бугарската нација.

– Јас тоа нема да го прифатам и ќе го отфрлам и никогаш нема да го прифатам, зашто тоа нема никаква врска ниту со европските, ниту со какви било вредности. Но тоа уште еднаш покажува со какво незнаење и авантура или намера влегоа Бујар Османи или Димитар Ковачевски – рече премиерот и вината за ваквата ситуација ја префрли на неговиот претходник Ковачевски и на екс министерот Бујар Османи кои го прифатиле „францускиот предлог“.

– Јас сега чекам Европа да даде одговор. Европа сега има шанса, сега нема едногласност, Европа има шанса да исправи историска неправда нанесена со прифаќањето на Бујар Османи и Димитар Ковачевски на тоа што им беше ставено на маса – рече премиерот.

Според него вистината е таа дека официјална Софија никогаш не се препакувала и останала да биде слеп заложник на политиките на „Живковизмот“, создавање на нова македонска нација која што почива на основите на бугарската нација.

The post ВРЕМЕ Е ЕУ ДА ЈА ИСПРАВИ ИСТОРИСКАТА НЕПРАВДА Мицкоски ја префрла вината кај Ковачевски и кај Османи appeared first on plusinfo.mk.

Македонската музика загуби уште еден врвен професионалец. Почина Аљоша Исмаиловски – Аљо, извонреден басист и дел од легендарните „Лева патика“.

Аљоша свиреше во повеќе македонски бендови меѓу кои и Чуден крој. Во „Лева Патика“ свиреше заедно со  Бошко Доневски – Чико (тапани), Драган Груевски – Груле (гитара), Гранит Таки (вокал) и Рамис Јусуфи – Цики (клавијатури).

„Лева Патика“ се прослави со единствениот албум „Патика“ и песната Неправда, која стана антологиски хит. Албумот кој содржи десетина песни е издаден од загрепската куќа Сузи и е во продукција на Питер Мак Тагарт и Љубомир Бранѓолица.

Проштавањето со оваа урбана музичка легенда ќе се одржи утре, вторник, 25 февруари 2025 година, во 14:00 часот, во Капела бр. 1 на градските гробишта Бутел – Скопје.

„Почивај во мир, Аљо…”, напиша неговата сопруга Елена во емотивна објава на Фејсбук.

The post ПОЧИНА БАСИСТОТ НА ЛЕГЕНДАРНИТЕ „ЛЕВА ПАТИКА“ Македонската музика загуби уште еден великан appeared first on plusinfo.mk.

Според Мицкоски, кога се трансформирала Управата за безбедност и контраразузнавање во Агенција за национална безбедност (АНБ) и кога се правела селекција имало поранешни високи структури од Агенцијата за разузнавање и во Управата за безбедност и контраразузнавање и АНБ коишто ги профилирале луѓето и врз основа на тие профилирања гледале како да им наштетат преку лажни вести и клеветнички дописи, злоупотребувајќи ги институциите во коишто работат.

– И нормално, таа неправда што му беше нанесена на Бојан Христовски беше констатирана, бидејќи во прво време не му беше даден таков безбедносен сертификат, беше констатирана злоупотребата на дел од раководството, пред сѐ, на АНБ, затоа во периодот што следи јавноста ќе биде запознаена за многу работи, а богами и за АНБ, како се злоупотребувало за партиски и за лични цели. Тогаш, откако тоа се констатираше, таа грешка се исправи. Бојан Христовски има безбедносен сертификат и апсолутно не гледам причина зошто човек што го поминува речиси својот цел работен век во безбедносниот сектор да не ја извршува успешно челната позиција во АНБ – рече Мицкоски.

Владата вчера на седница го разреши директорот на Агенцијата за национална безбедност Зарко Милошевски, а на негово место е именуван Бојан Христовски. Христовски има искуство долги години во безбедносните институции. Кратко време беше директор на градското претпријатие „Паркинзи Скопје“, а на директорската позиција доаѓа од Министерството за внатрешни работи.

Од СДСМ денеска реагираа дека со назначувањето на Христовски за директор на АНБ, „власта на Мицкоски и ДПМНЕ спроведуваат опасна партизација на Агенцијата и на клучните безбедносни институции“ и прашаа како ристовски воопшто ја поминал безбедносната проверка.

– Нов директор на Агенцијата за национална безбедност е всушност претседателот на Градскиот комитет на ВМРО-ДПМНЕ. Тоа е спротивно на Законот за АНБ кој јасно предвидува дека директорот на Агенцијата не смее да биде член на политичка партија или нејзин орган. Целта на овие законски одредби е да се избегне злоупотребата на безбедносните служби за партиски цели, како што тоа се случуваше во минатото. Со поставувањето на лице кое само до 2023 година беше претседател на Градскиот комитет на ВМРО-ДПМНЕ, оваа партија директно го прекршува член 10 од Законот за АНБ – изјави на прес-конференција пратеникот Миле Талески.

Според него, дури и формално да се повлекол од партијата, фактот дека до неодамна извршувал висока партиска функција е јасен показател дека ова решение е чисто партиско, непрофесионално и спротивно на Законот и на меѓународните стандарди, особено оние на НАТО.

The post НА БОЈАН ХРИСТОВСКИ МУ БИЛА НАНЕСЕНА НЕПРАВДА Мицкоски вели дека тој сега има безбедносен сертификат appeared first on plusinfo.mk.

– Покачувањето на пензиите е суштинско прашање и се работ за неправда која треба да ја исправиме: Системот на определување на пензии е со 9 категории поврзани со стаж и колкава плата се земала во работен век и тоа во идеални услови може да е добро. Но, кога ќе видите кој во Македонија зема најниски пензии тоа се луѓето кои во деведесеттите ги изгубиле работните места при неправедната приватизација на СДСМ. Тие луѓе кои беа избркани од работа ли беа избркани ли не им плаќаат придонеси. Тоа го правеа директорите да ги обезвреднат фирмите, а дел ги земаа за без пари фирмите, а нивните деца се сега на функции. И тогаш и сега се страда од луѓе на СДСМ, од олигархијата – кажа Николоски.

Николоски посочи дека приоритет е и борбата со корупцијата и криминалот.

– Има неколку модели за кои треба да размислиме за избор на лицата во судски и обвинителски совет на пример еден е оној на кој се бираат членови на Антикорупциска, ама модел во кој судиите или обвинителите сами бираат луѓе кои треба нив да ги оценуваат во менталитет како македонскиот не носи до тоа да нема никаква доверба во оваа правосудна област – вели Николоски.

Николоски укажа дека во 2018 година било јасно дека криминалот и корупцијата се главни проблеми на патот кон ЕУ.

– Да покажеме резултати во борбата против корупција и криминал притисокот веднаш ќе се прави во Софија, а не кај нас. Работата е едноставна да покажеме напредок во борбата против корупцијата и криминалот веднаш ќе биде поинаку – изјави Николоски.

Тој додаде дека ВМРО-ДПМНЕ не се бори за победа, ВМРО-ДПМНЕ на овие парламентарни избори се бори за поголема разлика се брои за 61 пратеник за да имаат стабилна влада која ќе ја врати гордоста на македонскиот народ и која ќе ја врати Македонија на едни нормални патеки до кои е извадена сега.

– За чист мандат потребна ни е референдумска излезност, ни треба стабилно мнозинство. Не е идејата да правиме влада со некои актуелни партии. СДС и ДУИ мора да одат во опозиција тие се причината зошто македонскиот народ е понижен, зошто е газен и понижуван, тие се причина зошто се смени името. Тие се изворот на сите зла, тие се извор и на криминалот и корупцијата. Затоа во Македонија е потребна радикална промена – изјави Николоски.

Николоски вели дека за изборните листи на СДС и СДС како партија немаат поддршка.

– Една ПР агенција нуди по 100 евра портал за да се објави промотивен текст за мојот против кандидат. Тука е прашањето од кај им се толку пари. Значи освен Изреалецот и оваа агенција не можам да видам кој го поддржува СДС. Но, можам да видам многу кеш и нечисти пари кај СДС, а за тоа ќе има одговорност по избори – вели Николоски кој укажа дека се што е објавувано за криминал и корупција е поткрепено со аргументи и докази.

Оттука, додаде Николоски, после избори ќе има одговорност за сите кои правеле криминал.

– За сите за кои ќе има докази или ќе се обезбедат докази ќе одговараат по изборите – кажа Николоски.

The post ПО 5.000 ДЕНАРИ ЗГОЛЕМУВАЊЕ НА ПЕНЗИИТЕ Николоски вели дека вака ќе се исправи неправдата кон жртвите на транзицијата appeared first on plusinfo.mk.

Во право е, умот ми талка. Секое кафе со неа се претвора во бескрајно жалење за неправедноста на животот, недостатокот на среќа, за луѓето кои заговарале против неа. Ме мачи дилемата дали да ѝ укажам на ова или само да слушам монолог во кој ништо не е добро и нема радост за никого. Особено не за неа. Решив да молчам, бидејќи и онака не ме праша за совет.

Повеќе за ова на порталот „Мајка и дете“.

The post НЕМА ПРАВДА! Синдромот Калимеро навистина постои и лесно може да ви го уништи животот appeared first on plusinfo.mk.

Многу боли неправда нанесена од моќник и газење на сопственото културно наследство (составен дел на идентитетот).

Во право е Кирјакос и кога вели дека поставувањето на таканаречените „Елгинови“ столбови во Британскиот музеј е како да го пресечете лицето на Мона Лиза на два дела.

Има уште подобар пример кој што можел да го искористи грчкиот премиер. Поставувањето на таканаречените „Елгинови“ столбови во Британскиот музеј е како насилно да преименувате една земја во „Северна…“ против волјата на нејзиниот народ.

На „Елгиновите“ столбови местото им е во Атина, во прекрасниот Музеј на Акропол, исто како што нашето име е Република Македонија!

Ќе дојдеме полека и до правда за Грција, но и до правда за Македонија!

(Фејсбук статус на авторот, на веста дека Велика Британија не сака на Грција да ѝ ги врати скулптурите кои Британците во 19 век ги отклесале од фасадата на древниот грчки Партенон на ридот Акропол во Атина)

МИЦОТАКИС НЕ ДОБИ НИТУ „С“ ОД СКУЛПТУРИТЕ ОД ПАРТЕНОН Сунак ја откажал средбата, Британија не е расположена да го врати украденото

The post Ве боли за скулптурите од Акропол? Е и нас нѐ боли што нѐ преименувавте во „Северна“! appeared first on plusinfo.mk.

– Апсолутно, целосно поддршка моја лична до семејството. Јас знам дека Миле е храбар човек, и ќе издржи, и покрај оваа тортура на семејството што му се случува, од овие луѓе кои што ова му го прават на Миле, на семејството на Миле, но и на сите оние семејства кои што денеска се жртви на оваа криминална влада на ДУИ и СДСМ, тука се и луѓето кои што се дел од „27 април“, и многумина други сега да не ги споменувам. Ќе треба да одговараат сите оние кои што ја донесоа оваа неправда кон овие луѓе уште во првите 100 дена од владата на ВМРО-ДПМНЕ – нагласи Мицкоски.

The post НА МИЛЕ ЈАНАКИЕСКИ МУ СЕ СЛУЧУВА ЦЕЛОСНА НЕПРАВДА Мицкоски за пресудата за поранешниот министер за транспорт appeared first on plusinfo.mk.

Нѐ чека тешка зима – дефицитите на јавниот сектор се огромни, структурните слабости се несовладливи дури и на среден рок, а зависноста од надворешните шокови е непремостлива, смета Петар Гошев, поранешен министер за финансии и поранешен гувернер на НБРМ. Искусниот економист за ДВ ги сподели неговите ставови за актуелните економски предизвици со кои е соочена земјата. Дел од нив се резултат на екстерни шокови, но останатите ги смета за резултат на повеќедецениско отсуство на соодветни домашни политики.

ДВ: Само пред неколку месеци се надевавме на пресвртна точка, по што економијата ќе тргне по нагорна линија, но пандемијата ја заменија други тешки проблеми. Имаме ли капацитет да се справиме со нив?

Петар Гошев: Не се исполнија очекувањата дека со ставањето под контрола на пандемијата, економијата повторно ќе ја фати нагорната линија и дека инфлацијата ќе се смири. Напротив, на светската економија, или на онаа во најразвиениот дел од светот, повторно ѝ се заканува состојбата од седумдесеттите години на минатиот век, означена со терминот „стагфлација“ – застој или пад на економската активност, проследен истовремено со поголем или помал раст на цените.

Во случајов, мислам на раст на цените кај најразвиените земји кој е највисок во последните 40 години, близу толку, околу 35 години, и во Македонија, а ќе видиме дали ќе се случи и истовремен пад на економската активност и во колку држави. Причината за тоа е јасна: бруталната инвазија на Русија врз Украина, која дополнително ги поремети не само транспортните синџири за снабдување на пазарите во светот, туку и директно влијаеше на уште поголемото зголемување на јазот помеѓу понудата/произведеното и побарувачката на двете главни групи на производи – енергенсите и храната.

Земјите со повисок степен на „самодоволност“, кои се помалку зависни од увоз и извоз на стоки и услуги, како и оние со поголем фискален капацитет, полесно ги амортизираат ударите од секоја, па и од оваа криза, во споредба со други далеку поотворени увозно-извозни економии, каква што е, на пример, и Македонија.

Меѓутоа, високата зависност од стоки и услуги од увоз, вклучително и од енергенси и храна, не е произлезена (барем не кај сите земји) од некоја географска хендикепираност. Или пак, кога станува збор за драматично руиниран фискален капацитет на една држава. Во некои земји политичките гарнитури, како и во нашата, мора многу упорно и подолго време да „вложувале напори“ за да ги доведат нивните земји во таква положба.

ДВ: Што најмногу ја отсликува таа неповолна положба, на која укажувате?

Петар Гошев: Во Македонија повеќе од четири децении не е изграден енергетски капацитет (занемарливи се Козјак и Света Петка) што значи дека толку децении е зголемувана нашата енергетска ранливост и зависност од увоз. И не само што не е одржувано и зголемувано производството на електрична енергија, туку, само од 2010 година наваму е намалено за речиси една третина. Исто толку децении, поради отсуство на соодветни политики ја имаме зголемувано и зависноста на земјата од увоз на храна, независно од тоа што во последните десетина години се исплатени над една милијарда евра на име земјоделски субвенции.

Воопшто не помогна ни тоа што безброј пати сме говореле дека енергијата и храната се безбедносни прашања од највисок ред, како ни постојаните укажувања од некои поединци – меѓу нив и мојата маленкост, дека фискалната политика секогаш мора да има простор за одговор кога економијата непланирано ќе ја погодат некои интерни или екстерни шокови. Ништо од сето тоа, како и историјата на бројни примери за масовно гладување во свето,т не допре до „тврдите уши“ на одговорните гарнитури во нашата држава.

Многупати беше поставувано прашањето: како е можно јавниот долг од 2008 до 2022 година да биде зголемен од 23% на близу 60% од БДП, а дефицитите во посочените сектори (енергија и храна) и девастацијата на јавното здравство, образованието и патната инфраструктура да стигнат до денешениот степен?

Па, еве како е можно, да повториме, зашто и тоа не е непознато. Македонија во последните 32 години нема ни годишни, ни среднорочни, ни долгорочни планови за ниту една важна област. Одвреме-навреме, под притисок на странците ќе се произведеше по некој материјал – „хартија што трпи сé“, со злоупотреба на зборот „стратегија“, но тоа главно имаше и има важност до завршувањето на прес-конференција на која се обзнанува важноста на „хартијата“ и направената „фотка“’ за овековечување на ликот на случајните функционери.

Македонија, односно гарнитурите што се менуваат на власт во трите изминати децении, не се бавеа со „дисциплината“ управување со макроекономските ризици, како и со прашањето на одделните секторски структурни дефицити во стопанството, освен кога за време на кратките посети на експерти од меѓународни институции станувало збор за тоа. Но, тоа завршувало само како запознавање со важноста на таа тематика, и запомнато до моментот на траење на средбата со наведените.

Македонската власт во континуитет не гради институции. Разградува. Нашиот систем во суштина е „систем свој човек“. Го немаш ли, тешко ти се пишува. Деградираните институции – лишени од знаење и одговорност, како и планетарната корупција која се претвори во „најпрестижна дејност“, се главната причина за претворањето на Македонија во една голема надземна септичка јама.

Во Македонија нема партиски плурализам. Има конкуренција на олигархии. Постоењето на конкурентски партии подразбира постоење на различни политички програми. На олигархиите не им се својствени политичките програми. Нив ги интересира само присвојувањето на националното богатство и јавните пари, ги интересира спиралата пари-моќ-пари и јавното добро час поскоро да стане приватно.

ДВ: Во таков амбиент, може ли земјата да се справи со тековните предизвици, меѓу кои и инфлацијата?

Петар Гошев: Таа стана независна варијабла од домашните институции. Народната банка може да ја скроти, но само по неприфатлива цена, зашто таа може да делува врз побарувачката, но не и врз понудата, а овојпат се работи за тоа – за осакатената понуда од светските џандари и од нашата исчезнувачка држава. Па така, како што комунистите во првата половина на минатиот век чекале секоја вечер да слушнат на радио дека капитализмот пропаднал, ние треба да чекаме вести дека цените на светските пазари се смириле, зашто Русија престанала да војува со Украина, зашто пандемијата веќе не ги попречува економските активности на нашите снабдувачи со енергија и храна, зашто се надеваме дека Америка и Кина нема да ја компликуваат ситуацијата…

И сето тоа што е спомнато да се смири, ние сега ќе ја платиме цената од залудно арчените и безочно ограбуваните јавни пари на државно и локално ниво, зашто заврши ерата на евтини пари за позајмување, но не заврши нашата голема зависност од зајмувањето кредити, не само за инвестирање, туку и за одржување каков таков социјален мир според дефиницијата „преживување“.

ДВ: Владата најави реформи со кои ќе се зголеми даночната основа и веќе ги доби првите негативни реакции од бизнис заедницата. Сметате ли дека најавениот предлог нуди поправичен и пофер пристап?

Петар Гошев: Оваа влада дојде со многу ветувања. Меѓу нив беше и ветувањето за реформа на даночниот систем, за поправичен и пофер од досегашниот, кој зафаќа повеќе од сиромашните, наместо од богатите, кој всушност е регресивен. А поправичен може да биде само ако се воведеше значително прогресивно оданочување. Започна во тој правец, на начин „да не ги боли многу“ даночните обврзници. Олигарсите го урнаа и тој почеток за само шест месеци. Потоа овозможи масовно ограбување на сиромашните преку приватното здравство и некои други дејности. Не покажа никаков рефлекс за интервенција (барем индиректна) на порастот на цените на становите, гледајќи мирно – повторно во интерес на градежната мафија – како таа прави екстра профити и го доуништува животниот простор, создавајќи потенцијални услови за станбен меур, со сите ризици.

И, откако ги пропушти сите поволни периоди за даночна реформа, сега, испаничена од дупките во буџетот, по којзнае кој пат, ја најави истата. Но, ни кажа дека „најверојатно нема да има воведување на прогресивно оданочување“ што ќе го „провереле преку јавната дискусија со даночните обврзници“. Како и досега. Од најавата на можните „новини“, се гледа дека поворно се нуди некаква козметика и тоа не во погоден момент. Моето мислење е дека подмитените не можат да им наметнат даночен систем раководен од јавен интерес, на подмитувачите, на своите клиенти или на своите бизнис партнери.

Нѐ чека тешка зима. Дефицитите на јавниот сектор се огромни. Структурните слабости се несовладливи дури и на среден рок. Зависноста од надворешните шокови е непремостлива. Администрацијата е онемоќена, претворена во голем хендикеп за економскиот развиток. Потврда – дека последиците од злосторството најчесто го надживуваат злосторникот.

(Насловот и опремата на текстот се редакциски)

The post МАКЕДОНИЈА СЕ ПРЕТВОРИ ВО ЕДНА ГОЛЕМА НАДЗЕМНА СЕПТИЧКА ЈАМА Остри критики на Петар Гошев во интервју за Дојче Веле appeared first on plusinfo.mk.

Деновиве, ме восхити изјавата на некој грчки политички паликари – ХАМЕНО Грк, кој себе се доживува како наш дародател, кој се попишманил: „Мега грешка беше ДОДЕЛУВАЊЕТО на македонскиот идентитет и јазик“.

Значи, од глупаци страда општо-светската политика и ќе страда… сѐ додека на власт се докопуваат неграмотни, како овој ТРАЛОС Грк, кои сметаат дека јазикот и идентитетот на еден народ кои се стекнати и со завештание наследени духовни белези, како материјални потрошни добра може да се доделуваат налик на милостиња која се раздава на раскрсница. Му препорачувам на тоа ГАЈДУРИ, „на мин фаи ската…“, да почека… зашто блиску е времето кога ќе го поништиме Преспанскиот договор, а тие, нашите, што го договорија и потпишаа… на плоштад, за јајцата ќе ги окачиме под панделката на Букефал.

Загрижени за себе, повторно зачестија наменските порако-наредби на влијателни политички силеџии, решени со инка да ни го нагнетат срамниот бугарско-француски фалш. И визитари од Макроновата клиника за душевни болести, кои со силата на авторитетот произлезен од функцијата која ја обавуваат а не од паметот кој го поседуваат, жалните, ни доаѓаат како пациенти во свој приватен санаториум, за преку говорно празнење со шогодериите зборови упатени на нас, да си ја примаат терапијата – го лечат комплексот, стравот од Русите, кои тренирајќи маратон на Црното море, дан… по грешка се префрлат на „нивен терен“… на оваа – Бугарската страна на Црноморскиот брег…

Затоа – „што да страдам јас, страдај ти!“ – спрема нас Македонците се однесуваат како да сме толпа малоумници… Затоа фашистичкото слово на Бугарите го прифатија и бесрамно го прогласија за европски критериум… Затоа од европското дувло, подбоцнато од подмижаниот дооден „наш стратешки партнер“ (за тоа, фала ѝ, ја чувме и Дрнц…), влекачи со сила на авторитет, – надве-натри се забрзаа да ни ги наметнат бугарските геноцидни барања како европски дар… Затоа на смени, со визити ни го погануваат возглавјето – денес еден, вчера двајца, утре друг… сите, кој од кој бесрамни тезгароши и веќе прочитани лажговци…

Во истиот оклоп е згрижена и импресивната одлуката на ЕУ да ја „прими“ Украина во своите редови, само не знам – со која територија? – Онаа од пред месеци, или сегашната, односно утрешната!? Па, ме јаде јанѕа… – Дан сакаат итрите мајмуни, и НАС, од слична милост, НЕКОГАШ, да нѐ примат… – „ка препраени суроичари…“?

Намерно во продолжение ќе ја сменам содржината, останувајќи на истата тема, дека – насилието кое е одраз на ментална немоќ и правдината од која се раѓа и опстојува сета питомија на човековата свесност, не одат заедно, туку се начекуваат на паралелните патеки по кои се движат. – Силата руши, а неуморната Правда врз рушеното гради мостови… па ќе ви раскажам за неправдата произлезена од силата, одамна нанесена на мојата детска душа која и денеска ја чувствувам…

Еве како беше тоа:

– Ден пред Божиќ, доцна ноќта брат ми се врати од тригодишното „отслужување“ на Голи Оток. Мајка цела ноќ не легна чекајќи го. Сабајлето ме скорна за на училиште и ми рече тивко да се спремам за да не го разбудам братот кој си дошол од војска.

Во школскиот двор на Основното училиште „Маршал Тито“, во Тетово, одделенијата веќе беа построени едно до друго и го чекаа ѕвончето и знакот од дежурниот учител за да влезат во училниците. Како повисока од другите деца се строев во првиот ред од моето одделение, секогаш со другарчето Кире, чиј татко беше исто така по Информбирото на Голи Оток. Затрчана, застанав до него во редот и немав време ниту да го погледнам од возбудата што доцнев, кога пред нас се исправи Верица, ќерката на нашата учителка која учеше со нас во одделението, го испогледа оддолу нагоре Кирета, изненадно му удри една шлаканица и влечејќи го за јаката од палтото го истурка на последниот ред од стројот, гласно корејќи го: – „Што си се дотерал за Божиќ, а?“. Со вцрвенет образ, местејќи си ја јаката, Кире тивко одговори: – „Татко ми синоќа се врати…“. – „А, од кај се врати татко ти, а?“ – го праша таа. – „Па, се врати…“ – прошепоте Кире со погледот в’земји, избегнувајќи да каже од каде.

Дежурниот учител како и сите ние децата, бевме неми свидетели на настанот, кога како среќен миг силно заѕвони ѕвончето во рацете на прислужникот, а учителот ни даде знак да влеземе во училниците. Замислен, Кире последен влезе, го извади палтото, го здипли полека и го смести под клупата. Потоа исчекори сред училницата и се упати право кон Верица (која како ништо да не било, во очекување на мајка ѝ беше седната на нејзиното место – на катедрата, обидувајќи се како учителка да ја стиши викотницата во училницата), ја фати за косата и со тргање ѝ ја скуна главата до душемето, потоа ја легна на грб и со коленото ја стисна на градите, велејќи ѝ: – „Сакаш да знаеш од каде дојде татко ми? – Од затвор, од затвор, од затвор дојде…“.

Како ги повторуваше зборовите, така посилно ја гмечеше по градите, дури Верица не почна да се задушува. Навреме влезе учителката, го грабна Кирета за увото, го исправи пред таблата, потоа го завлече да клекне на колена пред неа и почна со највисок глас да го прашува зошто ја нападна Верица, која остана на душемето да вреска и да чука со нозете.

По сѐ изгледа поради вревата, одеднаш влезе директорот и возбуден од глетката застана до учителката, и ѝ ја одмени раката од увото на Кирета, прашувајќи го, исто така, што се случило. Кире молчеше. Сите молчевме. Учителката го зеде стапчето во рака кое секогаш го носеше под мишката, врз дневникот, па мавтајќи горе-долу со него кон нас учениците, почна да нѐ испрашува за настанот.

Настана штама во училницата. Сите деца почнавме да се гледаме еден во друг и кога по ред почнаа и директорот и учителката да ни поставуваат вкрстени прашања, во ушите почна да ми одѕвонува истиот одговор: – Не знам…! Не видов, не видов, не видов…!

Кога дојде редот на мене да одговорам на истото прашање, ја кренав скунатата глава и избегнувајќи да гледам во учителката и директорот, не сакајќи се сретнав со погледот на мојот другар, кој скршен од болка, ококорен во очите, чекаше дали и јас ќе ја повторам лагата на останатите. Јас упорно молчев. Учителката нетрпеливо почна да ме трга за косата и да ми ја потресува главата, за да одговорам, посебно поради тоа што јас бев во редот со него, па во еден момент ги тргнав очите од Кирета и вперувајќи ги во учителката, гласно реков: – „Верица го истрга од редот“ – покажувајќи со прстот кон Кирета – „затоа што е празнично променет… и без причина му удри шлаканица… и му зборуваше за татко му… и го срамеше пред сите…“.

– „Доста!“ – во еден глас викнаа и учителката и директорот кој како поглавен и посилен, авторитетно го грабна стапчето од раката на учителката, ме истрга за раката пред него и ми заповеда да клекнам на колена со испружени дланки кон него, па, наизменично ми удри по пет стапа на двете раце.

Збунета и навредена, по фустанче истрчав од училницата право дома (живеевме во првото сокаче карши школото) и плачејќи легнав на скутот од Мајка, која седеше на душемето и муабетеше со брат ми. Плачев и ѝ раскажував што ми се случи, молејќи ја да дојде со мене на училиште и да ги искара директорот и учителката.

Таа ме ислуша галејќи ме по косата, смирена и навидум рамнодушна, што уште повеќе ми ја зголемуваше болката во душата и во (до крв) вцрвенетите дланки, па одбивајќи да ме допрати до училиштето, рече:

– „Не се враќај сега назад… Исплачи се… и запамети: – Има моменти кога нема избор меѓу силата и правдината. Тогаш и каменот молчи во темелот, иако не е нем… но, и во тој, првиот момент кога силата е во подем, човекот од длабината на душата се фаќа во костец со злото кое го снашло и му се спротивставува, не борејќи се против него исто така со сила, туку трудејќи се да ја разбере нанесената неправда сосе причината за нејзиното постоење. Во разбирањето е чарето таа да се надмине, да спласне како истушен балон и да исчезне, исто како што мракот се истерува со палење на светло, а не со рака…

А, правдината секогаш е појака од силата затоа што таа е духовен предзнак кој не се губи, туку само расте, и додека силата се смалува, таа станува видна како висока планина. Со време, никој не може да ја руши, уште помалку да ја скрие, посебно, ако се потпираш на сопствената душа, која ја имаш ако претходно не си ја раздал… Никогаш човек не е толку полн со себе и свесен за себе, како кога е во душевна болка од нанесена неправда… како ти, сега… Но, токму тоа болно искуство за тебе е корисно, бидејќи те води кон растот на твојата самосвест. Еве, – дали го чувствуваш… поточно, дали помислуваш на носот кој ти виси на твоето лице додека не те заболи… пример – каснат од оса…?“ – се поднасмеа Мајка, милувајќи ме и со дланката бришејќи ми го носот и реката солзи…

Така Мајка ми зборуваше, а јас ништо не ја разбирав… Нејзините зборови не беа за да ме утеши, туку за да ми помогне – како растам, така да ги сфаќам, а потоа на мој начин и да ги примам животните случувања:

– Ти беше храбра – продолжи таа – и пред сите ја кажа вистината која што ја доживеа… иако на крајот испадна жртва… а, жртвата е понајчесто виновна! Сепак, за твојата храброст треба во себе да бидеш горда, бидејќи, од нејзините пазуви се раѓа слободарскиот дух на човекот, а тоа е богатство кое нема цена. А, мала си да знаеш дека мудроста не е во храброста, туку е во….

Не го запаметив последниот збор со кој го заврши разговорот Мајка.

Ако ме прашате, и денеска не би знаела да кажам кој би можел да биде…

The post Силата и правдината appeared first on plusinfo.mk.