Кога Зенит губеа со 19 разлика, никој не очекуваше чудо – освен Ненад Димитријевиќ. Со магична четвртина, македонскиот плејмејкер целосно го сврте мечот и го однесе клубот во финале на ВТБ Суперкупот во Арена Београд.

Тимот од Санкт Петербург бил на колена по тројките на Џанан Муса и Коста Кондиќ, кои го довеле Дубаи до огромна предност. Но, шоуто на Нено започнало кога било најпотребно.

Во последната четвртина погоди неколку клучни тројки, подели 8 асистенции и со само 24 минути на терен постигна 23 поени. Зенит на крајот победи со 107:103, а Трент Фрејзер погоди од далечина 27 секунди пред крај – тројка што го заклучи пресвртот.

Иако најмногу поени за Зенит постигна Алекс Појтрес (25), Нено го сменил текот на мечот. Во финалето ќе играат против најголемиот ривал ЦСКА Москва.

ВТБ лига (VTB United League) е професионална кошаркарска лига основана во 2008 година, во која играат врвни клубови од Русија и неколку други земји од Источна Европа и Евроазија.

The post 📽️ МАКЕДОНЕЦОТ НЕНО НАПРАВИ МАГИЈА ВО ДУБАИ Зенит ќе игра финале, уништен е милионски проект appeared first on plusinfo.mk.

Кошаркарскиот репрезентативец на Македонија, Ненад Димитријевиќ пред претставниците на медиумите изјави дека едвај чека да дојде мечот со Естонија од квалификациите за Евробаскет 2025 и дека тимот на машката сениорска репрезентација ќе биде подготвен.

– Естонија се незгодна екипа. И минатите квалификации имавме проблеми со нив, но мислам дека имаме доста квалитети, во некој налет да направиме успех и да направиме изненадување на нивниот терен. Мислам дека сме подготвени и едвај чекам да дојде денот на натпреварот – посочи нашиот најдобар кошаркар.

Сениорите денеска го одржаа првиот собир со кој означи почеток на мини-подготовките кои ќе ги одржи во Скопје во пресрет на последните два натпревари од овој циклус на квалификации. Димитријевиќ верува дека заедносо Ти Џеј Шортс ќе се навикнат еден на друг и ќе направат да профункционира врската за успех на репрезентацијата.

– Мислам дека до натпреварот со Естонија ќе бидеме подготвени. Прво мислам дека треба да бидеме пофизички подготвени. Кошарката оди во тој правец, Естонија покажа дека е доста физичка екипа, што сака да трча и имаат играчи на секоја позиција, дури и евролигашки играчи. Треба да бидеме подготвени за нивната енергија и нивната физикалност и да одговориме на тоа. Мислам дека тоа е најважно. Треба да одиме со помисла дека треба да победиме, не да чекаме што ќе се случи. Треба да излеземе од прва минута за победа – заклучи Димитријевиќ.

Неговиот сорепрезентативец Ти-Џеј Шортс изјави дека е подготвен да им помогне на соиграчите од националниот тим во походот кон Евробаскет 2025.  Возбуден е што пак ќе игра за Македонија и се надева дека ќе помогне за победа над Естонија и Полска.

– Мене ми е исто дали играм за Париз и Македонија, ќе се потрудам да помогнам. Нено (Димитријевиќ) е лидер на тимот, а јас ќе го дадам се за да му помогнам и да го симнам товарот од него. Не сакам да зборувам за очекувања, туку сакам да помогнам да се победува. Знам дека Естонија е млад и гладен тим за успеси. Ќе мора да имаме добра енергија, затоа што знам дека имаат одлична публика. Последен пат кога играв со Естонија во дресот на Македонија, го почувствував тоа. Ни зададоа удар многу рано и бевме во проблеми. Сега сакам да биде поинаку – вели Шортс.

Селекторот Александар Јончевски, изјави дека мислите се насочени кон гостувањето во Естонија.

– Во моментов размислуваме само на Естонија и на натпреварот кој мора да го добиеме за да одиме понатака, а за Полска ќе се подготвуваме по Естонија. Имаме мотив, имаме желба, составот можеби не е во најпосакуван изглед по моментов. Имаме среќа што Ненад Димитријевиќ е со нас, тука го имаме и Ти-Џеј Шортс. Се надевам дека како тандем ќе функционираат беспрекорно и ќе дојдеме до победа. Со Јакимовски сум во контакт, имавме позитивни одговори од Колорадо затоа што имаа минимални шанси да се квалификуваат понатаму. Но, пред скоро добивме порака дека тимот има шанси да оди понатаму. Се надевам дека ќе се појави тој во Талин и ќе го имаме на располагање. За разлика од претходниот циклус, го имаме Теодор Симиќ, кој се надевам дека ќе помогне за игра под кошевите, најголемиот проблем кој го имавме претходно со такви физички репрезентации. Тука гледам наша шанса и за некоја брза игра, да ги бркаме тие пет поени негатива во Талин – истакна Јончевски.

The post ЕСТОНЦИТЕ СЕ НЕЗГОДНИ, ТРЕБА ОД ПРВА ДА ГИ ПОБЕДИМЕ Димитријевиќ верува дека ќе успее тандемот со Ти Џеј Шортс appeared first on plusinfo.mk.

Македонската кошаркарска репрезентација загуби од Литванија со 94-72 на мечот во гости во Клаипеда. Водството од плус 22  поени Литванците го добија во последната четвртина. Во првите три делови од мечот Македонија беше во водство, а на моменти имавме и водство од плус шест поени.

На шест минути од крајот на мечот, Ненад Димитријевиќ, најистакнатиот македонски репрезентативец на мечот, го повреди мускулот и мораше да го напушти теренот.

Македонија уште има шанса да се пласира на Европското првенство ако во февруари ја победи Полска дома и ако ја победи Естонија на гости со повеќе од 5 поени разлика.

The post МАКЕДОНИЈА ПО ВТОРПАТ ПОРАЗЕНА ОД ЛИТВАНИЈА Последната четвртина беше клучна за Литванците appeared first on plusinfo.mk.

Тренерот Еторе Месина говореше за македонскиот плејмејкер и застана во негова одбрана.

– Верувам дека сите момци и Димитријевиќ имаат квалитет и верувам во него. Ајде ние да продолжиме да работиме, па ќе го достигнеме нашиот целосен потенцијал – изјави тренерот на италијанската екипа Олимпиа Милано.

The post ДИМИТРИЈЕВИЌ ИМА КВАЛИТЕТ И ВЕРУВАМ ВО НЕГО Месина застана во одбрана на македонскиот плејмејкер appeared first on plusinfo.mk.

Македонецот за 35 минути поминати на теренот постигна 16 поени, 6 асистенции и 6 скока.

Димитријевиќ и претходните две сезони има освојувано индивидуални признанија (МВП) настапувајќи во руската ВТБ лига за УНИКС Казан.

The post НЕНО ПОВТОРНО РАСТУРИ Димитријевиќ е МВП на италијанскиот Суперкуп appeared first on plusinfo.mk.

Македонскиот кошаркар Ненад Димитријевиќ по две години го напушти УНИКС, соопштија од рускиот клуб.

По две сезони во редовите на Уникс каде се афирмира како лидер, а донесе и титула во ВТБ-лигата, Димитријевиќ тргнува во нов предизвик. 26-годишниот плејмејкер имаше фантастични бројки, но не ја продолжи соработката со рускиот клуб.

Во последната сезона од ВТБ-лигата, Македонецот одигра 50 натпревари во кои имаше статистика од 18,6 поени, 6,9 асистенции, 3,6 скока и 1,2 украдени топки по натпревар, за 30 минути во просек на паркетот. Беше МВП на регуларниот дел од сезоната, девет пати беше во идеалната петорка, а исто и во четвртфиналната и полуфиналната серија.

Како следна станица на Ненад Димитријевиќ се споменува „градот на модата“ каде се очекува да го облече дресот на Олимпија Милано и за првпат во кариерата да биде дел од Евролигата. Скопјанецот кој во минатото во повеќе наврати се поврзуваше и со Партизан, во кариерата играше за шпанските екипи Валенсија и Хувентуд.

The post НЕНО СИ ЗАМИНУВА ОД РУСИЈА По две години во Уникс, Димитријевиќ се сели во „градот на модата“ appeared first on plusinfo.mk.

Димитријевиќ одигра 35 натпревари за Уникс во регуларниот дел од сезоната, имаше просек од 19 поени, 6,6 асистенции, 3,6 скокови и 1,3 украдени топки.

Уникс првпат заврши на првото место во регуларниот дел од сезоната, а во одлучувачкиот меч за првото место против ЦСКА Москва, Димитријевиќ постигна дури 40 поени.

– За мене е голема чест да ја добијам наградата за МВП за регуларниот дел од сезоната на ВТБ Јунајтед Лигата 2023/24. Оваа година победивме на многу возбудливи натпревари и победивме во регуларниот дел од сезоната. Мислам дека ова е резултат на напорната работа на целиот тим. Би сакал да се заблагодарам на ВТБ лигата, на мојот тим УНИКС, на стручниот штаб предводен од Велимир Перасовиќ, на медицинскиот персонал и на нашите верни навивачи. Но, мојата најголема благодарност оди до моите соиграчи кои ми помогнаа да станам подобар играч – изјави Димитријевиќ.

The post ДИМИТРИЈЕВИЌ Е МВП НА СЕЗОНАТА ВО РУСКАТА ВТБ ЛИГА! Големо признание за Македонецот appeared first on plusinfo.mk.

Македонскиот кошаркар Ненад Димитријевиќ кој повторно е дел од националниот тим оптимистички гледа на вечерашниот дуел со Грузија во квалификациите за пласман на Светскиот Куп 2023 година.

Членот на шпанската Валенсија одработи неколку тренинзи, прво индивидуални, а потоа, по враќањето на тимот од Тбилиси, и „колективни“, па може да одговори на обврските кои ги носи еден ваков квалификациски натпревар.

– Претходните два-три дена правев третмани, се чувствувам многу подобро и подготвен сум да ѝ помогнам на репрезентацијата на натпреварот со Грузија. Мислам дека ќе биде различен меч од оној во Тбилиси. Играме дома, еве и јас можам да помогнам и се надевам на тотално поинаков развој на настаните. Сите веруваме во подобар исход, а атмосферата во тимот е најважна во вакви ситуации. Познато е дека Мек Фејден и Шермадини, неколку години играат на сериозно високо ниво во шпанската лига. И јасно е дека тие се најсилна страна на грузиската репрезентација. Затоа и ќе се обидеме да ги запреме колку е тоа возможно. Верувам дека можеме – истакна Димитријевиќ за веб-страницата на КФСМ.

Натпреварот е закажан за вечер со почеток во 20 часот во СЦ „Борис Трајковски“ во Скопје.

Вториот меч од 4.коло во Г-групата, Украина-Шпанија е одложен поради воената ситуација во земјата каде требаше вечерва да се игра тој натпревар.

The post МОЖЕМЕ ДА ЈА ПОБЕДИМЕ ГРУЗИЈА Димитријевиќ оптимист за вечерашниот натпревар appeared first on plusinfo.mk.

– Сезонава имам повеќе проблеми со повредите и затоа одиграв помал број натпревари и за Валенсија. Но, кога веќе дојдов тука ќе го дадам максимумот за да бидам подготвен за вториот натпревар со Грузија. Овие два натпревара се многу важни за нас, особено тој во Скопје. Треба да го одбраниме домашниот терен и да продолжиме да работиме за следните натпревари со Украина. Во професионалната кошарка нема млади и стари играчи, има само добри и лоши. Не чувствувам никаков притисок кога го носам националниот дрес, среќен сум што ме сметаат за лидер на оваа генерација – вели Димитријевиќ.

Македонските кошаркари се во Тбилиси, каде утре попладне против Грузија ќе го игра натпреварот од третото коло групата „Г“ од квалификациите за Светскиот Куп 2023 година.

Хендикеп за „црвено-жолтите“ е отсуството на селекторот Драган Бајиќ, кој е „позитивен“ на коронавирусот.

Дваесет и четиригодишниот Димитријевиќ не отпатува во Тбилиси, овие неколку дена ќе биде во Скопје и се надева на добра подготовка за натпреварот против Грузијците на 27 февруари.

The post НЕ ЧУВСТВУВАМ ПРИТИСОК Димитријевиќ е среќен што го гледаат како лидер! appeared first on plusinfo.mk.