Пациентите во Србија би можеле да ја примат новата вакцина против рак развиена во Русија до крајот на 2026 година, доколку навреме се потпише договорот за соработка меѓу министерствата за здравство на двете земји.

Ова го изјави српскиот министер задолжен за меѓународна економска соработка Ненад Поповиќ, кој најави дека Србија би можела да биде меѓу првите држави каде што ќе се применува оваа нова терапија базирана на mRNA технологија.

Според него, темата била разгледувана на состанокот со рускиот министер за здравство Михаил Мурашкo во февруари 2026 година, кога се разговарало за можностите за примена на најсовремените руски терапии за лекување онколошки пациенти.

Поповиќ изјави дека руската страна планира првите пациенти во Русија да почнат да ја примаат вакцината уште оваа година. Доколку тоа се случи во мај и договорот со Србија биде брзо потпишан, тогаш првите пациенти во Србија би можеле да ја примат вакцината веќе до крајот на годината.

Тој нагласи дека не се работи само за поединечни случаи на примена на вакцината, туку за воспоставување поширока медицинска соработка меѓу двете земји.

– Целта е да се создаде систем на медицинска соработка меѓу Русија и Србија во интерес на сите граѓани на Србија – изјави Поповиќ за руската новинска агенција РИА Новости.

Според него, пред реализацијата потребно е да се потпише меѓудржавен договор, што претставува сложен процес кој се одвива во неколку фази.

Во рамки на подготовките, во првата половина од 2026 година делегација од српското Министерство за здравство, Владата и водечки медицински институции ќе ги посети руските научни центри „П.А. Херцен“ и „Н.Ф. Гамалеј“

Целта на посетата е српските експерти одблиску да се запознаат со процесите на дијагностика, лекување и производство на персонализирани mRNA вакцини против рак.

The post НОВА НАДЕЖ ЗА ОНКОЛОШКИТЕ ПАЦИЕНТИ ВО СРБИЈА Руската вакцина против рак ќе пристигне до крајот на годината appeared first on plusinfo.mk.

Поповиќ изјави дека делегацијата, во која се претставници на Министерството за индустрија, Фондот за директни инвестиции и Руската агенција за лекови, е задоволна од она што го видела во Торлак, соопштија од неговиот кабинет.

– Првата фаза е прелиминарно одобрена и таа можност постои за два или три месеци, со мали измени. За неколку дена ќе добиеме писмен извештај – кажа Поповиќ, кој со тимот на руски експерти ја посети лабораторијата во Торлак.

Тој прецизираше дека првата фаза на производството вклучува транспорт на супстанцијата од Русија, полнење на ампули на Торлак и пакување и дистрибуција на вакцината во Србија и во регионот.

Поповиќ кажа дека во следните 10 или 15 дена, во Србија ќе дојде друга група експерти од Русија за да ги утврдат можностите за втората фаза на производство, односно целосниот циклус на производство во Торлак.

– Што се однесува до втората фаза, потребни ни се уште неколку посети со цел да имаме целосни технички информации за тоа што е потребно, но според прелиминарните информации и заклучоците на рускиот тим, таа фаза е многу можна, – кажа Поповиќ.

The post Руските експерти ја одобрија првата фаза на производство на Спутник V во Србија appeared first on plusinfo.mk.