Жената која беше видена како лежи неподвижна во центарот на Охрид во понеделникот, 14 април, се здобила со повреди од удар со мопед кој го управувал 14-годишник, информираше охридската полиција.

Според новите детали 58-годишна Н.Р. возела велосипед  кога била удрена од мопед на крстосницата на булеварот Туристичка со улицата Даме Груев. Несреќата се случила на самиот пешачки премин.

Со повреди завршил и 14-годишникот.

„Двајцата се здобиле со телесни повреди, констатирани во болницата „Св.Еразмо“ и Општата болница во Охрид. Увид на местото на незгодата извршија полициски екипи“, се вели во полицискиот билтен.

И двете лица се од Охрид.

ЖЕНА ЛЕЖИ НЕПОДВИЖНА НА ПЕШАЧКИ НА „ТУРИСТИЧКА“, ЈА УДРИЛ МОТОЦИКЛ Страшна несреќа на најпрометниот булевар во Охрид

The post МАЛОЛЕТНИК СО МОПЕД ЈА УДРИЛ ЖЕНАТА КОЈА ЛЕЖЕШЕ НЕПОДВИЖНА СРЕДЕ ОХРИД Во болница и на двајцата им се констатирани повреди appeared first on plusinfo.mk.

Во октомври минатата година, канадската музичка дива Селин Дион ги растажи и ги загрижи обожавателите ширум светот кога ги откажа долго најавуваните концерти во Лас Вегас, а неодамна мораше да го откаже и продолжението на турнејата „Храброст“, која ја планирала за Северна Америка. Причината се нејзините здравствени проблеми кои, според зборовите на нејзината пријателка, ја врзале за креветот.

Селин веќе некое време боледува од, како што пишуваат медиумите, „тешки и постојани грчеви во мускулите“, а состојбата не  ѝ се подобрува. Покрај тоа, пејачката се чувствува полошо.

– Се чини дека никој не знае што не е во ред. Таа е апсолутно скршена што мораше да ги откаже концертите, многу е вознемирена поради оваа ситуација. Отсекогаш била здрава, па ова е вистинска пресметка за неа. Нејзиното семејство се опоравува од почетниот шок, особено нејзините три сина, кои го загубија таткото пред шест години – истакна неименуваниот пријател на Селин.

Според News.in, таа повеќе не може да стане од кревет, а нејзината пријателка истакнала дека болката во нозете и стапалата со кои се бори пејачката е толку силна што целосно ја парализира. Селин, како што додала, нагло ослабела, па затоа ѝ станува сѐ потешко да се грижи за децата.

Неодамна беше откриено дека работата на пејачката донекаде придонела за влошување на нејзината состојба.

– Сака да настапува на највисоко ниво, а нејзиниот напорен распоред би си го земал данокот од секого. Таа е силна, но не е супермен – истакнал неименуван извор близок до Селин Дион.

Таа неодамна им се обрати на своите фанови на Инстаграм, истакнувајќи дека е оптимист.

– Мислев дека досега ќе закрепнам, но се чини дека морам некое време да ги слушам советите на докторот и да бидам трпелива. Едвај чекам да оздравам и да се вратам, како на секојдневието, така и на сцената – изјави Селин и им се заблагодари на сите за поддршката.

The post ПОВЕЌЕ НЕ МОЖЕ НИТУ ДА ОДИ Влошена здравствената состојба на пејачката appeared first on plusinfo.mk.

Славната актерка можела да умре или да ја загуби ногата, откако се повредила во африканската прашума во Конго, каде отишла да учествува во истражувачкиот камп кој се занимава со мајмуни бонобои. За среќа, во тој момент покрај неа се нашле локалните жители кои ѝ помогнале

Поминала пет часа во болки, откако коската ѝ била вратена во првобитната положба, но трпела неподносливи болки.

Пред неколку дена таа ги израдува своите фанови што работите се подобруваат, како и дека до пред еден месец само плачела и не можела да го мрдне стапалото, но со помош на двомесечна терапија успеала да застане на нозе и додала дека му се враќа на пешачењето во природа.

 

View this post on Instagram

 

A post shared by Ashley Judd (@ashley_judd)

– Пријатели. Без моите браќа и сестри од Конго, моето внатрешно крварење веројатно ќе ме убиеше и ќе ја изгубев ногата. Се будам плачејќи во знак на благодарност, длабоко допрена од секој човек кој придонесе за нешто што даде живот и го спаси духот за време на мојата исцрпувачка 55 -часовна одисеја – напишала актерката во објава на Инстаграм во која им се заблагодари на сите помошници и ги опиша како вистински херои.

 

View this post on Instagram

 

A post shared by Ashley Judd (@ashley_judd)

ФОТО: Инстаграм

The post По пет месеци славната актерка успеа да прооди! (ФОТО) appeared first on plusinfo.mk.