Во состав на делегацијата се митрополитите Преспанско-пелагониски и администратор Австралиско-новозеландски Петар, Дебарско-кичевски и администратор Австралиско-сиднејски Тимотеј и Брегалнички Иларион.

Пред зградата на Светиот Синод на БПЦ делегацијата беше пречекана од митрополитот Старозагорски Кипријан, пренесува Литургија.мк.

Писмо со сочувство за упокојувањето на бугарскиот патријарх Неофит, до Светиот архијерејски синод на Бугарската православна црква, вчера упати поглаварот на Македонската православна црква – Охридска архиепископија, архиепископот Охридски и Македонски г.г. Стефан.

The post 📷 ПОСЛЕДЕН ПОЗДРАВ Македонски владици пристигнаа во Софија на опелото за упокоениот бугарски патријарх Неофит appeared first on plusinfo.mk.

Патријархот Неофит беше роден на 15 октомври 1945 година во Софија. На 03.08.1975 година беше постижан за монах во Тројанскиот манастир. На 25 март 1976 година беше ракоположен во чин јеромонах, а архимандритски чин добива на 21 ноември 1977 година. На 8 декември 1985 година во патријаршиската катедрала „Свети Александар Невски“ беше ракоположен во епископски чин со титула Левкиски и беше назначен за втор викар на Софискиот митрополит.

На 27 март 1994 година беше избран за Доростоло-червенски митрополит. Во 2001 година на Петтиот црковно-народен собир беше решено да се подели Доростолско-червенската епархија на Русенска и Доростолска епархија, а Неофит беше назначен за Русенски митрополит.

На 24 февруари 2013 година беше избран за 28 патријарх на Бугарската православна црква.

Нека му е вечен споменот на блаженоупокоениот патријарх Бугарски Неофит и Господ Бог нека го вброи меѓу праведниците во Царството Небесно!

The post СЕ УПОКОИ БУГАРСКИОТ ПАТРИЈАРХ Неофит беше 28. поглавар на БПЦ appeared first on plusinfo.mk.

Како што јави дописникот на МИА од Софија, според овие написи, Синодот на БПЦ смета дека МПЦ-ОА треба да се нарекува „Православна црква во Република Северна Македонија”.

Според медиумите, бугарскиот патријарх Неофит во своите диптиси на Божик ќе го вклучи и името на архиепископот охридски и македонски г.г. Стефан, но како „архиепископ скопски Стефан”, бидејќи БПЦ „не ја признава титулата со која што вселенскиот патријарх Вартоломеј ги прими во литургиско сослужување архиепископот Стефан и МПЦ”.

Бугарскиот црковен сајт doxologiainfonews.com наведува дека Синодот на БПЦ го оспорува името на Македонската православна црква – Охридска архиепископија, бидејќи според Статутот на БПЦ „правен наследник на Охридската архиепископија е Бугарска патријаршија”.

На заседанието на Синодот, не било разгледано прашањето за признавање на автокефалноста на Православната црква на Украина доделена од Вселенската патријаршија.

Медиуми во Софија ги критикуваат ваквите ставови на членовите на Синодот на БПЦ оценувајќи дека тие најверојатно се усвоени под влијание на раководителот на Одделот за надворешни работи на Московската патријаршија, митрополитот волоколамски Антониј, кој минатата недела престојувал во посета на Софија и неколку епархии во Бугарија. Според овие написи, митрополитот волоколамски Антониј воедно на неколку митрополити од бугарскиот Синод „им дал инструкции” да не ја признаваат Православната црква на Украина и томосот за нејзина автокефалност издаден од вселенскиот патријарх Вартоломеј.

Дописникот на МИА од Софија јави дека се очекува Бугарската патријаршија да излезе со официјално соопштение за заседанието на Синодот и за донесените одлуки.

Инаку, по одлуката на Вселенската патријаршија за примање во канонско единство на МПЦ-ОА, БПЦ во јуни годинава реши да ја признае нашата Црква и да влезе во канонско единство со неа.

The post БПЦ ЈА ПРИЗНА АВТОКЕФАЛНОСТА НА МПЦ-ОА, НО НЕ И ИМЕТО? Патријархот Неофит ќе го спомнува г.г. Стефан како „архиепископ скопски“ appeared first on plusinfo.mk.